Ноофен® (NOOPHENUM®) (500 мг)

• русский
• қазақша

• Скачать инструкцию медикамента

Саудалық атауы

НООФЕН® (NOOPHENUM®)

Халықаралық патенттелмеген атауы

Жоқ

Дәрілік түрі

Капсулалар 500 мг

Құрамы

Бір капсуланың құрамында

белсенді зат – 500 мг фенибут

қосымша заттар: картоп крахмалы, өзгертілген жүгері крахмалы, кальций стеараты.

қатты капсуланың корпусы және қақпақшасының құрамы: титанның қостотығы (Е171), желатин.

Сипаттамасы

Құрамында ақ немесе ақ дерлік түсті қатты желатин капсулалар № 00 (ақ/ақ). Бөлшектер конгломераттарына жол беріледі.

Фармакотерапиялық тобы

Психоаналептиктер. Психостимуляторлар және ноотроптар. Психостимуляторлар және басқа да ноотроптар. Фенибут.

АТХ коды N06ВX22

Фармакотерапиялық тобы

Фармакокинетикасы

Сіңуі және тарауы

Ішке қабылдағаннан кейін препарат асқазан-ішек жолынан жақсы сіңеді және организмнің барлық тіндеріне енеді, гематоэнцефалдық бөгеттен өтеді. Ми тіндеріне препараттың енгізілген дозасының 0,1 %-ға жуығы, жас және егде жастағы адамдарда ересектерге қарағанда айтарлықтай көп дәрежеде өтуі мүмкін. Препарат қандағы ең жоғары концентрациясына 3 сағаттан соң жетеді. барынша көп байланысуы бауырда жүреді (80 %), бұл байланыс спецификалық емес.

Метаболизмі және шығарылуы

80-95 %-ы бауырда фармакологиялық белсенді емес метаболиттерге дейін метаболизденеді. Шамамен 5 %-ы бүйрекпен өзгеріссіз күйде шығарылады. Жартылай шығарылу кезеңі 5 сағат. Қайталап енгізгенде жинақталуы байқалмаған.

Фармакодинамикасы

Ноофен мидың жүйке жасушаларындағы метаболизмдік үдерістерге әсер етеді. Ноофеннің әсер етуші заты – -амино--фенилмай қышқылының гидрохлоридін -амино-май қышқылының туындысы (ГАМК) немесе -фенилэтиламин туындысы ретінде қарастыруға болады. Ноофен ноотропты белсенділікке ие, ал ГАМК туындысы ретінде анксиолитикалық (транквилизациялаушы) әсері бар.

Ноофен ширығуды, мазасыздықты, қорқынышты азайтады және ұйқыны жақсартады, сондықтан оны невроздарды емдеу үшін және операциялар алдында пайдаланады. Ноофен нистагмның латентті кезеңін ұзартады және оның ұзақтығы мен айқындығын азайтады. Препарат астения көріністері мен вазовегетативтік симптомдарды, соның ішінде бас ауыруын, бастағы ауырлық сезімін, ұйқының бұзылуын, ашушаңдықты, көңіл-күйдің құбылмалылығын едәуір азайтады. Ақыл-ой еңбегіне қабілеттілікті арттырады. Нофеннің әсерінен психологиялық көрсеткіштер (зейін, жады, сенсорлық-моторлық реакциялардың жылдамдығы мен дәлдігі) жақсарады. Астениясы бар және көңіл-күйі құбылмалы емделушілерде емдеудің алғашқы күндерінен-ақ субъективті көңіл-күй жақсарады, қызығушылығы мен ынталылығы, іс-әрекет мотивациясы артады.

