Нолипрел® Аргинин (СЕРВЬЕ РУС)

Жоқ

Үлбірлі қабықпен қапталған таблеткалар

Бір таблетканың құрамында

белсенді заттар: 2,5 мг периндоприл аргинині (1,6975 мг периндоприлге баламалы), 0,625 мг индапамид,

қосымша заттар: лактоза моногидраты, магний стеараты, мальтодекстрин, сусыз коллоидты кремнийдің қостотығы, натрий крахмалы гликоляты (А типі),

үлбірлі жабыны: глицерол, гипромеллоза, макрогол 6000, магний стеараты, титанның қостотығы (Е 171).

Ақ түсті қабықпен қапталған, екі жақ беті дөңес, екі жағында сызығы бар ұзынша пішінді таблеткалар.

Жүрек-қантамыр жүйесі. Ренин-ангиотензин жүйесіне әсер ететін препараттар.Басқа препараттармен біріктірілген ангиотензин-өзгертуші фермент (АӨФ) тежегіштері. Диуретиктермен біріктірілген АӨФ тежегіштері. Диуретиктермен біріктірілген периндоприл.

АТХ коды С09ВА04

Фармакокинетикасы

Периндоприл мен индапамидтің фармакокинетикалық қасиеттері, оларды бөлек қолданған кездегімен салыстырғанда, өзгермейді.

Периндоприлмен байланысты:

Сіңуі және биожетімділігі

Периндоприлді ішке қабылдаған кезде тез сіңіріледі, ең жоғары концентрацияға 1 сағат ішінде жетеді. Плазмадағы периндоприлдің жартылай ыдырау кезеңі 1 сағатты құрайды. Тамақ ішу периндоприлдің периндоприлатқа айналуын төмендетеді, демек, оның биожетімділігін де төмендетеді, сондықтан периндоприл аргининді тәулігіне бір рет таңертеңгі тамақ алдында пероральді түрде қабылдау ұсынылады.

Таралуы

Байланыспаған периндоприлаттың таралу көлемі шамамен 0,2 л/кг құрайды. Периндоприлаттың плазма ақуыздарымен байланысуы 20% құрайды, негізінен, ангиотензин-өзгертуші ферментпен байланысады, бірақ ол препарат концентрациясына байланысты болады.

Биотрансформациясы

Периндоприл ізашар дәрі болып табылады. Периндоприлдің қабылданған дозасының 27%-ы қан ағысына периндоприлаттың белсенді метаболиті түрінде түседі. Организмде белсенді периндоприлаттан басқа, белсенді емес тағы бес метаболит түзіледі. Периндоприлат плазмада ең жоғары концентрацияға препаратты қабылдағаннан кейін 3-4 сағаттан соң жетеді.

ШығарылуыПериндоприлат организмнен бүйрек арқылы шығарылады; оның бос фракциясының жартылай шығарылу кезеңі (T1/2) 17 сағатқа жуықты құрайды, бұл стационарлық жағдайға 4 күн ішінде жетуге мүмкіндік береді.

Дозаға байланыстылығы/байланыссыздығы

Периндоприл мен оның плазмадағы экспозициясы арасындағы байланыс дозаға байланысты екенін көрсетті.

Пациенттердің ерекше топтары

Егде жастағы пациенттер:

Периндоприлаттың шығарылуы егде жастағы пациенттерде, сондай-ақ жүрек немесе бүйрек жеткіліксіздігі бар пациенттерде баяулайды.

Бүйрек жеткіліксіздігі:

Бүйрек жеткіліксіздігі бар пациенттерге дозаны таңдауды бүйрек функциясының бұзылу дәрежесін (креатинин клиренсін) ескере отырып жүргізу ұсынылады.

Диализде:

Диализ кезіндегі периндоприлдің клиренсі 70 мл/мин құрайды.

Циррозда:

Периндоприлдің кинетикасы циррозы бар пациенттерде өзгереді: бастапқы молекуланың бауырлық клиренсі екі есе баяулайды. Алайда түзілген периндоприлаттың мөлшері төмендемейді, сондықтан дозаны таңдау қажет емес («Айрықша нұсқаулар» және «Қолдану тәсілі» бөлімдерін қараңыз).

Индапамидпен байланысты:

Сіңірілуі

Индапамид асқазан-ішек жолынан тез және толық сіңеді. Қабылдағаннан кейін шамамен 1 сағаттан соң плазмада Cmax жетеді.

Таралуы

Плазма ақуыздарымен байланысуы 79% құрайды. Препаратты қайталап қабылдау организмде оның жиналып қалуына әкелмейді.

