Оптибетол
Инструкция
-
русский
-
қазақша
Саудалық атауы
Оптибетол
Халықаралық патенттелмеген атауы
Бетаксолол
Дәрілік түрі
Көз тамшы дәрісі, 5 мг/мл
Құрамы
1 мл ерітіндінің құрамында
белсенді зат - 5.0 мг бетаксолол (5.6 мг бетаксолол гидрохлориді түрінде),
қосымша заттар: динатрий эдетаты, натрий хлориді, бензалконий хлоридінің ерітіндісі, 10% натрий гидроксидінің ерітіндісі, тазартылған су.
Сипаттамасы
Мөлдір түссіз немесе ашық сары түсті сұйықтық
Фармакотерапиялық тобы
Глаукомаға қарсы жергілікті қолдануға арналған дәрі. Селективті β1-адренобөгегіш.
АТХ коды S01ED02
Фармакологиялық қасиеттері
Фармакокинетикасы Бетаксолол жоғары дәрежелі липофильділігімен сипатталады, соның нәтижесінде мөлдір қабықтың эпителиі арқылы тез сіңеді, ал көзішілік сұйықтықта препараттың жоғары концентрациясы түзіледі.
Әсерінің басталу уақыты (көзішілік қысымның төмендеуі) – 30 минут, ең жоғары әсері – 2 сағаттан кейін, әсер ету ұзақтығы – 24 сағат. Жартылай шығарылу кезеңі (T1/2) 16-20 сағатты құрайды, плазма ақуыздарымен байланысуы – 50%. Негізінен бүйректер арқылы, аздаған дәрежеде нәжіспен бірге екі карбон қышқылы түрінде және өзгермеген күйінде (қолданылатын дозаның 16%-ға жуығы) шығарылады. ГЭБ және плацентарлы бөгет арқылы өткізгіштігі – төмен, емшек сүтімен бірге бөлініп шығуы – аздаған.
Фармакодинамикасы
Оптибетол (бетаксолол) - бұл өзінің жеке симпатомиметикалық белсенділігі жоқ селективті β1-адренобөгегіш. Көз тамшысы ретінде қолдану, көзішілік сұйықтық өнімінің азаюы есебінен, көзішілік қысымның төмендеуімен қатар жүреді. Резорбтивті әсері өте аз білінеді. Бұдан басқа, препарат көздегі қан айналымын (перфузияны) жақсартады. Сулы ылғал өнімін, гемералопияны төмендету есебінен, миозды, аккомодация спазмын тудырмайды.
Қолданылуы
- көзішілік қысым жоғарылағанда
- ашық бұрышты глаукомада
Қолдану тәсілі және дозалары
Ересектерге (соның ішінде егде жастағы емделушілерге) конъюнктивальді қалтаға тәулігіне 2 рет 1 тамшыдан.
Енгізу тәсілі
Дәрілік препарат тек жергілікті қолдануға – конъюнктивальді қалтаға тамызуға ғана арналған.
Препаратты пайдаланған кезде микробпен зақымдануына жол бермеу үшін тамызғыш дозатордың ұшын қандай да бір беткейге тигізіп алмаған жөн.
Дәрілік препаратты тамызар алдында қолды мұқият жуған жөн. Қақпағын ашып, дәрілік препаратты конъюнктивальді қалтаға тамызу керек. Егер тамшы конъюнктивальді қалтаға түспесе, келесі тамшыны тамызған жөн. Көзді ақырын жұмып, препарат сіңгенше 2 минутқа жуық көзді жыпылықтатпау және ашпау керек. Содан кейін препараттың қалғанын кетіру үшін қолды жуу және құтыны жауып қою керек.