Қолданылуы

- астениялық және үрейлі-невроздық жағдайларда: мазасыздықта, қорқыныш, үрей; маза бермейтін жағдайлар неврозы, психопатия

- ұйқысыздық, егде жастағы адамдардағы түнгі мазасыздықта

- тұтығуды, энурезді, балалардағы жыбырлап тартылуды емдеуде

- стресс жағдайларының алдын алуда, операциялар немесе ауырсынумен жүретін диагностикалық зерттеулер алдында

- абстиненция синдромында психопатологиялық және соматовегетативтік бұзылуларды басу үшін қосымша дәрі ретінде және алкогольдік делириоз алдындағы және делириозды күйлерді емдеуде

- Меньер ауруында, вестибулярлық аппарат қызметінің бұзылуына байланысты бас айналуында

- тербелуден бас айналуының алдын алуда

Қолдану тәсілі және дозалары

Ішке, сумен іше отырып қабылдайды. Капсуланы шайнауға болмайды. Ересектерге 500 мг-ден күніне 1-3 рет тағайындайды. Қажет болғанда күндізгі дозаны 2,5 г дейін арттыруға болады. Емдеу курсы  2-3 апта. Қажет болғанда курсты 4-6 аптаға дейін ұзартуға болады.

14 жастан асқан балаларға – ересектерге арналған доза.

Алкогольдік абстинентті синдромды басу үшін емдеудің алғашқы күндері тәуліктік дозасын біртіндеп ересектерге арналған әдеттегіге дейін төмендете отырып, күні бойы 2-3 рет 500 мг және түнге қарай 500 мг тағайындайды.

Шығу тегі жұқпалы вестибулярлық анализатор функциясының бұзылулары кезінде (отогендік лабиринтит) және Меньер ауруында бастың ауыруын басу үшін өршу кезеңінде 5-7 күн бойы тәулігіне 3 рет 500 мг тағайындайды. Вестибулярлық бұзылыстардың айқындығы төмендегенде  5-7 күн бойы тәулігіне 2-3 рет 500 мг-ден және содан кейін  5 күн бойы тәулігіне 1 рет 500 мг-ден тағайындайды. Аурудың салыстырмалы түрде жеңіл ағымында – 500 мг-ден тәулігіне 1 рет 5-7 күн бойы.

Вестибулярлық анализатор функциясының шығу тегі тамырлық және жарақаттық бұзылуларындағы бас айналуын емдеуде 12 күн бойы тәулігіне 1 рет 500 мг-ден тағайындайды.

Теңізде жүзу жағдайындағы тербелудің алдын алу үшін болжамды тербелудің басталуынан бір сағат бұрын немесе теңіз ауруының бірінші симптомдары білінуінде бір рет 500 мг дозада тағайындайды. Препараттың дозасын ұлғайтқан сайын тербеліске қарсы әсері күшейеді. Теңіз ауруының айқын білінулері басталғанда (құсу және т.с.с.) препаратты тіпті 1000 г дозада қабылдаудың да әсері аз.

Әуе ауруының алдын алу үшін ұшудан бір сағат бұрын 500 мг дозада бір рет тағайындайды.

Егер қабылданбай қалса, онда препаратты еске түсе салысымен қабылдаңыз, ал егер келесі кезектің уақыты келіп қалса, онда өткен жолғысын қабылдамаңыз. Ешқашан екі есе доза қабылдамаңыз.

Жағымсыз әсерлері

Ноофен 500, басқа да дәрілер сияқты жағымсыз әсерлер туындатуы мүмкін, олар барлық емделушілерде байқала бермейді. Ноофен 500 әдетте жақсы көтерімді.

Даму жиілігі бойынша қолайсыз жағымсыз реакцияларының жіктелімі: өте жиі (≥ 1/10); жиі (≥ 1/100 - < 1/10 дейін); жиі емес (≥ 1/1000 - < 1/100 дейін); сирек (≥ 1/10 000 - < 1/1000 дейін); өте сирек (< 1/10 000); байқалу жиілігі белгісіз (қолжетімді деректер бойынша анықтау мүмкін емес)*.

