Орницип
Инструкция
-
русский
-
қазақша
Саудалық атауы
Орницип
Халықаралық патенттелмеген атауы
Жоқ
Дәрілік түрі
Үлбірлі қабықпен қапталған таблеткалар
Құрамы
Бір таблетканың құрамында
белсенді заттар: 583,0 мг ципрофлоксацин гидрохлориді
(500,0 мг ципрофлоксацинге баламалы),
500 мг орнидазол;
қосымша заттар: микрокристалды целлюлоза, жүгері крахмалы, кросповидон, сусыз коллоидты кремнийдің қостотығы, магний стеараты, FCM-сары, метиленхлорид*, изопропил спирті *, пропиленгликоль.
* - өндіріс барысында буланып кетеді
Сиаттамасы
Бір жағында бөлетін сызығы бар, екі беті дөңес, капсула пішіндес, үлбірлі қабықпен қапталған сары түсті таблеткалар.
Фармакотерапиялық тобы
Микробқа қарсы препараттар біріктірілімі.
АТХ коды J01RA
Фармакологиялық қасиеттері
Фармакокинетикасы
Ципрофлоксацин. Ішке қабылдағаннан кейін ципрофлоксацин асқазан - ішек жолынан (АІЖ) тез сіңеді. Қан плазмасындағы ең жоғарғы (Сmax) 0,8- ден 3,9 мг/л-ге дейінгі концентрациясы 1-2 сағаттан соң пайда болады. Препараттың биожетімділігі шамамен 70-80% құрайды. Ципрофлоксациннің қан плазмасының ақуыздарымен байланысуы 20-40%. 15-20% бауырда биоөзгеріске ұшырайды, ол жерде 4 метаболит: диэтилципрофлоксацин, сульфоципрофлоксацин, оксоципрофлоксацин, N-формилципрофлоксацинді түзе отырып метаболизденеді.Таралу көлемі 2-3л/кг құрайды. Ағзалар мен тіндерге оңай енеді, гематоэнцефалдық бөгет (ГЭБ), плацента арқылы өтеді, емшек сүтімен бөлініп шығады. Ципрофлоксациннің қақырықтағы, сілекейдегі, сүйектегі, перитониальді сұйықтықтағы, өттегі, қуықасты безінің секретіндегі және кіші жамбас қуысы ағзаларындағы концентрациясы қан сарысуындағы сәйкес деңгейден жоғары болуы мүмкін. Ципрофлоксацин мен оның метаболиттері организмнен несеппен (50-70 %) және нәжіспен (15-30 %) шығарылады. Өзгермеген ципрофлоксацин несеппен, шумақтық сүзілу және өзекшелік секреция жолымен шығарылады.
Ципрофлоксациннің бүйректік клиренсі-3-5мл/мин/кг; ципрофлоксациннің жалпы клиренсі 8-10 мл/мин/кг құрайды. Бүйрегі қалыпты қызмет атқаратын ересектерде ципрофлоксациннің плазмадан жартылай шығарылу кезеңі (Т½) 3-5 сағатты құрайды.
Орнидазол. Орнидазолды ішке қабылдағаннан кейін АІЖ-нан тез сіңеді. Препараттың биожетімділігі шамамен 90% құрайды. Ішу арқылы 1,5 мг дозасын қабылдағаннан кейін қан плазмасындағы 30 мкг/мл-ге тең ең жоғары концентрациясына (Сmax) қабылдағаннан кейін 3 сағат ішінде жетеді және 24 және 48 сағат аралығында сәйкесінше (Сmin) 9 мкг/мл және 2,5 мкг/мл дейін төмендейді. Ішу арқылы 750 мг дозаны қабылдағаннан кейін қан плазмасындағы 11 мкг/мл-ге тең Сmax қабылдағаннан кейін 2-ден 3 сағатқа дейінгі аралықта жеткен. Ішу арқылы 500 мг дозаны қабылдағаннан кейін қан плазмасындағы 7,8 және 7 мкг/мл-ге тең Сmax сәйкесінше 1,2 және 4 сағат аралықтарында жеткен.
