Олтар® 6

• русский
• қазақша

• Скачать инструкцию медикамента

Саудалық атауы

Олтар®4

Олтар®6

Халықаралық патенттелмеген атауы

Глимепирид

Дәрілік түрі

Таблеткалар 4мг және 6мг

Құрамы

Бір таблетканың құрамында

белсенді зат – сәйкесінше 4мг немесе 6 мг глимепирид

қосымша заттар: лактоза моногидраты, жүгері крахмалы, натрий крахмал гликоляты, повидон, полисорбат 80, тальк, магний стеараты, темірдің сары тотығы (Е 172).

Сипаттамасы

Капсула пішінді, бір жағында сызығы және ойығы бар сары түсті таблеткалар.

Фармакотерапиялық тобы

Қант диабетін емдеуге арналған дәрілер. Қантты төмендететін пероральді қабылданатын препараттар. Сульфонилмочевина туындылары. Глимепирид

АТХ коды А10ВВ12

Фармакологиялық қасиеттері

Фармакокинетикасы

Сіңуі: Глимепиридтің биожетімділігі оны пероральді қабылдағаннан кейін толық. Ас қабылдау сіңуіне айтарлықтай әсер етпейді; сіңу дәрежесі тек аздап азаяды. Қансарысуындағы (Сmax) ең жоғары концентрациясына пероральді қабылдағаннан кейін шамамен, 2,5 сағаттан соң (тәулігіне 4 мг мөлшерде бірнеше рет қабылдағанда орташа 0,3 мкг/мл) жетеді, және дозасы мен Сmax, сондай-ақ AUC ("концентрация – уақыт" қисығы астындағы аудан) арасында дозаға тәуелділік байқалады.

Таралуы: Глимепиридтің таралу көлемі мардымсыз (шамамен 8,8 литр), ол шамамен альбуминнің таралу көлеміне тең, протеинмен байланысу дәрежесі жоғары (> 99%) және клиренсі жоғары емес (48 мл/мин жуық).

Клиникаға дейін зерттеулерде анықталғандай, глимепирид ана сүтіне өтеді. Ол плацентаға енеді. Аздаған мөлшерде зат гематоэнцефалдық бөгет арқылы өтеді.

Биотрансформациясы және элиминациясы: Қайталап енгізгеннен кейін препараттың қансарысуындағы концентрациясы үшін маңызы зор қансарысуынан жартылай шығарылуының орташа уақыты, 5-8 сағатқа жуықты құрайды. Жоғары дозаларды қабылдағаннан кейін аздап жоғары жартылай шығарылу кезеңі анықталды.

Радиоактивті белгісімен глимепиридті бір рет енгізгеннен кейін қайтадан несепте (58%) және нәжісте (35%) радиоактивтілік анықталды.

Несепте өзгермеген әсер етуші заты анықталған жоқ. Бәлкім бауырдағы метаболизмінде түзілетін (негізінен CYP2C9) – екі метаболиті несепте және нәжісте анықталды: гидрокси- және карбокси- туындылары. Глимепиридті пероральді енгізгеннен кейін осы метаболиттердің жартылай шығарылуының ақырғы кезеңі 3-6 және 5-6 сағат құрады.

Бір рет (тәулігіне) және қайталап енгізілетіндерді салыстырғанда фармакокинетикасында айтарлықтай айырмашылықтар анықталған жоқ, ал жекелей ауытқуының диапазоны көп болған жоқ. Айтарлықтай жинақталмайды.

Ерлер мен әйелдердегі фармакокинетикасы ұқсас, жастар мен егде жастағы (> 65 жас) емделушілерге қатысты осындай көрініс бар.

Креатинин клиренсі төмен емделушілерде глимепирид клиренсінің жоғарылауына және қансарысуындағы орташа концентрациясының азаюына бейімділік байқалған – мүмкін, ол жылдам элиминациясына байланысты (протеиндермен төмен дәрежедегі байланысуына байланысты). Екі метаболиттің де ренальді элиминациясы азайтылған.

