ОСЕЛЬТАМИВИР АВЕКСИМА (Осельтамивир)

ОСЕЛЬТАМИВИР АВЕКСИМА

Осельтамивир

Дәрілік түрі, дозалануы

30 мг, 45 мг және 75 мг капсулалар

Инфекцияға қарсы жүйелік пайдаланылатын препараттар. Вирустарға қарсы жүйелік қолдануға арналған дәрілер. Вирустарға қарсы тікелей әсер ететін дәрілер. Нейраминидаза тежегіштері. Осельтамивир.

АТХ коды J05AH02

Тұмауды емдеу

Препарат тұмаудың өршу кезінде тұмауға тән симптомдар байқалатын ересектерді және балаларды, соның ішінде шала жаңа туған нәрестелерді емдеу үшін қолданылады. Егер ем симптомдар пайда болған сәттен бастап алғашқы екі күн ішінде басталса, препарат емдік әсерді қамтамасыз ететіндігі дәлелденген.

Тұмаудың профилактикасы

• аурудың өршу кезінде тұмаудың клиникалық диагнозы айғақталған пациентпен жанасудан кейін 1 жастағы және одан үлкен балаларда жанасудан кейін профилактика жүргізу үшін.

• тұмауды профилактикалау үшін қолданудың тиісінше тәртібі нақты жағдайларға және профилактикалық қорғанысты қажет ететін популяцияның сипатына қарай, әрбір нақты жағдайда белгіленеді. Төтенше жағдайларда (мысалы, егер айналымдағы вирустық штаммның мен вакцинаның құрамындағы штаммның үйлеспеуі орын алса, немесе пандемия жағдайында) 1 жастан бастап және одан үлкен кейбір балаларға маусымдық префилактика мүмкіндігін қарастыруға болады.

• препарат тұмау пандемиясының өршу кезінде 1 жасқа дейінгі балаларда жанасудан кейінгі тұмауды профилактикалау үшін қолданылады.

ОСЕЛЬТАМИВИР АВЕКСИМА препараты вакцинацияның орнын алмастыра алмайды.

Тұмауды емдеу және профилактикалау үшін вирустарға қарсы препараттарды қолдану ресми нұсқаулар негізінде жүргізілуі тиіс. Тұмауды емдеу және профилактикалау үшін осельтамивирді пайдалану туралы шешім әрбір маусым үшін дәрілік сезімталдық және әртүрлі географиялық өңірлерде және пациенттердің популяцияларында аурудың тигізетін ықпалы туралы қолда бар ақпаратты, вирустың айналымдағы штаммдарының белгілі сипаттамасын есепке ала отырып қабылдануы тиіс.

Қолдануды бастағанға дейінгі қажетті мәліметтер тізімі

Әсер етуші затқа немесе қосымша заттардың кез келгеніне аса жоғары сезімталдық.

Қолдану кезіндегі қажетті сақтық шаралары

Препаратты қолданар алдында қосымша парақты түгел оқып шығыңыз, өйткені онда Сіз үшін маңызды мәліметтер бар.

Қосымша парақты сақтап қойыңыз. Мүмкін, Сіз оны тағы бір рет оқып шығуыңызға қажет болып қалар.

Егер Сізде қосымша сұрақтар туындаса, емдеуші дәрігерден немесе медицина қызметкерінен сұраңыз. Егер Сізде қандай да болсын жағымсыз реакциялар туындаса, емдеуші дәрігерге немесе медицина қызметкеріне барыңыз. Осы нұсқау болуы мүмкін кез келген жағымсыз реакцияларға, соның ішінде қосымша бетте «ДП стандартты қолдану кезінде көрініс беретін жағымсыз реакциялардың сипаттамасы» бөлімінде берілмегендерге түсінік береді.

Басқа дәрілік препараттармен өзара әрекеттесуі

Осельтамивирдің, ақуыздармен байланысу дәрежесінің төмендігі және CYP450 изоферментіне және глюкуронидаза жүйесіне тәуелді емес метаболизмі сияқты фармакокинетикалық қасиеттері осы механизмдер бойынша клиникалық тұрғыдан маңызды өзара әрекеттесулер бар деп болжам жасауға негіздер бермейді.