Орнидазолдың плазма ақуыздарымен байланысуы 15%-ға жуық және одан төмен. Орнидазол жұлын сұйықтығына, емшек сүтіне өтеді, ГЭБ және плацентадан өтеді. Қынап сұйықтығындағы орнидазол концентациясы бір реттік дозасын ішке қабылдағаннан соң 24 сағаттан кейін байқалады және қан плазмасындағы концентрациясындағыдай болып келеді Таралу көлемі шамамен 0.9л/кг жуық.
Орнидазол көбінесе бауырда метаболизеденеді, негізінен гидролиз және оксидация жолдары арқылы. Орнидазолдың 5 метаболиті анықталған, олардың екеуі 2-гидроксиметил (М1) және альфа-гидроксиметил (М2) метаболиттері бактерияға қарсы белсенділікке ие, бірақ Trichomonas vaginalis-ке және анаэробты бактерияларға, өзгермеген орнидазолға қарағанда белсенділігі төмен.
Бір рет қабылдағаннан кейін дозаның 85 %-ы, алғашқы бес күннің ішінде бүйрек арқылы, негізінен метаболиттер түрінде шығарылады. Қабылданған дозаның 4% жуығы бүйрекпен өзгермеген түрде шығарылады.
Орнидазолдың қан плазмасынан клиренсі 45 тен 50 мл/мин дейінгіні құрайды. АІЖ арқылы ішке қабылданған дозаның 22%-ға дейінгісі шығарылады. Кейде орнидазол мен оның метаболиттерінің билиарлы экскрециясы байқалады. Орнидазолдың жартылай шығарылу кезеңі (Т1/2) шамамен 13 сағат. Орнидазолдың және оның негізгі М1 және М2 метаболиттерінің Т1/2 бауыр қызметі бұзылған науқастарда ұзарады.
Арнайы топтардағы фармакокинетикасы
Бүйрек функциясы бұзылған науқастар
Ципрофлоксацин. Бүйрек функциясының бұзылуы бар емделушілерде ципрофлоксациннің қан сарысуындағы концентрациясы жоғары, және жартылай шығарылу кезеңі 12 сағатқа дейін ұзарады. Созылмалы бүйрек жеткіліксіздігі (СБЖ) кезінде (креатинин клиренсі (КК) 20 мл/мин жоғары) бүйрек арқылы шығарылатын препараттың пайызы төмендейді, бірақ препарат метаболизмінің компенсаторлық ұлғаюы және АІЖ арқылы шығарылуы салдарынан организмде жинақталуы жүрмейді. Бүйректің ауыр жеткіліксіздігі бар науқастарға (КК 20 мл/мин-тен төмен) жалпы тәуліктік дозаны тең жартысына төмендету керек.
Орнидазол. Орнидазолдың фармакокинетикасы бүйрек функциясы төмендеген кезде өзгермейді. Дозасын түзету қажет емес. Орнидазол гемодиализ кезінде шығарылады. Сондықтан гемодиализді бастар алдында, егер тәуліктік доза 2 г болса, орнидазолдың 500 мг, егер тәуліктік доза 1 г болса, 250 мг қосымша дозасын беру керек.
Бауыр функциясы бұзылған науқастар
Ципрофлоксацин. Бауыр жеткіліксіздігі бар науқастарда ципрофлоксациннің кинетикасы бойынша зерттеу жүргізілмеді.
Орнидазол. Зерттеу нәтижелері бойынша бауыр циррозы бар науқастарда орнидазолдың жартылай шығарылу кезеңі, дені сау еріктілерге қарағанда, (13 сағаттың орнына 22 сағатқа) ұзарады және орнидазолдың клиренсі (минутына 45 тен 50 дейінгі мл-дің орнына 35 мл-ге) төмендейді. Бауыр функциясының ауыр жеткіліксіздігі бар науқастарда дозалау аралығы екі еселенуі тиіс.
Фармакодинамикасы
Орницип - микробтарға қарсы және протозойларға қарсы біріктірілген препарат, оның әсері оның құрамына кіретін белсенді компоненттері: ципрофлоксацинге (ІІ буынды фтор-хинолон туындысы) және орнидазолға (5-нитроимидазол туындысы) байланысты.
