ОРВИколд

ОРВИколд

Жоқ

Ішке қабылдау үшін ерітінді дайындауға арналған ұнтақ немесе

ішке қабылдау үшін ерітінді дайындауға арналған ұнтақ (апельсин, немесе лимон, немесе таңқурай)

Бір пакеттің ішінде (ішке қабылдау үшін ерітінді дайындауға арналған ұнтақ):

белсенді заттар:

325 мг парацетамол,

20 мг фенирамин малеаты,

10 мг фенилэфрин гидрохлориді;

қосымша заттар: сусыз лимон қышқылы, қант.

Бір пакеттің ішінде (ішке қабылдау үшін ерітінді дайындауға арналған ұнтақ (апельсин, немесе лимон, немесе таңқурай)):

белсенді заттар:

325 мг парацетамол,

20 мг фенирамин малеаты,

10 мг фенилэфрин гидрохлориді;

қосымша заттар: сусыз лимон қышқылы, қант, апельсин хош иістендіргіші (мальтодекстрин, модификацияланған крахмал (Е 1450), бутилгидроксианизол, хош иісті композиция)

немесе лимон хош иістендіргіші (мальтодекстрин, гуммиарабик (Е 414), хош иісті композиция)

немесе таңқурай хош иістендіргіші (декстроза, мальтодекстрин, гуммиарабик (Е 414), натрий диацетаты (Е 262), табиғи хош иісті композициялар, табиғиларға ұқсас хош иісті композициялар).

Ақ немесе ақ дерлік түсті иіссіз ұнтақ. Ішінде жұмсақ кесектердің болуына жол беріледі (ОРВИколд).

Ақ немесе ақ дерлік түсті, апельсин иісі бар ұнтақ. Ішінде жұмсақ кесектердің болуына жол беріледі (ОРВИколд апельсин).

Ақ немесе ақ дерлік түсті, лимон иісі бар ұнтақ. Ішінде жұмсақ кесектердің болуына жол беріледі (ОРВИколд лимон).

Ақ немесе ақ дерлік түсті, таңқурай иісі бар ұнтақ. Ішінде жұмсақ кесектердің болуына жол беріледі (ОРВИколд таңқурай).

Анальгетиктер. Басқа анальгетиктер-антипиретиктер. Анилидтер. Басқа препараттармен (психолептиктерді қоспағанда) біріктірілген парацетамол.

АТХ коды N02BE51

Фармакокинетикасы

Парацетамол АІЖ жылдам және толығымен сіңіріледі. Қан плазмасындағы ең жоғарғы концентрациялары 30-60 минуттан соң байқалады. Емдік дозаларын қолданғанда жартылай шығарылу кезеңі шамамен 1-4 сағатты құрайды. Биотрансформациясы негізінен, бауырдағы конъюгациялық реакциялары арқылы жүреді. Алайда, қан плазмасындағы концентрациясының деңгейіне байланысты, парацетамол ішінара деацетилденуге немесе гидроксилденуге де ұшырайды. 24 сағат ішінде қолданылған дозасының 90-100%-ы бүйрек арқылы глюкуронидтер (60 %), сульфаттар (35%) немесе цистеиндік конъюгаттары (3%) түрінде шығарылады.

Фенирамин малеаты қан плазмасындаңы ең жоғарғы концентрациясына 1-2.5 сағаттан соң жетеді. Жартылай шығарылу кезеңі 16-19 сағатты құрайды. Ішке қолданғандағы дозасының 70-83 %-ы несеппен өзгеріссіз күйде немесе метаболиттері түрінде шығарылады.

АІЖ сіңірілуі жеткіліксіздігіне және ішек пен бауырдағы моноаминооксидазаның (МАО) әсерінен туындаған жүйеалдылық әсеріне байланысты, фенилэфриннің биожетімділігі шектеулі.

Фармакодинамикасы

Біріктірілген препарат, ыстықты түсіретін, қабынуға қарсы, ісінуге қарсы, ауыруды басатын және аллергияға қарсы әсерге ие.

Парацетамол ыстықты түсіретін, ауыруды басатын және қабынуға қарсы аздаған әсерге ие, суық тию аурулары кезінде байқалған ауыру синдромын, тамақ ауыруын, бас ауыруын, бұлшықет және буын ауыруын азайтады, жоғары температураны төмендетеді. Көбінесе, орталық жүйке жүйесіндегі бірінші және екінші типті циклооксигеназаны бөгейді. Шеткері тіндердегі простагландиндер синтезіне бөгегіштік әсерінің жоқтығына байланысты, су-тұз алмасуына (Na+ мен судың іркілуі) және асқазан-ішек жолының шырышты қабығына әсер етпейді.