Биотрансформациясы және шығарылуы

T1/2 14 -24 сағатты (орта есеппен 18 сағатты) құрайды. Негізінен, несеппен (дозаның 70%-ы) және нәжіспен (22%) белсенді емес метаболиттер түрінде шығарылады.

Пациенттердің ерекше санаттары

Бүйрек жеткіліксіздігі:

Бүйрек жеткіліксіздігі бар пациенттерде фармакокинетикасы өзгермейді.

Фармакодинамикасы

Периндоприлмен байланысты:

Периндоприл кез келген: жеңіл, орташа және ауыр дәрежедегі гипертензияда тиімді. Жатқан кезде де, түрегеліп тұрған кезде де диастолалық және систолалық артериялық қысым төмендей бастайды. Бір реттік қабылдаудан кейін 4-6 сағаттан соң гипотензиялық әсердің ең жоғары шегі байқалады және ол 24 сағат бойы сақталады. Препаратты қабылдағаннан кейін 24 сағаттан соң ангиотензин түзетін фермент белсенділігінің қалдық тежелуінің жоғары дәрежеде болатыны байқалады - 80%. Емдеуге келетін пациенттерде артериялық қысымының қалыпқа келуіне бір айдан соң қол жеткізіледі және тахифилаксияның дамуынсыз сақталады. Емдеуді тоқтату гипертензияның қалпына келуіне әкелмейді. Периндоприлдің қантамырларды кеңейтетін қасиеттері бар және негізгі артериялық қантамырлардың серпінділігін қалпына келтіреді, резистентті артерияларда гистоморфометриялық өзгерулерді түзетеді және сол жақ қарыншаның гипертрофиясын азайтады. Қажет болғанда, тиазидтік диуретикті қосу аддитивті синергизмге әкеледі. Ангиотензин түзетін фермент тежегішін тиазидтік диуретикпен біріктіріп тағайындау тек бір диуретикті қабылдаған кезде туындайтын гипокалиемия қаупін төмендетеді.

Индапамидпен байланысты:

Индапамид монотерапия түрінде гипотензиялық әсер береді, ол 24 сағат бойы сақталады. Бұл әсер индапамидтің диурездік әсері өте төмен болған кездегі дозаларда көрініс береді.

Индапамидтің гипотензиялық әсерінің тиімділігі оның артериялардың серпінділігін жақсарту, ҚЖШК және артериолдар кедергісін төмендету қабілетіне пропорционалды. Индапамид сол жақ қарыншаның гипертрофиясының азаюына мүмкіндік береді.

Тиазидтік және тиазид тәрізді диуретиктердің дозаларын арттырғанда олардың гипотензиялық тиімділігі ең жоғары шыңына жетеді, ал жағымсыз әсерлері ретінде онан сайын айқындала түседі. Егер емдеу тиімді болмаса, онда дозаны арттырмаған жөн. Бұдан басқа, гипертензиядан зардап шегіп жүрген пациенттерді қысқа мерзімдік, орта мерзімдік және ұзақ емдегенде индапамид:

• липидтердің: триглицеридтердің, ТТЛП холестериннің және ТЖЛП холестериннің метаболизміне ықпалын тигізбейді,

• көмірсулардың метаболизміне, тіпті гипертензиясы бар диабетиктерде де, ықпалын тигізбейді.

Фармакодинамикалық қасиеттерінің ұқсастығын ескерер болсақ, алынған нәтижелер АӨФ басқа тежегіштеріне және ангиотензин II рецепторларының блокаторларына да қатысты.

Демек, АӨФ тежегіштерін және ангиотензин II рецепторларының блокаторларын диабеттік нефропатиясы бар пациенттерде бір мезгілде қолдануға болмайды.

Балаларға қолдану:

Нолипрел® Аргининді балаларға қолдану жөнінде деректер жоқ.

• эссенциальді артериялық гипертензияда

Пероральді қабылдау.

Эссенциальді гипертензия

Нолипрел Аргининді күніне 1 таблеткадан, таңертеңгі тамақ алдында қабылдаған дұрыс. Егер артериялық қысым емдеудің 1 айы ішінде төмендемесе, онда дозаны екі еселеу қажет.

Егде жастағы пациенттер:

Егде жастағы пациенттерде плазмадағы креатинин мөлшерінің көрсеткіштері жасын, салмағын және жынысын ескере отырып түзетілуі тиіс. Егде жастағы пациенттерге препаратты бүйрек функциясы қалыпты болған жағдайда тағайындайды, мұндайда АҚ төмендеу дәрежесін бақылаған жөн.

