Омнопон

• русский
• қазақша

• Скачать инструкцию медикамента

Саудалық атауы

Омнопон

Халықаралық патенттелмеген атауы

Жоқ

Дәрілік түрі

Инъекцияға арналған 2 % 1 мл ерітінді

Құрамы

1 мл ерітіндінің құрамында

белсенді заттар: 11,50 мг морфин гидрохлориді

5,40 мг носкапин

0,72 мг папаверин гидрохлориді

1,44 мг кодеин

0,10 мг тебаин

қосымша заттар: динатрий эдетаты, глицерин, 1 М хлорсутек қышқылының ерітіндісі, инъек­­цияға арналған су

Сипаттамасы

Мөлдір түссіз немесе сарғыштау түсті сұйықтық

Фармакотерапиялық тобы

Анальгетиктер. Апиындар. Апиынның табиғи алкалоидтары. Морфин басқа препараттармен біріктірілімде

АТХ коды N02АА51

Фармакологиялық қасиеттері

Фармакокинетикасы

Тері астына енгізгеннен кейін жүйелі қан ағысында тез сіңеді. Гистогематикалық бөгеттерден, оның ішінде гематоэнцефалдық, плацентарлық бөгеттерден (ұрықтың тыныс алу орталығының бәсеңдеуін туғызуы мүмкін) емшек сүтіне өтеді. Морфиннің қан плазмасы ақуыздармен байланысуы шамамен 35 %, кодеин – 7 %-ға жуық, папаверин – 90 % деуге болады. Морфин басты белсенді емес метаболит морфин-3-глюкуронидін, сондай-ақ – белсенді морфин-6-глюкуронидін түзе отырып, бауырда метаболизденеді. Кодеин O- және N-деметилденуімен бауырда морфин және норкодеин түзе отырып, метаболизденеді. Папаверин фенол метаболиттерін түзу арқылы бауырда жылдам метаболизденеді. Жартылай шығарылу кезеңі 2-3 сағатты құрайды. Негізінен метаболиттер түрінде бүйрекпен – 90 %-ы, қалғандары – өтпен шығарылады. Бауыр және бүйрек қызметі бұзылған, сондай-ақ егде жастағы науқастарда жартылай шығарылу кезеңі ұзаруы мүмкін.

Фармакодинамикасы

Морфин гидрохлориді – апиынды анальгетик. Айқын ауруды басатын әсері бар. Әсер ету механизмі орталық жүйке жүйесінің апиынды рецепторларының кейбір түрлерін (дельта-, мю- және каппа-) көтермелеуге байланысты іске асады. Дельта-рецепторларын қоздыру анальгезия; мю-рецепторларын қоздыру - супраспинальді анальгезия, эйфория, физикалық тәуелділік, тыныс алуды бәсеңдету, кезбе жүйке орталығын қоздыруға; каппа-рецепторларды қоздыру - жұлындық анальгезия, тыныштандырғыш әсер, миозға негізделген.

Афферентті жолдың орталық бөлігінде ауыру импульстарының нейрон аралық берілуін бәсеңдетеді, ауырудың эмоционалдық бағасын төмендетіп, эйфория тудырады, бұл тәуелділіктің қалыптасуына (физикалық және психикалық) ықпал етеді. Ауыру орталықтарының қозуын төмендетіп, шокқа қарсы әсер етеді. Жоғары дозада препараттың тыныштандырғыш әсері артып, ұйқы келтіреді. Шартты рефлекстерді тежеп, орталық жүйке жүйесінің жинақтайтын қабілетін төмендетіп, депримациялайтын дәрілердің әсерін арттырады. Жылу реттейтін орталықтың қозуын төмендетіп, вазопрессиннің шығарылуын үдетеді. Тамыр тонусына іс жүзінде әсер етпейді. Тыныс алу орталығының жұмысын бәсеңдетеді, жөтел тудыратын орталықтың қозуын төмендетеді, брадикардияның пайда болуын туғыза отырып, кезбе жүйкесі орталығын қоздырады, көзқимылдатқыш жүйке нейрондарын көтермелейді, қарашықты тарылтады (миоз). Сопақша мидың триггерлі аумағындағы хеморецепторларды жандандырып, лоқсу мен құсуды тудыруы мүмкін. Құстыру орталықтың жұмысын бәсеңдетеді, сондықтан препарат дозаларын қайталап қолданғанда және одан кейін енгізілетін құстыратын дәрілерді қолданғанда құсу орын алмайды. Ішкі ағзалардың: Одди сфинктерлері, қуық, асқазанның антральді бөлігі, ішек, өт шығару жолдары, бронхтардың тегіс бұлшықеттері тонусын жоғарылатады. Перистальтикасын бәсеңдетеді, тағамдық масса қозғалысын баяулатады, іш қатудың дамуына ықпал етеді. Папаверин гидрохлориді — спазмолитикалық дәрі, гипотензивті әсер береді, тонусты төмендетеді және ішкі органдар мен тамырлардың тегіс бұлшықеттерін босаңсытады. Құрамында папавериннің болуы есебінен Омнопон морфинге қарағанда аз дәрежеде ішкі ағзалар тегіс бұлшықеттерінің түйілуін туғызады.

