ОНЕБИКС™

ОНЕБИКС™

Небиволол

Дәрілік түрі, дозалануы

Таблеткалар, 5 мг

Жүрек-қантамыр жүйесі. Бета-адреноблокаторлар. Селективті бета-адреноблокаторлар. Небиволол.

ATХ коды: С07АВ12

- эссенциалдық гипертензия

- егде жастағы ≥ 70 жас пациенттерде стандартты емдеу әдістеріне қосымша ретінде жүрек функциясының жеңіл және орташа ауырлық дәрежесіндегі тұрақты созылмалы жеткіліксіздігін емдеу.

Дәрілік препаратты қолданудың басталуына дейінгі қажетті мәліметтер тізбесі

- әсер етуші затқа немесе препараттың басқа компоненттерінің біріне жоғары сезімталдық

- бауыр функциясының жеткіліксіздігі немесе бауыр функциясының бұзылуы

- жүрек функциясының жедел жеткіліксіздігі, кардиогенді шок немесе инотропты әсері бар әсер етуші заттарды вена ішіне енгізуді талап ететін жүрек функциясы жеткіліксіздігінің декомпенсация кезеңдері

- балалар мен 18 жасқа дейінгі жасөспірімдер, өйткені препараттың тиімділігі мен қауіпсіздігі анықталмаған

- лактация кезеңі

-тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар пациенттерге.

Сонымен қатар, басқа -адреноблокаторлар сияқты, ОНЕБИКС™ препаратын келесі жағдайларда қолдануға болмайды:

-синус түйінінің әлсіздігі синдромында (sick-sinus-syndrom), синоатриялық блокаданы қоса

- II және III дәрежелі АВ-блокада (кардиостимуляторсыз)

- анамнезінде бронх түйілуі және бронх демікпесі болса

- емделмеген феохромоцитома

- метаболизмдік ацидозда

- брадикардия (емдеу басталғанға дейін жүректің жиырылу жиілігі минутына 60 соғудан аз)

- артериялық гипотензия (систолалық артериялық қысым 90 мм с. б. аз)

- шеткергі қанайналымның ауыр бұзылуларында

Қолдану кезіндегі қажетті сақтандыру шаралары

Келесі ескертулер мен сақтандыру шаралары -адреноблокаторлар үшін ортақ болып табылады.

Анестезия

- адренорецепторлар блокадасы наркозға және интубацияға енгізген кезде жүрек ырғағының бұзылу қаупін азайтады. Егер хирургиялық араласуға дайындық кезінде - адренорецепторлар блокадасын тоқтату қажет болса, онда -адреноблокаторларды кемінде 24 сағат бұрын тоқтату керек.

Миокард тежелуін тудыратын белгілі бір анестетиктерді сақтықпен қолдану керек. Пациентте вагустық реакциялардың пайда болуын атропинді вена ішіне енгізу арқылы алдын алуға болады.

Жүрек-қантамыр жүйесі

Әдетте, -адреноблокаторлар жүрек функциясының емделмеген жеткіліксіздігі бар пациенттерге олардың жағдайы тұрақтанғанға дейін тағайындалмайды.

Жүректің ишемиялық ауруымен ауыратын пациенттерде -адреноблокаторлармен емді біртіндеп, яғни 1-2 апта ішінде тоқтату керек. Қажет болған жағдайда, стенокардияның өршуіне жол бермеу үшін – бір мезгілде алмастырғыш препараттармен емдеуді бастау ұсынылады.

- адренорецепторлар блокаторлары брадикардияны тудыруы мүмкін. Егер тыныштықта пульс минутына 50-55 соғудан төмен мәндерге дейін төмендесе және/немесе пациентте брадикардияны көрсететін симптомдар дамыса, онда дозаны азайту керек.

- адренорецепторлар блокаторларын сақтықпен қолдану керек:

- шеткергі қанайналымның бұзылулары бар пациенттерде (Рейно ауруы немесе Рейно синдромы, ұстамалы ақсақтық), өйткені осы аурулардың өршуі басталуы мүмкін;

- I дәрежелі АВ-блокадасы бар пациенттер -адреноблокаторлардың өткізгіштікке теріс әсеріне байланысты;

-адренорецепторлардың белсенуіне байланысты коронарлық артериялардың вазоконстрикциясы салдарынан Принцметал стенокардиясы бар пациенттер: -адренорецептор блокаторлары стенокардия ұстамаларының жиілігі мен ұзақтығын арттыруы мүмкін.

