Овумикс®
Инструкция
-
русский
-
қазақша
Саудалық атауы
Овумикс®
Халықаралық патенттелмеген атауы
Жоқ
Дәрілік түрі
Қынаптық суппозиторийлер
Құрамы
1 суппозиторийдің құрамында
белсенді заттар: 300.00 мг микрондалған метронидазол, 100.00 мг микрондалған миконазол нитраты, 48.80 мг неомицин сульфаты, 4.40 мг полимиксин сульфаты, 15.00 мг азиаттық центелла (Готу Кола),
қосымша зат: витепсол Н 15
Сипаттамасы
Қою-қоңыр теңбілдері болуы мүмкін, крем түстіден қоңыр түске дейінгі, цилиндр пішінді, майлы суппозиторийлер.
Фармакотерапиялық тобы
Гинекологиялық ауруларды емдеуге арналған антисептиктер және микробтарға қарсы препараттар. Басқа да антисептиктер және микробтарға қарсы препараттар.
АТХ коды G01АХ
Фармакологиялық қасиеттері
Фармакокинетикасы
Жүйелік сіңуі төмен болғандықтан, зерттеулер жүргізілген жоқ.
Фармакодинамикасы
Овумикс® - гинекологияда жергілікті қолдануға арналған біріктірілген препарат. Белсенді компоненттерінің арқасында микробтарға қарсы, протозойға қарсы, зеңге қарсы, регенеративті әсер береді.
Метронидазол – 5-нитроимидазолдың туындысы, протозойға қарсы және микробтарға қарсы әсер етеді. Әсер ету механизмі анаэробтық микроорганизмдер мен қарапайымдылардың жасушаішілік тасымалдайтын протеиндерімен метриназолдың 5-нитротобының биохимиялық қалпына келуі болып табылады. Метронидазолдың қалпына келтірілген 5-нитротобы микроорганизмдердің ДНҚ-мен өзара әрекеттесіп, оның синтезін тежейді, бұл бактерияның өлуіне әкеледі.
Trichomonas vaginalis, Entamoeba histolytica, сондай-ақ облигаттық анаэробтарға Bacteroides spp. (соның ішінде Bacteroides fragilis, Bacteroides distasonis, Bacteroides ovatus, Bacteroides thetaiotaomicron, Bacteroides vulgatus), Fusobacterium spp., кейбір грамоң микроорганизмдерге (Eubacterium spp., Clostridium spp., Peptococcus niger, Peptostreptococcus spp.) қатысты белсенді.
Миконазол нитраты – имидазол және триазол туындысы зеңге қарсы әсер етеді: жасушалық жарғақша эргостеролының синтезін тежейді. Дерматофиттерге, ашытқы және кейбір басқа саңырауқұлақтарға қатысты белсенді. Грамоң микроорганизмдерге қатысты микробтарға қарсы белсенділік танытады. Қынаптың микрофлорасын және pH-ын өзгертпейді.
Неомицин сульфаты – аминогликозидтер тобына жататын, әсер ету ауқымы кең антибиотик. Грамоң (Staphylococcus spp., Streptococcus pneumoniae) және грамтеріс (Escherichia coli, Shigella dysenteria spp., Shigella flexneri spp., Shigella boydii spp., Shigella sonnei spp., Proteus spp.) микроорганизмдерге қатысты бактерицидтік әсер көрсетеді. Неомициннің бактерицидтік әсер ету механизмі рибосомаға ықпал етуіне және бактериялық жасушалардың ақуыздар синтезінің тежелуімен байланысты. Streptococcus spp. қатысты белсенділігі аз. Микроорганизмдердің неомицинге төзімділігі баяу және аздаған дәрежеде дамиды.
Полимиксин сульфаты – спора түзетін Bacillus polymixa бактерияларымен өндірілетін антибиотик. Микроб жасушасы жарғақшалары тұтастығының бұзылуымен байланысты, бактерицидтік әсер етеді. Жарғақшалардың фосфолипидтерінде сіңеді, оның өткізгіштігін арттырады, бактериялардың лизисін туындатады. Мына грамтеріс микроорганизмдерге қатысты белсенді: Pseudomonas aeruginosa, Salmonella spp., Shigella spp., Escherichia coli, Klebsiella spp., Bordetella pertussis, Haemophilus influenzae, Enterobacter. Фузобактериялар және бактероидтар (Bacteroides fragilis) орташа сезімтал. Аэробтық (Staphylococcus spp., Streptococcus spp., соның ішінде Streptococcus pneumoniae, Neisseria gonorrhoeae, Neisseria meningitidis) және анаэробтық кокк микроорганизмдерге, көптеген Proteus spp., Mycobacterium tuberculosis, Corynebacterium diphtheriae көптеген штаммдарына және саңырауқұлақтарға әсер етпейді.
