Норбактин®

• русский
• қазақша

• Скачать инструкцию медикамента

Саудалық атауы

Норбактин®

Халықаралық патенттелмеген атауы

Норфлоксацин

Дәрілік түрі

Үлбірлі қабықпен қапталған 400 мг таблеткалар

Құрамы

Бір таблетканың құрамында

белсенді зат - 408.12 мг норфлоксацин (құрғақ затқа шаққанда - 400 мг),

қосымша заттар: микрокристалды целлюлоза, натрий кроскармеллозасы, жүгері крахмалы, тазартылған тальк, сусыз коллоидты кремнийдің қостотығы, натрий лаурилсульфаты, магний стеараты,

қабығы: гидроксипропилметилцеллюлоза, макрогол-400, тазартылған тальк, титанның қостотығы Е171.

Сипаттамасы

Сопақша пішінді, шеттері қиғашталған, бір жағында ойылып түсірілген «NBT 400» деген жазуы және екінші жағында сындыру сызығы бар, ақ түсті үлбірлі қабықпен қапталған таблеткалар(каплеттер).

Фармакотерапиялық тобы

Бактерияға қарсы препараттар – хинолон туындылары. Фторхинолондар.

АТЖ коды J01MA06

Фармакологиялық қасиеттері

Фармакокинетикасы

Норфлоксацин ішу арқылы қабылдағаннан кейін асқазан-ішек жолында жылдам сіңеді, препараттың нақтылы биожетімділігі 30-40% құрайды. 200 мг, 400 мг және 800 мг дозаларда бір дүркін қабылдағаннан кейін, тиісінше, жоғары шектік 0.8, 1.5 және 2.4 мкг/мл концентрацияларына қабылданған соң шамамен 1 сағат өткенде жетеді. Тағам және сүт өнімдерін қабылдау сіңуін баяулатады. Норфлоксациннің жартылай шығарылу кезеңі 3-4 сағат құрайды, ол бүйрек жеткіліксіздігі бар емделушілерде ұзаруы мүмкін. Норфлоксациннің тұрақтанған концентрацияларына 2 күн қабылдағаннан кейін жетеді. Препараттың қабылданған дозасының 10-15%-ы қан плазмасының ақуыздарымен байланысады. Норфлоксацин урогенитальді жолдың тіндерінде, несеп пен өтте жоғары концентрацияларға жетеді.

Бүйрекпен, шумақтық сүзілу және өзекшелік сөлініс жолымен шығарылады. Қабылдау сәтінен 24 сағат өткенде дозаның 26-32%-ы өзгермеген күйде бүйрекпен, 5-8%-ы метаболиттер түрінде шығарылады; қабылданған дозаның 30%-ға жуығы өтпен бөлініп шығады. Егде жастағы дені сау еріктілерде (65-75 жастағы кезең) норфлоксацин бүйрек қызметінің төмендеуі салдарынан ағзадан баяулау шығарылды. Егде жастағы дені сау еріктілерде 400 мг норфлоксацинді бір дүркін қабылдағаннан кейін, орташа AUC және Cmax мәндері, тиісінше, 9.8 (2.83) мкг.сағ./мл және 2.02 (0.77) мкг/мл құрады. Жүйелі әсер ету дәрежесі ересек жас еріктілерде біршама жоғары болды (AUC 6.4 мкг.сағ./мл және Cmax 1.5 мкг/мл). Препараттың сіңірілуі өзгерген жоқ. Егде жастағыларда норфлоксациннің жартылай шығарылу кезеңі 4 сағат құрайды.

Егде жастағыларда дозалануын ретке келтіру қажет емес. Бүйрек қызметі кеміген егделерде дозалауды реттеу жүргізілуге тиіс. Креатинин клиренсі 30 мл/мин/1.73 м2 артық науқастарда норфлоксацин фармакокинетикасы дені сау еріктілердің фармакокинетикасымен ұқсас. Креатинин клиренсі 30 мл/мин/1.73 м2 тең немесе одан аз емделушілерде норфлоксациннің бүйрекпен шығарылуы төмендеп, жартылай шығарылу кезеңі 6.5 сағат құрайды. Мұндай емделушілерде дозаға реттеу жүргізу керек.

Несептік рН норфлоксациннің ерігіштігіне ықпал етуі мүмкін. Норфлоксацин рН 7.5 несепте азырақ ериді, бұл орайда ерігіштігі мейлінше жоғары рН мәндерінде артып, мейлінше төмен рН мәндерінде азаяды.

