Нолтек

Нолтек

Илапразол

Босап шығуы кейінге қалдырылған iшекте еритін қабықпен қапталған таблеткалар, 10 мг

Бір таблетканың құрамында

белсенді зат – илапразол 10 мг,

қосымша заттар: магний гидроксиді, желатинделген крахмал, микрокристалды целлюлоза (Avicel PH101), микрокристалды целлюлоза (Avicel PH102), натрий крахмал гликоляты, повидон (Коллидон К-90), магний стеараты,

қабығы: Opadry Clear 03К19229 (гипромеллоза 2910 6сР, триацетин, тальк), Acryl-EZE Clear 93F19255 (метакрил қышқылының кополимері (С типі), тальк, макрогол/ПЭГ 8000, сусыз коллоидты кремнийдің қостотығы, натрий бикарбонаты, натрий лаурилсульфаты), Opadry II Orange 85G630015 (поливинил спирті, тальк, титанның қостотығы (Е 171), FD&C сары/тартразин (Е 102) алюминий лагы 15%-17%, макрогол/ПЭГ 3350, лецитин, FD&C сары/күн батар түстес сары FCF (Е 110) алюминий лагы 15%-18%, FD&C көк/индигокармин (Е 132) алюминий лагы 3%-5%), таңбалауға арналған бояу Opacode Black (шеллак, темірдің қара тотығы (Е 172), n-бутил спирті, тазартылған су, изопропил спирті, пропиленгликоль).

Сопақша пішінді, қызғылт-сары түсті ішекте еритін қабықпен қапталған таблеткалар, бір жағында қара түсті «Noltec 10» заттаңбасы бар.

Ас қорыту жолы және зат алмасу. Қышқылдығы бұзылуымен байланысты ауруларды емдеуге арналған препараттар. Ойық жараға қарсы препараттар және гастроэзофагеальді рефлюксті ауруды (gastroesophageal reflux disease – GORD) емдеуге арналған препараттар. Протонды сорғы тежегіштері

АТХ коды A02BC

Фармакокинетикасы

Сіңуі және таралуы

Нолтек – илапразолдың дәрілік түрі, екі белсенді энантиомерлердің рацематтары ретінде, ішекте еритін қабығы бар (асқазан сөлінің әсеріне төзімді) таблеткалар түрінде берілген. Илапразол қышқылға тұрақсыз болып табылады, 20 мг дозасын қабылдағаннан кейін шамамен 3-4 сағаттан соң плазмада шектік деңгейлеріне жетіп, тез сіңеді. Тамақ ішу илапразолдың сіңуін кешеуілдетеді, дегенмен бұл илапразолдың асқазан ішіндегі қышқылдылыққа әсеріне елеулі ықпал етпейді. 10-нан 40 мг дейінгі дозалар диапазонында илапразол үшін орташа ӨФК және Cmax мәндері илапразолдың дозасы ұлғайған сайын артады. Илапразол бір дозадан 35% биожетімділік көрсетеді, плазмадағы ақуыздармен 98,9% байланысады.

Метаболизмі және шығарылуы

Илапразолды күн сайын қабылдаудан кейін илапразол жиынтығы үшін орташа гармониялық t1/2z мәні 5,1-ден 5.3 сағатқа дейін ауытқыды және барлық дозалар үшін ұқсас болды, және жалпы клиренсі 4.6-дан 5,3 л/сағатқа дейін деп бағаланады.

Илапразол тотығу, қысқару және бірнеше метаболиттермен қосылу жолымен қан плазмасында, несепте және нәжісте белсенді метаболизденеді. Илапразол плазмада анықталған негізгі компонент болғанына қарамастан, негізгі бақыланатын метаболиттер илапразол сульфиді мен сульфоны болды. Илапразол несептен және нәжістен табылған жоқ. Несеп метаболиттерден тұрды, олардың көпшілігі глюкуронилдің немесе илапразол сульфонилінің және оның метаболиттерінің қосылысы болды. Нәжіс негізінен илапразол сульфидінің қосылысынан және/немесе тотығуынан алынған метаболиттерден тұрды.

Адам бауырының микросомаларымен пробикадағы зерттеулер илапразолдың CYP450 (CYP2C19 және CYP3A4) изоферменттерімен метаболизденетінін көрсетеді. Аталған нәтижелердің тірі организмдегі статусы илапразол мен мидазоламның арасында ешқандай өзара әрекеттесу болжанбайтынын көрсетеді.