Пробенецид

Бүйрек функциясы қалыпты пациенттерде пробенецидпен бір мезгілде қолданғанда дозаны түзетудің қажеті болмайды. Пробенецидпен, бүйректегі аниондық өзекшелік секрецияның күшті тежегішімен бір мезгілде қолдану осельтамивирдің белсенді метаболиті экспозициясының шамамен 2 есе артуына әкеледі.

Амоксициллин

Осельтамивирдің және амоксициллиннің (осельтамивирдегідей жолмен шығарылатын) кинетикалық өзара әрекеттесуі болмайды. Осельтамивирдің бүйрек арқылы шығуға бәсекелесуі төмен деп жорамалданады.

Бүйректік экскреция

Көптеген осындай препараттар үшін қауіпсіздік резервін, осельтамивирдің белсенді метаболитінің шығарылу жолдарын (шумақтық сүзілу және аниондық өзекшелік секреция), сондай-ақ әрқайсысының жолдардан шығу қабілетін ескерер болсақ, өзекшелік секреция үшін бәсекелесумен байланысты клиникалық тұрғыдан маңызды дәріаралық өзара әрекеттесудің болуы екіталай. Алайда емдік ауқымы тарлау болатын препараттармен (мысалы, хлорпропамид, метотрексат, фенилбутазон) біріктіріп қолданғанда сақ болу қажет.

Қосымша ақпарат

Парацетамолмен, ацетилсалицил қышқылымен, циметидинмен, антацидтік дәрілермен (магний және алюминий гидроксиді, кальций карбонаты), римантадинмен немесе варфаринмен (варфаринге тұрақты, тұмау вирусымен инфекцияланбаған пациенттерде) бір мезгілде қабылдағанда осельтамивир немесе оның негізгі метаболитінің арасында фармакокинетикалық өзара әрекеттесулер байқалған жоқ.

Арнайы ескертулер

Осельтамивир тұмау вирусынан туындаған ауруларға қатысты ғана тиімді.

Басқа агенттерден туындаған ауруларды емдеуде осельтамивирдің тиімділігі туралы деректер жоқ.

Препаратты қолдану вакцинацияның орнын алмастыра алмайды. Препаратты пайдалану тұмауға қарсы жыл сайын вакцинация жүргізгенде пациенттерге берілген бағаға ықпал етпеуі тиіс. Тұмаудан сақтану препарат қолданылып тұрғанша ғана созылады. Препаратты тұмауды емдеу және профилактикалау үшін ғана және, егер анық эпидемиологиялық деректер жалпы популяцияда тұмау вирусының айналымда жүргенін көрсетсе ғана, пайдалану керек. Айналымдағы тұмау вирусы штаммдарының осельтамивирге сезімталдығы күшті құбылуы мүмкін. Сондықтан препаратты тағайындаған кезде айналымдағы вирустың осельтамивирге сезімталдығы туралы соңғы қолжетімді ақпаратты ескеру қажет.

Қоса жүретін ауыр аурулар

Қатар жүретін ауыр ауруы бар немесе жағдайы тұрақсыз, ауруханаға жатқызу керек деп шамаланған пациенттерде осельтамивирді қолданудың қауіпсіздігі және тиімділігі туралы деректер жоқ.