Бүйрек жеткіліксіздігі бар пациенттер:

Бүйректің ауыр жеткіліксіздігі бар (креатинин клиренсі (КК) минутына 30 мл-ден аз) пациенттерге препаратты қолдануға болмайды.

Бүйректің орташа жеткіліксіздігінде (креатинин клиренсі (КК) 30-60 мл/мин) ең жоғары тәуліктік дозасы күніне Нолипрел Аргининнің бір таблеткасы.

Емдеу аясында КК ≥ 60 мл/мин пациенттерге қан плазмасындағы креатинин және калий концентрацияларын ұдайы бақылау қажет.

Бауыр функциясы бұзылған пациенттер:

Препаратты бауырдың ауыр жеткіліксіздігі бар пациенттерге қолдануға болмайды. Бауырдың орташа айқын жеткіліксіздігінде дозаны түзету қажет емес.

Балалар және жасөспірімдер:

Нолипрел Аргининді 18 жасқа дейінгі балалар мен жасөспірімдерге, осы жас тобында препаратты қолданудың тиімділігі мен қауіпсіздігі жөнінде деректер жоқ болғандықтан, тағайындамаған жөн.

Периндоприлді қабылдау ренин-ангиотензивті-альдостерон жүйесінің белсенділігін басады және индапамид әсерінен туындайтын калийдің жоғалуын азайтуға беталысы бар. Нолипрел Аргининмен емделіп жүрген пациенттердің 2%-да гипокалиемия (калий деңгейі < 3,4 ммоль/л) байқалады.

Өте жиі кездесетін жағымсыз реакциялар мыналар болып табылады:

- периндоприлмен байланысты: бас айналу, бас ауыру, парестезия, вертиго, көрудің бұзылулары, тиннитус, гипотензия, жөтел, ентігу, іштің ауыруы, іш қату, диарея, дисгевзия, диспепсия, жүректің айнуы, құсу, қышыну, бөртпе, бұлшықет құрысулары және астения.

- индапамидпен байланысты: аллергиялық және демікпелік реакцияларға бейім пациенттерде, негізінен, дерматологиялық сипаттағы жоғары сезімталдық реакциялары және макулопапулезді бөртпе.

Емдеу кезінде туындауы мүмкін жағымсыз реакциялардың жиілігі келесі градация түрінде берілген: өте жиі (>1/10); жиі (>1/100, <1/10); жиі емес (>1/1000, <1/100); сирек (>1/10 000, <1/1000); өте сирек (<1/10 000); жиілігі анықталған жоқ (жиілігін қолда бар деректер бойынша есептеу мүмкін емес).

Жиі

- жоғары сезімталдық реакциялары (аллергиялық және демікпелік реакцияларға бейім пациенттерде, негізінен, дерматологиялық сипаттағы)

- бас айналу, бас ауыру, парестезия, дисгевзия

- көрудің бұзылулары

- вертиго, тиннитус

- гипотензия (және гипотензиямен байланысты әсерлер)

- жөтел, ентігу

- іштің ауыруы, іш қату, диарея, диспепсия, жүректің айнуы, құсу

- қышыну, бөртпе, макулопапулезді бөртпе

- бұлшықет құрысулары

- астения

Жиі емес

- эозинофилия*

- гипогликемия*, гиперкалиемия, емдеуді тоқтатқан кезде қайтымды*, гипонатриемия*

- көңіл-күйдің түсіп кетуі, ұйқының бұзылулары

- ұйқышылдық*, естен тану*

- жүрек қағуының жиілеуі*, тахикардия*

- васкулит*

- бронхтың түйілуі

- ауыздың кеберсуі

- есекжем, ангионевроздық ісіну, пурпура, гипергидроз, жарыққа сезімталдық реакциялары*, пемфигоид*

- артралгия*, миалгия*

- бүйрек жеткіліксіздігі

- эректильді дисфункция

- кеуденің ауыруы*, дімкәстік*, шеткері ісіну*, гипертермия*

- қанда мочевина мөлшерінің жоғарылауы*, қанда креатинин мөлшерінің жоғарылауы*

- құлау*

Сирек

- псориаздың өршуі*

- шаршау

- қанда билирубин мөлшерінің жоғарылауы

- бауыр ферменттері деңгейінің жоғарылауы

Өте сирек

- ринит

- агранулоцитоз, апластикалық анемия, панцитопения, лейкопения, нейтропения, гемолиздік анемия, тромбоцитопения