Кесте. 400 мг-лік екі дозаны қабылдағаннан кейін 1-4 сағаттан соң өлшенген әртүрлі сұйықтықтар мен тіндердегі норфлоксациннің орташа концентрациялары:

Фармакодинамикасы

Фторхинолондар тобының микробқа қарсы кең ауқымда әсер ететін препараты. Норбактин® бактерицидті әсер етеді. ДНҚ-гиразаны бәсеңдете отырып, ДНҚ суперспирализация үдерісін бұзады. Молекулалық деңгейде үш арнайы ықпалы ішек таяқшасының жасушаларында норфлоксацинмен байланысты (Escherichia coli):

• ДНҚ-гиразамен катализденетін ДНҚ суперспирализациясы АТФ-тәуелді реакцияларының тежелісі

• ДНҚ суперспиральді босаңсуының іркілісі

• 3) екі тізбекті ДНҚ бұзылуын көтермелеу.

  Микробқа қарсы белсенділігі

  Норфлоксацин in vitro грамоң және грамтеріс аэробтық бактериялардың кең ауқымына қатысты белсенділік көрсетті. 6 позицияда фтор атомы грамтеріс ағзаларға қарсы жоғары тиімділікті қамтамасыз етеді, ал 7 позицияда пиперазин фрагменті көк іріңге қарсы белсенділік үшін жауап береді.

  Норфлоксациннің in vitro сипатында да, клиникалық жұқпаларды емдегенде де келесі микроорганизмдер штаммдарының көпшілігіне қатысты белсенді әрекет ететіні дәлелденген.

  Грамоң аэробтар: Enterococcus faecalis, Staphylococcus aureus, Staphylococcus epidermidis, Staphylococcus saprophyticus, Streptococcus agalactiae.

  Грамтеріс аэробтар: Citrobacter freundii, Enterobacter aerogenes, Enterobacter cloacae, Escherichia coli, Klebsiella pneumoniae, Neisseria gonorrhoeae, Proteus mirabilis, Proteus vulgaris, Pseudomonas aeruginosa, Serratia marcescens.

  Норфлоксацин in vitro келесі микроорганизмдер штаммдарының көпшілігіне (≥ 90%) қатысты тым аз тежегіш  4 мкг/мл концентрациясын көрсетеді, алайда талапқа сай жүргізіліп, жақсы бақыланатын клиникалық сынақтар барысында осы микроорганизмдер туғызған клиникалық жұқпаларды емдегенде норфлоксациннің қауіпсіздігі мен тиімділігі анықталған жоқ. Грамтеріс аэробтар: Citrobacter diversus, Edwardsiella tarda, Enterobacter agglomerans, Haemophilus ducreyi, Klebsiella oxytoca, Morganella morganii, Providencia alcalifaciens, Providencia rettgeri, Providencia stuartii, Pseudomonas fluorescens, Pseudomonas stutzeri. Басқа да: Ureaplasma urealyticum Норфлоксацин, әдетте, облигатты анаэробтарға қатысты белсенді емес.

  Төзімділігі

  Іn vitro күрт мутация салдарынан болатын норфлоксацинге төзімділік сирек құбылыс болып саналады (109 - 1012 жасушалар аралығындағы кеңдікте). Норфлоксацинмен емдеу барысында төзімді микроорганизмдер, препаратты қабылдаған 1% емделушілерге қарағанда, аз пайда болды. Көбірек төзімділігінің дамуы байқалған организмдер: Pseudomonas aeruginosa, Klebsiella pneumoniae, Acinetobacter spp., Enterococcus spp. Осы себептен қанағаттанарлық клиникалық реакция болмағанда флораға және антибиотиктерге сезімталдыққа қайталанған екпелер жасау қажет. Налидикс қышқылының әсеріне төзімді микроорганизмдер, әдетте, in vitro сынауығындағы норфлоксацин әсерін қабылдағыш, алайда, бұл организмдер, налидикс қышқылының әсерін қабылдағыш штаммдардан гөрі, норфлоксацинге жоғары тым аз тежегіш концентрация иелене алады. Тұтастай алғанда, норфлоксацин мен басқа бактерияға қарсы препараттардың басқа кластары арасында түйіспелі төзімділік жоқ. Осылайша, норфлоксацин аминогликозидтер, пенициллиндер, цефалоспориндер, тетрациклиндер, макролидтер қамтылған микробқа қарсы басқа дәрілердің және сульфаметоксазол мен триметоприм біріктірілімін қамтитын сульфаниламидтердің әсеріне тұрақты аталған микроорганизмдерге қатысты белсенділігін көріністей алады. Норфлоксацин мен нитрофурантоин арасындағы антагонизм in vitro көріністелген.