Ципрофлоксацин. Ципрофлоксацин – әсер ету ауқымы кең микробқа қарсы препарат, хинолин туындысы, бактериялық ДНҚ-гиразаны (ядролық РНҚ айналасында хромосомалық ДНҚ суперспирализация үдерісіне жауапты II және IV топоизомеразаны басады, бұл генетикалық ақпаратты оқу үшiн қажет), бактериялардың ДНҚ синтезін, өсуі және бөлінуiн бұзады; бактериялық жасушаның айқын морфологиялық өзгерiстерін (соның ішінде жасушалық қабырғаның және жарғақшалардың өзгерiстерін) және бактерияның тез жойылуын туғызады.
Тыныштық және бөліну кезеңінде грамтеріс микроорганизмдерге (соның ішінде тек ДНҚ-гиразаға ғана әсер етіп қоймай, бірақ жасуша қабырғасының лизисін туғызады), грамоң микроорганизмдерге – тек бөліну кезеңінде ғана бактерицидті әсер етеді. Макроорганизмнің жасушалары үшін төмен уыттылық оларда ДНҚ-гиразаның болмауымен түсіндіріледі. Ципрофлоксацин қабылдау аясында басқа антибиотиктерге айқаспалы төзімділігі дамымайды, бұл мысалы, аминогликозидтерге, пенициллиндерге, цефалоспориндерге, тетрациклиндерге және көптеген басқа да антибиотиктерге төзімді бактерияларға қарсы тиімділігін жоғары етеді.
Ципрофлоксацинге грамтеріс аэробты бактериялар сезімтал:
энтеробактериялар (Escherichia coli, Sаlmonella spp., Shigella spp., Citrobacter spp., Klebsiella spp., Enterobacter spp., Proteus mirabilis, Proteus vulgaris, Serratia marcescens, Hafnia alvei, Edwardsiella tarda, Providencia spp., Morganella morganii, Vibrio spp., Yersinia spр.), басқа грамтеріс бактериялар (Haemophilus spp., Pseudomonas aeruginosa, Moraxella catarrhalis, Aeromonas spp., Pasteurella multocida, Plesiomonas shigelloides, Campylobacter jejuni, Neisseria spp.), кейбір жасушаішілік қоздырғыштар - Legionella pneumophila, Brucella spp., Listeria monocytogenes, Mycobacterium tuberculosis, Mycrobacterium kansasii; грамоң аэробты бактериялар: Staphylococcus sрр. (Staphylococcus aureus, Staphylococcus haemolyticus, Staphylococcus hominis, Staphylococcus saprophyticus), Streptococcus spp.(Streptococcus pyogenes, Streptococcus agalactiae). In vitro Bacillus anthracis-ке қатысты белсенді.
Метициллинге төзімді стафилоккоктардың көпшілігі ципрофлоксацинге де төзімді. Streptococcus pneumonia, Enterococcus faecalis, Mycobacterium avium (жасушаішілік орналасқандардың) сезімталдығы – орташа (оларды басу үшін жоғары концентрациялары талап етіледі).
Препаратқа мыналар төзімді: Bacteroides fragilis, Pseudomonas ceracia, Pseudomonas maltophila, Ureaplasma urealyticum, Clostridium difficile, Nocardia asteroids. Treponema pallidum-ге қатысты тиімді емес.
Төзiмдiлiк өте баяу дамиды, өйткені бiр жағынан, ципрофлоксациннің әсерiнен кейiн iс жүзiнде персистирленетін микроорганизмдер қалмайды, ал екінші жағынан – бактериялық жасушаларда оның белсенділігін жоятын ферменттер жоқ.
Орнидазол. Орнидазолдың әсер ету механизмі қарапайымдардың және анаэробты микроорганизмдердің жасушаішілік тасымалдаушы протеиндермен орнидазолдың 5-нитротобының биохимиялық қалпына келуіне негізделген. Қайта қалпына келген орнидазолдың 5-нитротобы микроорганизмдердің ДНҚ-сымен өзара әрекеттеседі , олардың нуклеин қышқылының синтезін тежейді, бұл олардың жойылуына әкеледі.