14C таңбаланған илапразолдың бір реттік пероральді 40 мг дозасын қабылдағаннан кейін, 95% радиоактивті доза несеп және нәжіс арасында тепе-тең дерлік бөліне отырып, экскременттермен бөлініп шықты.

Жынысы

10 мг илапразолды күніне бір рет 7 күн бойы қайталап қабылдаудан кейін, илапразолдың Css, max және ӨФКτ орташа мәндері дене салмағын түзетуден соң жыныс белгілері бойынша фармакокинетикалық параметрлердегі елеулі гендерлік айырмашылықтарды көрсетпеді, және асқазан қышқылының сөлінісіне әсерін жыныс белгісі бойынша салыстыру нәтижесінде елеулі айырмашылықтың жоқ екені көрсетілді.

CYP2C19 полиморфизмі

10 мг илапразолды күніне бір рет 7 күн бойы қайталап қабылдаудан кейін, илапразолдың CYP2C19 генотипі бойынша концентрация қисығынан алынған илапразолдың Css, max және ӨФКτ орташа мәндері CYP2C19 белсенді метаболизаторлары мен «баяу» метаболизаторларының арасындағы елеулі айырмашылықтарды көрсеткен жоқ. CYP2C19 генотипі, асқазан қышқылының сөлінісіне әсері бойынша ешқандай елеулі айырмашылықтар байқалған жоқ.

Бүйрек дисфункциясы

Бүйрек функциясы төмендеген пациенттер арасында зерттеулер жүргізілген жоқ. Бүйректер бастапқы қосылыстың шығарылуына емес, илапразол метаболиттерінің экскрециясына жауап беретіндіктен, бүйрек функциясының бұзылуы бар пациенттерде илапразол метаболизмінің өзгеруі күтілмейді.

Бауыр дисфункциясы

Бауыр функциясы төмендеген пациенттер арасында зерттеулер жүргізілген жоқ. Илапразол, протондық помпа тежегіштерінің (ППТ) қосылыстар класының басқа өкілдеріндегі сияқты, препараттар метаболизмінің бауырлық жүйесі арқылы метаболизденеді. Бауыр функциясы бәсеңдеген пациенттер препаратты сақтықпен қабылдағаны жөн.

Егде адамдар

Илапразол негізінен бауырда метаболизденеді. Сондықтан егде жаста әдетте бауыр функциясы бәсеңдейді. Препаратты сақтықпен қабылдаңыз және қолайсыз реакциялар пайда болған жағдайда тоқтатыңыз.

Фармакодинамикасы

Әсер ету механизмі

Илапразол бензимидазолдың орынбасқан молекулалар класына жатады, басқа да протондық сорғы тежегіштері (ПСТ) сияқты, асқазан pH төмен мәндерінде ферментпен ковалентті сульфидтік байланыстар құрып, илапразол асқазандағы париетальді жасушалардың сутегі/калий аденазинтрифосфатазасының (H+-K+-АТФ-аза) протондық помпасын іріктеп және қайтымсыз тежейді. Илапразол париетальді жасушаларда концентрацияланады және олардың қышқыл ортасында белсенді болады, содан кейін ол H+/K+АТФ-азаның сульфгидрильді тобымен реакцияға түсіп, ферменттің әрекетінің тежелуін тудырады. Бұл H+ (протон) өндірудің ақырғы үдерісін бөгейді, сөйтіп асқазан қышқылының сөлінісін азайтады.

Асқазан қышқылының сөлінісіне әсері

10 мг және 20 мг илапразолды ішу арқылы қабылдаудан кейін әсері бір сағаттың ішінде басталады. 10 мг және 20 мг илапразол дозаларын 5 күн ішу арқылы қабылдаудан кейін, асқазандағы 4-тен жоғары pH мәні орта есеппен 17.6, 19.1 сағат бойы сақталып тұрды, және асқазандағы pH орташа мәні 24 сағаттан астам уақыт бойы 4.62, 4,89 құрады. Дозаны қабылдағаннан кейін 10 мг илапразол үшін асқазандағы pH 4-тен жоғары мәнін; 0-4 сағат, > 4-9 сағат, > 9-12 сағат, > 12-16 сағат, > 16-24 сағат уақытқа сақтаған пациенттер үлесі сәйкесінше 84,8%, 83,7%, 78,7%, 91.7% және 50.1% болды. 20 мг илапразол үшін сәйкес пропорциялар 85,6%, 92,1%, 87,8%, 97,4% және 57,2% болды. Плазмадағы концентрация үшін суррогаттық параметр ретінде фармакокинетикалық қисық астындағы ауданның көмегімен қышқыл сөлінісінің тежелуі мен концентрацияның арасындағы арақатынас көрсетілді.

