Ордигил (500 мг)

• русский
• қазақша

• Скачать инструкцию медикамента

Саудалық атауы

Ордигил

Халықаралық патенттелмеген атауы

Орнидазол

Дәрілік түрі

Үлбірлі қабықпен қапталған таблеткалар, 500 мг

Құрамы

Бір таблетканың құрамында

белсенді заттар - 500 мг орнидазол,

қосымша заттар: микрокристалды целлюлоза, крахмал, тальк, магний стеараты,

қабықтың құрамы: гипромеллоза, полиэтиленгликоль, тальк, титанның қостотығы (Е 171).

Сипаттамасы

Дөңгелек пішінді, екі беті дөңес, түсі ақ немесе ақ дерлік үлбірлі қабықпен қапталған таблеткалар.

Фармакотерапиялық тобы

Жүйелі пайдалануға арнаған микробтарға қарсы препараттар. Бактерияларға қарсы басқа да препараттар. Имидазол туындылары.

АТЖ коды J01XD03

 

Фармакологиялық қасиеттері

Фармакокинетикасы

Ішке қабылдағаннан кейін орнидазол асқазан-ішек жолында сіңеді. Биожетімділігі орташа алғанда 95% құрайды. Қан плазмасындағы ең жоғары концентрациясына 3 сағат шегінде жетеді.

Қан ақуыздарымен байланысуы 13% жуықты құрайды. Белсенді зат жұлын сұйықтығына, емшек сүтіне енеді, гематоэнцефалдық бөгет (ГЭБ) және плацента арқылы өтеді. Препараттың қан плазмасындағы концентрациясы 6-36 мг/л шегінде түрленіп отырады. Орнидазол бауырда гидрооксилдену, тотығу және 2-гидроксиметил- және альфа-гидроксметилметаболиттер түзе отырып, глюкурондалу жолымен метаболизденеді. Өзгермеген орнидазолға қарағанда екі метаболиттің де Trichomonas vaginalis және анаэробты бактерияларға қатысты белсенділігі аздау.

Жартылай шығарылу кезеңі шамамен 13 сағатты құрайды. Бір мәрте қабылдағаннан кейін дозаның 85 % алғашқы бес күн ішінде негізінен метаболиттер түрінде бүйрек арқылы арқылы шығарылады. Қабылдаған дозаның 4% бүйрек арқылы шығарылады.

Фармакодинамикасы

Ордигил – бактерицидті әсері бар протозойға қарсы және микробқа қарсы препарат, 5-нитроимидазолдың туындысы. Әсер ету механизмі орнидазолдың 5-нитротобын анаэробты микроорганизмдер мен қарапайымдылардың жасушаішілік тасымалдау протеиндерімен биохимиялық қалпына келтіруге негізделеді. Қалпына келтірілген орнидазолдың 5-нитротобы ДНҚ микроорганизмдерімен өзара әрекеттеседі және нуклеин қышқылдарының синтезін тежейді, бұл бактериялардың қырылуына алып келеді.

Trichomonas vaginalis, Gardnerella vaginalis, Giardia lamblia, Entamoeba histolytica., сондай-ақ облигатты анаэробтар Bacteroides spp., (оның ішінде Bacteroides fragilis, Bacteroides distasonis, Bacteroides ovatus, Bacteroides thetaiotaomicron, Bacteroides vulgatus), Fusobacterium spp., Veillonela spp., Prevotella (P.bivia, P.buccae, P.disiens) қатысты белсенді.

Қолданылуы

- ересектердегі трихомониазда (әйелдер мен еркектерде Trichomonas vaginalis туындаған несепжыныс жұқпалары)

- амебиазда: ішектегі және ішектен тыс (оның ішінде бауырдың амебалық абсцессінде)

- лямблиозда

- жиек ішекке хирургиялық операциялар және гинекологиялық араласулар кезінде анаэробты жұқпалардың алдын алуда

Қолдану тәсілі және дозалары

Таблеткаларды тамақтанудан кейін ішке қабылдайды.

Ересектерде трихомониазды емдегенде біріктірілген емнің екі кестесі қолданылады

Балаларға дозаны бір қабылдауға тәулігіне әр кг дене салмағына 25 мг/кг есебінен белгілейді.

Амебиаз дизентериясында ересектер мен 6 жастан асқан және дене салмағы 35 кг асатын балаларға кешке қарай ішке 1,5 г (3 таб.) тәулігіне 1 рет тағайындайды; дене салмағы 60 кг артық ересектерге – тәулігіне 2 г (таңертең 2 таб. және кешке 2 таб.).

Дене салмағы 35 кг кем балаларға препаратты тәулігіне 1 рет әр кг дене салмағына 40 мг/кг есебінен тағайындайды.

Емдеу курсы - 3 күн.