Иммунитеті әлсіреген пациенттер

Иммунитеті әлсіреген пациенттерде тұмауды емдегенде немесе профилактика жүргізгенде осельтамивирдің тиімділігі нақты анықталған жоқ. Алайда иммунитеті әлсіреген ересек пациенттерде тұмауды емдеуді 10 күн бойы жүргізу керек, өйткені ұзақтығы азырақ емдеу курсында препаратты қолдануға зерттеулер жүргізілген жоқ

Жүрек және тыныс алу ағзаларының аурулары

Жүректің және/немесе тыныс алу ағзаларының созылмалы аурулары бар пациенттерде осельтамивирдің тұмауды емдеген кездегі немесе профилактика жүргізген кездегі тиімділігі анықталған жоқ. Пациенттердің осы популяциясында асқынулардың туындау жиілігі осельтамивирмен емдеу тобындағы және плацебо тобындағы осындаймен ұқсас болды

Жүрек және тыныс ағзаларының аурулары

Жүректің және/немесе тыныс алу ағзаларының созылмалы аурулары бар пациенттерде осельтамивирдің тұмауды емдеген кездегі немесе профилактика жүргізген кездегі тиімділігі анықталған жоқ.

Балалар

Шала туған балаларда (постконцептуальді жасы <36 апта) дозаны белгілеуге арналған деректер жоқ.

Бүйректің ауыр жеткіліксіздігі

Бүйрек функциясының ауыр дәрежедегі жеткіліксіздігі бар ересек пациенттерде және жасөспірімдерде (13-17 жас) дозаны түзету ұсынылады. Бүйрек функциясының жеткіліксіздігі бар сәбилер мен балаларда (1 жастағы және одан үлкен) дозаны түзету үшін клиникалық деректер жеткіліксіз, сондықтан пациенттердің осы санаты үшін дозалау режимін анықтау мүмкін емес болып табылады.

Психоневрологиялық бұзылулар

Препаратты қабылдаған пациенттерде (негізінен балаларда және жасөспірімдерде) психоневрологиялық бұзылулар тіркелді. Осындай психоневрологиялық бұзылулар осельтамивир препаратын қабылдамаған, тұмауы бар пациенттерде де білінді.

Пациенттерге мінез-құлығындағы өзгерістер тұрғысында мұқият мониторинг жүргізу керек, әрбір пациентте емдеуді жалғастырудың қаупі мен пайдасына жекелей баға берілуі тиіс.

Жүктілік

Препарат жүктілікте қажет болған жағдайда және емдеудің қауіпсіздігі және артықшылықтары, сондай-ақ тұмау вирусының айналымдағы штаммының патогенділігі туралы қолда бар ақпаратқа баға бергеннен кейін қолданылуы мүмкін.

Емшек емізу

Осельтамивир, егер емшек емізетін ана үшін емдеудің күтілетін айқын пайдасы нәресте үшін қауіптен басым болса ғана, емшек емізу кезеңінде қолданылады.

Көлік құралын немесе потенциалды қауіпті механизмдерді басқару қабілетіне препараттың ықпал ету ерекшеліктері

ОСЕЛЬТАМИВИР АВЕКСИМА препараты көлік құралын басқару және механизмдермен жұмыс жасау қабілетіне ықпалын тигізбейді.

Қолдану жөніндегі нұсқаулар

Дозалау режимі

Ересектерге және қандай да бір себептен капсуланы жұта алмайтын, немесе препараттың аз дозасын қажет ететін балаларға препаратты ішке қабылдауға арналған суспензия түрінде (6 мг/мл) қабылдау ұсынылады.

Ересектер және 13 жастағы және одан үлкен жасөспірімдер

Емі: Ересектер және жасөспірімдер (13-17 жас) үшін осельтамивирдің ұсынылатын пероральді дозасы: 5 күн бойы тәулігіне екі рет 75 мг.

Емдеуді тұмау симптомдары туындағаннан кейін алғашқы екі күні ішінде мүмкіндігінше тезірек бастау керек.

Жанасудан кейінгі профилактика: Тұмау болған пациентпен жақын араласқаннан кейін ересектер мен жасөспірімдер (13-17 жас) үшін ұсынылатын профилактикалық доза: 10 күн бойы тәулігіне бір рет 75 мг осельтамивир.

Емдеуді ауырған адаммен жанасқаннан кейін алғашқы екі күн ішінде мүмкіндігінше тезірек бастау керек.

Тұмау эпидемиясы кезіндегі профилактика: Тұмаудың өршу кезінде ұсынылатын профилактикалық доза: ең көп дегенде 6 апта бойы тәулігіне бір рет 75 мг осельтамивир.