Небивололдың верапамил және дилтиазем типті кальций антагонистерімен, І топтағы аритмияға қарсы дәрілермен, сондай-ақ орталық әсер ететін гипотензивті препараттармен біріктірілімі ұсынылмайды.

Зат алмасу және эндокриндік жүйе

ОНЕБИКС™ диабетпен ауыратын пациенттерде глюкоза деңгейіне әсер етпейді. Осыған қарамастан, бұл жағдайда сақ болу керек, өйткені небиволол гипогликемияның белгілі бір симптомдарын (тахикардия, жүрек соғуы) бүркемелеуі мүмкін.

Қалқанша безінің гиперфункциясы кезінде -адреноблокаторлар тахикардия сияқты аурудың симптомын бүркемелеуі мүмкін. Терапияны кенеттен тоқтатқан кезде бұл симптомдар күшеюі мүмкін.

Тыныс алу жолдары

Тыныс алу жолдарының созылмалы обструктивті аурулары бар пациенттерде -адреноблокаторларды сақтықпен қолдану керек, өйткені тыныс алу жолдарының констрикциясы күшеюі мүмкін.

Басқалары

Псориазбен ауыратын пациенттерге -адреноблокаторларды жағдайды мұқият бағалағаннан кейін ғана тағайындау керек.

-адренорецепторлардың блокаторлары аллергендерге сезімталдықты және анафилаксиялық реакциялардың ауырлық дәрежесін арттыруы мүмкін.

Жүрек функциясының созылмалы жеткіліксіздігін небивололмен емдеудің басында пациентті тұрақты бақылау қажет. Шұғыл қажеттілік болмаса емдеуді күрт тоқтатуға болмайды.

Басқа дәрілік  препараттармен өзара әрекеттесуі

Ұсынылмайтын біріктірілімдер:

I класты аритмияға қарсы дәрілер (хинидин, гидрохинидин, цибензолин, флекаинид, дисопирамид, лидокаин, мексилетин, пропафенон): атриовентрикулярлық өткізгіштік уақытына әсердің күшеюі және теріс инотропты әсердің күшеюі мүмкін.

Верапамил / дилтиазем типті кальций өзекшелерінің антагонистері: жиырылу мен атриовентрикулярлық өткізгіштікке теріс әсер етеді. Бета-блокаторлармен емделген пациенттерге верапамилді вена ішіне енгізу терең гипотензияға және атриовентрикулярлық блокадаға әкелуі мүмкін.

Орталық әсер ететін гипертензияға қарсы дәрілер (клонидин, гуанфацин, моксонидин, метилдопа, рилменидин): орталық әсер ететін гипертензияға қарсы препараттарды бір мезгілде қабылдау орталық симпатикалық жүйке жүйесінің тонусын төмендету арқылы жүрек функциясының жеткіліксіздігін күшейтуі мүмкін (жүректің жиырылу жиілігін және жүрек лықсытуын төмендету, вазодилатация).

Сақтықпен қолдану керек біріктірілімдер

III класты аритмияға қарсы препараттар (амиодарон): атриовентрикулярлық өткізгіштік уақытына әсер етуі мүмкін.

Анестетиктер - ұшпа галогенделген: бета-адренергиялық антагонистер мен анестетиктерді бір мезгілде қолдану рефлекторлық тахикардияны әлсіретіп, гипотонияның даму қаупін арттыруы мүмкін. Әдетте, бета-блокаторлармен емдеуді кенеттен тоқтатпаңыз.

Инсулин және диабетке қарсы пероральді препараттар: Небиволол глюкоза деңгейіне әсер етпесе де, бір мезгілде қабылдау гипогликемияның белгілі бір симптомдарын (жүрек соғуы, тахикардия) бүркемелеуі мүмкін.

Баклофен (антиспастикалық агент), амифостин (ісікке қарсы дәрі): гипертензияға қарсы дәрілермен бір мезгілде қабылдау артериялық қысымның төмендеуіне әкелуі мүмкін; сондықтан гипертензияға қарсы дәрінің дозасын сәйкесінше түзету керек.

Қарауды талап ететін біріктірілімдер

Жүрек гликозидтері: бір мезгілде қабылдау атриовентрикулярлық өткізгіштік уақытын арттыруы мүмкін. Небивололмен клиникалық зерттеулер өзара әрекеттесудің қандай да бір клиникалық дәлелдерін көрсеткен жоқ. Небиволол дигоксиннің кинетикасына әсер етпейді.

