Ноофен 500

• русский
• қазақша

• Скачать инструкцию медикамента

Саудалық атауы

Ноофен 500

Халықаралық патенттелмеген атауы

Жоқ

Дәрілік түрі

Ішке қабылдау үшін ерітінді дайындауға арналған ұнтақ, 500 мг

Құрамы

Бір пакеттің ішінде

белсенді зат – 500 мг фенибут (-амин--фенилмай қышқылы гидрохлориді)

қосымша заттар: мaннитол, аспартам, “Orange Durarome” хош иістендіргіші.

Сипаттамасы

Ақтан ашық крем түстіге дейінгі ұнтақ. Сары түсті қоспаға жол беріледі.

Фармакотерапиялық тобы

Психоаналептиктер. Психостимуляторлар және ноотроптар. Басқа да психостимуляторлар және ноотроптар.

АТХ коды N06ВX

Фармакологиялық қасиеттері

Фармакокинетикасы

Препаратты ішке қабылдағаннан кейін жақсы сіңеді және организмнің барлық тіндеріне өтеді, гематоэнцефалдық бөгет арқылы жақсы өтеді. Бауыр мен бүйректе таралуы бірқалыптыға жақын, ал ми мен қанда – бірқалыптыдан төмен. 3 сағаттан кейін енгізілген препараттың елеулі мөлшері несепте анықталады, сонымен бір уақытта ми тіндеріндегі препарат концентрациясы азаймайды, оны 6 сағаттан кейін де мидан анықтайды. Келесі күні препаратты тек несепте анықтауға болады; оны несептен қабылдағаннан 2 күннен кейін де табады, бірақ анықталатын мөлшері енгізілген дозаның тек 5% ғана құрайды.

Препараттың көбірек байланысуы бауырда жүреді (80%), ол спецификалық емес. Қайта енгізгенде жинақталуы байқалмайды.

Фармакодинамикасы

Ноофен 500 әсер етуші заты – бұл -аминомай қышқылдары (ГАМҚ) мен фенилэтиламин туындысы.

Оның антигипоксиялық және антиамнезиялық әсері басым болып табылады. Ноофен 500 ноотропты белсенділікті иеленген, ГАМҚ туындысы ретінде транквилизациялайтын әсері бар, оқу үдерістері мен есте сақтау қабілетінің жақсаруын көтермелейді, дене еңбегіне қабілетін жоғарылатады, ширығуды, үрейді, қорқынышты басады және ұйқыны жақсартады, ұйқы келтіретін, есірткілік, нейролептикалық және құрысуға қарсы дәрілердің әсерін күшейтіп, ұзартады. Холино- және адренорецепторларға әсер етпейді. Ноофен 500 нистагмның латентті кезеңін ұзартады және айқындығы мен ұзақтығын қысқартады. Ноофен 500 астения мен вазовегетативті симптомдарды, оның ішінде бас ауыруы, бастағы ауырлықты сезіну, ұйқы бұзылуы, ашушаңдық, эмоциялық тұрақсыздықтың білінулерін елеулі төмендетеді және ақыл-ой еңбегіне қабілетін жоғарылатады. Психикалық көрсеткіштер (назар аудару, есте сақтау, сенсорлық-моторлық реакциялардың жылдамдығы және дәлдігі) транквилизаторлар әсерінен айырмашылығы Ноофен әсерінен жақсарады. Астениясы бар және эмоциялық тұрақсыз пациенттерде өзін-өзі сезінуі емнің бірінші күнінен-ақ жақсарады, қызығушылығы мен бастамашылдығы, тыныштандыратын әсерсіз немесе қозусыз белсенді қызметке ынтасы жоғарылайды.

Бас сүйек-ми жарақатынан кейін қолданылатын Ноофен 500 митохондриялар санын ұлғайтатыны және мидың биоэнергетикасын жақсартатыны анықталды. Ноофен 500 липидтер пероксидациясы үдерісін қалыпты етеді.