Фенилэфрин гидрохлориді симпатомиметиктік әсерге ие: гиперемия мен ісінуді төмендетеді, мұрын мен мұрынмаңы қойнауларының шырышты қабығы қантамырларының тарылуын туғызады.

Фенирамин малеаты Н1-рецепторларының блокаторы болып табылады, аллергияға қарсы әсерге ие: инфекцияның жергілікті экссудативтік көріністерінің айқындығын төмендетеді, көзден жас ағуын басады, көз бен мұрынның қышынуын азайтады, ринореяны жояды.

- қызба мен қалтырауды, бас ауыруын, тұмаурату, мұрынның бітелуін, түшкіру мен дененің ауыруын қоса, тұмау мен суық тиюдің қысқа мерзімді симптоматикалық емінде

1 пакеттің ішіндегісін стақандағы қайнаған ыстық суға еріту керек және ыстықтай ішу керек.

Әр 4-6 сағат сайын 1 пакеттен (симптомдарын жеңілдету үшін қажеттілігіне қарай), бірақ, тәулігіне 3 пакеттен асырмай. Бір реттік доза 1 пакеттен аспау керек.

Препаратты 7 күннен ұзақ қолдануға болмайды.

Егер препаратты қабылдауды бастағаннан кейін 3 күн ішінде симптомдардың жеңілдеуі байқалмаса, дәрігерге қаралу қажет.

Анағұрлым жиі кездесетін жағымсыз реакциялар: бас айналуы, ауыздың немесе тамақтың құрғауы, қажу, бас ауыруы, мазасыздық, күйгелектік, тахикардия, жүрек соғуының жиілеуі, сирек жағдайларда қозу, ұйқының бұзылуы, ісінулер байқалады.

Сирек жағдайларда байқалуы мүмкін:

аллергиялық реакциялар: қышыну, бөртпе, есекжем, көздің және шырышты қабықтардың тітіркенуі, бірен-саран жағдайларла – эритематоздық және терінің басқа реакциялары, петехиялар, ангионевроздық ісіну, бронх түйілуі, артериялық қысымның тіпті шок жағдайына дейін төмендеп кетуі, анафилаксия;

ас қорыту жолы тарапынан: іш қатуын, жүрек айнуын, құсуды, диарея немесе метеоризмді қоса, ас қорыту бұзылыстары, эпигастрийдің ауыруы, бауыр функциясының бұзылуы;

эндокриндік жүйе тарапынан: қандағы қант деңгейінің ауытқулары;

жүйке жүйесі тарапынан: сананың шатасуы, вестибулярлы бұзылыстар.

Парацетамолдан туындаған жағымсыз реакциялар: тромбоцитопения, лейкопения, гемолиздік анемия, бірен-саран жағдайларда - агранулоцитоз. Ацетилсалицил қышқылын (5 – 10 %) көтере алмаушылығы бар пациенттерде парацетамолға да реакция болады (мысалы, демікпеден зардап шегетіндер);

фенилэфриннен туындаған: артериялық қысымның жоғарылауы, жүректің ауыруы, мидриаз, көру және аккомодация бұзылуы, көзішілік қысымның жоғарылауы және эндокриндік пен метаболизм үдерістерінің басқа реттегіштеріне әсер ету ықтималдығы, несеп шығарудың бұзылуы;

фенираминнен туындаған: көздің құрғауы, ұйқысыздық, жекелеген жағдайларда - кома, құрысулар, дискинезия, мінез-құлық өзгерістері.

Екінші буынды антигистаминдік препараттарға қарағанда, фенираминді қолдану QTc аралығының ұзаруымен және аритмиямен астаспайды.