10 мг, 20 мг илапразолмен асқазандағы pH мәні 4-тен асқан кездегі орташа уақыт пайызы кез келген басқа ППТ қарағанда жоғары болды.

Илапразол антисекреторлық белсенділігі бойынша қазіргі уақытта бар ППТ қарағанда күштірек әсер ететін болуы мүмкін, және илапразолдың жартылай шығарылу кезеңінің ұзақтығына орай әсер ету мерзімі ұзағырақ болуы мүмкін.

Қышқылдың тежелуінің емдік әсерлері

Симптомдардың тез жеңілдеуіне күн сайын 10-20 мг қабылдаған кезде қол жетеді, және он екі елі ішектің ойық жара ауруы бар пациенттердің көпшілігі 2 аптаның ішінде, асқазанның ойық жарасы және рефлюкс-эзофагиті бар пациенттер –4 аптаның ішінде сауығады.

20 мг илапразолды қабылдаған кезде эрозиялық эзофагиттің жазылуы 8 аптадан кейін шамамен 87% жағдайда жүзеге асады. 10 мг илапразолды қабылдаған кезде асқазанның ойық жарасының жазылуы 6 аптадан кейін шамамен 84% жағдайда жүзеге асады.

10 мг илапразолды қабылдаған кезде он екі елі ішектің ойық жарасының жазылуы 4 аптадан кейін шамамен 92% жағдайда жүзеге асады.

Ересектерге:

• Он екі елі ішектің ойық жаралы ауруында
• Асқазанның ойық жаралы ауруында
• Эрозиялық эзофагитте

Нолтек таблеткаларын тұтастай, сумен ішіп, тамақтан 1 сағат бұрын жұту керек, шайнауға, үгітуге немесе бөліктерге бөлуге болмайды.

Он екі елі ішектің ойық жаралы ауруы:

- 4 аптаға дейінгі мерзімге күніне бір рет 10 мг

Асқазанның ойық жаралы ауруы:

- 4-6 апта бойы күніне бір рет 10 мг

Эрозиялық эзофагитті емдеу:

- 8 аптаға дейінгі мерзімге күніне бір рет 20 мг

Бауыр немесе бүйрек функциясының бұзылуы

Бүйрек функциясының бұзылуы бар пациенттерге дозаны түзету қажет емес.

Бауыр функциясының бұзылуы бар пациенттерде сақтықпен қабылдау және қолайсыз реакциялар пайда болған жағдайда тоқтату керек.

Егде адамдар

Препаратты сақтықпен қабылдау және қолайсыз реакциялар пайда болған жағдайда тоқтату керек.

Балалар

Нолтек препаратын 18 жасқа дейінгі жасөспірімдердің қабылдамағаны жөн, өйткені клиникалық деректер шектеулі.

Өте жиі (≥1/10); Жиі (≥1/100, ＜1/10); Кейде (≥1/1,000, ＜1/100); Сирек (≥1/10,000, ＜1/1,000); Өте сирек (＜1/10,000); белгісіз (қолда бар деректер бойынша баға беру мүмкін емес).

• илапразолға, орын басқан бензимидазолдарға немесе дәрілік препараттың кез келген басқа құрамдастарына аса жоғары сезімталдық

• илапразолды атазанавирмен бірге қолдану

• құрамында рилпивирин бар препараттарды қабылдайтын пациенттер

• 18 жасқа дейінгі балалар мен жасөспірімдер

- жүктілік және лактация кезеңі

Сіңуі рН-тәуелді дәрілік заттар

Биожетімділігі негізінен асқазан сөлінің рН мәнімен анықталатын препараттар жағдайында (кетоконазол, темір тұздары, күрделі эфирлі ампициллин), Нолтек препаратының асқазан қышқылы сөлінісіне ұзақ мерзімдік тежеуші әсерінің салдарынан препараттың сіңуі теориялық тұрғыда тежелуі мүмкін. Басқа да қышқыл сөлінісінің тежегіштерін немесе асқазандық антацидтерді қабылдаған кездегі сияқты, кетоконазолдың және итраконазолдың сіңуі Нолтек препаратын қабылдау кезінде төмендеуі мүмкін.