Осы емделушілер үшін жоғары жинақталу қаупі жоқ болып саналады. Диабетпен зардап шекпейтін және өт шығаратын жолдарына операция өткерген бес емделушідегі фармакокинетикасы дені саулардағымен ұқсас болған.

Фармакодинамикасы

Глимепирид пероральді қантты төмендететін препарат болып табылады, ол сульфонилмочевина қосылыстарының тобына жатады. Глимепирид 2 типтегі қант диабетінде қолданылады.

Глимепирид инсулиннің ұйқы безінің β- жасушаларымен босап шығуын стимуляциялайды. Бұл әсері глюкозамен физиологиялық стимуляциялануына ұйқы безінің бета-жасушаларының реакциясының жоғарылауына негізделген. Қосымша глимепирид, сульфонилмочевинаның басқа да туындылары ие айқын ұйқы безінен тыс әсер иеленген.

Инсулиннің босап шығуы:

Сульфонилмочевинаның туындылары инсулиннің секрециясын бета-жасушалар жарғақшаларында АТФ-тәуелді калий өзекшелерінің жабылуы жолымен реттейді. Калий өзекшелерінің жабылуы бета-жасушалардың деполяризациясына және осылайша – кальций өзекшелерінің ашылуы жолымен – жасушаларға кальций ағынының жоғарылауына әкеледі.

Бұл экзоцитоз жолымен инсулиннің босап шығуына әкеледі.

Глимепирид АТФ-сезімтал калий өзекшелерімен байланысқан бета-жасушалардың жарғақшаларының протеиніне бекітіледі (жоғары дәрежедегі орын басумен), бірақ ол сульфонилмочевинаның байланысуының әдеттегі орнынан өзгешеледі.

Ұйқы безінен тыс белсенділігі:

Мысалы, шеткергі тіндердің инсулинге сезімталдығының жоғарылауы және инсулиннің бауырмен қармалуының азаюы ұйқы безінен тыс әсері болып табылады.

Шеткергі бұлшықеттік және май тіндеріне қаннан глюкозаның қармалуы жасушалар жарғақшасында болатын арнайы тасымалдайтын протеиндердің көмегімен жүзеге асады. Осы тіндерге глюкозаның тасымалдануы глюкозаның утилизациясы үшін шектеуші фактор болып табылады.

Глимепирид бұлшықеттік және май жасушаларының плазмалық жарғақшаларында белсенді тасымалдаушы молекулалар мөлшерін өте тез жоғарылатады, олармен глюкозаның қармалуын стимуляциялайды, гликозил-фосфатидилинозит-спецификалық фосфолипаза С белсенділігін жоғарылатады, ол бәлкім оқшауланған май және бұлшықет жасушаларындағы липо- және гликогенезбен (индукцияланатын затпен) байланысты.

Глимепирид фруктозо-2,6-бифосфаттың жасушаішілік концентрациясын жоғарылату жолымен , глюкозаның бауырда өндірілуін бәсеңдетеді, ол глюконеогенезді тежейді.

Жалпы:

Дені сау адамдар үшін, әсер ететін ең төмен пероральді дозасы 0,6 мг жуықты құрайды. Глимепиридтің әсері дозасына байланысты және жаңғырады. Глимепиридті қабылдағанда қысқа мерзімдік

айтарлықтай дене жүктемесіне (инсулиннің секрециясының азаюы) физиологиялық реакция сақталады.

Дәрі тамаққа дейін 30 минут бұрын немесе дереу тамақтың алдында қабылданғанда - глимепирид әсерінде айтарлықтай айырмашылықтар анықталған жоқ. Диабетпен науқастарда препаратты күнделікті бір реттен қабылдағанда 24 сағат ішінде зат алмасуының жақсы түзетілуіне қол жеткізуге болады.