Балалар

1-12 жастағы балалар

1 жастан бастап және одан үлкен балаларды емдеу және профилактика жүргізу үшін 30 мг, 45 мг және 75 мг ОСЕЛЬТАМИВИР АВЕКСИМА капсулалары және ішке қабылдауға арналған суспензия (6 мг/мл) пайдаланылуы мүмкін (соның ішінде «Суспензияны экстемпоральді дайындау»)

Емі: Кіші және орта жастағы (1 жастан бастап және одан үлкен) балаларды емдеу үшін нәрестенің салмағына байланысты келесі дозалау режимін пайдалану ұсынылады:

Емдеуді тұмау симптомдары туындағаннан кейін алғашқы екі күні ішінде мүмкіндігінше тезірек бастау керек.

Жанасудан кейінгі профилактика: пациентпен жанасқаннан кейін ұсынылатын препарат дозасы:

Тұмау эпидемиясы кезіндегі профилактика: 12 жасқа дейінгі балаларда тұмау эпидемиясы кезінде препаратты профилактикалық қолдануға зерттеулер жүргізілген жоқ.

0 –12 айлық жастағы сәбилер

Емі: 0 -12 айлық жастағы сәбилерді емдеу үшін ұсынылатын доза: тәулігіне екі рет 3 мг/кг. Дозалау жөніндегі нұсқаулар осельтамивирдің фармакокинетикасын және қауіпсіздігін зерттеу нәтижелеріне негізделген, бұларға сәйкес, аталған жастағы балаларға 3 мг/кг доза, шамамен алғанда, клиникалық тұрғыдан тиімді болып табылатын және жасы үлкенірек балалар мен жасөспірімдерде байқалған бейінмен ұқсас қауіпсіздік бейінін қамтамасыз ететін ізашар дәрілердің және белсенді метаболиттің плазмадағы концентрацияларын алуға мүмкіндік береді. 0-12 айлық жастағы сәбилерді емдеу үшін келесі дозалау режимін пайдалану ұсынылады:

* Осы кестеде аталған популяция үшін дене салмағының барлық ықтимал нұсқалары болмауы мүмкін. 1 жасқа дейінгі барлық пациенттер үшін доза 3 мг/кг дене салмағы арақатынасының нәтижесінде белгіленуі тиіс.

Емдеуді тұмау симптомдары туындағаннан кейін алғашқы екі күні ішінде мүмкіндігінше тезірек бастау керек.

Жоғарыда берілген нұсқаулар шала туған нәрестелер (ұрықтанғаннан кейінгі жасы <36 апта) үшін қолдануға жарамайды. Физилогиялық функцияларының жетілмеуі себебінен басқаша дозалау режимі қажет болуы мүмкін екендігін ескерер болсақ, пациенттердің осы популяциясы үшін көлемі жеткілікті деректер жоқ.

Жанасудан кейінгі профилактика: Тұмаудың өршу кезінде 1 жасқа дейінгі балаларға ұсынылатын профилактикалық доза: тұмауды емдеу үшін пайдаланылатын тәуліктік дозаның жартысы. Дозалануы жөніндегі нұсқаулар 0-12 айлық жастағы сәбилерде, 1 жастан асқан балаларда және ересектерде алынған клиникалық деректерге негізделген, бұларға сәйкес тұмауды емдеу үшін пайдаланылатын тәуліктік дозаның баламалы жартысы тұмаудың профилактикасы үшін клиникалық тұрғыдан тиімді болып табылады. 0-12 айлық жастағы сәбилер үшін нәрестенің дене салмағының есебінен профилактикалық дозалау режимі ұсынылады:

Жоғарыда берілген нұсқаулар шала туған нәрестелер (ұрықтанудан кейінгі жасы <36 апта) қолдануға келмейді. Пациенттердің осы популяциясы үшін, мұндай балаларға физиологиялық функциялардың жетілмеуі себебінен дозалаудың өзге режимі қажет болуы мүмкін екендігін ескерсек, көлемі жеткілікті деректер жоқ.