Сирек

- аллергиялық реакциялар (тері бөртпесі, қышыну)

*байқалу жиілігі белгісіз (қолжетімді деректер бойынша анықтау мүмкін емес)

- ұйқышылдық, ашушаңдықтың күшеюі, қозу, үрейлену (емдеудің басында)

- жүрек айнуы (емдеудің басында)

- бас ауыруы, бас айналуы (күніне 2 г астам дозада қабылдағанда, дозаны төмендеткенде жағымсыз әсерлерінің айқындылығы азаяды)

- гепатоуыттылық (жоғары дозаларын ұзақ уақыт қабылдағанда)

Егер Сізде аталған нұсқаулықта көрсетілмеген қандай-да бір жағымсыз әсерлері пайда болса, немесе айтылған жағымсыз әсерлердің қандай да біреуі өте күшті білінсе, дәрігерге қаралуыңызды өтінеміз.

Қолдануға болмайтын жағдайлар

- препараттың әсер етуші затына немесе қосымша заттарына жоғары сезімталдық

- 14 жасқа дейінгі балаларға (осы доза үшін).

- жүктілік және лактация кезеңі

Дәрілермен өзара әрекеттесуі

Ноофен препаратының және онымен қосылатын дәрілік заттардың дозасын азайта отырып, Ноофен препаратын психотропты препараттармен біріктіруге болады.

Ұйықтататын, есірткілік анальгетиктердің, паркинсон ауруына қарсы дәрілердің, транквилизаторлар мен нейролептиктердің әсерлерін күшейтеді және ұзартады.

Айрықша нұсқаулар

Препараттың тітіркендіргіштік әсері болғандықтан, асқазан-ішек жолының эрозиялы-ойық жаралы аурулары бар науқастарға сақ болу керек. Мұндай науқастарға препараттың азғантай дозалары тағайындалады. Ұзақ уақыт қолданғанда бауыр функциясының көрсеткіштері мен шеткергі қан көрінісін бақылауға алу қажет.

Дәрілік заттың көлік құралын немесе қауіпті механизмдерді басқару қабілетіне әсер ету ерекшеліктері

Ұйқышылдық, бас айналуы немесе жүйке жүйесі тарапынан бұзылулар байқалған науқастарға емдеу кезінде көлік құралдарын басқаруға немесе механизмдермен жұмыс жасауға болмайды.

Артық дозалануы

Артық дозалану жағдайлары белгісіз. Препараттың уыттылығы аз.

Симптомдары: ұйқышылдық, жүрек айнуы, құсу, бас айналуы. Жоғары дозаларын ұзақ уақыт қолданғанда эозинофилия, артериялық гипотензия, бауырдың майлы дистрофиясы, бүйрек функциясының бұзылуы дамуы мүмкін.

Емі: уланған кезде асқазанды шаю, белсендірілген көмір қабылдау, демеуші және симптоматикалық ем жүргізеді. Арнайы у қайтарғысы белгісіз.

Артық дозалануға күдіктенгенде дәрігер шақыру қажет.

Шығарылу түрі және қаптамасы

6 капсуладан поливинилхлоридті үлбірден және алюминий фольгадан жасалған пішінді ұяшықты қаптамаға салынған.

4 пішінді ұяшықты қаптамадан медицинада қолданылуы жөніндегі мемлекеттік және орыс тіліндегі нұсқаулықпен бірге қораптық картоннан жасалған қорапшаға салынады.

Сақтау шарттары

Құрғақ жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

“ОЛАЙНФАРМ” АҚ.

Мекенжайы: Рупницу к-сі 5, Олайне, LV- 2114, Латвия.

Тіркеу куәлігінің иесі

“ОЛАЙНФАРМ” АҚ.

Мекенжайы: Рупницу к-сі 5, Олайне, LV- 2114, Латвия.

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы: 050009 Алматы қ., Абай д-лы 151/115, 807 кеңсе,

телефон / факс 007 727 333 46 52,

E-mail olainfarm.instr@mail.ru