Дені сау адамдарда глимепиридтің гидрокси-метаболиті мардымсыз болса да, қандағы қант деңгейін төмендетеді, әйтсе де бұл әсер аталған дәрілік заттың жалпы әсерінің аздаған бөлігі болып табылады.

Метформинмен біріктірілімі:

Бір ғана метформиннің ең жоғары дозасының көмегімен зат алмасуының қанағаттанарлық түзетілуіне қол жеткізу мүмкін болмаған жағдайда, глимепиридпен біріктірілген емдеу кезіндегі бір зерттеуде қандағы глюкоза деңгейінің жақсы түзетілуіне (бір ғана метформинмен емдеумен салыстырғанда) қол жетті.

Инсулинмен біріктірілімі:

Инсулинмен біріктірілген емге қатысты тек қана шектелген деректер бар. Глимепиридтің ең жоғары дозасының көмегімен зат алмасуының қанағаттанарлық түзетілуіне қол жеткізу мүмкін емес емделушілерде бір мезгілде инсулинмен емдеуді бастауға болады. Біріктірілген емнің көмегімен екі зерттеуде тек бір ғана инсулинді қолданғандағыдай қандағы глюкоза деңгейін түзетуге қол жетті; әйтсе де біріктірілген емде инсулиннің төмен орташа дозасы қажет болады.

Қолданылуы

- тек емдәм, физикалық белсенділік және салмақтың төмендеуі жеткіліксіз болғанда 2-ші типтегі қант диабетін емдеу үшін

Қолдану тәсілі және дозалары

Ішке қабылдауға арналған.

Диабетті нәтижелі емдеудің негізі – бұл дұрыс емдәм, үнемі дене жүктемесі, сондай-ақ қан мен несептегі глюкоза деңгейін жүйелі бақылау. Егер емделуші ұсынылған емдәмді ұстанбаса, пероральді диабетке қарсы дәрілер немесе инсулин қажетті компенсациямен қамтамасыз ете алмайды.

Дозасы қандағы және несептегі глюкоза деңгейін анықтау нәтижесіне байланысты.

Бастапқы тәуліктік доза - 1 мг глимепирид. Қандағы қант деңгейінің жақсы бақылануына қол жеткен жағдайда осы дозасы демеуші ем үшін қолданылуы мүмкін.

Дозалаудың әртүрлі режимі үшін белсенді затының басқа мөлшерімен сәйкес таблеткалар бар.

Егер бақылау қанағаттандырмайтын болса, қандағы қантты анықтау нәтижелері негізінде дозасын, әрбір жоғарылатуды сатылап 1-2 апта аралықпен, тәулігіне 2, 3 немесе 4 мг глимепиридке дейін жоғарылату керек.

Тәулігіне 4 мг глимепиридтен жоғары дозасы сирек жағдайларда ғана жақсы нәтиже береді.

Ең жоғары ұсынылған тәуліктік дозасы 6 мг глимепиридті құрайды.

Тек бір ғана метформиннің ең жоғары тәуліктік дозасының көмегімен баламалы гликемиялық бақылауға қол жеткізе алмаған емделушілер глимепиридті қолданумен қатар емді бастауы керек. Метформиннің дозасы сақталған жағдайда, глимепиридті қолданумен емді төмен дозадан бастайды, содан кейін дозасын глюкоза көрсеткіштеріне байланысты ең жоғары күндізгіге дейін жоғарылатуға болады. Біріктірілген ем мұқият медициналық бақылаумен жүруі керек.

Глимепиридтің ең жоғары тәуліктік дозасымен баламалы гликемиялық бақылауға қол жеткізе алмаған емделушілерге төмен дозадан басталатын сәйкес инсулинмен ем тағайындалуы мүмкін. Дозасы метаболиттер деңгейін бақылау нәтижелеріне байланысты жоғарылатуы мүмкін. Біріктірілген ем мұқият медициналық бақылаумен жүруі керек.