Қолданылуы

Сезімтал микроорганизмдер туғызған жұқпалы-қабыну ауруларын емдеуде:

- Enterococcus faecalis, Escherichia coli, Klebsiella pneumoniae, Proteus mirabilis, Pseudomonas aeruginosa, Staphylococcus epidermidis, Staphylococcus saprophyticus, Citrobacter freundii, Enterobacter aerogenes, Enterobacter cloacae, Proteus vulgaris, Staphylococcus aureus немесе Streptococcus agalactiae туғызған несеп шығару жолдарының асқынбаған жұқпалары (циститті қоса)

- Enterococcus faecalis, Escherichia coli, Klebsiella pneumoniae, Proteus mirabilis, Pseudomonas aeruginosa немесе Serratia marcescens несеп шығару жолдарының асқынған жұқпалары

- жыныс мүшелерінің жұқпалары (Neisseria gonorrhoeae туғызған асқынбаған гонококктық уретрит және цервицит) - Escherichia coli туғызған простатит

Қолдану тәсілі және дозалары

Норбактин® ішке ашқарынға (тамақ немесе сүт/сүт өнімдерін тұтынуға дейін кемінде 1 сағат бұрын немесе одан кейін 2 сағаттан соң) қабылданады. Таблеткаларды сындырмай, ұсақтамай, шайнамай, жеткілікті су мөлшерімен іше отырып, бүтін жұту керек. Поливитаминдер, темірі мен мырышы бар препараттар, құрамында магний мен алюминий бар антацидтер, сукральфат немесе диданозині бар препараттар Норбактин® таблеткаларын қабылдағаннан кейін 2 сағат ішінде қабылданбауға тиіс.

Норбактиннің® ұсынылған дозалаулары

Бүйрек жеткіліксіздігі

Норбактинді® бүйрек жеткіліксіздігі бар емделушілерде несеп шығару жолдарының жұқпаларын емдеу үшін пайдалануға болады. Креатинин клиренсі 30 мл/мин/1.73м2 немесе одан аз емделушілерде ұсынылатын доза жоғарыда көрсетілген уақыт ішінде күніне бір рет 400 мг 1 таблетка құрайды. Осы дозада несептегі препарат концентрациясы, тіпті 10 мл/мин/1.73м2 креатинин клиренсінен аз құраған жағдайда да, норфлоксацинге сезімтал несеп жолының ауру туғызатын микроорганизмдерінің көпшілігіне тән тым аз тежегіш концентрациясынан асып түседі.

Егде жастағы емделушілер

Креатинин клиренсі 30 мл/мин/1.73м2 немесе одан аз егде емделушілердегі несеп шығару жолдарының жұқпаларын емдегенде препаратты күніне бір рет 400 мг-ден қабылдау қажет.

Жағымсыз әсерлері

Жиі

- бөртпе

- тері қышымасы, фотосенсибилизация/фотоуыттану реакциялары

Сирек

- асқын сезімталдық реакциялары, анафилактоидтық реакцияларды қоса, ангионевротикалық ісіну, ентігу, васкулит, есекжем

- артрит, буындардың ауырулары, бұлшықеттің ауырулары, тендинит, сіңірлердің жарылуы, миастенияның өршуі

- тәбеттің төмендеуі, дисфагия, ауыздың кермек татуы, жүрек айну, құсу, іштің ауыруы, диарея

- гепатит, сарғаю, холестатикалық сары ауруды қоса және бауыр ферменттері белсенділігінің артуы, панкреатит, стоматит

- бас ауыру, бас айналу, естен тану ахуалдары, ұйқысыздық, елестеулер, құрысулар, миоклонус, тремор

- нейтропения, лейкопения, агранулоцитоз, гемолитикалық анемия, кейде глюкоза-6-фосфат дегидрогеназа жетіспеушілігімен байланысты, эозинофилия, тромбоцитопения