Омепразолды, препараттардың тектес серияларының біреуін илапразолмен, атазанавирмен/ритонавирмен біріктірген кезде, атазанавир концентрациясы төмендеді (ӨФК, Cmax, Cmin шамамен 75% төмендеуі). Сондықтан протондық помпа тежегіштерін атазанавирмен біріктіріп тағайындау ұсынылмайды.

CYP450 ферменттерімен метаболизденетін препараттар

Нолтек басқа да протондық помпа тежегіштері сияқты, Р450 цитохромының, әсіресе CYP3A4 көмегімен, бауырда метаболизденеді. Өзара әрекеттесу Р450 цитохромы арқылы метаболизденетін: циклоспорин, дисульфирам және бензодиазепиндер сияқты препараттармен біріктірген кезде жүзеге асуы мүмкін. Осы препараттарды біріктірген кезде пациенттерді мұқият бақылау, және қажет болса, препараттардың дозасын өзгерту керек.

Тағамның илапразолға әсері

Нолтекті тамақ ішуден бір сағат бұрын қабылдау қажет.

Анықталмаған механизм

Омепразолды, препараттардың тектес серияларының біреуін илапразолмен, такролимуспен біріктірген кезде, сарысудағы такролимус деңгейі жоғарылауы мүмкін. Нолтек препаратын қабылдауды бастағанда немесе тоқтатқанда сарысудағы такролимус деңгейін бақылау керек.

Нолтекті рилпивиринмен бірге қолданған кезде рилпивириннің плазмадағы концентрациясы төмендеуі мүмкін (асқазан сөлінің pH мәнінің жоғарылауы). Рилпивириннің емдік әсерінің төмендеуіне байланысты, Нолтекті рилпивиринмен бірге қолдануға болмайды.

Емді бастаған кезде қатерлі үдерістің (әсіресе асқазанның ойық жарасында) жоқ екеніне көз жеткізу қажет, өйткені, емдеу симптоматиканы бүркемелеп (еркінен тыс едәуір салмақ жоғалту, мезгіл-мезгіл құсу, дисфагия, гематемезис немесе қан құсу), дұрыс диагноз қойылуын кешіктіруі мүмкін.

Ерте сатыда, асқазан ісігі болуы мүмкін жағдайда рентгеноскопиялық тексеру немесе эндоскопия пайдаланылады. Егер асқазан обыры расталса, Нолтек препаратын қабылдауды тоқтату қажет.

Нолтекті бауыр немесе бүйрек дисфункциясы бар пациенттер сақтықпен қабыладуы керек.

Нолтек препаратының қабығында тартразин (E102), күнбатар түстес сары FCF (E110), индигокармин (E132) бар, сондықтан оны анамнезінде жоғары сезімталдығы немесе аллергиясы бар пациенттер сақтықпен қабылдауы керек.

Асқазаның немесе он екі елі ішектің ойық жаралы ауруын емдеген кезде ұзақ уақыт қабылдау тәжірибесі туралы деректер ұсынылған жоқ (он екі елі ішектің ойық жаралы ауруын емдеу үшін 4 аптаға дейін және асқазанның ойық жарасында 6 апта бойы қабылдау), сондықтан демеуші ем ретінде қабылдау ұсынылмайды. Пациенттер емделуі көзделген жай-күйге сәйкес ең төмен дозаны және протондық помпа тежегіштерімен емдеудің ең қысқа уақыты ішінде қабылдауы керек.

Сүйек сынулары

Протондық помпа тежегіштері, әсіресе егер олар үлкен дозаларда және ұзақ уаыт бойы (1 жылдан астам) қабылданса, көбіне егде жастағы адамдарда немесе қауіптің басқа да белгілі факторлары болғанда сан сүйек мойыны, білезік және омыртқа бағаны сынуының қаупін аздап арттыруы мүмкін. Остеопороз қаупі жоғары пациенттер қолданыстағы клиникалық ұсынымдарға сәйкес емделіп, D дәрумені мен кальцийдің сәйкес дозасын қабылдаулары тиіс.