Әдетте, бір рет қабылдауға глимепиридтің тәуліктік дозасын тағайындау жеткілікті. Дәрілік препаратты тоқ ертеңгі астың алдында немесе кезінде, немесе егер тәуліктік доза қабылданбаса алғашқы негізгі ас қабылдау алдында немесе кезінде қабылдау ұсынылады.

Дозаны қабылдауды өткізіп алған жағдайда, келесі дозаны жоғарылатумен емді түзетуге болмайды.

Таблеткаларды сұйықтың жеткілікті мөлшерімен ішіп, бүтіндей жұту керек.

Егер емделушіде 1 мг глимепиридтің тәуліктік дозасын күнделікті қабылдауға гипогликемиялық реакция пайда болса, оған тек емдәмнің көмегінің өзі жеткілікті болады.

Емдеу барысында, егер қант диабетінің бақылануының жақсаруы инсулинге жоғары сезімталдықпен байланысты болса, глимепиридке қажеттілік төмендеуі мүмкін. Гипогликемияның алдын алу үшін дозасын уақытша азайту немесе емдеуді тоқтатуды қарастыру керек. Емделушінің салмағы немесе өмір сүру салты өзгергенде немесе гипо- немесе гипергликемия пайда болу қаупін жоғарылататын басқа факторлар пайда болған жағдайда дозасын өзгертуде қажеттілік пайда болуы мүмкін.

Басқа пероральді гипогликемиялық препараттан глимепиридке көшу

Науқастың басқа пероральді гипогликемиялық препараттан глимепиридке көшуіне болады, бұл жағдайда алдыңғы дәрілік препараттың дозасын және жартылай шығарылу кезеңін ескеру керек. Ұзақ жартылай шығарылу кезеңімен (хлорпропамид секілді) диабетке қарсы препараттарды қабылдағанда, препараттардың әсерінің күшеюіне байланысты гипогликемиялық реакция қаупін азайту үшін бірнеше күн ішінде «шайылу»кезеңін қарастыру керек.

Ұсынылған бастапқы тәуліктік доза - 1 мг глимепирид.

Емделушінің препаратқа реакциясына байланысты, глимепиридтің дозасын жоғарыда сипатталғандай біртіндеп жоғарылатуға болады.

Науқасты инсулиннен глимепиридке көшіру

Сирек жағдайларда инсулиндегі 2 типтегі қант диабетімен емделушілерді глимепиридпен емдеуге көшіру көрсетілімде болуы мүмкін.

Көшіруді мұқият медициналық бақылаумен жүргізу керек.

Бүйрек немесе бауыр ауруларында қолдану

«Қолдануға болмайтын жағдайлар» бөлімін қара

Жағымсыз әсерлер

Төменде Олтарды және басқа да сульфонилмочевина туындыларын қолданумен клиникалық зерттеулер аясында байқалған жағымсыз реакциялар тізбесі келтірілген. Сәйкес реакциялар көрсеткіштерінің пайда болу жиілігінің азаюы ретімен келтірілген (өте жиі: ≥ 1/10; жиі: ≥ 1/100-ден < 1/10 дейін; жиі емес: ≥ 1/1000- ден < 1/100 дейін; сирек: ≥ 1/10 000 –ден < 1/1000 дейін; өте сирек: < 1/10 000; пайда болу жиілігі белгісіз [бар деректер бойынша бағаланбайтын] ).

Сирек

- тромбоцитопения, лейкопения, гранулоцитопения, агранулоцитоз, эритропения, гемолитикалық анемия және панцитопения, олар әдетте қайтымды және препаратты қабылдауды тоқтатқаннан кейін қайтады

- гипогликемия; ұқсас гипогликемиялық реакциялар, негізінен, жедел сипат иеленген, ауыр болуы мүмкін және әрдайым түзету оңай емес. Аталған реакциялардың дамуы, гипогликемиялық емнің басқа сызбалары жағдайларындағыдай, тамақтану ерекшеліктері және дозасы секілді жеке факторларына байланысты (толығырақ деректер «Айрықша нұсқаулар» бөлімінде келтірілген)