Қолданылуы

- астениялық және үрейлі-невроздық жай-күйде: мазасыздық, қорқыныш, үрей; маза бермейтін жай-күйлердің неврозы, психопатия

- егде адамдардағы ұйқысыздық және түнгі мазасыздықта

- балалардағы кекештенуді, энурезді, жыбырлап тартылуларды емдеуде

- операция алдындағы немесе ауырумен жүретін диагностикалық зерттеулер алдындағы стресстік жағдайдың профилактикасында

- абстиненция синдромында психопатологиялық және соматовегетативтік бұзылуларды басу үшін қосымша дәрі ретінде

-алкогольдік делириоз алдындағы және делириозды күйлерді емдеу үшін жалпы қабылданған дезинтоксикациялық дәрілермен біріктірілімде

- Меньер ауруы, вестибулярлық аппарат дисфункциясына қатысты бас айналуында

- тербелудің профилактикасы үшін

Қолдану тәсілі және дозалары

Пакет ішіндегісін жарты стақан жылы суға ерітеді және ішке астан бұрын қабылдайды.

Ересектерге 500 мг (1 пакет) күніне 1-3 рет тағайындайды. Қажет болғанда күндізгі дозаны 2,5 г (5 пакет) дейін ұлғайтуға болады. Емдеу курсы  2-3 апта. Қажет болғанда курсты 4-6 аптаға дейін ұзартуға болады.

14 жастан асқан балаларға – ересектерге арналған доза.

Алкогольдік абстинентті синдромды тоқтатуға емнің бірінші күндері күні бойына 2-3 рет 500 мг және тәуліктік дозаны ересектерге арналған кәдімгі дозаға дейін біртіндеп төмендете отырып, түнге 500 мг тағайындайды.

Вестибулярлық анализатордың инфекциялық генезді дисфункциясындағы (отогендік лабиринтит) бас айналуын қойдыру үшін және Меньер ауруының асқынған кезеңінде 5-7 күн бойына тәулігіне 3 ретке 500 мг-ден тағайындайды. Вестибулярлық бұзылыстардың айқындығы төмендеуінде - 5-7 күн бойына тәулігіне 2-3 рет 500 мг және содан кейін – 5 күн бойына тәулігіне 1 рет 500 мг. Аурудың салыстырмалы жеңіл барысында - 5-7 күн бойына тәулігіне 1 рет 500 мг.

Вестибулярлық анализатордың тамырлық және жарақаттық генезді дисфункциясындағы бас айналуын емдеу үшін 12 күн бойына тәулігіне 1 рет 500 мг тағайындайды.

Теңізде жүзу жағдайындағы тербелудің профилактикасы үшін болжамды тербелудің басталуынан бір сағат бұрын немесе теңіз ауруының бірінші симптомдары білінуінде бір рет 500 мг дозадан тағайындайды. Препараттың дозасын ұлғайтқан сайын тербеліске қарсы әсері күшейеді. Теңіз ауруының айқын білінулері басталғанда (құсу және т.с.с.) препаратты тіпті 1000 мг дозада қабылдаудың да әсері аз.

Әуе ауруының профилактикасы үшін ұшудан бір сағат бұрын 500 мг дозада бір рет тағайындайды.

Егер қабылданбай қалса препаратты еске түсе салысымен қабылдаңыз, ал егер келесі кезектің уақыты келіп қалса онда өткен жолғысын қабылдамаңыз. Ешқашан екі есе доза қабылдамаңыз.

Жағымсыз әсерлері

Ноофен 500 әдетте жақсы көтерімді.

- ұйқышылдық, жүрек айнуы, ашушаңдықтың күшеюі, қозу, үрейлену, бас ауруы, бас айналуы (бірінші қабылдаудан кейін)

- кейде аллергиялық реакциялар (тері бөртпесі, қышыну)

- гепатоуыттылық (жоғары дозаны ұзақ уақыт қабылдағанда)

Егер сізде бұл нұсқаулықта көрсетілмеген қандай да бір жағымсыз әсерлер білінсе, немесе жоғарыда аталған жағымсыз әсерлердің қандай да бірі ерекше күшті білінсе дәрігерге қаралуды өтінеміз.