Тұмау эпидемиясы кезіндегі профилактика: Тұмау эпидемиясы кезінде препаратты 0-12 айлық жастағы балаларға профилактикалық қолдануға зерттеулер жүргізілген жоқ.

Суспензияны бір реттік дайындау жөніндегі нұсқаулар «Суспензияны экстемпоральді дайындау» бөлімінде берілген.

Пациенттердің ерекше топтары

Бауыр функциясының жеткіліксіздігі

Бауыр функциясы бұзылған пациенттерде тұмауды емдегенде және профилактика жүргізгенде препараттың дозасын түзетудің қажеті болмайды. Бауыр функциясының жеткіліксіздігі бар бала жасындағы пациенттердің қатысуымен зерттеулер жүргізілген жоқ.

Бүйрек жеткіліксіздігі

Тұмауды емдеу: Бүйрек функциясының ауырлығы орташа және жоғары дәрежедегі жеткіліксіздігі бар ересектер мен жасөспірімдер (13-17 жас) үшін препарат дозасын төмендету ұсынылады. Келесі кестеде осы пациенттерде дозаны түзету жөніндегі нұсқаулар берілген.

* Деректер ұзаққа созылған амбулаториялық перитонеальді диализде (ҰАПД) жүрген пациенттердің қатысуымен жүргізілген зерттеулерден алынды; автоматты перитонеальді диализ (АПД) режимін пайдаланғанда осельтамивир карбоксилатының клиренсі жоғарылайды деп күтіледі. Емдеу режимін, егер нефрологтың пікірі бойынша қажет болса, ҰАПД-ден АПД-ға алмастыруға болады.

Тұмаудың профилактикасы: келесі кестеде бүйрек функциясының орташа және ауыр жеткіліксіздігі бар ересектерде және жасөспірімдерде (13-17 жас) тұмауға профилактикада препараттың дозасын түзету жөніндегі нұсқаулар бар.

* Деректер ұзаққа созылған амбулаториялық перитонеальді диализде (ҰАПД) жүрген пациенттердің қатысуымен жүргізілген зерттеулерден алынды; автоматты перитонеальді диализ (АПД) режимін пайдаланғанда осельтамивир карбоксилатының клиренсі жоғарылайды деп күтіледі. Емдеу режимін, егер нефрологтың пікірі бойынша қажет болса, ҰАПД-ден АПД-ға алмастыруға болады.

Бүйрек функциясының жеткіліксіздігі бар нәрестелерде және жасы кіші (12 жасқа дейінгі) балаларда препаратты қолдану жөнінде клиникалық деректер жеткіліксіз. Пациенттердің осы тобында дозалануы жөнінде нұсқаулар жоқ.

Егде жастағылар

Пациентте, бүйрек функциясының орташа немесе ауыр дәрежедегі жеткіліксіздігінің белгілері бар болған жағдайларды қоспағанда, дозаны түзетудің қажеті болмайды.

Иммунитеті әлсіреген пациенттер

Емі: ересектерге ұсынылатын доза 10 күн бойы тәулігіне 2 рет 75 мг құрайды. Емдеуді тұмау симптомдары туындағаннан кейін алғашқы екі күн ішінде мүмкіндігінше ерте бастау керек.

Маусымдық профилактика: иммунитеті әлсіреген пациенттерде ұзақтығы 12 аптаға дейін созылатын ұзақ мерзімдік маусымдық профилактикаға баға берілді.

Қолдану тәсілі

Препарат ішке қабылдауға арналған.

Суспензияны үй жағдайында дайындау

Суспензияны дайындау үшін тиісті көлемі және өлшем бірліктері бар шприцтерді дайындау қажет. Екі жағдайда да суспензияны дайындау үшін пайдаланылатын қажетті көлемді ерекше қалыппен белгілеу ұсынылады.