Өте сирек

- лейкоцитокластикалық васкулит, тыныс алудың қиындауы, артериялық қысымның түсіп кетуі, ал кейде тіпті шокпен күрделі реакцияларға ауысуы мүмкін аса жоғары сезімталдықтың жеңіл реакциялары

- жүрек айнуы, құсу, диарея, іштің ісінуі, дискомфорт және іш тұсындағы ауыру, олар сирек жағдайларда емді тоқтатуға әкеледі

- бауыр функциясының бұзылуы (мысалы, холестазда және сары ауруда), гепатит және бауыр жеткіліксіздігі

- қандағы натрий деңгейінің төмендеуі

Жиілігі белгісіз

- сульфонилмочевина туындыларымен, сульфаниламидтермен немесе ұқсас заттармен айқаспалы аллергенділік дамуы мүмкін

- көрудің уақытша бұзылуы, оның ішінде, емнің басында қандағы глюкоза деңгейінің өзгеруіне байланысты

- бауыр ферменттері деңгейінің жоғарылауы

- қышыну, бөртпе, есекжем және жарыққа сезімталдық түрінде білінетін терінің жоғары сезімталдық реакциясы

- тромбоциттер санының 10,000/ l кем төмендеуімен ауыр тромбоцитопения және тромбоцитопениялық пурпура

Қолдануға болмайтын жағдайлар

- глимепиридке, сульфонилмочевинаның басқа қосылыстарына, сульфонамидтерге немесе препараттың кез келген басқа қосымша компоненттерінің біреуіне жоғары сезімталдық

- инсулинге тәуелді қант диабеті

- диабеттік кома

- кетоацидоз

- бүйрек және бауыр функциясының (бүйрек және бауыр функциясының ауыр бұзылуында емделушілерді инсулинмен емдеуге көшіру керек) ауыр бұзылуы

- жүктілік және лактация кезеңі

- 18 жасқа дейінгі балалар мен жасөспірімдер

Дәрілермен өзара әрекеттесуі

Олтар® препаратын және басқа дәрілік заттарды бір мезгілде қолданғанда глимепиридтің қантты төмендететін әсерінің жағымсыз күшеюі немесе әлсіреуі орын алуы мүмкін, сондықтан басқа дәрілік заттарды тек дәрігердің тағайындауы бойынша қолдануға болады.

Олтар® P450 2C9 (CYP2C9) цитохромы әсерімен метаболизденеді. Оның метаболизміне индукторларды (мысалы, рифампициннің) немесе CYP2C9 тежегіштерін (мысалы, флуконазолдың) қатарластыра қолданудың әсер ететіні белгілі.

Дәрілік заттардың өзара әрекеттесуінің жарияланған зерттеулерінің нәтижесі (in vivo) көрсеткендей, флуконазол, CYP2C9 күшті тежегіштерінің біреуі, шамамен глимепиридтің AUC ("концентрация – уақы" қисығы астындағы аудан) 2 есе жоғары.

Кейбір жағдайларда қантты төмендететін әсерінің күшеюі нәтижесінде гипогликемия орын алуы мүмкін, егер глимепиридпен бірге келесі әсер етуші заттардың біреуі қабылданса:

• фенилбутазон, азапропазон мен оксифенбутазон, сульфинпиразон

• инсулин мен пероральді диабетке қарсы препараттар, әсер етуі ұзартылған кейбір сульфонамидтер

• метформин

• тетрациклиндер

• салицилаттар мен парааминосалицил қышқылы

• МАО тежегіштері

• анаболикалық препараттар мен ерлердің жыныс гормондары

• антибиотиктер – хинолон туындылары

• хлорамфеникол

• пробенецид

• кумарин типті антикоагулянттар

• миконазол, флуконазол

• фенфлурамин

• пентоксифиллин (парентеральді жоғары дозаларда)