Кодеин апиын рецепторлары агонистері тобының табиғи есірткілік анальгетигі болып табылады. Ауыруды басатын белсенділігі ОЖЖ әр түрлі бөлімдерінде және шеткергі тіндерде апиын рецепторларының қозуына байланысты, ол антиноцицептивтік жүйені көтермелеуге және ауыруды эмоционалды қабылдаудың өзгеруіне әкеледі.

Носкапин (наркотин) — жөтел орталығын басатын апиынды алкалоид.

Қолданылуы

• қарқындылығы күшті ауыру синдромында, оның ішінде қатерлі жаңа түзілімдер, миокард инфарктісі, ауыр жарақат кезінде

• операцияға даярлауда

• операциядан кейінгі кезеңде

Қолдану тәсілі және дозалары

Препаратты тері астына енгізеді. Дозалау тәртібі әр адамға жекелей белгіленеді. Әдетте, ересектерге 1 мл-ден енгізеді.

Тиісті дозаны ауыру синдромының айқындылық дәрежесіне байланысты әрбір 12-24 сағат сайын тағайындайды.

Ересектер үшін ең жоғары дозалар: бір реттік – 1,5 мл,тәуліктік – 5 мл.

Дозаны егде жастағы адамдарға және психикалық жағдайы бұзылған емделушілер мен бауыр және бүйрек жеткіліксіздігі бар науқастарға төмендету керек.

Жасы 2-ден 7 жасқа дейінгі балаларға жасының әр жылына 0,05 мл-ден, 8-10 жастағыларға - 0,3 мл, жасы 10 жастан үлкен балаларға - 0,4 мл тері астына енгізеді.

Жағымсыз әсерлері

• ұзақ қолданған кезде брадикардия немесе тахикардия болуы ықтимал

• жүрек ырғағының бұзылуы

• ортостатикалық гипотензия

• тыныс алудың бәсеңдеуі

• бронх түйілуі

• тыныштандырғыш немесе қоздырғыш әсер беруі (әсіресе егде емделушілерде)

• делирий

• елестеулер, эйфория

• соңынан ми қан айналымының бұзылуы ықтимал бассүйекішілік қысымның жоғарлауы

• бас ауыру

• гипотермия

• депрессия

• қарашықтың тарылуы

• жоғары дозада қолданғанда бұлшықет сіресуі болуы мүмкін

• ауыздың құрғауы

• жүрек айну

• құсу

• іш қату

• өт энзимдері деңгейінің ұлғаюымен жалғасатын өт шығару жолдарының түйілуі

• несеп ағынының бұзылуы немесе қуықасты безінің аденомасы және уретра стенозы кезінде осындай күйдің ушығып кетуі

• аллергиялық реакциялар (оның ішінде есекжем)

• либидоның төмендеуі

• қайталап қолданғанда дағдылану, дәріге тәуелділік (физикалық және психикалық), тоқтату синдромы.

Қолдануға болмайтын жағдайлар

• тыныс алу орталығының бәсеңдеуі салдарынан тыныс алудың бұзылуы

• бронх демікпесі

• созылмалы өкпе аурулары салдарынан жүрек жеткіліксіздігі

• жүрек аритмиясы

• бауырдың ауыр жеткіліксіздігі

• бассүйек-ми жарақаты

• бассүйекішілік гипертензия

• инсульт

• эпилепсиялық статус

• жалпы қатты жүдеу, кахексия

• этиологиясы белгісіз іштің ауыруы

• диагноз анықталғанға дейінгі ішкі ағзалардың жедел ағымды аурулары

• жедел алкогольдік уыттану

• моноаминоксидаза тежегіштерімен бір мезгілде емдеу

• қызба

• препарат компоненттеріне жеке жоғары сезімталдық

• 2 жасқа дейінгі балаларға

• жүктілік, емшек емізу кезеңі

Сақтықпен – егде жастағы науқастар, сыртартқысында апиындарға тәуелділігі көрсетілген науқастар.