Жағымсыз әсерлері
Жергілікті:
- анық көрмеу, өткінші жайсыздық
- нүктелі кератит
- мөлдір қабық сезімталдығының төмендеуі
- бөгде затты сезіну
- жарықтан қорқу, көзден жас ағу
- қышу
- көздің құрғауы
- эритема
- қабынуы, ауыруы
- көру жітілігінің төмендеуі
Жүйелік:
Сирек:
- брадикардия, жүрек өткізгіштігінің бұзылуы және жүрек қызметінің жеткіліксіздігі
- диспноэ, бронхтың тарылуы, тыныс алу қызметінің жеткіліксіздігі
- ұйқышылдық, ұйқысыздық, бас айналу, депрессия, жалпы әлсіздік, ауыр жалған салдық миастенияның күшеюі
- аллергиялық реакциялар
Болуы мүмкін жағымсыз әсерлер:
- гипотензия
- денеге үлкен күш түскенде аяқ-қолдың салқындау сезімі және көгеруі, балтырдың ауыруы
- шаршау, бас ауыру, елестеулер, психоздар, ступор, импотенция, ұйқының бұзылуы, түнгі қорқыныштар
- диспепсия, жүректің айнуы, құсу, диарея
- тыныстың тарылуы, әсіресе демікпеге шалдыққан емделушілерде
- ксерофтальмия
Қолдануға болмайтын жағдайлар
- препараттың кез келген компонентіне жоғары сезімталдық
- синустық брадикардия
- II және III дәрежелі атриовентрикулярлы бөгет
- кардиогендік шок
- жүрек қызметінің айқын жеткіліксіздігі
- мөлдір қабық дистрофиясы
- құрғақ кератиттер
- балалар және18 жасқа дейінгі жасөспірімдер
Дәрілермен өзара әрекеттесуі
Бөлек қолданылатын бетаксолол қарашыққа ықпалын тигізбейді, немесе аздаған дәрежеде ықпал етеді, эпинефринмен бір мезгілде қолданған кезде қарашықты ұлғайтуы мүмкін.
Бетаксололды және кaтехоламиндердің концентрациясын төмендететін дәрілерді (мысалы, резерпинді), сондай-ақ адренергиялық тасымалға ықпалын тигізетін психотроптық дәрілерді (мысалы, кейбір антидепрессанттар) бір мезгілде қолданатын емделушілерді емдеу дәрігердің жүйелі бақылауымен жүргізілуі тиіс, өйткені гипотензия және (немесе) брадикардия пайда болуы мүмкін.
Айрықша нұсқаулар
Жүрек-қантамыр аурулары
Көзге тамызған кезде бетаксололдың жүйелік қан ағысына түсуі және β-адренобөгегіштерді көктамыр ішіне және парентеральді түрде тағайындаған кездегідей жағымсыз әсерлер пайда болуы мүмкін. Оптибетолдың жергілікті препарат ретінде артериялық қысымға және жүректің жиырылу жиілігіне өте аз әсер ететіндігіне қарамастан, оны сыртартқысында жүректің соғу ырғағы бұзылған немесе жүрек қызметінің жеткілікісіздігі бар науқастарға тағайындағанда сақ болған жөн. Жүрек қызметі жеткіліксіздігінің алғашқы белгілері пайда болған кезде емдеуді тоқтатқан жөн.
Қант диабеті
Оптибетолды гипогликемияға бейім науқастарға сақтықпен тағайындаған жөн, өйткені ол жедел гипокликемия симптомдарын бүркемелеуі мүмкін.
Тиреотоксикоз
Оптибетол гипертиреоидизмнің кейбір симптомдарын (мысалы, тахикардияны) бүркемелеуі мүмкін. Тиреотоксикоз күдігі бар емделушілерде препаратты күрт тоқтатпаған жөн, өйткені бұл симптомдарды күшейтуі мүмкін.
Хирургия
Жоспарлы операция алдында Оптибетол жалпы анестезиядан 48 сағат бұрын (бірақ бірден емес) біртіндеп тоқтатылуы мүмкін, өйткені жалпы наркоз кезінде ол миокардтың жұмыс істеуі үшін қажетті симпатикалық стимуляцияға сезімталдығын азайтуы мүмкін.