• фибраттар

• тритоквалин

• АӨФ тежегіштері (ангиотензин-өзгертуші фермент тежегіштері)

• флуоксетин

• аллопуринол

• симпатолитиктер

• циклофосфамид, трофосфамид пен ифосфамид

Қантты төмендететін әсерінің әлсіреуі және осылайша қандағы қант деңгейінің жоғарылауы орын алуы мүмкін, егер глимепиридпен келесі әсер ететін препараттардың біреуі қабылданса:

• эстрогендер мен прогестагендер

• салуретиктер, тиазидті қатардың диуретиктері

• тиреотропты препараттар, глюкокортикоидтар

• фенотиазин туындылары, хлорпромазин

• адреналин мен симпатомиметиктер

• никотин қышқылы (жоғары дозаларда) және оның туындылары

• жеңіл іш жүргізетін дәрілер (ұзақ уақыт қолданғанда)

• фенитоин, диазоксид

• глюкагон, барбитураттар мен рифампицин

• ацетазоламид

Н2-рецепторлардың блокаторлары, ß-адреноблокаторлар, клонидин мен резерпин препараттың қантты төмендететін әсерін күшейтуі немесе әлсіретуі мүмкін.

ß-адреноблокаторлар, клонидин, гуанетидин мен резерпин секілді симпатолитиктердің әсерімен, гипогликемияның адренергиялық белгілері әлсіреуі немесе мүлдем болмауы мүмкін.

Алкогольді қабылдау глимепиридтің қантты төмендететін әсерін күтпеген жерден күшейтуі немесе әлсіретуі мүмкін.

Олтар® кумарин туындыларының әсерін күшейтуі және сондай-ақ әлсіретуі мүмкін.

Айрықша нұсқаулар

Олтарды® тікелей тамақ қабылдар алдында немесе кезінде қабылдау керек.

Егер ас қабылдау уақытылы болмаса немесе толық өткізіліп алынатын болса, бұл Олтармен® емдеу кезінде гипогликемияға әкелуі мүмкін. Гипогликемияның мүмкін белгілері: бас ауыруы, қатты ашығу, жүрек айнуы, құсу, әлсіреу, ұйқышылдық, ұйқының бұзылуы, мазасыздық, озбырлық, зейінді жұмылдырудың бұзылуы, зейін мен реакцияның әлсіреуі, депрессия, сананың шатасуы, сөйлеу мен көрудің бұзылуы, афазия, тремор, парездер, қабылдаудың/сезімталдықтың бұзылуы, бас айналуы, шарасыздық, өзін-өзі игере алмау, делирий, шығу тегі церебральдік құрысулар, сананың көмескіленуі және комаға дейін естен тану, беткейлік тыныс алу және брадикардия.

Одан басқа, керісінше қатты терлеу, салқын жабысқақ тер, қорқыныш немесе мазасыздық, тахикардия, гипертензия, жүректің қағуы, стенокардия және жүрек ырғағының бұзылуы секілді адренергиялық реакциялар байқалуы мүмкін.

Ауыр гипогликемияның клиникалық көрінісі инсультте бақыланатын көрініске ұқсас болуы мүмкін.

Симптомдарын дереу көмірсуларды (қант) қабылдап әрдайым тез қайтаруға болады; қант алмастырғыш әсер етпейді.

Сульфонилмочевинаның басқа препараттарын қабылдау тәжірибесінен белгілі, бастапқы жақсы нәтижелеріне қарамастан, гипогликемия қайталануы мүмкін.

Әдеттегі қант қабылдаумен тек уақытша қайтаруға болатын ауыр немесе ұзақ гипогликемияда, дереу медикаментозды ем қажет етіледі; кейбір жағдайларда ауруханаға жатқызу қажет болуы мүмкін.

