Орнимед (500 мг)

Орнимед

Орнидазол

Қабықпен қапталған таблеткалар.

Бір таблетканың құрамында

белсенді зат - орнидазол 500 мг;

қосымша заттар: картоп крахмалы, микрокристалды целлюлоза, гипромеллоза, магний стеараты, қабық (поливинил спирті, макрогол 3350, тальк, титанның қостотығы).

Цилиндр тәрізді, екі беті дөңес, ақ түсті таблеткалар.

Жүйелі қолдануға арналған инфекцияға қарсы препараттар. Жүйелі қолдануға арналған бактерияға қарсы препараттар. Басқа бактерияға қарсы препараттар. Имидазол туындылары. Орнидазол.

АТХ коды J01XD03

Фармакодинамикасы

Орнидазол Trichomonas vaginalis, Entamoeba histolytica, Giardia lamblia (Giardia intestinalis), сондай-ақ Bacteroides және Clostridium spp., Fusobacterium spp. сияқты кейбір анаэробты бактерияларға және анаэробты кокктарға қатысты тиімді.

- трихомониаз (Trichomonas vaginalis туындатқан әйелдер мен еркектердегі несеп-жыныс инфекциялар);

- амёбиаз (Entamoeba histolytica туындатқан барлық ішек инфекциялары, оның ішінде амёбалық дизентерия және амёбиаздың барлық ішектен тыс формалары, әсіресе бауырдың амёбалық абсцесі);

- лямблиоз;

- жуан ішек операцияларында және гинекологиялық араласулар кезіндегі анаэробты инфекциялардың профилактикасы.

Аздаған мөлшердегі сумен ішіп, тамақтан кейін ішке қабылдайды.

Трихомониаз:

Препарат дозасының ұсынылған сызбалары:

а) емдеу курсы - 1 күн:

- Ересектер мен дене салмағы 35 кг жоғары балалар - 3 таблетка кешкі қабылдауға;

- Дене салмағы 20 кг жоғары балалар үшін тәуліктік доза дене салмағының 25 мг/кг құрайды және 1 қабылдауға тағайындалады;

б) емдеу курсы - 5 күн:

- Ересектер мен дене салмағы 35 кг жоғары балалар - 2 таблетка (1 таблеткадан таңертең және кешке).

Дене салмағы 35 кг төмен балаларға - ұсынылмайды.

Қайта жұқтыру мүмкіндігін болдырмау үшін жыныстық жұптасы осындай курстан өтуі тиіс.

Амёбиаз.

Рұқсат етілген емдеу сызбасы:

а) амёбалық дизентериямен ауыратын науқастарды 3-күндік емдеу курсы;

б) амёбиаздың барлық формаларында 5-10-күндік емдеу курсы.

Препарат дозасының ұсынылған сызбасы:

Лямблиоз:

Ересектер мен дене салмағы 35 кг жоғары балаларға бір рет 3 таблетка кешке тағайындалады, дене салмағы 35 кг төмен балаларға - тәулігіне дене салмағының 40 мг/кг есебінен дозаны бір рет қабылдау. Емдеу ұзақтығы 1-2 күнді құрайды.

Анаэробты бактериялар туындатқан инфекциялардың профилактикасы:

Операциядан кейінгі емнің ұзақтығы, әдетте, 5 - 10 күнді құрайды, алайда оны операция жасалған науқастың клиникалық деректеріне сүйене отырып, анықтау керек. Орнидазолды операция жасалған науқастың жағдайы тұрақталғаннан және өз бетімен қолдану мүмкіндігінен кейін тағайындау керек.

12 сағат сайын 1 таблеткадан тағайындайды.

Балалар үшін тәуліктік доза 5-10 күн бойы 2 қабылдауға дене салмағының 1 кг-на 20 мг құрайды.

Аралас инфекциялардың профилактикасы үшін орнидазолды аминогликозидтермен, пенициллиндік және цефалоспориндік қатардағы антибиотиктермен біріктірілімде қолдану керек. Дәрілік заттарды жеке-жеке қолдану керек.

Жағымсыз әсерлер

Орнидазолдың жағымсыз әсерлері дозаға тәуелді.

Қан тарапынан: сүйек кемігіне әсері және нейтропения.

Иммундық жүйе тарапынан: тері реакциялары және аса жоғары сезімталдық реакциялары.

Жүйке жүйесі тарапынан: тремор, сіресу, зейін қоюдың бұзылуы, құрысулар, уақытша естен тану, сенсорлық немесе аралас шеткері нейропатия белгілері, бас айналуы, ұйқышылдық.