Дигидропиридин типті кальций антагонистері (амлодипин, фелодипин, лацидипин, нифедипин, никардипин, нимодипин, нитрендипин): бір мезгілде қабылдау гипотония қаупін арттыруы және жүрек функциясының жеткіліксіздігі бар пациенттерде қарыншалық сорғы функциясының одан әрі нашарлау қаупін арттыруы мүмкін.

Антипсихотиктер, антидепрессанттар (трициклді, барбитураттар және фенотиазиндер): бір мезгілде қабылдау бета-блокаторлардың гипотензивті әсерін (аддитивті әсер) күшейте алады.

Қабынуға қарсы стероидты емес препараттар (ҚҚСП): Небивололдың артериялық қысымды төмендету әсеріне ықпал етпейді.

Симпатикомиметикалық агенттер: бір мезгілде қабылдау бета-адренергиялық антагонистердің әсеріне қарсы тұра алады. Бета-адренергиялық агенттер альфа-және бета - адренергиялық әсері бар симпатикомиметикалық агенттердің баламасыз альфа-адренергиялық белсенуіне әкелуі мүмкін (гипертония, ауыр брадикардия және жүрек блокадасы қаупі).

Фармакокинетикалық өзара әрекеттесу

Небивололдың метаболизмі CYP2D6 изоферментін қамтитындықтан, осы ферментті тежейтін заттармен, әсіресе пароксетинмен, флуоксетинмен, тиоридазинмен және хинидинмен бірге енгізу артық брадикардия және жағымсыз құбылыстар қаупінің жоғарылауымен байланысты плазмадағы Небиволол деңгейінің жоғарылауына әкелуі мүмкін.

Циметидинді бір мезгілде қабылдау клиникалық әсерін өзгертпей плазмадағы Небиволол деңгейін арттырды. Ранитидинді бірге қолдану Небивололдың фармакокинетикасына әсер етпеді. Небиволол тамақпен бірге, ал антацид тамақтану арасында қабылданған жағдайда, бұл екі емді бірге тағайындауға болады.

Небивололдың никардипинмен біріктірілімі клиникалық әсерін өзгертпестен плазмадағы екі препараттың да деңгейін біршама арттырды. Алкогольді, фуросемидті немесе гидрохлоротиазидті бірге қолдану Небивололдың фармакокинетикасына әсер етпеді. Небиволол варфариннің фармакокинетикасы мен фармакодинамикасына әсер етпейді.

ДП әсеріне ықпал етуі мүмкін ДП-мен өзара әрекеттесу түрлері (алкогольмен, темекімен, тамақпен)

Шылым шегетіндерде бета-адреноблокаторлардың тиімділігі шылым шекпейтін пациенттерге қарағанда төмен.

Арнайы сақтандырулар

Жүктілік

ОНЕБИКС™ жүктілікке және/немесе шаранаға және жаңа туған нәрестеге теріс әсер етуі мүмкін фармакологиялық әсерлерге ие. Жалпы, -адреноблокаторлар плацентадағы қанағымын азайтады, бұл өсудің баяулауымен, құрсақішілік өліммен, түсік түсумен және мерзімінен бұрын толғатумен байланысты. Шарана мен жаңа туған нәрестеде, мысалы, гипогликемия және брадикардия сияқты жағымсыз құбылыстар болуы мүмкін. Егер -адреноблокаторлармен емдеу қажет болса, онда 1-селективті-адреноблокаторларға басымдық беру керек.

ОНЕБИКС™ препаратын жүктілік кезінде шұғыл қажеттілік болған кезде ғана қолдану керек. Егер небивололмен емдеу қажет болса, жатыр-плаценталық қанағымға және шарананың өсуіне бақылау жүргізу керек. Егер жүктілікке немесе шаранаға зиянды әсер анықталса, альтернативті препараттармен емдеуді қарастыру қажет. Жаңа туған нәрестені мұқият бақылау керек. Гипогликемия және брадикардия сияқты симптомдардың пайда болуын көп жағдайда алғашқы 3 күнде күтуге болады.

Лактация кезеңі

Жануарларға жүргізілген зерттеулер небивололдың емшек сүтіне бөлінетінін көрсетті. Бұл препараттың организмнен ана сүтіне бөлінетіні белгісіз. Бета-блокаторлардың көпшілігі, әсіресе небиволол және оның белсенді метаболиттері сияқты липофильді қосылыстар, әртүрлі дәрежеде болса да, емшек сүтіне енеді. Осылайша, небивололды қабылдау кезінде бала емізу ұсынылмайды.