- агранулоцитоз, альбуминурия, кандидурия, кристаллурия, цилиндрурия

- гипергликемия, қанда холестериннің жоғарылауы, қан сарысуында калийдің ұлғаюы, қан сарысуында триглицеридтердің артуы, гематурия, симптоматикалық гипогликемия

- постуральді гипотензия, тахикардия, аритмиялар, протромбин уақытының ұзаруы

- қынаптық кандидоз

Өте сирек

- уытты эпидермалық некролиз, Стивенс-Джонсон синдромы және эритема, эксфолиативті дерматит

- ЭКГ-да QT аралығының ұзаруы және қарыншалық аритмиялар, қарыншалардың дірілдеуін-жыпылықтауын қоса

- шеткергі нейропатия, полинейропатия, Гийена-Барре синдромын қоса, атаксия, парестезия, гипестезия, психикалық бұзылулар, психотикалық реакцияларды қоса, сананың шатасуы, құрысулар

- интерстициальді нефрит, бүйрек жеткіліксіздігі, уретральді қан кетулер

- бауыр жеткіліксіздігі, жалған жарғақшалы колит

- естімей қалу, құлақтың шуылдауы, диплопия, көрудің нашарлауы, дәм сезудің бұрмалануы

Қолдануға болмайтын жағдайлар

- норфлоксацинге немесе фторхинолондар тобының басқа препараттарына жоғары сезімталдықта

- глюкоза-6-фосфат дегидрогеназа тапшылығында

- ауыр бүйрек жеткіліксіздігінде

- тендинит, сыртартқыдағы норфлоксацинді немесе хинолондар тобының басқа препараттарын қолданумен байланысты сіңірлердің жарылуында

- жүктілік және лактация кезеңінде

- 18 жасқа дейінгі балалық және жасөспірімдік кезеңде

Дәрілермен өзара әрекеттесуі

Хинолондар, соның ішінде норфлоксацин, in vitro CYP1A2-ні тежейді. CYP1A2 көмегімен сіңірілетін препараттармен өзара әрекеттесу (мысалы: кофеин, клозапин, ропинирол, такрин, теофиллин, тизанидин), тіпті әдеттегі дозаларда қабылдағанда қандағы препарат концентрациясының жоғарылауына әкелуі мүмкін. Аталған препараттардың кез келгенін норфлоксацинмен бір мезгілде қабылдайтын емделушілер мұқият қадағалауда болуға тиіс.

Тизанидин мен норфлоксацинді бір мезгілде қолдану ұсынылмайды. Қан плазмасындағы теофиллиннің жоғары деңгейлері хинолонды қатарлас қабылдаған кезде тіркелді. Норфлоксацин мен теофиллинді қатарлас қабылдаған емделушілерде теофиллинмен байланысты жағымсыз әсерлер пайда болған жағдайлар тіркелген. Қан плазмасындағы теофиллин деңгейін бақылау керек, ал норфлоксацин дозалары қажет болған жағдайда ретке келтірілуге тиіс. Қан сарысуындағы циклоспорин деңгейінің жоғарылауы циклоспорин мен норфлоксацинді бір мезгілде қабылдағанда тіркелген. Осылайша, қан сарысуындағы циклоспорин деңгейлері тексерілуге, ал циклоспорин дозалары осы препараттарды бір мезгілде қабылдағанда тиісті үлгіде ретке келтірілуге тиіс. Артериялық қысымды түсіріп жіберетін қабілеті бар дәрілік заттармен бір мезгілде қолдану кенет гипотензияны туғызуы мүмкін. Хинолондар, соның ішінде норфлоксацин, ішу арқылы қабылданатын антикоагулянттардың, соның ішінде варфариннің немесе оның туындыларының немесе оған ұқсас заттардың әсерін күшейтуі мүмкін. Осы препараттарды бір мезгілде қабылдағанда протромбин уақытын немесе коагуляцияға жасалған басқа сынамаларды қатаң қадағалау қажет. Хинолондарды, соның ішінде норфлоксацинді глибурид/глибенкламидпен (сульфонилмочевина) қатарлас қабылдау сирек жағдайларда ауыр гипогликемияға әкелді. Осылайша, қандағы қант деңгейін тексеруді осы дәрілік препараттарды бір мезгілде қабылдағанда жүргізу ұсынылады. Норфлоксациннің несеппен бөлініп шығу төмендігі пробенецид пен норфлоксацинді қатарлас қабылдаған кезде тіркелді. Нитрофурантоинді қатарлас қабылдау ұсынылмайды, өйткені нитрофурантоин несеп жолдарындағы норфлоксациннің бактерияға қарсы әсеріне қарсы әрекеттенуі мүмкін. Поливитаминдерді немесе темірі мен мырышы бар басқа препараттарды, антацидтер немесе сукральфатты норфлоксацинмен бір мезгілде немесе оны қабылдаған сәттен кейін 2 сағат ішінде қабылдауға болмайды, өйткені олар сіңірілуді кедергілеп, қан сарысуындағы және несептегі норфлоксацин деңгейінің төмендеуіне әкелуі мүмкін. Антацидтері немесе диданозині бар шайнайтын / «буферлік» таблеткалар немесе ішу арқылы қабылданатын ерітінді түрінде пайдалануға арналған педиатриялық ұнтақты норфлоксацинмен бір мезгілде немесе оны қабылдаған сәттен кейін 2 сағат ішінде қабылдауға болмайды, өйткені олар сіңірілуін кедергілеп, қан сарысуындағы және несептегі норфлоксацин деңгейінің төмендеуіне әкелуі мүмкін. Кейбір хинолондардың кофеин метаболизмімен өзара әрекеттесуі дәлелденген. Норфлоксацинді құрамында кофеин бар өнімдермен қосып қабылдағанда қан плазмасындағы кофеин концентрациясы жоғарылауы мүмкін. Қабынуға қарсы стероидты препараттарды (ҚҚСП) хинолондармен, соның ішінде норфлоксацинмен қатарлас қабылдау ОЖЖ-нің көтермелену және құрысу ұстамаларының пайда болу қаупін арттыруы мүмкін. Осылайша, норфлоксацин ҚҚСП-ын бір мезгілде қабылдайтын тұлғаларды емдеу үшін абайлап қолданылуға тиіс. Хинолондар мен фенбуфенді қатарлас қабылдаудан қашық болу керек.