Орнидазол Trichomonas vaginalis, Gardnerella vaginalis, Giardia lamblia және Entamoeba histolytica-дан туындаған протозойлық жұқпаларды емдеу кезінде, сондай-ақ анаэробтық жұқпалардың кейбір қоздырғыштарына қатысты - Peptostreptococcus, Peptococcus, Bacteroides, Clostridium және Fusobacterium (ең төменгі тежегіштік концентрациясы < 4 мкг/мл) тиімді.
Қолданылуы
Орницип ципрофлоксацин/орнидазол біріктіріліміне сезімтал бактериялар және қарапайымдылардан туындаған аралас жұқпаларды емдеуге арналған:
- несеп-жыныс жүйесінің жұқпалы-қабыну аурулары: жедел және созылмалы пиелонефрит, простатит, эпидидимит, цистит, несеп шығару жолдарының асқынған және қайталанған жұқпаларында
- жыныстық жолмен берілетін жұқпалар: хламидиоз, микоплазмоз, соз, трихомониаз, аралас жұқпаларда.
Қолдану тәсілі және дозалары
Орнициптің дозасы мен емдеу ұзақтығы оған микроорганизмдердің сезімталдығына, жұқпалардың ауырлығы мен түрлеріне, науқастың жалпы жағдайына және бүйрек функциясына байланысты.
Орницип таблеткаларын ішке, тамақтан бұрын немесе тамақтан кейін 2 сағаттан соң, бір стақан сумен ішіп қабылдау керек. Таблеткаларды шайнамай қабылдайды.
Несеп-жыныс жүйесінің жұқпалы-қабыну ауруларында
-
жедел, асқынбаған жұқпалар - 3 күн бойы әр 12 сағат сайын 1 таблеткадан;
-
әйелдердегі жедел циститте (менопаузаға дейінгі) – бір рет 1 таблетка;
-
жедел уретрит, простатит, эпидидимит орхоэпидидимит, аднексит - 3 күн бойы әр 12 сағат сайын 1 таблеткадан;
-
созылмалы, асқынған және қайталанатын жұқпалар - 7 күн бойы әр 12 сағат сайын 1 таблеткадан.
Жыныстық жолмен берілетін жұқпаларда
-
асқынбаған соз (жұқпаның экстрагенитальді ошақтарын қоса) - бір рет 1 таблетка;
-
трихомониаз – бір рет 2 таблеткадан немесе әр 12 сағат сайын 1 таблеткадан 5 күндік емдеу курсы.
Препаратпен емдеуді ауру симптомдары жойылғаннан кейін және дене температурасы толығымен қалпына түскенше кемінде тағы 3 күн жалғастыру керек.
Жағымсыз әсерлері
Хабарланған күтілмеген жағымсыз әсерлерінің жиілігі төменде топтастырылған. Жиілік жағдайларының әр тобы шеңберінде жағымсыз әсерлер күрделілігінің азаю тәртібімен келтірілген.
Ципрофлоксацин
Жиі (≥1/100, ≤1/10)
- тәбеттің болмауы, жүрек айнуы, құсу, іштің ауыруы, метеоризм, диарея
- бас айналуы, бас ауыруы, тремор
- тері бөртпесі, қышыну, есекжем
Сирек (≥1/10 000, ≤1/1000)
- қорқу, абыржу сезімі, депрессия, көру, иіс сезу және дәм сезудің бұзылуы, тер бөлінудің күшеюі, жүріс-тұрыстың орнықсыздығы, бассүйекішілік қысымның жоғарылауы, құрысулар, ұйқы бұзылысы, қозу, елестеулер (бұл реакциялар препаратты дереу тоқтатуды қажет етеді)
- тахикардия, артериялық қысымның төмендеуі
- дисгликемия, көбінесе гипергликемия
- гломерулонефрит, дизурия, кристаллурия және гематурия
- Квинке ісінуі, бронх түйілуі
- артралгия, буындардың ісінуі
- кандидоз
- фотосенсибилизация
- антибиотикпен астасқан колит
Өте сирек (≤1/10 000)
- ысыну сезімі, бас сақинасы, естен тану жағдайы
- Q-T аралығының ұзаруы, қарыншалық аритмия, қарыншалық тахикардия
- церебральді артериялар тромбозы, мұрыннан қан кету