Дәрілік заттың көлік құралын және қауіптілігі зор механизмдерді  басқару қабілетіне әсер ету ерекшеліктері

ОНЕБИКС™ көлік құралын немесе басқа да қауіптілігі зор механизмдерді басқару қабілетіне әсер етпейді.

Қолдану жөніндегі нұсқаулар

Дозалау режимі

Ересектер

Доза тәулігіне 1 таблетканы (5 мг небиволол) құрайды, оны әрдайым тәуліктің бір уақытында қабылдаған жөн.

Гипотензивті әсер емдеудің 1-2 аптасынан кейін көрінеді. Кейде оңтайлы әсерге 4 аптадан кейін ғана қол жеткізіледі.

Басқа гипотензивті дәрілермен біріктірілімі

- адренорецепторлар блокаторларын монотерапия үшін де, басқа гипотензивті дәрілермен біріктірілімде де қолдануға болады. Осы уақытқа дейін қосымша гипотензивті әсер 5 мг ОНЕБИКС™ препаратын 12,5-25 мг гидрохлортиазидпен біріктірген кезде ғана байқалды.

Бүйрек функциясының жеткіліксіздігі бар пациенттер

Бүйрек функциясының жеткіліксіздігінен зардап шегетін пациенттер үшін ұсынылған бастапқы доза тәулігіне 2,5 мг құрайды. Қажет болса, тәуліктік дозаны 5 мг дейін арттыруға болады.

Бауыр функциясының жеткіліксіздігі бар пациенттер

Бауыр функциясының жеткіліксіздігі немесе бауыр функциясының бұзылуы бар пациенттерде препаратты қолдануға қатысты деректердің шектеулі саны ғана бар. Осы себепті ОНЕБИКС™ препаратын мұндай пациенттерге қолдануға болмайды.

Егде жастағы пациенттер

Дозаны түзету талап етілмейді, өйткені ең жоғары көтерімді дозаға дейін титрлеу жеке жүргізіледі.

Балалар мен жасөспірімдер

ОНЕБИКС™ препаратының қауіпсіздігі мен тиімділігі балалар мен 18 жасқа дейінгі жасөспірімдерде анықталмаған. Осы себепті препаратты балалар мен жасөспірімдерге қолдану ұсынылмайды.

Жүрек функциясының созылмалы жеткіліксіздігі

Жүрек функциясының тұрақты созылмалы жеткіліксіздігін емдеу жеке оңтайлы демеуші дозаға жеткенге дейін дозаны баяу титрлеуден басталуы тиіс.

Мұндай пациенттерге соңғы 6 апта ішінде жүрек функциясының жедел декомпенсация эпизодтарынсыз тұрақты созылмалы жеткіліксіздігі болған жағдайда препарат тағайындалады.

Жүрек функциясының созылмалы жеткіліксіздігін емдеуді тәжірибелі дәрігер жүргізуі керек.

Диуретиктерді және/немесе дигоксинді және/немесе АӨФ тежегіштерін және/немесе ангиотензин II рецепторларының антагонистерін қоса, басқа жүрек-қантамыр препараттарын қабылдайтын пациенттерде - ОНЕБИКС™ препаратымен емдеуді бастар алдында осы дәрі - дәрмектердің іріктелген дозасы соңғы 2 апта ішінде тұрақты болуы тиіс.

Дозаны бастапқы титрлеуді бұл ретте бір аптадан екі аптаға дейінгі аралықтарды ұстай отырып және пациенттің осы дозаға төзімділігін бағдарлай отырып, келесі сызба бойынша жүзеге асырған жөн:

Тәулігіне бір рет 1,25 мг небивололды тәулігіне бір рет 2,5 мг дейін, содан кейін тәулігіне бір рет 5 мг дейін, содан кейін тәулігіне бір рет 10 мг дейін арттыруға болады.

Небивололдың ұсынылатын ең жоғары дозасы тәулігіне бір рет 10 мг құрайды.

Емдеудің басында және дозаны әр жоғарылатқанда пациент клиникалық жағдайдың тұрақты болып қалатынына көз жеткізу үшін кемінде 2 сағат тәжірибелі дәрігердің бақылауында болуы керек (әсіресе артериялық қысым, жүректің жиырылу жиілігі, өткізгіштіктің бұзылуы, сондай-ақ жүрек функциясы жеткіліксіздігінің ауырлау симптомдары).