Айрықша нұсқаулар

Тендинопатиялар/сіңірлердің жарылуы: фторхинолондар, норфлоксацинді қоса, әртүрлі жас кезеңдерінде тендинит дамуының және сіңір жарылуының ұлғайған қаупімен байланысты. Бұл қатер кортикостероидтар қабылдайтын 60 жастан асқан емделушілерде және мүшелері трансплантацияланған емделушілерде жоғарылай түседі. Сіңірлер ауыруының, домбығуының немесе қабынуының алғашқы нышандары пайда болғанда, фторхинолонды қабылдауды тоқтатып, дене жүктемесінен аулақ болу, сондай-ақ, бактерияға қарсы препаратты алмастыру үшін өз дәрігерімен дереу байланысу қажет.

Құрысулар: хинолондар орталық жүйке жүйесін (ОЖЖ) де көтермелеуі мүмкін, бұл тремор, мазасыздану, бас айналу, сана шатасуының пайда болуына, елестеулер мен құрысуларға әкеледі. Норфлоксацин алатын емделушілерде аталған реакциялар пайда болғанда, препаратты қабылдау тоқтатылып, тиісті шаралар қолға алынуға тиіс. Ауыр церебральді атеросклероз, эпилепсия және құрысулардың пайда болуы болжанатын басқа факторлар сияқты ОЖЖ-нің белгілі және күдікті бұзылыстары бар емделушілерде норфлоксацинді сақтықпен қолданған дұрыс.

Жоғары сезімталдық реакциялары: норфлоксацин қамтылған хинолондарды қабылдайтын емделушілерде, ауыр және кейде фатальді асқын сезімталдық (анафилактикалық) реакция жағдайы, кейбіреулері алғашқы дозаны қабылдағаннан кейін бірден тіркелген. Кейбір реакциялар жүрек-қан тамыр жеткіліксіздігімен, естен танумен, шаншумен, көмейдің немесе беттің ісінуімен, ентігумен, есекжеммен және қышынумен қатар жүрген. Норфлоксацинге аллергиялық реакция пайда болғанда препаратты қабылдауды тоқтату керек. Ауыр жедел жоғары сезімталдық реакциялары кезек күттірмейтін емнің дереу қолданылуын талап етеді.