- диспноэ
- лейкопения, агранулоцитоз, эозинофилия, тромбоцитопения, анемия, гемолитикалық анемия
- буллездік геморрагиялық бөртпе, петехиялар, түйінді эритема, васкулит
- миалгия, артрит, тендовагинит, сіңірлердің үзілуі
- АЛТ, АСТ белсенділігінің және сілтілік фосфатазаның транзиторлық жоғарылауы, креатинин, мочевина және сарысу билирубинінің транзиторлық жоғарылауы
- Стивенс-Джонсон синдромы, Лайелл сидромы
- анафилактикалық шок
- гепатит, бауыр жасушаларының некрозы, холестатикалық сарғаю, транзиторлық бауыр жеткіліксіздігі
Орнидазол
Жиі (≥1/100, <1/10)
- бас айналуы, бас ауыруы
- ауыздың құрғауы, тәбеттің жоғалуы, дәм сезудің бұрмалануы, жүрек айнуы, құсу, диспепсия, эпигастрий аймағының ауыруы
Сирек (≥1/10 000, ≤1/1000)
- дірілдеу, сіресу, қимыл-қозғалыс үйлесімінің бұзылуы, құрысулар және сананың бұзылуы, дәм сезудің бұзылуы
- бауыр ферментері АСТ, АЛТ белсенділігінің өзгеруі
- лейкопения (ұзақ емдеу кезінде)
- аллергиялық реакциялар (тері бөртпесі, қышыну)
Өте сирек (≤1/10 000)
- сенсорлық және аралас шеткергі нейропатия симптомдары
Қолдануға болмайтын жағдайлар
- препарат компоненттеріне аса жоғары сезімталдық
- фторхинолон туындылары мен нитроимидозол туындыларына жоғары сезімталдық
- эпилепсия, шашыраңқы склероз
- құрысу шегінің төмендеуімен жүретін орталық жүйке жүйесінің зақымдалуы (бассүйек-ми жарақаттарынан, инсульттен, мидың және ми қабықтарының қабыну үдерістерінен кейін)
- қазіргі кезде немесе сыртартқыда ЭКГ-да Q-T аралығының ұзаруының болуы
- қалпына келмейтін гипокалиемия
- қан аурулары, лейкопения (соның ішінде сыртартқыдағы)
- глюкозо – 6 – фосфатдегидрогеназа тапшылығы
- тизанидинмен, Іа класты (зинидин, прокаинамид) және ІІІ класты (амиодарон, сотакол) аритмияға қарсы препараттармен бір мезгілде қолдану
- бүйректің созылмалы жеткіліксіздігі
- бауыр циррозы, бауыр жеткіліксіздігі
- сыртартқыда фторхиналондарды қолданғаннан кейінгі тендиниттер және сіңірлердің үзілуі
- балалар мен 18 жасқа дейінгі жасөспірімдерге
- жүктілік және лактация кезеңі
Дәрілермен өзара әрекеттесуі
Антацидтік, немесе құрамында темір бар препараттармен бір мезгілде қолданғанда Орнициптің белсенділігі төмендеуі мүмкін. Аталған препараттар мен Орниципті қабылдау арасындағы аралық кемінде 4 сағат болуы тиіс.
Аминогликозидтерді немесе бета-лактамдық антибиотиктерді қатарлас қабылдау синергизмдік әсерлерді туғызуы мүмкін. Варфаринмен бір мезгілде қолданғанда қан кету қаупі артады. Орниципті қабынуға қарсы стероидты емес препараттармен (ҚҚСП) (ацетилсалицил қышқылын қоспағанда) бір мезгілде қабылдау орталық жүйке жүйесіне стимуляциялаушы әсерінің қаупін арттырады және құрысулардың даму қаупін арттырады.
Ципрофлоксацин. Ципрофлоксацин мен глюкокортикостероидтарды бір мезгілде қабылдау сіңірлердің үзілуінің туындау қаупін арттыруы мүмкін. Ципрофлоксацинді диданозинмен бірге қабылдау диданозин құрамындағы ципрофлоксациннің алюминий, магний тұздарымен кешендерінің түзілуі салдарынан ципрофлоксациннің сіңуін төмендетеді.