Пульмонология
Оптибетолды тыныс қызметінің жеткіліксіздігі бар науқастарға тағайындағанда сақ болған жөн.
Егер Оптибетол препаратын қабылдау уақытын өткізіп алса, келесі дозаны емдеу сызбасына сай уақытта қабылдаған жөн. Дозаны екі еселемеу керек.
β-адренобөгегіш дәрілерді және Оптибетолды (көз тамшылары) қолданып жүрген емделушілерді емдеу, көзішілік қысымға қосылып әсер ету және жүйелік жағымсыз әсерлердің пайда болу қаупіне байланысты, дәрігердің жүйелі бақылауымен жүргізілуі тиіс.
Оптибетол қарашықтың шамасына ықпал етпейді, сондықтан жабық бұрышты глаукомада препаратты көзішілік қысымды төмендететін дәрі ретінде миотиктермен бірге ғана қолданған жөн.
Препараттың құрамында бензалконий хлориді бар болғандықтан, препаратты қолдану кезінде жұмсақ (гидрофильді) жанаспалы линза кимеген жөн. Жанаспалы линзаларды препаратты тамызар алдында шешіп алған және кем дегенде 15 минут өткен соң қайтадан киген жөн. Бензалконий хлориді көзді тітіркендіруі мүмкін және жанаспалы линзаның бояуын өзгертеді.
Жүктілік және лактация кезеңі
Препаратты жүкті әйелдерге ана үшін шамаланған пайдасы ұрыққа келтіретін қауіптен басым болған жағдайда ғана тағайындауға болады.
Бетаксололдың емшек сүтімен бөлініп шығуы, көз тамшысы ретінде қолданғанда мардымсыз. Препаратты әйелдер емшек емізу кезеңінде қолданғанда сақ болғаны жөн.
Көлікті және қауіпті механизмдерді басқару қабілетіне ықпал ету ерекшеліктері
Емделу кезеңінде көлікті басқарғанда және зейінді жұмылдыруды және психомоторлы реакциялардың шапшаңдығын қажет ететін басқа да қауіпті қызмет түрлерімен айналысқанда сақ болу қажет.
Артық дозалануы
Жергілікті қолданған кезде артық дозалануы екіталай.
Симптомдары: брадикардия, артериялық қысымның төмендеуі, жүрек қызметінің жедел жеткіліксіздігі.
Емдеу: көзді қайнаған жылы судың мол мөлшерімен шайған жөн.
Шығарылу түрі және қаптамасы
Алғаш ашылғаны бақыланатын қақпақпен тығындалған, тамызғышы бар полиэтилен құтыларға 5 мл-ден құйылған.
1 құты медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.
Сақтау шарттары
25ºС-ден аспайтын температурада, жарықтан қорғалған жерде сақтау керек.
Балалардың қолы жетпейтін жерде сақтау керек.
Сақтау мерзімі
3 жыл.
Құтыны алғаш ашқаннан кейінгі қолдану кезеңі – 4 апта.
Жарамдылық мерзімі өткеннен кейін пайдалануға болмайды.
Дәріханадан босатылу шарттары
Рецепт арқылы
Өндіруші
Польфа Варшава фармацевтикалық зауыты АҚ
Карольков к-сі 22/24, 01-207 Варшава, Польша.
Тіркеу куәлігі иесінің атауы және елі
Польфа Варшава фармацевтикалық зауыты АҚ, Польша.
Тұтынушылардан өнім сапасы жөнінде шағымдарды Қазақстан Республикасы аумағында қабылдайтын ұйымның мекенжайы
«Adalan» ЖШС
Тимирязев к-сі 42, пав. 23, кеңсе 202, 050057, Алматы қ-сы
тел. + 727 269 54 59, электронндық поштасы: reg@adalan.kz