Норфлоксацин қамтылған хинолонды ем алған емделушілердегі асқын сезімталдық салдарынан болатын басқа ауыр және кей кездегі фатальді жағдайлар сирек кездесті. Бұл реакциялар, әдетте, көп дүркінді дозаларды енгізгеннен кейін басталады. Клиникалық көріністер келесі нышандардың біреуін немесе бірнешеуін қамтуы мүмкін: қызба, бөртпе немесе ауыр дерматологиялық реакциялар (уытты эпидермалық некролиз, Стивенс-Джонсон синдромы), васкулит, артралгия, миалгия, сарысулық сырқат, аллергиялық пневмонит, интерстициальді нефрит, жедел бүйрек жеткіліксіздігі, гепатит, сарғаю, жедел некротикалық гепатит немесе бауыр жеткіліксіздігі, гемолитикалық және апластикалық анемияны қамтитын анемия, тромбоцитопения, тромбоцитопениялық пурпура, лейкопения, агранулоцитоз, панцитопения және/немесе басқа гематологиялық ауытқулар.

Клостридиум диффицилмен астасқан диарея: сlostridium difficile-астасқан диарея (CDAD), норфлоксацинді қоса, бактерияға қарсы барлық дерлік препараттарды пайдаланған кезде байқалды және олар ауырлық дәрежесіне қарай орташа диареядан фатальді колитке дейін орналаса алады. Бактерияға қарсы дәрілермен емдеу тоқ ішектің қалыпты флорасының түр өзгертуіне әкеледі, әрі клостридия өсуінің күшеюіне әкелуі мүмкін. Ауру сыртартқысын мұқият жинау керек, өйткені CDAD, белгілі болғандай, бактерияға қарсы препараттарды қолданғаннан кейін екі айдан аса уақыт өткен соң болады. Егер «жалған жарғақшалы колит» күдігі туындаса немесе диагнозы қойылса, норфлоксацинді тоқтатып, тиісінше емдеуді бастау қажет.

Шеткергі нейропатия: норфлоксацин қамтылған хинолондарды алған емделушілерде парестезияға, сезімталдықтың бұзылуына, соның ішінде сезімталдықтың төмендеуіне және әлсіздікке әкелетін сенсорлық немесе сенсорлы-қозғалыс аксоналық полиневропатия жағдайлары сирек кездесті. Емделушілерде ауырсынуды, ашыту сезімін, шаншу сезінуді, жансыздануды және/немесе аяқ-қолдың әлсіздігін қоса, нейропатия белгілері пайда болған жағдайда норфлоксацинді қолдануды тоқтатқан дұрыс.

Мерезді емдеу: норфлоксациннің мерезді емдеудегі тиімділігі дәлелденген жоқ. Созды емдеу үшін қысқа кезеңді уақыт ішінде жоғары дозаларда қолданылатын микробқа қарсы препараттар мерездің даму белгілерін бүркемелеуі немесе жасыруы мүмкін. Создан зардап шегетін барлық емделушілер мерезге серологиялық тестіден өтуге тиіс. Норфлоксацинмен ем алатын емделушілер 3 ай өткенде мерезге серологиялық тестіден қайталап өтуге тиісті.

Кристаллурия: кристаллурия препаратты күніне екі рет 400 мг дозада қабылдағанда білінбейді. Сақтану шарасы ретінде, күнделікті ұсынылатын доза асырылмауға тиіс, әрі емделуші талапқа сай гидратация деңгейін және несеп бөлінісінің соған сәйкес мөлшерін қамтамасыз ету үшін жеткілікті сұйық мөлшерін ішуге тиіс.

Фотосезімталдық/фотоуыттылық: жарық әсеріне ұшырайтын аймақтарды (негізінен, бет, ашық омырау аймағы, иілгіш иық-қар беткейлері, қолдың сырт жағы) қамтитын фотосезімталдық/фотоуыттану реакциялары, бұлардың соңғысы күнге күю реакциясы түрінде көрініс беруі мүмкін (мысалы, күйік, эритема, көпіршіктер, күлдіреуіктер, ісінулер), күн әсеріне немесе ультракүлгінді сәулеленуге ұшырағаннан кейін хинолондарды пайдаланумен байланысты болуы мүмкін. Сондықтан осы жарық көздерінің шамадан тыс әсеріне ұшыраудан қашық болу керек. Фотоуыттану пайда болған жағдайда дәрілік емді үзу қажет.

