Ордигил (раствор для инфузий, 5 мг/мл)

• русский
• қазақша

• Скачать инструкцию медикамента

Саудалық атауы

Ордигил

Халықаралық патенттелмеген атауы

Орнидазол

Дәрілік түрі

Инфузияға арналған ерітінді 5мг/мл 100 мл

Құрамы

белсенді зат: 500 мг орнидазол,

қосымша заттар: натрий хлориді, хлорсутек қышқылы, инъекцияға арналған су

Сипаттамасы

Мөлдір түссіз ерітінді

Фармакотерапиялық тобы

Жүйелі қолдануға арналған микробқа қарсы препараттар.

Имидазол туындылары.

АТХ коды J01XD03

Фармакологиялық қасиеттері

Фармакокинетикасы

Орнидазолдың ақуыздармен байланысуы 15% жуықты құрайды. Белсенді заттары жұлын сұйығына, емшек сүтіне, плацентаға және организмнің көптеген тіндеріне өтеді. Бауырда гидроксилдену қышқылдану және глюкуронирлену жолымен метаболизденеді.

Негізгі 2-гидроксиметил- және -гидроксиметил метаболиттерінің Trichomonas vaginalis және анаэробты бактерияларға қатысты өзгермеген орнидазолға қарағанда белсенділігі төмен. Жартылай шығарылу кезеңі (T1/2) – шамамен 13 сағатқа жуық. Метаболиттер түрінде бүйрекпен (60-70%) және нәжіс массаларымен (20-25%) шығарылады, дозаның 5% жуығы өзгермеген түрінде шығарылады.

Фармакодинамикасы

Протозойға қарсы және микробқа қарсы препарат, 5-нитроимидазол туындысы. Әсер ету механизмі анаэробты микроорганизмдер мен қарапайымдылардың жасушаішілік тасымалдаушы протеиндерімен орнидазолдың 5-нитротобының биохимиялық қалпына келуіне байланысты. Орнидазолдың қалпына келтірілген 5-нитротобы олардың нуклеин қышқылдарының синтезін тежей отырып, микроорганиздердің ДНҚ-мен өзара әрекеттеседі, ол бактериялардың қырылуына әкеледі.

Trichomonas vaginalis, Gardnerella vaginalis, Giardia intestinalis, Entamoeba histolytica, Lamblia spp., қатысты белсенді, сондай-ақ облигатты анаэробтар Bacteroides spp. (оның ішінде Bacteroides fragilis, Bacteroides distasonis, Bacteroides ovatus, Bacteroides thetaiotaomicron, Bacteroides vulgatus), Fusobacterium spp, Veillonela spp., Prevotella (P.bivia, P.buccae, P.disiens), және кейбір грамоң микроорганиздерге (Eubacterium spp., Clostridium) қатысты белсенді.

Орнидазолға аэробты микроорганизмдер сезімтал емес.

Қолданылуы

- амебалық дизентерияда, ішектен тыс амебиазда (бауырдың амебалық абсцессі)

- анаэробты бактериялық жұқпада

- тоқ ішекте хирургиялық араласымдарда және гинекологиялық операцияларда анаэробты бактериялар туындатқан операциядан кейінгі жұқпалы асқынуларды алдын алуда

Қолдану тәсілі және дозалары

Ордигилді көктамыр ішіне енгізу жұқпаның ауыр ағымында, сондай ақ препаратты ішке қабылдау мүмкіндігі болмағанда көрсетілімде.

Ересектерге амебалық дизентерияда, бауырдың амебалық абсцессінде препаратты көктамыр ішіне 0,5 - 1,0 г (100,0-200,0 мл ерітінді) күніне 2 рет, балаларға дене салмағына 20-30 мг/кг тәуліктік дозада тағайындайды, емдеу курсы 3-6 күн. Диализдегі бүйрек жеткіліксіздігімен науқастарға диализді жүргізер алдында қосымша доза (әдеттегі дозаның 50%) тағайындау керек. Емделушіде ауыр бауыр жеткіліксіздігінде препаратты енгізу аралығын екі есе ұзартып, күніне 1 рет енгізу керек.

Ересектерге анаэробты бактериялық жұқпада препараты көктамыр ішіне бірінші күні 0,5-1,0 г (100,0-200,0 мл ерітінді), келесі күндері 1,0 г (200,0 мл) күніне бір немесе екі рет, жағдайы жақсарғанда емделушіні препаратты 0,5 мг дозада күніне екі рет ішу арқылы қабылдауға көшіру керек. Балаларға препараты дене салмағына 10 мг/кг дозада күніне екі рет енгізу керек. Емдеу курсы 5-10 күнді құрайды.

