Норколут® (Norethisterone)

• русский
• қазақша

• Скачать инструкцию медикамента

Саудалық атауы

Норколут®

Халықаралық патенттелмеген атауы

Норэтистерон

Дәрілік түрі

5 мг таблеткалар

Құрамы

Бір таблетканың құрамында

белсенді зат – 5 мг норэтистерон,

қосымша заттар: картоп крахмалы, кремнийдің коллоидты қостотығы, магний стеараты, желатин, тальк, жүгері крахмалы, лактоза моногидраты

Сипаттамасы

Дөңгелек, беті тегіс, бір жағында «NORCOLUT» деген таңбасы, екінші жағында «+» белгісі, ойығы бар, ақ немесе ақ дерлік түсті таблеткалар

Фармакотерапиялық тобы

Жыныс гормондары. Эстрен туындылары.

АТЖ коды G03DС02

Фармакологиялық қасиеттері

Фармакокинетикасы

Сіңуі

Асқазан-ішек жолынан жақсы сіңеді. Бауырдағы және ішек қабырғасындағы алғашқы қарқынды метаболизмінің нәтижесінде биожетімділігі 50-77 құрайды.

Таралуы

0,5 мг норэтистеронды қабылдағаннан кейін 0,5-4 сағаттан соң сарысудағы ең жоғары концентрациясы 2-5 нг\мл, 1 мг қабылдағанда 5-10 нг\мл, 3 мг қабылдағанда 30 нг\мл құрайды. Этинилэстрадиолмен бірге бір мезгілде қабылдағанда норэтистерон көп дүркін қолданған кезде қанығу сатысына жететін көп жоғары концентрацияларда өлшенеді, негізінен, бұл жыныс гормондарын байланыстыратын глобулинмен байланысқа түсу нәтижесінде метаболизмнің баяулауымен жүзеге асады.

Метаболизмі

Норэтистерон метаболиттері арасында изомерлер көп, мысалы, несеппен бірге глюкуронид конъюгаттары түрінде шығарылатын 5-дигидронорэтистерон мен тетрагидро-норэтистерон. Норэтистеронның және оның метаболиттерінің бөлігі 17-гидрокси-топпен байланыс түзеді.

Шығарылуы

Сарысуда норэтистерон концентрациясының төмендеуі екі фазада жүзеге асады. Алғашқы фазадағы жартылай шығарылу кезеңі 2,5 сағатқа, түпкілікті фазада 8 сағатқа созылады. Бауырда түзілетін метаболиттердің 80-ы несеппен шығарылады.

Фармакодинамикасы

Норэтистерон прогестаген болып табылады. Пролиферацияланатын эндометрийде сөліністік қайта түзілуді туындатады және гипофизде гонадотропин сөлінісін бөгейді, фолликулалардың жетілуін және овуляцияның басталуын кедергілейді.

Қолданылуы

- етеккір алдындағы синдромда

- мастодинияда

- секреторлық фазасының қысқаруымен етеккір оралымы бұзылғанда

- дисфункционалдық жатырлық қан кетулерде

- эндометрийдің безді-кистозды гиперплазиясында

- эндометриозда

- аденомиозда

- лактацияны бәсеңдетуге және болдырмауға

- менопауза кезеңіндегі дисфункционалдық қан кетулерде

Қолдану тәсілі және дозалары

Етеккір алды синдромы, мастодиния, етеккір оралымының бұзылуы: етеккір оралымының 16-25 күн аралығындағы кезеңде күніне 5-10 мг-ден (1-2 таблетка), эстрогенмен бірге қабылдауға болады.

Дисфункционалдық жатырлық қан кетулер, эндометрийдің безді-кистозды гиперплазиясы: (қан кетудің дисфункционалдық сипаты кемінде 6 ай бұрынғы гистологиялық талдаумен расталуы тиіс) 6-12 күн бойы күніне 5-10 мг-ден (1-2 таблетка).

Қайталанудан сақтану үшін: оралымның 16-шы күнінен бастап, оралымның 25-ші күніне дейін, әдетте, эстрогенмен бірге күніне 5-10 мг-ден (1-2 таблетка).