Протондық помпа тежегіштерін 3 айдан артық қабылдаған пациенттерде анда-санда гипомагниемия байқалды, және ол 1 жылдан артық емдеген кезде неғұрлым жиірек туындады. Көптеген пациенттерге гипомагниемияны емдеу үшін магний қорларын толықтыру және протондық помпа тежегіштерін қабылдауды тоқтату қажет. Ұзақ емдеу тағайындалған немесе дигоксинмен және гипомагниемияны тудыратын басқа да дәрілік заттармен (мысалы, диуретиктермен) бірге ППТ қабылдайтын пациенттер жағдайында, емдеуші дәрігер ППТ емдеуді бастар алдында және емдеу барысында мезгіл-мезгіл магний деңгейін өлшеуі тиіс.

Әдебиеттегі деректер ППТ метотрексатпен бір мезгілде қабылдау, бәлкім, метотрексаттың уыттылығын тудыра отырып, метотрексаттың және/немесе оның сарысудағы метаболиттерінің деңгейін арттыруы және ұзартуы мүмкін екенін айғақтайды. Метотрексаттың жоғары дозаларын қабылдаған кезде кейбір пациенттер үшін ППТ қабылдауды уақытша тоқтату мүмкіндігін қарастыруға болады.

Асқазан қышқылдылығының төмендеуі, әдетте асқазан-ішек жолында болатын асқазандық бактериялар санын арттырады. Қышқылдылықты төмендететін препараттармен емдеу, Salmonella, Campylobacter немесе Clostridium Defficile сияқты микроорганизмдерден туындайтын асқазан-ішек инфекцияларының даму қаупінің артуына алып келеді.

Қышқылдылықты басатын кез келген препараттармен ұзақ уақыт бойы (атап айтқанда, 3 жылдан астам) күн сайын емдеу гипо- немесе ахлоргидриядан туындайтын цианокобаламиннің (B-12 дәруменінің) мальабсорбциясына әкелуі мүмкін. Тиісті клиникалық симптомдар бар болған кезде осыны ескеру керек. Препаратты ұзақ уақыт қабылдау кезеңінде, әсіресе 1 жылдан астам, пациенттер мұқият бақылауда болуы тиіс.

Тері және жүйелі қызыл жегі:

Егер Нолтек қабылдайтын пациенттерде тері қызыл жегісін (ТҚЖ) немесе жүйелі қызыл жегіні (ЖҚЖ) білдіретін белгілер мен симптомдар байқалса, препаратты тоқтату және пациентті тексеру үшін тиісті маманға жіберу керек. Көптеген пациенттердің жай-күйі ППТ тоқтатқаннан кейін ғана 4-12 аптадан соң жақсарады.

Жүктілік және лактация кезеңі

Нолтек жүкті әйелдерге немесе жүкті болуы мүмкін әйелдерге емдік пайдасы қаупінен асып түсетін жағдайда ғана тағайындалады.

Нолтекті лактация кезеңінде қолдануға болмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Бас айналуы, ұйқысыздық, амнезия, бас сақинасы және ұйқышылдық сияқты жағымсыз реакциялар туындауы мүмкін. Препараттың жағымсыз әсерлерін ескеріп, автокөлікті немесе басқа да әлеуетті қауіпті механизмдерді басқарған кезде сақ болу қажет.

Симптомдары: адамдағы артық дозалану симптомдары әзірге тіркелмеген. Арнайы у қайтарғысы белгісіз. Илапразол ақуызбен байланысу арақатынасы жоғары (98,9%) болғандықтан диализденбейді.

Емі: симптоматикалық емдеу және демеуші ем.

25 °С-ден аспайтын температурада, тығыз жабылған құтыда сақтау керек.

Балалардың қолы жетпейтін жерде сақтау керек!

3 жыл

Жарамдылық мерзімі өткеннен кейін қолдануға болмайды

Рецепт арқылы

Өндіруші

IL-YANG BIO PHARM. CO., LTD

Заңды мекенжайы: 8 Bio Valley 3-ro, Jecheon-si, Chungcheongbuk-do, Republic of Korea, 27159 (Корей Республикасы)

Лицензияның ұстаушысы

IL-YANG PHARM. CO., LTD

Заңды мекенжайы: 110 Hagal-ro, Giheung-gu, Yongin-si, Gyeonggi-do, Republic of Korea, 17096 (Корей Республикасы)

Тіркеу куәлігінің ұстаушысы

«Абди Ибрахим Глобал Фарм» ЖШС, Қазақстан Республикасы

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері

«Абди Ибрахим Глобал Фарм» ЖШС, Қазақстан Республикасы, Алматы обл., Іле ауданы, Өндірістік аймақ 282, тел.: +7 (727) 356-11-00, 8-800-070-1100, электронды пошта: info@aigp.kz