Азиаттық центелланың (Готу Кола) жараны жазатын әсері бар: грануляция үдерісін және коллагеннің түзілуін стимуляциялайды, эпителизацияға мүмкіндік береді.
Қолданылуы
- вульвиттерде
- вагиниттерде
- вульвовагиниттерде
- цервиковагиниттерде
- кандидозда
- лейкореяда
Қолдану тәсілі және дозалары
Тәулігіне 1 суппозиторийден, ұйқыға жатар алдында. Кешкі шайынудан кейін жатып, қынапқа терең етіп енгізеді.
Емдеу ұзақтығы – 5-10 күн.
Жағымсыз әсерлері
Өте сирек
- күйдіріп ашу сезімі, жергілікті тітіркену, қынаптың қышуы
- аллергиялық реакциялар
Жүйелік сіңуінің төмен болғандығына қарамастан, препаратты жергілікті қолданғанда жүйелік әсері жоққа шығарылмайды, тағайындалған дозаны қатаң сақтау қажет.
Кез келген жағымсыз әсер пайда болған жағдайда препаратты қолдануды тоқтатқан жөн және дәрігерге қаралу қажет.
Қолдануға болмайтын жағдайлар
- препараттың кез келген компонентіне немесе химиялық құрамы бойынша ұқсас заттарға жоғары сезімталдық
- жүктіліктің алғашқы триместрі және лактация кезеңі
- гематологиялық аурулары бар емделушілер
- жүйке жүйесінің жедел аурулары бар емделушілер
- орталық жүйке жүйесінің органикалық аурулары, эпилепсия
Дәрілермен өзара әрекеттесуі
Сілтілік ерітінділермен бүркіп шайғанда пайдалануға болмайды.
Ішілетін антикоагулянттармен (варфарин, дикумарин) бір мезгілде тағайындалмайды, олар протромбин уақытын және қанағыштықты арттырады.
Емдеу кезінде алкогольді пайдалану құсуды, тершеңдікті, гипотонияны тудыруы мүмкін (антабус-әсер).
Айрықша нұсқаулар
Овумикс® бауыр қызметінің айқын жеткіліксіздігі бар емделушілерге сақтықпен тағайындалады.
Бүйрек қызметінің жеткіліксіздігі, бүйрек ауруы бар емделушілерге Овумиксті® абайлап және дәрігердің бақылауымен ғана пайдаланған жөн.
Жыныстық қатынас алдында пайдалануға болмайды. Препаратты қолдану ұрықтануды қиындатуы мүмкін.
Овумиксті® етеккір аяқталғаннан кейін тағайындау керек. Соның ішінде, егер етеккір емделу кезінде басталса, оны үзуге болмайды, тампондарды емес, гигиеналық төсемдерді пайдаланған жөн.
Овумиксті® пайдалану венералогиялық аурулардың пайда болуын тоқтата алмайды.
Суппозиторийдің құрамына кіретін ингредиенттер презерватив және қынаптық диафрагмана латексін зақымдауы мүмкін.
Жүктілік
Жүктіліктің II және III триместрлерінде, ана үшін күтілетін пайдасы ұрық үшін қауіптен басым болған жағдайларда, дәрігердің тағайындауымен ғана қолданылады.
Балаларға қолданылуы
Балаларға және 18 жасқа дейінгі жасөспірімдерге, осы жас тобына қолдану жөнінде зерттеулер жоқ болғандықтан, ұсынылмайды.
Дәрілік заттың көлік құралын немесе қауіпті механизмдерді басқару қабілетіне ықпал ету ерекшеліктері
Ықпалын тигізбейді
Артық дозалануы
Препаратты емдік дозаларда қолданғанда артық дозалану қаупі болмайды.
Шығарылу түрі және қаптамасы
Қынаптық суппозиторийлер.
Поливинилхлоридті үлбірден жасалған пішінді ұяшықты қаптамаға 6 суппозиторийден салынған.
Пішінді ұяшықты 1 қаптама медицинада қолданылуы жөнінде мемлекеттік және орыс тілдеріндегі нұсқаулықпен бірге картон қорапқа салынған.
Сақтау шарттары
Құрғақ жерде, 150С-ден 300С-ге дейінгі температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Дәріханадан босатылу шарттары
Рецепт арқылы
Өндіруші
Laboratorio ELEA S.A.C.I.F. y A., Sanabria 2353, Буэнос Айрес, Аргентина
Тіркеу куәлігінің иесі
Laboratorio ELEA S.A.C.I.F. y A., Sanabria 2353, Буэнос Айрес, Аргентина
Тұтынушылардан өнім сапасы жөнінде шағымдарды Қазақстан Республикасы аумағында қабылдайтын ұйымның мекенжайы
«AVITA (АВИТА)» ЖШС, Алматы қ-сы, Чайковский к-сі, 15-а
телефон/факс 8/727/2795639