Қолдануға болмайтын жағдайлар

- препараттың әсер етуші затына немесе қосымша заттарға жоғары сезімталдық

- 14 жасқа дейінгі балаларға (осы доза үшін)

- фенилкетонурия (Ноофен 500 ұнтақ құрамына тәттілегіш аспартам кіреді)

Дәрілермен өзара әрекеттесуі

Ұйықтататын, есірткілік анальгетиктердің, эпилепсияға қарсы және паркинсонға қарсы дәрілердің, транквилизаторлар мен нейролептиктердің әсерін ұзартады және күшейтеді.

Айрықша нұсқаулар

Препараттың тітіркендіретін әсері болғандықтан асқазан-ішек жолдарының ойық жаралы ауруларында науқастарға сақтық жасау керек. Мұндай науқастарға препараттың аз дозасы тағайындалады. Ұзақ уақыт қолданғанда бауыр функциясының көрсеткіштерін және шеткергі қан көрінісін бақылау қажет.

Жүктілік кезінде және емшекпен емізу уақытында қолдану

Жүктілік кезінде және емшекпен емізу уақытында қолдану ұсынылмайды.

Көлік құралын немесе қауіптілігі зор механизмдерді басқару қабілетіне әсер ету ерекшеліктері

Ұйқышылдық, бас айналуы немесе басқа да орталық жүйке жүйесі тарапынан бұзылулары байқалатын науқастарға емдеу уақытында көлік құралдарын басқаруға немесе механизмдермен жұмыс істеуге болмайды.

Артық дозалануы

Ноофен 500 – уыттылығы аз препарат, ұзақ қолданған кезде тәуліктік дозасы 7-14 г болғанда ғана, ол гепатоуытты болуы мүмкін.

Көрсетілген доза ұсынылған дозадан айтарлықтай жоғары (орташа емдік доза 500 – 2500 мг құрайды). Тек қолданылатын дозаның ең жоғарысында ғана эозинофилия және бауырдың майлы дистрофиясы байқалды. Препаратты аз дозада қолданғанда бұндай өзгерістер болған жоқ.

Симптомдары: ұйқышылдық, жүрек айнуы, құсу, эозинофилия, артериялық қысым төмендеуі.

Емі: асқазанды шаю. Симптоматикалық ем.

Асқынулар кезінде (артериялық гипотензия, бүйрек жеткіліксіздігі) қосымша және симптоматикалық ем-шараларды пайдаланады.

Артық дозалануға күдіктенгенде дәрігер шақыру қажет.

 

Шығарылу түрі және қаптамасы

Ламинаттан жасалған пакетке 2,5 г препараттан салынған.

5 пакеттен медициналық қолдану жөніндегі мемлекеттік және орыс тіліндегі нұсқаулықпен бірге қораптық картоннан жасалған қорапшаға салынады.

Сақтау шарттары

Құрғақ жерде, 250С-ден аспайтын температурада сақтау керек.

Балалардың қолы жетпейтін жерде сақтау керек.

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін препаратты қолдануға болмайды.

Дәріханалардан босатылу шарттары

Рецепт арқылы

Өндіруші

“ОЛАЙНФАРМ” АҚ.

Мекенжайы: Рупницу к-сі 5, Олайне, LV - 2114, Латвия.

Тіркеу куәлігінің иесі

«ОЛФА» ЖШҚ

Мекенжайы: Данькевич к-сі. 4, Киев, 02232, Украина.

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта):

“ОЛАЙНФАРМ” АҚ өкілдігі

050009 Алматы қ., Абай д-лы 151/115, 807 кеңсе

Телефон / факс 007 727 333 46 52

E-mail olainfarm.instr@mail.ru