Суспензияның қажетті дозасын алу үшін капсуланы ашып және оның ішіндегісін қолайлы тәтті тамақ өнімінің аздаған мөлшерімен (ең көп дегенде бір шай қасық) араластырып, пайдалануға болады. Ащы дәмін қанты бар су, шоколад шәрбаты, шие шәрбаты, десертке арналған соус (мысалы, карамель немесе кілегейлі помадка дәмді) сияқты тәтті тағамның жәрдемімен білдірмеуге болады. Қоспаны араластыру қажет, содан кейін пациент оны түгелдей ішуі тиіс. Қоспаны дайындап болу бойына жұтып ішу керек.

Егер пациенттерге 75 мг доза қажет болса, онда келеі нұсқауларды орындауы қажет:

30 және 60 мг дозасы үшін – 30 мг бір немесе 2 капсула.

Егер 45 мг доза қажет болса – 45 мг капсуланы пайдалану керек, осы мақсат үшін 30 мг капсуланы пайдалануға болмайды!

Қажет болғанда бір жастан кіші балалар үшін 30 мг капсула дайындауды жазуға және дозалары бар кестені беруге болады.

Енгізу әдісі және жолы

Ішке.

Ересектерге және қандай да бір себептен капсуланы жұта алмайтын, немесе препараттың аз дозасын қажет ететін балаларға препаратты ішке қабылдауға арналған суспензия түрінде (6 мг/мл) қабылдау ұсынылады.

Емдеу ұзақтығы

Тұмауды емдеу: 5 күн.

Жанасудан кейінгі профилактика: 10 күн.

Тұмау эпидемиясы кезіндегі профилактика: ең көп дегенде 6 апта.

Емдеуді тұмау симптомдары туындағаннан кейін алғашқы екі күн ішінде мүмкіндігінше тезірек бастау керек.

Артық дозаланған жағдайда қабылдау қажет шаралар

Клиникалық зерттеулер барысында және препараттың тіркеуден кейін қолдану кезеңінде мәлімделген артық дозалану жағдайларының көбісі қандай да болсын жағымсыз құбылыстармен қоса жүрген жоқ.

Артық дозаланған жағдайлардағы жағымсыз реакциялар препаратты (ДП стандартты қолданған кезде көрініс беретін жағымсыз реакциялардың сипаттамасы және осындай жағдайда қабылдау керек шаралар» бөлімінде берілген емдік дозаларда қолданған кезде байқалған ЖР-мен туындау жиілігі бойынша үйлес және ұқсас болды.

Балаларда артық дозалану жағдайлары ересектерге және жасөспірімдерге қарағанда өте жиі байқалды. Ішке қабылдауға арналған суспензияны дайындауға және балаларда тұмауды емдеу және профилактика жүргізу үшін қолданғанда аса сақтық таныту қажет.

Дәрілік препаратты қолдану тәсілін түсіну үшін кеңес алу үшін медицина қызметкеріне бару керек.

ДП стандартты қолдану кезінде көрініс беретін жағымсыз реакциялардың сипаттамасы және осы жағдайда қабылдануы керек шаралар

Төменде берілген жағымсыз реакциялар келесі санаттар бойынша берілген: өте жиі (≥ 1/10), жиі (≥ 1/100-ден < 1/10 дейін), жиі емес (≥ 1/1000-нан < 1/100 дейін), сирек (≥ 1/10000-нан < 1/1000 дейін), өте сирек (< 1/10000).

Өте жиі

- бас ауыру

- жүректің айнуы

Жиі

- бронхит, Herpes simplex, назофарингит, жоғарғы тыныс алу жолдарының инфекциялары, синусит