Жанама әсерлердің пайда болуы барлық пациенттерді ұсынылған ең жоғары дозалармен емдеуге болмайтындығына әкелуі мүмкін. Қажет болса, қол жеткізілген дозаны біртіндеп азайтуға немесе, тиісінше, оған қайта оралуға болады.

Жүрек функциясы жеткіліксіздігінің күшеюі кезінде немесе оны титрлеу фазасында препаратты көтере алмаған кезде небиволол дозасын алдымен төмендету немесе қажет болған жағдайда оны дереу тоқтату ұсынылады (ауыр гипотензия пайда болған кезде, өкпенің жедел ісінуімен жүрек функциясы жеткіліксіздігі күшейгенде, кардиогенді шоктың, симптоматикалық брадикардияның немесе АВ-блокаданың дамуы кезінде).

Әдетте, жүрек функциясының тұрақты созылмалы жеткіліксіздігін небивололмен емдеу ұзақ мерзімді болып табылады.

Небивололмен емдеуді кенеттен тоқтатуға болмайды, өйткені бұл жүрек функциясы жеткіліксіздігінің уақытша нашарлауына әкелуі мүмкін. Егер препаратты тоқтату қажет болса, онда дозаны кезең-кезеңімен төмендетіп, оны бір апта аралықпен екі есе азайту керек.

Балалар

ОНЕБИКС™ препаратының қауіпсіздігі мен тиімділігі балалар мен 18 жасқа дейінгі жасөспірімдерде анықталмаған. Осы себепті препаратты балалар мен жасөспірімдерге қолдану ұсынылмайды.

Егде жастағы пациенттер

Дозаны барынша көтерімді дозаға дейін титрлеу жеке тәртіпте жүзеге асырылатындықтан, оны түзету талап етілмейді.

Бауыр функциясының жеткіліксіздігі бар пациенттер

Бауыр функциясының жеткіліксіздігі бар пациенттерге препаратты қолдануға қатысты деректердің шектеулі саны ғана бар. Осы себепті ОНЕБИКС™ препаратын мұндай пациенттерге қолдануға болмайды.

Бүйрек функциясының жеткіліксіздігі бар пациенттер

Дозаны барынша көтерімді дозаға дейін титрлеу жеке жүзеге асырылатындықтан, оны бүйрек функциясының жеңілден орташа ауырлық дәрежесіне дейінгі жеткіліксіздігі кезінде түзету талап етілмейді.

Бүйрек функциясының ауыр дәрежедегі жеткіліксіздігі (сарысу креатинині ≥ 250 мкмоль/л) бар пациенттерге препаратты қолдану тәжірибесі жоқ. Сондықтан осы пациенттерге небивололды қолдану ұсынылмайды.

Қолдану тәсілі

Ішке

Таблеткаларды тамақпен бірге қабылдауға болады.

Артық дозалану жағдайында қабылдау қажет болатын шаралар

ОНЕБИКС™ препаратының артық дозалануына қатысты деректер жоқ.

- адреноблокаторлармен артық дозалану симптомдары: брадикардия, артериялық гипотензия, бронхоспазм және жүрек функциясының жедел жеткіліксіздігі болып табылады.

Емі

Артық дозалану немесе аса жоғары сезімталдық реакциясы дамыған жағдайда пациентті тұрақты бақылауды және қарқынды терапия бөлімшесі жағдайында емдеуді қамтамасыз ету керек. Қандағы глюкоза мөлшерін бақылау ұсынылады. Әлі де асқазан-ішек жолындағы белсенді заттың сіңуіне асқазанды шаю, белсендірілген көмір мен іш жүргізетін дәрілерді тағайындау арқылы кедергі келтіруге болады. Өкпені жасанды желдету қажет болуы мүмкін. Брадикардияны немесе жоғары ваготонияны жою үшін атропин немесе метилатропин енгізу ұсынылады. Гипотензия мен шокты емдеуді плазма/плазманы алмастырғыштардың және қажет болған жағдайда катехоламиндердің көмегімен жүргізген жөн.