- препарат компоненттеріне жоғары сезімталдық

- ауыр жүрек-қантамырлық жеткіліксіздік

- бауырдың ауыр жеткіліксіздігі

- бүйректің ауыр жеткіліксіздігі

- туа біткен гипербилирубинемия

- артериялық гипертензия

- феохромоцитома

- тиреотоксикоз

- несеп шығарудың қиындауымен жүретін простата аденомасы

- қуық мойнының обструкциясы

- қан аурулары

- пилородуоденальді обструкция, асқазан мен он екі елі ішектің стеноздық ойық жарасы

- қант диабеті

- өкпе аурулары (бронх демікпесін қоса)

- глаукома

- глюкоза-6-фосфатдегидрогеназа тапшылығы, тұқым қуалайтын

фруктозаны көтере алмаушылық немесе глюкоза-галактоза мальабсорбциясы

- эпилепсия

- маскүнемдік

- МАО тежегіштерімен қатарлас емдеу және оларды қолдануды тоқтатқаннан кейінгі 2 апта бойы

- жүктілік және лактация кезеңі

- балалар мен 18 жасқа дейінгі жасөспірімдер.

Парацетамолмен дәрілік өзара әрекеттесулер әдетте, елеусіз болып келеді, бірақ қатарлас қолданылатын дәрілік заттар антикоагулянттар (варфарин мен кумарин) және құрысуға қарсы емдік индексі төмен дәрілік заттар болып табылған кезде күшейеді. Парацетамолды ҚҚСП бір мезгілде қолдану олардың нефроуыттылығын арттыруы мүмкін. Фармакодинамикалық өзара әрекеттесулері кофеин, апиындар сияқты ауыруды басатын басқа препараттармен туындауы мүмкін; барбитураттар ыстықты түсіретін әсерін азайтады. Хлорамфениколдың жартылай шығарылу кезеңі ұзарады. Пробенецид, холестирамин парацетамолдың метаболизмін бәсеңдетеді. Туберкулезді рифампицинмен және изониазидпен емдеу парацетамолдың гепатоуыттылығын күшейтеді. Эпилепсияға қарсы дәрілер (фенобарбитал, фенитоин, карбазепин) гепатоуыттылық әсерінің қаупін арттырмайды.

Фенилэфрин гидрохлоридін МАО тежегіштерімен, α- және β-адренорецепторлардың блокаторларымен, гипертензияға қарсы дәрілермен, фенотиазин туындыларымен (мысалы, прометазин), бронходилататорлық симпатомиметиктік дәрілермен, трициклдық антидепрессанттармен, гуанетидинмен немесе атропинмен, оймақгүл алкалоидтарымен, раувольфия алкалоидтарымен, индометацинмен, метилдопамен, ГКС; тәбетке әсерін тигізетін препараттармен, амфетамин тәрізді психостимуляторлармен, босандыру стимуляторларымен, анестетиктермен, қастауыш алкалоидтарымен қолданбаған дұрыс.

Фенирамин малеаты орталық жүйке жүйесін бәсеңдететін дәрілік заттардың (мысалы, паркинсон ауруына қарсы және психозға қарсы дәрілердің) әсерін, сондай-ақ, алкогольдің әсерін күшейтеді, антикоагулянттардың әсерін бәсеңдетеді және прогестеронмен, резерпинмен, тиазидтік диуретиктермен өзара әрекеттеседі. Ішу арқылы қабылданатын контрацептивтер антигистаминдік дәрілердің тиімділігінің азаюына алып келуі мүмкін.

Ұсынылған дозасын арттыруға немесе препаратты қатарынан 7 күннен артық қабылдауға болмайды. Егер симптомдары:

- 7 күн ішінде жақсармаса;

- 3 күннен аса қызбамен қатар жүрсе;

- 3 күннен аса басылмаған тамақ ауыруы қосылса, қызбамен, бас ауыруымен, бөртпелермен, жүрек айнуымен немесе құсумен қатар жүрсе, дәрігермен кеңесу керек.

Құрамында парацетамол бар басқа дәрілік заттардың бір мезгілде қолданылуын болдырмау керек.

Препаратты қолданғанда алкогольдік сусындарды пайдалану ұсынылмайды, өйткені этил спирті парацетамолды бір мезгілде қабылдағанда бауыр функциясының бұзылуын туғызуы мүмкін.

Препаратты қуықасты безінің гипертрофиясы, қалқанша без, бауыр және бүйрек аурулары, брадикардиясы, жедел панкреатиті бар пациенттерге, 70 жастан асқан, жүрек-қантамыр аурулары бар пациенттерге сақтықпен қолдану керек.

Басқа дәрілік заттарды қолданумен емдеу курсын қабылдап жүрген пациенттерге дәрігердің нұсқауынсыз қолданбау керек.

Фенилэфрин спортшыларда допинг-бақылауының жалған оң нәтижесі алынуына ықпал етуі мүмкін.