Ас қорыту жолы тарапынан: жүрек айнуы, құсу, ауыздағы металл дәмі.

Егер нұсқаулықта көрсетілген жағымсыз әсерлердің кез келгендері асқынса немесе нұсқаулықта көрсетілмеген кез келген басқа жағымсыз әсерлер байқалса дереу дәрігерге хабарласу керек.

Препаратқа немесе нитроимидазолдың басқа туындыларына аса жоғары сезімталдық. Орталық жүйке жүйесінің зақымдануы (эпилепсия, мидың зақымдануы, жайылған склероз). Қанның патологиялық зақымданулары немесе басқа да гематологиялық аномалиялар.

Сақтықпен:

- жүктілік, лактация кезеңі;

- бауыр ауруы және маскүнемдік.

Нитроимидазолдың басқа туындыларынан айырмашылығы орнидазол альдегиддегидрогеназаны тежемейді және сондықтан алкогольмен үйлесімді. Алайда орнидазол кумариндік қатардағы пероральді антикоагулянттардың әсерін күшейтеді, бұл олардың дозасының тиісінше түзетілуін керек етеді.

Орнидазол векуроний бромидінің миорелаксациялайтын әсерін ұзартады.

Фенобарбитал мен бауыр ферменттерінің басқа да индукторларын бірге қолдану қан сарысуындағы орнидазол циркуляциясының кезеңін төмендетеді, ал фермент тежегіштері (мысалы циметидин) жоғарылатады.

Препараттың жоғарғы дозаларын қолданғанда және 10 күннен артық емдеген жағдайда клиникалық және зертханалық мониторинг жүргізу ұсынылады.

Анамнезінде қан тарапынан бұзылыстары бар адамдарда, әсіресе қайталама емдеу курстарын жүргізгенде лейкоциттерді бақылау ұсынылады.

Орталық немесе шеткері жүйке жүйесі тарапынан бұзылыстардың күшеюі препаратпен емделу кезеңінде байқалуы мүмкін. Шеткері нейропатия, қимыл үйлесімінің бұзылуы (атаксия), бас айналуы немесе сананың шатасуы кезінде емді тоқтату керек.

Кандидомикоздың асқынуы байқалуы мүмкін, ол тиісті емді қажет етеді.

Гемодиализ жүргізген жағдайда жартылай шығарылу кезеңінің азаюына ескеру және гемодиализге дейін немесе одан кейін препараттың қосымша дозаларын тағайындау қажет.

Литиймен емдеуді қолданғанда литий тұздарының, креатининнің концентрациясы және электролиттер концентрациясын бақылау қажет.

Басқа дәрілік заттардың әсері емдеу кезінде жоғарылауы немесе төмендеуі мүмкін.

Орнимед препаратын қолданғанда ұйқышылдық, сіресу, бас айналуы, тремор, құрысулар, зейін қоюдың төмендеуі, уақытша естен тану сияқты белгілер болуы мүмкін. Мұндай белгілердің болу мүмкіндігін көлік басқаратын немесе басқа да механизмдермен жұмыс істейтін пациентер үшін ескеру қажет.

Симптомдары:

- жағымсыз реакциялардың күшеюі (эпилепсия түріндегі құрысулар, депрессия, шеткері неврит).

Емі:

- симптоматикалық ем, спецификалық антидоты белгісіз. Орнидазолдың организмнен шығару үшін асқазанды шаю немесе гемодиализ ұсынылады. Құрысу жағдайында диазепамды вена ішіне енгізу ұсынылады.

Трихомониазды емдегенде жыныстық жұптастарды бір уақытта емдеу қажет.

Шығарылу түрі және қаптамасы

10 таблеткадан полимер үлбірден (ПВХ немесе ПВДХ) және алюминий фольгадан жасалған блистерде.

1 немесе 2 блистерден медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшада.

Жарықтан қорғалған жерде, 25С-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды.

Дәрігердің рецептісі арқылы.

Тіркеу куәлігінің ұстаушысы

«Рубикон» ЖШҚ, Беларусь Республикасы, 210002, Витебск қ.,

М. Горький к. 62 Б, тел/факс +375 (212) 34-06-29,

e-mail: secretar@rubikon.by, www.rubikon.by

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Рубикон» ЖШҚ Қазақстан Республикасындағы өкілдігі, Қазақстан Республикасы, Алматы, Пушкин к-сі, 2/76, 905 кеңсе, тел/факс:+77017865802, email: Rubikon.kz@mail.ru