Гипогликемияға келесі факторлар ықпал етуі мүмкін:

- науқастың ынтымақтасуға ниеттенбеуі немесе (көбінесе егде жастағы емделушілерде) мүмкіндігінің болмауы

- тойып тамақтанбау, тағамды уақытылы қабылдамау немесе оларды өткізіп алу немесе ашығу кезеңдері

- дене жүктемесі мен көмірсуларын қабылдаудың сәйкес келмеуі

- емдәмнің өзгеруі

- алкогольді шектен тыс қабылдау, әсіресе ас қабылдауды жіберіп алумен бірге

- бүйрек функциясының шектелуі

- бауыр функциясының ауыр бұзылуы

- глимепиридтің артық дозалануы

- көмірсу алмасуына немесе гипогликемиямен (мысалы, қалқанша без тарапынан функциясының белгілі бұзылуларында және гипофиздің алдыңғы бөлігінің немесе бүйрекүсті безі қыртысының жеткіліксіздігінде) индукцияланған кері регуляция механизміне әсер ететін эндокриндік жүйе тарапынан белгілі қалпына келмейтін бұзылыстар

- кейбір дәрілік заттарды («дәрілермен өзара әрекеттесуі» бөлімін қара) бір мезгілде қабылдау.

Олтар® препаратымен емдеу кезінде қандағы және несептегі қант көрсеткіштерін үнемі бақылау керек. Қосымша гликозилирленген гемоглобин деңгейін анықтау ұсынылады.

Олтар® препаратымен емдеу кезінде бауыр функциясын және гематологиялық көрсеткіштерді (әсіресе лейкоциттер мен тромбоциттерді) үнемі мониторингілеу керек.

Стресс жағдайларында (мысалы, жарақаттан кейін, жедел операциялық араласуларда, қызбамен және т.б. жұқпалы ауруларда), уақытша инсулинге көшіру көрсетілімде болуы мүмкін.

Ауыр дәрежедегі бауыр функциясының төмендеуімен науқастарда немесе диализдегі емделушілерде Олтарды® қолдану тәжірибесі жоқ. Осы емделушілерді инсулинге ауыстыру керек.

Глюкозо-6-фосфатдегидрогеназаның жеткіліксіздігімен емделушілерде сульфонилмочевина класының препараттарымен емдеу гемолитикалық анемияны туындатуы мүмкін, сондықтан осындай емделушілерге сақтықпен қабылдау керек, және емдеудің баламалы әдісінің мүмкіндігін қарастыру керек.

Препарат құрамында лактоза бар. Сирек кездесетін тұқым қуалайтын галактозаны көтере алмаушылықпен, лактазаның жеткіліксіздігімен немесе глюкозо-галактоза малабсорбциясы синдромымен емделушілерге бұл дәрілік затты қабылдауға болмайды.

Жүктілік және лактация

Жүктілік

Диабетпен байланысты қаупі:

Жүктілік кезінде қандағы қант деңгейінің ауытқуының туа біткен аномалиялар мен перинатальді өлімнің жоғары жиілігімен өзара байланысы байқалған. Жүктілік кезінде тератогенез қаупінен аулақ болу үшін қандағы қант деңгейін қатаң бақылау керек, гипергликемияны түзетуді инсулинмен жүргізеді.

Жүктілікті жоспарлаған емделушілер, бұл туралы өзінің дәрігеріне хабарлауы керек.

Глимепиридті қабылдауға байланысты қаупі:

Жүкті әйелдермен глимепиридті қабылдауға қатысты жеткілікті деректер жоқ. Клиникаға дейінгі зерттеулерде мүмкін, глимепиридтің фармакологиялық әсерімен (гипогликемиялық) байланысты репродукция мүшелеріне қатысты, уыттылығы анықталды.

Сондықтан жүктіліктің барлық кезеңі бойы глимепиридті қабылдауға болмайды.

Егер емделуші глимепиридпен емделу кезінде жүктілікті жоспарласа немесе жүктілік диагностикаланса, оны дереу инсулинмен емдеуге көшіру керек.