Бауырдың уытты зақымдануын болдырмас үшін, препаратты қабылдауды алкогольдік сусындарды қолданумен қатарластырмау керек.

Препаратты 70 жастан асқан, жүрек-қантамыр аурулары бар адамдарда пайдаланғанда, фенилэфриннің тамырды тарылтатын әсерінің білінуі мүмкіндігіне байланысты, сақтық таныту керек.

Егер, препараттың қабылданғанына қарамастан, ауру ұзаққа созылған қызбамен немесе температураның қайталап жоғарылауларымен қатар жүре берсе, дәрігерге хабарласу қажет.

Бүлінген пакеттердегі препаратты пайдаланбау керек.

Жүктілік және лактация кезеңі

Препаратты жүктілік және лактация кезеңінде қолдануға болмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Емделу кезінде көлік құралдарын басқару немесе жоғары зейін қою мен психомоторлық реакциялар жылдамдығының жоғарылығын қажет ететін күрделі механизмдермен жұмыс жасау ұсынылмайды. Седативтік дәрілерді, транквилизаторларды немесе алкогольді бір мезгілде қолданғанда ұйқышылдық күшеюі мүмкін.

Парацетамолдан туындайтын симптомдары: гепатоуытты әсері, ауыр жағдайларда, артық дозаланғаннан кейін 24-48 сағат ішінде пайда болуы мүмкін жүрек айнуымен, құсумен, іштің ауыруымен қатар жүретін бауыр некрозы дамиды. Глюкоза метаболизмінің бұзылуы мен метаболизмдік ацидоз, өзекшелер некрозымен бүйректің жедел жеткіліксіздігі; аритмия, панкреатит, сульфгемоглобинемия, метгемоглобинемия, анемия.

Антигистаминдік компонентінің парасимпатикалық әсерінің күшеюінен және фенилэфрин гидрохлоридінің симпатомиметикалық әсерінен туындайтын симптомдары: гемодинамикалық өзгерістер және тыныстың тарылуымен жүретін жүрек-қантамыр жеткіліксіздігі, қозуға (әсіресе, балаларда) себеп болуы мүмкін ұйқышылдық; депрессия, ауыздың шырышты қабығының ойық жаралары, көру бұзылуы, бас ауыруы, бас айналуы, ұйқысыздық, кома, құрысулар, мінез-құлық өзгерістері, артериялық гипертензия, брадикардия, атропин тәрізді «психоз».

Емі: асқазанды шаю, парацетамолдың антидоты ретінде N-ацетилцистеинді вена ішіне немесе ішу арқылы қолдану, белсендірілген көмірді, іш жүргізетін тұзды дәріні қабылдау, тыныс алу мен қанайналымға мониторинг жүргізу (адреналинді қолдануға болмайды). Симптоматикалық ем және демеуші ем. Құрысулар жағдайында диазепам тағайындалады.

Артериялық гипотензия кезінде α-адренорецепторлардың блокаторларын немесе тамырды тарылтатын дәрілерді қолдануға болады.

Шығарылу түрі және қаптамасы

10 г ұнтақ БР ТШ 28632061.002-98 1-5 өзг. бойынша біріктірілген материалдан жасалған, төрт жағынан желімденіп жабыстырылған пакеттерде.

5, 10 немесе 15 пакеттен медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынады.

Құрғақ және жарықтан қорғалған жерде, 250С-ден аспайтын температурада.

Балалардың қолы жетпейтін жерде сақтау керек.

2 жыл

Жарамдылық мерзімі өткеннен кейін қолдануға болмайды.

Рецептісіз

«Лекфарм» ЖШБҚ, Беларусь Республикасы, 223141, Логойск қ., Минская к-сі, 2а үй

тел./факс: (01774)-53801, е-mail: office@lekpharm.by

«Лекфарм» ЖШБҚ, Беларусь Республикасы, 223141, Логойск қ., Минская к-сі, 2а үй

тел/факс: (01774)-53801, е-mail: оffice@lekpharm.by

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

Қазақстан Республикасындағы «Лекфарм» ЖШБҚ өкілдігі,

050000, Алматы қ., Бостандық ауданы, әл-Фараби даңғылы 7,

"Нұрлы Тау" БО, 4а корпусы, 55 кеңсе, тел. 8(727)-3110454,

факс 8(727)-3110455,

электронды пошта: amangul-62@mail.ru