Ципрофлоксацинді теофиллинмен бір мезгілде қабылдау теофиллиннің плазмадағы концентрациясының артуына және оның жартылай шығарылу кезеңінің ұзаруына және теофиллин индукциялаған жағымсыз құбылыстардың туындауына алып келуі мүмкін.
Пробенецид ципрофлоксациннің бүйректік секрециясына кедергі келтіреді және ципрофлоксациннің қандағы концентрациясы деңгейінің артуына ықпал етеді.
Ципрофлоксацин мен циклоспоринді бір мезгілде қолданғанда циклоспориннің нефроуытты әсері күшейеді.
Ципрофлоксацин мен варфаринді бір мезгілде қолдану соңғысының әсерін күшейтуі мүмкін.
Ципрофлоксацинді Iа класты (зинидин, прокаинамид) немесе III класты (амиодарон, сотакол) аритмияға қарсы препараттармен бір мезгілде қолдануға болмайды, өйткені ципрофлоксацин Q-T аралығының ұзаруын арттыруы мүмкін.
Ципрофлоксацинді бір мезгілде тағайындағанда метотрексаттың тубулярлық тасымалы (бүйректік метаболизмі) баяулауы мүмкін, бұл метотрексаттың қан плазмасындағы концентрациясының жоғарылауына алып келуі мүмкін. Сонымен қатар метотрексаттан туындаған жағымсыз уытты реакциялардың туындау ықтималдылығы артады.
Орнидазол. Орнидазол кумариндік қатардың пероральді антикоагулянттарының әсерін әлеуеттендіреді, бұл Орнициптің дозасын сәйкесінше түзетуді қажет етеді.
Орнидазол векуроний бромидінің миорелаксациялаушы әсерін ұзартады. Орнидазолдың концентрациясы бауырдың микросомальді ферменттерінің индукторларымен (фенобарбитал, рифампицин) бір мезгілде қолданғанда төмендейді және бауырдың микросомальді ферменттерінің тежегіштерімен, атап айтқанда, Н2 – рецепторлары блокаторларымен (циметидин), теофиллинмен, инсулинмен, диабетке қарсы дәрілермен бір мезгілде қолданғанда артады.
Орнидазолды нейроуытты және гематоуытты препараттармен біріктіру ұсынылмайды.
Айрықша нұсқаулар
Фотосенсибилизация қаупінің жоғарылығына байланысты, Орниципті қабылдап жүрген емделушілерге, тікелей күн сәулесінің әсерінен, сынап-кварц шамдарымен сәулеленуден, солярийге барудан аулақ болған жөн.
Орнициппен ем жүргізу кезінде, бүйректік, гематологиялық жүйелерге ұдайы тексеру жүргізіп отыру, әсіресе препаратты жоғары дозаларда қолданғанда және 10 күннен астам емдеген жағдайда, бауыр сынамаларын қадағалау керек.
Сыртартқысында қан жүйесі тарапынан болатын бұзылулары бар адамдарда, әсіресе емдеудің қайталанған курстарын жүргізуде лейкоциттерге бақылау жүргізу ұсынылады.
Орталық жүйкк жүйесі (ОЖЖ) немесе шеткергі жүйке жүйесі тарапынан болатын бұзылулар айқындығының артуы препаратпен ем жүргізу кезінде білінуі мүмкін. Шеткергі нейропатия, қимыл-қозғалыс үйлесімі бұзылулары (атаксия), бас айналуы немесе сананың көмескіленуі жағдайында препаратты қабылдауды тоқтату керек.
Сәйкесінше емдеуді қажет ететін кандидомикоздың өршуі анықталуы мүмкін.
Орницип микобактериялар өсіріндісіндегі өсуін бәсеңдету арқылы Mycobacterium spp. флорасына екпе жүргізу нәтижелеріне әсер етуі мүмкін, бұл екпені талдаудың жалған теріс нәтижелеріне алып келеді.
Орницип препаратын тағайындағанда, екі белсенді затының да (ципрофлоксацин және орнидазол) орталық жүйке жүйесіне жағымсыз әсер беруі мүмкіндігін ескеру қажет, бұл депрессияның немесе психоздың даму қаупін арттырады. Мұндай жағдайларда препаратты қабылдауды тоқтату және бұл туралы дереу дәрігерге хабарлау қажет.