- ұйқысыздық

- жөтел, тамақтың ауыруы, ринорея

- құсу, іштің ауыруы (іштің жоғарғы бөлігінің ауыруын қоса), диспепсия

- ауыру, бас айналу, (вертигоны қоса), қажығыштық, қызба, аяқ-қолдардың ауыруы

Жиі емес

- аса жоғары сезімталдық реакциялары

- сананың өзгеруі, құрысулар

- аритмия

- «бауыр» ферменттері белсенділігінің жоғарылауы

- экзема, дерматит, бөртпе, есекжем

Сирек

- тромбоцитопения

- анафилаксиялық жәнеи анафилактоидтық реакциялар

- мазасыздық, мінез-құлықтың ауытқуы, үрейлену, сананың шатасуы, сандырақтау, делирий, елестеулер, түнгі қорқыныштар, өзінің денесіне зақым келтіру

- көрудің бұзылуы

- асқазан-ішектік қан кетулер, геморрагиялық колит

- фульминантты гепатит, бауыр функциясының жеткіліксіздігі, гепатит

- ангионевроздық ісіну, мультиформалы эритема, Стивенс-Джонсон синдромы, уытты эпидермальді некролиз

Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек.

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметттер

Дәрілік препараттың құрамы

30 мг бір капсуланың құрамында:

белсенді зат: осельтамивир – 30 мг

(осельтамивир фосфаты түрінде – 39.4 мг),

қосымша заттар: желатинделген жүгері крахмалы, повидон К-30, натрий кроскармеллозасы, натрий стеарилфумараты, тальк,

Капсула қабығының құрамы – корпусы және қақпағы: титанның қостотығы (Е171), бриллиант көгі (Е133), азорубин (Е122), желатин.

45 мг бір капсуланың құрамында:

белсенді зат: осельтамивир – 45 мг

(осельтамивир фосфаты түрінде – 59.1 мг),

қосымша заттар: желатинделген жүгері крахмалы, повидон К-30, натрий кроскармеллозасы, натрий стеарилфумараты, тальк,

Капсула қабығының құрамы – корпусы және қақпағы: титанның қостотығы (Е171), керемет қызыл (Е129), хинолинді сары (Е104), бриллиант көгі (Е133), желатин.

75 мг бір капсуланың құрамында:

белсенді зат: осельтамивир – 75 мг

(осельтамивир фосфаты түрінде – 98.5 мг),

қосымша заттар: желатинделген жүгері крахмалы, повидон К-30, натрий кроскармеллозасы, натрий стеарилфумараты, тальк,

Капсула қабығының құрамы – корпусы және қақпағы: титанның қостотығы (Е171), темірдің қара тотығы (Е172), бриллиант көгі (Е133), желатин.

Сыртқы түрінің, иісінің, дәмінің сипаттамасы

Корпусы және қақпағы ақшыл-көгілдір түсті, мөлдір емес, өлшемі №4, қатты желатинді капсулалар (30 мг доза үшін).

Корпусы және қақпағы көгілдір түсті, мөлдір емес, өлшемі №4, қатты желатинді капсулалар (45 мг доза үшін).

Корпусы және қақпағы көк түсті, мөлдір емес, өлшемі №2, қатты желатинді капсулалар (75 мг доза үшін).

Капсуланың ішіндегісі – ақ немесе ақ дерлік түсті түйіршіктер мен ұнтақтың қоспасы немесе жеңіл қысқан кезде үгітілетін ақ немесе ақ дерлік түсті сығымдалған масса.

Шығарылу түрі және қаптамасы

Поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада 10 капсуладан.

Полиэтиленнен жасалған, қысымы төмен банкада 10 капсуладан.

Пішінді ұяшықты 1 қаптама немесе 1 банка медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

3 жыл

Жарамдылық мерзімі өткеннен кейін қолдануға болмайды!

25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

«Ирбит химфармзауыты» ААҚ, Ресей

Свердловская ауданы, Ирбит қ., Карл Маркс к-cі, 124-а үй

Тіркеу куәлігінің ұстаушысы

«Авексима» ААҚ, Ресей

125284, Мәскеу қ., Ленинград даңғылы, 31А үй, 1 құр.

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«Adalan» ЖШС, Қазақстан Республикасы,

050057, Алматы қ., Тимирязев к-сі 42, 23 пав. 202 кеңсе

Тел. + 727 269 54 18; е-mail: pv@adalan.kz