Бета-бұғаттаушы әсерді изопреналин гидрохлоридін шамамен 5 мкг/мин дозадан бастап немесе добутаминді 2,5 мкг/мин дозадан бастап күтілетін әсерге жеткенге дейін вена ішіне баяу енгізумен тоқтатуға болады. Төзімділік жағдайында изопреналинді допаминмен біріктіруге болады. Егер бұл шара қажетті әсерге әкелмесе, онда глюкагонды в/і 50-100 мкг/кг мөлшерінде енгізуге болады. Қажет болған жағдайда инъекцияны бір сағат ішінде қайталау керек, содан кейін қажет болса, в/і глюкагон инфузиясын 70 мкг/кг/сағ есебімен жүргізу керек. Төтенше жағдайларда, терапияға төзімді брадикардия кезінде кардиостимуляторды қолдануға болады.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау  керек шаралар (қажеттілігіне қарай)

Ең жиі жағымсыз дәрілік реакциялар диарея, жүрек айнуы және тері бөртпесі болып табылады.

Жиі

- бас ауыруы, бас айналу, қатты шаршау, парестезия

- ентігу, ісіну

- іш қату, жүрек айну, диарея

- шаршағыштық, ісіну

Жиі емес

- қорқынышты түс көру, депрессия, галлюцинация

- көру қабілетінің бұзылуы

- брадикардия, жүрек функциясының жеткіліксіздігі

- атриовентрикулярлық өткізгіштіктің баяулауы / АВ-блокада

- ортостаздық гипотензия, ұстамалы ақсақтықтың өршуі

- бронх түйілуі

- асқорытудың бұзылуы, метеоризм, құсу

- қышыну, тері бөртпесі (эритематозды бөртпелер)

- импотенция

Өте сирек

- талма

- псориаздың өршуі

Белгісіз

- ангионевроздық ісіну, жоғары сезімталдық реакциялары, есекжем

- есекжем

Сонымен қатар, кейбір -адреноблокаторлардан туындаған келесі жанама әсерлер туралы хабарланды: галлюцинация, психоз, санының шатасуы, аяқ-қолдардың салқындауы/цианозы, Рейно синдромы, көздің құрғауы және практолол типі бойынша окуло-мукокутандық уыттылық.

Жүрек функциясының созылмалы жеткіліксіздігі

Небиволол қабылдаған пациенттерде жиі кездесетін жанама әсерлер брадикардия және бас айналу болды.

Препаратты қабылдаумен болжамды байланысты және жүрек функциясының созылмалы жеткіліксіздігін емдеуге тән және маңызды ретінде қарастырылатын келесі жанама әсерлер туралы хабарланды:

- жүрек функциясы жеткіліксіздігінің өршуі

- ортостаздық гипотензия

- дәрілік затты көтере алмаушылық

- I дәрежелі АВ-блокада

- аяқтың ісінуі

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

1 таблетканың құрамында

белсенді зат - небиволол гидрохлориді 5.45 мг (5.0 мг небиволол негізіне баламалы)

қосымша заттар: натрий кроскармеллозасы, лактоза моногидраты, жүгері крахмалы, микрокристалды целлюлоза, гипромеллоза 5 cps, сусыз коллоидты кремнийдің қостотығы, магний стеараты, тазартылған су

Сыртқы түрінің, иісінің, дәмінің сипаттамасы

Төртжапырақты беде тәрізді формалы, бір жағы дөңес, екі жағында крест тәрізді сызығы бар, диаметрі шамамен 9 мм болатын ақтан ақ дерлік түске дейінгі таблеткалар.

10 немесе 14 таблеткадан поливинилхлоридті мөлдір үлбірден және баспалы алюминий фольгадан жасалған пішінді ұяшықты қаптамаға салады.

2 (14 таблеткадан) немесе 3 (10 таблеткадан) пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салады.

2 жыл.

Жарамдылық мерзімі өткеннен кейін қолдануға болмайды.

30 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Сандоз Груп Саглик Урунлери Илачлари Сан ве Тик. А.Ш., Түркия

Ihsan Dede Cadde No. 900. Sokak, Gebze-Kocaeli, TR- 41400, Turkey

+ 386 1 5802111, + 386 1 5683517

info.sandoz@sandoz.com

Тіркеу куәлігінің ұстаушысы

Сандоз ГмбХ, Австрия

Biochemiestrasse 10, 6250 Kundl, Austria

+ 386 1 5802111, + 386 1 5683517

info.sandoz@sandoz.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Сандоз Фармасьютикалс д.д.» акционерлік қоғамының Қазақстан Республикасындағы өкілдігі,

Қазақстан Республикасы, Алматы қ., 050000, Құрманғазы к-сі, 95.

Тел.: +7 (727) 258-24-47

e-mail: drugsafety.cis@novartis.com