Эндометриоз, аденомиоз: оралымның 5-25 күндері кезеңінде 6 ай бойы күніне 5 мг-ден. Препаратты ұзақ қолданғанда оралымның 5 күнінен бастап, күніне 2,5 мг-ден (1\2 таблетка), сосын әр 2-3 апта сайын дозаны 1\2 таблеткаға арттыру керек. Емдеу ұзақтығы – 4-6 ай.

Лактацияны болдырмау:

Лактацияны бәсеңдету: 1-3 күні 20 мг-ден (4 таблетка), 4-7 күндері 15 мг-ден (3 таблетка), 8-10 күндері 10 мг-ден (2 таблетка)

Менопауза кезеңіндегі дисфункционалдық қан кетулерде: етеккір оралымының екінші жартысында күніне 5 мг-ден (1 таблетка), 10-20 күн бойы. Эстрадиолмен қосымша емдеу қажет болуы мүмкін.

Жағымсыз әсерлері

- бас ауыру

- жүрек айну, құсу

- сүт бездерінің ауырсынуы және кернеуі

- гастроинтестинальді шағымдар

- етеккіраралық қан кетулер

- ісінулер

- парестезиялар

- дене салмағының өзгеруі

Сирек

- қажу

Қолдануға болмайтын жағдайлар

- жүктілік

- 18 жасқа дейінгі балалық және жасөспірімдік кезең

- сүт безінің обыры

- әйелдің жыныс мүшелерінің қатерлі ісіктері

- жүктіліктің бар-жоғын анықтау үшін тоқтату қан кетуіне түрткі болу мақсатында, сондай-ақ қатер төндіретін және әдеттегі түсік жасатуда қолдану

- тұқым қуалаған галактозаны, лактозаны көтере алмаушылық, лактазалық жеткіліксіздік, глюкоза/галактоза мальабсорбциясы

Дәрілермен өзара әрекеттесуі

Басқа бауыр энзимдерінің индукторларымен бірге тағайындағанда сақ болу қажет, өйткені соңғысы норэтистерон метаболизмін жеделдетеді.

Айрықша нұсқаулар

Ұзақ қолданған кезде мына жағдайларда аса сақтық таныту қажет: жүрек-қан тамырлары жүйесінің және бүйректің аурулары; бронх демікпесі; эпилепсия; тромбоздарға бейімділік, гепатит, бауыр қызметінің бұзылулары.

Алдын ала мұқият гинекологиялық, онкологиялық тексерулер және сүт бездеріне тексеру жүргізу қажет.

Лактация

Босанудан кейінгі кезеңде Норколутты® қабылдау сүттің бөлінуін төмендетеді және оның сапалық көрсеткіштерін өзгертеді.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Норколут® көлікті және жоғары жарақаттану қаупімен байланысты басқа механизмдерді басқару қабілетіне ықпал етпейді. Бірақ жағымсыз әсерлердің (бас ауыру, парестезиялар) дамуы мүмкін екенін ескере отырып, сақтық шарасын қадағалау талап етіледі.

Артық дозаланғанда

Белгілері: жүрек айну және тоқтатудан болатын қан кету.

Жас емделушілердің құрамында норэтистерон бар контрацептивтердің үлкен дозаларын қабылдауы ауыр жағымсыз әсерлердің дамуын туындатқан жоқ.

Емі: белгісіне қарай.

Шығарылу түрі және қаптамасы

10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада.

2 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салады.

Сақтау шарттары

15 оС-ден 30оС-ге дейінгі температурада сақтау керек.

Балалардың қолы жетпейтін жерде сақтау керек!

Жарамдылық мерзімі

5 жыл

Жарамдылық мерзімі өткеннен кейін пайдалануға болады.

Дәріханалардан босатылу шарттары

Рецепт арқылы

Өндіруші

Гедеон Рихтер ААҚ

1103 Будапешт, Дёмрёи көшесі, 19-21, Венгрия

Тіркеу куәлігінің иесі

«Гедеон Рихтер» ААҚ, Будапешт, Венгрия

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

ҚР-дағы «Гедеон Рихтер» ААҚ өкілдігі

E-mail: info@richter.kz

Телефон: 8-(7272)-58-26-22, 8-(7272)-58-26-23