Миастения: норфлоксацин қамтылған хинолондар миастения нышандарын өршітіп, тыныс алу бұлшықеттерінің өмірге қауіпті әлсіздігіне әкелуі мүмкін. Миастениядан зардап шегетін емделушілерді емдегенде норфлоксацин қамтылатын фторхинолондарды пайдаланғанда сақтық таныту қажет.

Жүрек қызметінің бұзылулары: ЭКГ-да QT аралығын ұзартатын басқа препараттарды қабылдаған кездегідей, гипокалиемиядан, брадикардиядан зардап шегетін науқастарды немесе IА класс немесе III кластық аритмияға қарсы препараттармен бір мезгілде емдеуден өтетін емделушілерді емдеу үшін норфлоксацинді қабылдағанда сақтық таныту керек. Кейбір фторхинолондар, норфлоксацинді қоса, цисаприд, эритромицин, нейролептиктер, үш циклды антидепрессанттарды қолданатын, әлде жеке немесе отбасылық сыртартқысында ЭКГ-да QT аралығының ұзару жағдайлары болған емделушілерді емдеу үшін пайдаланылуға тиіс.

Норфлоксацинді дәлелденген бактериялық жұқпа немесе алдын алу көрсетілімдері болмаған кезде тағайындау емделушіге пайда әкелмейді, керісінше бактерияның дәріге төзімділігінің даму қаупін арттырады.

Егде жастағылар Егде емделушілер норфлоксацин сияқты фторхинолондарды қабылдаған кезде, сіңірлердің жарылуын қоса, сіңірлердің ауыр бұзылуларының жоғары даму қаупіне ұшырайды. Бұл қатер кортикостероидтармен қатарлас ем алатын емделушілерде арта түседі. Тендинит немесе сіңірлердің жарылуы емдеу кезінде немесе ол аяқталғаннан кейін болуы мүмкін; аурудың фторхинолондармен емдеу аяқталған соң бірнеше ай ішінде пайда болу жағдайлары тіркелген. Норфлоксацин, әсіресе, кортикостероидтарды қабылдайтын егде емделушілерді емдеу үшін сақтықпен тағайындалуға тиіс. Емделушілерге аталған жағымсыз реакциялардың болуы мүмкін екенін хабарлап, қандай да бір тендинит немесе сіңірдің жарылу белгілері білінгенде норфлоксацинді қабылдауды тоқтатып, дәрігермен хабарласуға кеңес беру керек .

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Норфлоксацин бас айналуын туындатып, естен тану алдындағы ахуалға түсіруі мүмкін, сондықтан, емделушілер көлік құралдарын, қауіптілігі зор механизмдерді басқару немесе жоғары зейін қоюды және психомоторлық реакциялар жеделдігін талап ететін қызмет түрлерімен айналысу алдында норфлоксацинге осындай реакциялар болуы мүмкін екені жөнінде ақпараттанған болуға тиіс.

 

Артық дозаланғанда

Белгілері: бас айналу, жүрек айну, құсу

Емі: құстыру немесе асқазанды шаю. Емделуші мұқият қадағалауда болуға тиіс. Белгісіне қарай және демеуші ем жүргізіледі. Мол мөлшерде су ішу қажет.

Шығарылу түрі және қаптамасы

10 таблеткадан ПВХ/ПВДХ мөлдір үлбірінен және алюминий фольгадан жасалған пішінді ұяшықты қаптамаға (блистер) немесе алюминий фольгадан жасалған пішінді ұяшықсыз қаптамаға (стрип) салады.

1 немесе 10 пішінді ұяшықты қаптамадан (блистер) немесе 1 немесе 10 пішінді ұяшықсыз қаптамадан (стрип) медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салады.

Сақтау шарттары

Құрғақ жерде, 25 оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханадан босатылу шарттары

Рецепт арқылы

Өндіруші

Sun Pharmaceutical Ind Ltd, Үндістан

Plot No B-2, Madkai Industrial Estate

Ponda - Goa 403 404

Тіркеу куәлігі иесінің елі мен атауы

Sun Pharmaceutical Ind Ltd, Үндістан

Қазақстан Республикасының аумағында тұтынушылардан өнімнің сапасы жөніндегі шағымдарды қабылдайтын ұйымның мекенжайы

Sun Pharmaceutical Ind Ltd компаниясының ҚР өкілдігі

Алматы қ., Манас көшесі 32А, САТ БО, 602 кеңсе

тел.: 8-727-2378450

эл.адрес: regulatory.kz@sunpharma.com