Орниципті егде жастағы емделушілерге сақтықпен тағайындау керек. Егде жастағы емделушілерде Q-T аралығының ұзару қаупі жоғары болуы мүмкін, әсіресе қауіп факторы, мысалы, сыртартқыдағы Q-T аралығының ұзаруы және түзетілмейтін гипокалиемия бар науқастарда.
Тендиниттің кез-келген белгілері пайда болса (мысалы, ауырсынумен жүретін домбығу, қабыну), дәрігерге хабарлау және Орнициппен емдеулі тоқтату керек. Сонымен қатар, зақымдалған аяқтың тыныштық күйде болуын қамтамасыз ету және дене жүктемесінен аулақ болу қажет (өйткені сіңірдің үзілу қаупі жоғарылауы мүмкін). Сіңірдің үзілуі (көбінесе ахилл сіңірінің) көбінесе препаратты егде жастағыларда қолданғанда немесе глюкокортикоидтармен алдыңғы емдеуге байланысты байқалады.
Емдеу кезеңі бойына немесе, емдеуден кейінгі ауыр және тұрақты диарея жағдайында, бұл туралы дәрігерге хабарлау керек, өйткені бұл симптом ішектің өліммен аяқталатындай өмірге қауіп төндіруі мүмкін, дереу емдеуді және сәйкесінше ем жүргізуді қажет ететін ауыр ауру жалған жарғақшалы колитті бүркемелеуі мүмкін.
Орниципті ұзақ уақыт қолдану препаратқа резистентті микроорганизмдердің өсуімен байланысты салдарлы жұқпаны туғызуы мүмкін.
Қантты төмендететін препараттарды қабылдап жүрген, қант диабетімен науқастарға, Орниципті сақтықпен тағайындау керек.
Емдеу кезінде алкогольді қолданудан бас тарту керек. Орницип алкогольмен үйлесімсіз, өйткені препарат компоненттерінің біреуі ципрофлоксацин бірге қолданылғанда этанолдың әсерін күшейтеді (дисульфирам тәрізді реакциялар).
Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері.
Орниципті қабылдағанда зейін шоғырландыруға қабілеттілік пен психомоторлық реакциялардың жылдамдығы төмендеуі мүмкін, мұны қызметі автокөлік басқарумен, машиналар және механизмдермен жұмыс жасаумен байланысты адамдарға препаратты қолдану қажет болғанда ескеру керек.
Артық дозалануы
Белгілері: бас айналуы, сананың бұзылуы, эпилепсия тәрізді құрысу ұстамалары, жүрек айнуы, іш қуысының ауруы, АІЖ шырышты қабықтарының эрозиялық зақымданулары сияқты жағымсыз әсерлерінің күшеюі.
Емі: құстыру қажет, белгілеріне қарай ем, талапқа сай гидратация және асқазанды шаю жүргізіледі.
Арнайы у қайтарғысы жоқ. Құрысулар кезінде диазепамды тағайындау ұсынылады.
Шығарылу түрі және қаптамасы
10 таблеткадан поливинилдихлоридті үлбірден және баспалы алюминий фольгадан жасалған пішінді ұяшықты қаптамаға салады.
1 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.
Сақтау шарттары
Құрғақ, жарықтан қорғалған жерде, 250С-ден аспайтын температурада cақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Қаптамасында көрсетілген жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
Симпекс Фарма Пвт. Лтд., Үндістан
C-7 to C-13 & C-59 to C-64,
Sigaddi Growth Center , SIDCUL,
Sigaddi, Kotdwar – 246149
Distt. Pauri Garhwal Uttarkhand, INDIA.
Тіркеу куәлігінің иесі
Симпекс Фарма Пвт. Лтд., Үндістан
B-4/160 Safdarjung Enclave,
New-Delhi - 110 029, India.
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
«Корал-Мед Қазақстан» ЖШС
Алматы қаласы , Әуезов к-сі 3
Тел./факс + 7 727 266 95 50, E-mail: coralmedkz@mail.ru