Амебиаздың басқа түрлерінде ересектер мен дене салмағы 35 кг асатын балаларға ішке тәулігіне 2 рет 500 мг (таңертең 1 таб. және кешке 1 таб.). Дене салмағы 35 кг дейінгі балаларға: әр кг дене салмағына 25 мг/кг, тәулігіне бір қабылдау.

Емдеу курсы - 5-10 күн.

Лямблиозда ересектер мен дене салмағы 35 кг асатын балаларға ішке 1,5 г (3 таб.) тәулігіне 1 рет кешке қарай 1-2 күнге тағайындайды. Дене салмағы 35 кг кем балаларға препаратты 1-2 күн ішінде қабылдаған кезде тәулігіне 1 рет әр кг дене салмағына 40 мг/кг есебінен тағайындайды.

Анаэробты бактериялар туғызған жұқпалардың алдын алу үшін ересектерге 500 мг тәулігіне 2 рет (таңертең 1 таб. және кешке 1 таб.) 3-5 күн бойы тағайындалады. Балалардың тәуліктік дозасы әр кг дене салмағына 25 мг/кг есебінен 3-5 күн бойына белгіленеді.

Жағымсыз әсерлері

- бас ауыру, бас айналу

- сананың бұзылуы, қолдың дірілдеуі, қозғалыс үйлесімінің бұзылуы, сіресу

- құрысулар, сенсорлық немесе аралас шеткергі нейропатия, дәм сезудің бұзылуы

- жүрек айну, құсу, диарея, бауыр ферменттері белсенділігінің жоғарылауы

- лейкопения (ұзақ емдегенде)

- аллергиялық реакциялар

Қолдануға болмайтын жағдайлар

- орнидазол және нитроимидазолдың басқа да туындыларына, препараттың қосымша заттарына жоғары сезімталдық

- жүктілік (I, II триместр), лактация кезеңі

- орталық жүйке жүйесі аурулары

- 6 жасқа дейінгі балалар

Дәрілермен өзара әрекеттесуі

Ордигилді 5-нитроимидазолдың басқа туындыларымен бірге қолданған кезде шеткергі нейропатия, депрессия және эпилепсия тәрізді құрысулар байқалуы мүмкін.

Ордигил альдегиддегидрогеназаны тежемейді, сондықтан алкогольмен өзара әрекеттеспейді.

Микросомальді ферменттер индукторларымен бір мезгілде қабылдау (барбитураттар, бензодиазепиндер, рифампициндер және т.б.) орнидазолдың сарысудағы жартылай ыдырау кезеңін қысқартады. Микросомальді ферменттер тежегіштері (циметидин, макролидтер және т.б.) орнидазолдың жартылай ыдырау кезеңін ұзартады. Векуроний бромидінің миорелаксиялаушы әсерін күшейтеді.

Ордигил ұюға қарсы дәрілердің әсерін күшейтеді, бұл олардың дозасын түзетуді қажет етеді.

Ордигилді нейроуытты және гематоуытты препараттармен біріктіру ұсынылмайды.

Айрықша нұсқаулар

Трихомониаз кезінде қайталап жұқтыруды болдырмас үшін емдеуді бір мезгілде жыныстық жұптасымен бірге жүргізген жөн.

Педиатрияда қолданылуы

Мұндай дәрілік түрін 6 жасқа дейінгі балаларға пайдаланбайды.

Жүктілік және лактация кезеңі

Препаратты жүктілік кезінде (жүктіліктің III триместрі) анасы үшін пайдасы мен ұрыққа төнетін ықтимал қатерді таразылап алған соң ғана қолдануға болады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ордигил қабылдайтын емделушілерде ұйқышылдық, бас айналу, діріл, сіресу, үйлесімділіктің нашарлауы, талма, сананың уақытша бұзылуы білінуі мүмкін. Мұндай әсерлер автомобильді басқару немесе механизмдермен жұмыс істеу секілді зейін шоғырландыруды талап ететін әрекеттерді орындауға әсер етуі мүмкін.

Артық дозалануы

Симптомдары: эпилепсия тәрізді құрысулар, депрессия, шеткергі неврит.

Емі: симптоматикалық (құрысуларда – диазепамды тағайындау).

Шығарылу түрі және қаптамасы

Алюминий фольгадан жасалған пішінді ұяшықсыз қаптамада 10 таблеткадан.

1 немесе 3 пішінді ұяшықсыз қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«VMG Pharmaceuticals Pvt. Ltd», Үндістан

619/19, Chattarpur Main Road new Delhi – 110 074, at 2/3 Kaliamman Koil Street, Karapakkam, Chennai – 600 096

Тіркеу куәлігінің иесі

«VMG Pharmaceuticals Pvt. Ltd», Үндістан

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«КазЕвроФарм» ЖШС

Алматы қ., Құрманғазы к-сі 48 «а», 9 кеңсе

Индекс 050000

Телефон нөмірі (727) 2729871, 2615141

Факс нөмірі (727) 2614466

Электронды поштасы: Info@kazeuropharm.com