Лактация:

Клиникаға дейінгі зерттеулерде, глимеперидтің ана сүтімен бөлінуі анықталған. Емшекпен қоректендірудегі сәбилерде гипогликемия даму қаупі болғандықтан, глимепиридпен емделу кезінде лактациядан бас тарту керек.

Көлік құралдарын басқару және әлеуетті қауіпті қозғалыстағы механизмдермен жұмыс жасау қабілетіне әсері

Көлік жүргізу және қозғалыстағы механизмдерді басқару қабілетінің әсеріне зерттеулер жүргізілген жоқ.

Гипо- немесе гипергликемия нәтижесінде, көрудің және зейінді жұмылдыру қабілетінің бұзылуының мүмкіндігіне байланысты, емделушінің реакциясы төмендеуі мүмкін, бұл автомобилді басқаруда, психомоторлық реакциялар жылдамдығын талап ететін жұмыстарды жасауда қауіп төндіреді.

Емделушілерге автомобилді басқару кезінде, әсіресе гипогликемияның хабаршы симптомдарсыз дамуы жағдайында маңызды гипогликемиядан аулақ болу үшін сақтық шараларын сақтау керек. Осындай жағдайларда автокөлікті басқаруға болмайды.

Артық дозалануы

Симптомдары: ішке глимепиридтің үлкен дозаларын қабылдаған соң, бастапқы қалпына келтіргеннен кейін қайталануы мүмкін, ұзақтығы 12-ден 72 сағатқа дейін гипогликемия дамуы мүмкін. Симптомдары препаратты қабылдағаннан кейін 24 сағат ішінде байқалмауы мүмкін. Бұл жағдайда стационарда бақылау ұсынылады. Жүрек айнуы, құсу және эпигастрияның ауыруы пайда болуы мүмкін. Гипогликемия қозу, тремор, көрудің бұзылуы, координация проблемалары, ұйқышылдық, кома және құрысу секілді неврологиялық симптомдармен қатар жүруі мүмкін.

Емі: белсендірілген көмірді (адсорбент) және натрий сульфатын (іш жүргізетін) қабылдау. Препараттың үлкен мөлшері қабылданған жағдайда келесі белсендірілген көмірді және натрий сульфатын қабылдаумен асқазанды шаю ұсынылады. Күшті артық дозалану жағдайында қарқынды емдеу бөлімшесіне жатқызу көрсетілімде.

Глюкозаны енгізуді мүмкіндігінше тезірек бастау керек, қандағы глюкоза концентрациясын мұқият мониторингілеумен, кейіннен 10% ерітіндіні енгізумен 50 мл 50% ерітіндінің екпінді дозасын қажет болғанда көктамырішілік инъекция түрінде. Ары қарайғы емі белгісіне қарай жүреді.

Глимепирид таблеткаларын нәрестелермен және жас балалармен кездейсоқ қабылдануымен туындаған гипогликемияны емдеуде қауіпті гипергликемия дамуынан аулақ болу үшін глюкозаның дозалануы мұқият бақылануы керек.

Қандағы глюкоза концентрациясын үздіксіз мұқият мониторингілеу керек.

Шығарылу түрі және қаптамасы

30 таблеткадан поливинилхлорид/поливинилиденхлорид үлбірден және баспалы лакталған алюминий фольгадан жасалған пішінді ұяшықты қаптамаға салынған.

1 пішінді қаптамадан медицинада қолданылуы жөніндегі мемлекеттік және орыс тіліндегі нұсқаулықпен бірге картоннан жасалған пәшкеге салынған.

Сақтау шарттары

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл.

Дәріханалардан босатылу шарттары

Рецепт арқылы

Қазақстан Республикасы аумағында тұтынушылардан өнімнің (тауар) сапасына қатысты шағымдарды қабылдайтын ұйымның мекенжайы:

«Берлин-Хеми АГ» АҚ ҚР өкілдігі

Тел.: +7 727 2446183, 2446184, 2446185

Факс:+7 727 2446180

Электрондық поштасы: Kazakhstan@berlin-chemie.com