Дәрілермен өзара әректтестігі

Бір мезгілде қолданғанда: орталық жүйке жүйесіне депрессивті әсер ететін басқа да препараттармен орталық жүйке жүйесінің бәсеңдеуі күшеюі мүмкін; бета-адреноблокаторлармен – орталық жүйке жүйесіне бәсеңдететін әсері күшеюі мүмкін; бутадионмен – морфин жинақталуы мүмкін, допаминмен - Омнопонның ауруды басатын әсері төмендейді; циметидинмен – тыныс алудың бәсеңдеуі күшейеді; фенотиазин және барбитураттар туындыларымен – гипотензиялық әсері күшеюі және тыныстың тарылуы мүмкін. Барбитураттарды (әсіресе фенобарбиталды) немесе есірткілік анальгетиктерді ұзақ уақыт қабылдау айқаспалы төзімділіктің дамуын туындатады. Хлорпромазин Омнапонның ауруды басатын, сондай-ақ миотикалық және тыныштандыратын әсерін күшейтеді.

Айрықша нұсқаулар

Босану кезіндегі ауыруды басу үшін қолданылмайды, өйткені морфин плацентарлы бөгет арқылы өтіп, жаңа туған нәрестенің тынысын тарылтуы мүмкін.

Бауыр және бүйрек функциясы бұзылғанда, гипотиреозда, бүйрекүсті безі қыртысы қабатының жеткіліксіздігінде, простата гипертрофиясында, шокта, миастенияда, асқазан-ішек жолдарының қабыну ауруларында, сондай-ақ 60 жастан асқан науқастарда сақтықпен қолдану керек.

Емдеу кезінде алкогольді қабылдауға болмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Емделу барысында автокөлікті басқаруға және психомоторлы реакциялар жылдамдығын қажет ететін басқа да қауіпті қызмет түрлерімен айналысуға болмайды.

Артық дозалануы

Симптомдары: тыныстың тарылуы және айналымдық жеткіліксіздік пен кома жағдайының дамуымен гипотензия, миоз. Балаларда сондай-ақ құрысулардың болуы, бүйрек жеткіліксіздігі дамуы мүмкін. Препараттың уыттылығы оның енгізілген мөлшері мен морфинге жеке сезімталдыққа байланысты болады.

Емі: талапқа сай өкпе желдетілуін демеу, жалпы реанимациялық шаралар, трансфузиялық емдеу, оксигенотерапия, перитонеальді диализ. Спецификалық антагонисі Налоксонды көктамыр ішіне 0,4-ден 2 мг дейінгі дозада (балалар үшін бастапқы доза – 0,01 мг/кг-ден көктамыр ішіне), қажет болғанда – әрбір 20-30 минут сайын, содан соң 2 сағат үзіліспен – тыныс алу қалпына келгенше бұлшықет ішіне енгізу. Есірткіге тәуелді адамдарға налоксонды қолдану тоқтату синдромының дамуына әкелуі мүмкін, мұндай жағдайларда антагонистің дозасын біртіндеп көбейту керек. Аналептиктерді қолдануға болмайды.

Шығарылу түрі және қаптамасы

1 мл-ден шыны ампулаларда.

5 ампуладан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада.

20 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен және кесетін керамикалық дискпен немесе ампулаға арналған керамикалық пышақпен бірге картон қорапқа салынған.

Сындыру сақинасы немесе нүктесі және кертігі бар ампулаларға препаратты қаптаған кезде кесетін керамикалық диск немесе ампулаға арналған керамикалық пышақты салмауға болады.

Сақтау шарттары

Түпнұсқалық қаптамасында, 25 0С-ден аспайтын температура сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Харьков фармацевтикалық кәсіпорны «Здоровье народу» ЖШҚ.

61013, Харьков қ., Шевченко к-сі, 22.

Тіркеу куәлігінің иесі

«Харьков фармацевтикалық кәсіпорны «Здоровье народу» ЖШҚ.

61013, Харьков қ., Шевченко к-сі, 22.

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

Мекенжайы: «Харьков фармацевтикалық кәсіпорны «Здоровье народу» ЖШҚ.

61013, Харьков қ., Шевченко к-сі, 22.

Телефон: (057) 757-43-36

Факс: (057) 757-43-36

Электронды поштасы: office@zn.kharkov.ua

Қазақстан Республикасы аумағындағы сенімді тұлға

Мекенжайы: «КФК Медсервис Плюс» ЖШС

050004, Қазақстан Республикасы, Алматы қ., Маметова, 54

Телефон/факс: (727) 279 98 21

Электронды мекенжайы: pharmanadzor@medservice.kz