Анаэробты бактериялар туындатқан операциядан кейінгі жұқпалы асқынуларды алдын алуда. Ересектерге препаратты операция басталғанға дейін 30 минут бұрын 1,0 г (200,0 мл) дозада енгізеді. Диализдегі бүйрек жеткіліксіздігімен науқастарға диализді жүргізер алдында қосымша доза (әдеттегі дозаның 50%) тағайындау керек. Емделушіде ауыр бауыр жеткіліксіздігінде препаратты енгізу аралығын екі есе ұзарту керек немесе препарат ерітіндісін 5 мг\мл-ден кем концентрацияда енгізу керек.

Жағымсыз әсерлері

Сирек

- ұйқышылды, бас ауыруы, бас айналуы

- АІЖ қызметінің бұзылуы (оның ішінде жүрек айнуы), дәм сезудің бұрмалануы

- аллергиялық реакциялар

Өте сирек

- діріл, бұлшық еттердің сіресуі, қимыл үйлесімінің бұзылуы, құрысулар, шаршағыштық

- уақытша естен тану, сенсорлы немесе аралас шеткергі нейропатия

- "бауыр" ферменттері белсенділігінің өзгеруі

Қолдануға болмайтын жағдайлар

- препарат компоненттеріне, басқа да нироимидазол туындыларына жоғары сезімталдық

- орталық жүйке жүйесінің органикалық аурулары

- жүктілік (I триместр) және лактация кезеңі

Дәрілермен өзара әрекеттесуі

Кумаринді топтың антикоагулянттарының әсерін күшейтеді, векуроний бромидінің миорелаксациялайтын әсерін ұзартады. Басқа имидазол туындыларынан (метронидазол) айырмашылығы, алкоголмен (ацетальдегидрогеназаны тежемейді) сыйымды.

Айрықша нұсқаулар

Инфузияға арналған ерітіндіні көктамыр ішіне енгізу препаратты ішке қабылдау мүмкіндігі жоқ науқастарда көрсетілімде. Аралас жұқпаларда орнидазолдың инфузиялық ерітіндісін ішке қабылданатын антибиотиктермен біріктіріп қабылдауға болады. К/і тамшылатып енгізуде басқа препараттармен араластыруға болмайды.

Препараты орталық жүйке жүйесі ауруларымен науқастарға тағайындауға болмайды, мысалы, эпилепсияда немесе жайылған склерозда. Бауыр ауруларымен емделушілерде, алкоголиктер, эпилептиктер, ми жарақатымен емделушілерде, ұсынылған дозаны арттырғанда балаларда денсаулыққа қаупі бар.

Жүктілік және лактация кезеңі

Препаратты жүктіліктің II немесе III кезеңдерінде қолдану егер анаға деген күтілген пайдасы ұрыққа деген әлеуетті қаупінен жоғары болғанда ғана мүмкін. Препаратты лактация кезінде қолдану қажеттігінде емшекпен емізуді тоқтату жөнінде сұрақты шешу керек.

Көлік құралдарын немесе әлеуетті қауіпті механизмамдерді басқару қабілетіне әсер ету ерекшеліктері.

Ұйқышылдық, бас айналуы, діріл, бұлшықеттердің сіресуі, қимыл үйлесімінің бұзылуы, құрысу, уақытша естен тану секілді жағымсыз әсерлерінің даму мүмкіндігін ескеріп, көлік құралдарын немесе әлеуетті қауіпті механизмамдерді басқаруда сақтық шараларын сақтау керек.

Артық дозалануы

Симптомдары: эпилептиформалы құрысулар, депрессия, шеткергі неврит.

Емдеу: симптоматикалық

Шығарылу түрі және қаптамасы

100 мл препараттан төмен тығыздықтағы полиэтиленнен жасалған қақпағымен төмен тығыздықтағы полиэтилен құтыларда.

Құты дәнекерленіп жабылған полиэтилен пакетте медицинада қолданылуы жөніндегі мемлекеттік және орыс тіліндегі нұсқаулықтармен бірге картон пәшкеге салынған.

Сақтау шарттары

Құрғақ, жарықтан қорғалған жерде 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші:

«VMG Pharmaceuticals Pvt. Ltd». Үндістан

619/19 ,Чатарпур мейн Роад, Нью-Дели D.L.№411,

Чатарпур, 1-ші қабат, Нью-Дели-110074, Үндістан

Тіркеу куәлігінің иесі

«VMG Pharmaceuticals Pvt. Ltd». Үндістан

Қазақстан Республикасы аймағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«КазЕвроФарм» ЖШС

Алматы қ-сы, Құрманғазы к-сі 48 «а», 9 кеңсе

Индекс 050000

Телефон нөмірі (727) 2729871, 2615141

Факс нөмірі (727) 2614466

Электрондық поштасы: Info@kazeuropharm.com