- гиперкальциемия

- сананың шатасуы

- жоғары қауіп тобындағы пациенттерде өте үлкен гипотензиядан туындаған инсульт

- стенокардия, аритмия (соның ішінде брадикардия, қарыншалық тахикардия, жүрекшелердің фибрилляциясы), миокард инфарктісі, жоғары қауіп тобындағы пациенттерде өте үлкен гипотензиядан туындауы мүмкін

- эозинофильді пневмония

- панкреатит

- гепатит, бауыр функциясының бұзылуы

- көп формалы эритема, уытты эпидермалық некролиз, Стивенс-Джонсон синдромы

- бүйректің жедел жеткіліксіздігі

- гемоглобин және гематокрит деңгейлерінің төмендеуі

Жиілігі белгісіз

- гипокалиемиямен бірге калий мөлшерінің төмендеуі, ол әсіресе жоғары қауіп төнген тұрғындардың кейбір топтарында елеулі болады

- бауыр жеткіліксіздігі жағдайында бауырлық энцефалопатияның даму ықтималдығы

- миопия, анық көрмеу

- «пируэт» типті қарыншалық тахикардия (өліммен аяқталуы мүмкін)

- бұрыннан бар жедел диссеминацияланған қызыл жегі барысы нашарлауы мүмкін

- қандағы глюкоза деңгейінің жоғарылауы

- қандағы несеп қышқылы деңгейінің жоғарылауы

- электрокардиограммада QT аралығының ұзаруы

* Жиілігі кездейсоқ мәлімдемелерде байқалған жағымсыз құбылыстарға қатысты клиникалық зерттеу нәтижелері бойынша есептелді

Диурезге қарсы Гормонның Талапқа сай емес Сөлініс Синдромы (ДҚГТСС) жағдайлары  басқа АӨФ тежегіштерімен хабарланды. ДҚГТСС өте сирек, бірақ болуы мүмкін, АӨФ тежегіштерімен, оның ішінде периндоприлмен де емдеуге байланысты асқынуы ретінде қарастыруға болады.

Периндоприлмен байланысты:

• Белсенді затқа немесе АӨФ кез келген басқа тежегішіне жоғары сезімталдық

• Анамнезде АӨФ тежегішімен емдеуге байланысты ангионевроздық ісіну (Квинке ісінуі)

• Тұқым қуалайтын немесе идиопатиялық ангионевроздық ісіну

• Жүктіліктің екінші және үшінші триместрі

• Қант диабеті бар немесе бүйрек функциясы бұзылған (ШСЖ < 60 мл/мин/1,73 м²) пациенттерде Нолипрел Аргининді құрамында алискирен бар препараттармен бір мезгілде қолдану

• Сакубитрилмен/валсартанмен бір мезгілде қолдану

- Қанның теріс зарядталған бетпен жанасуына әкелетін экстракорпоральді емдеу

- Бүйрек артериясының елеулі екі жақты стенозы немесе бір бүйрек жұмыс істеп тұрғандағы артерия стенозы

 Индапамидпен байланысты:

• Белсенді затқа немесе кез келген басқа сульфаниламидті препаратқа жоғары сезімталдық

• Бүйректің ауыр жеткіліксіздігі (креатинин клиренсі минутына 30 мл-ден төмен)

• Бауырлық энцефалопатия

• Бауырдың ауыр жеткіліксіздігі

• Гипокалиемия

• Әдетте, осы препаратты қабылдауды «пируэт» типті пароксизмальді қарыншалық тахикардияны туындататын аритмияға қарсы емес дәрілермен біріктіру ұсынылмайды

• Лактация кезеңі

Емдеу тәжірибесінің жоқтығымен байланысты, Нолипрел Аргининді келесі жағдайларда қолданбаған жөн:

• Диализ жүргізу қажет болатын пациенттерде

• Емделмеген декомпенсацияланған жүрек жеткіліксіздігі бар пациенттерде

- 18 жасқа дейінгі балалар мен жасөспірімдерде

Периндоприлмен және индапамидпен байланысты жалпы нұсқаулар:

Ұсынылмайтын біріктірілімдер:

Литий препараттары: литийді және АӨФ тежегіштерін біріктіріп қабылдаған кезде сарысуда литий концентрациясының қайтымды артуы және уыттылық жағдайлары байқалды. Периндоприлді және литийді біріктіріп қабылдау ұсынылмайды, бірақ ол қажет болса, онда қан сарысуындағы литий деңгейіне мұқият мониторинг жүргізу керек.

Аса сақтықты қажет ететін біріктірілімдер:

Баклофен: гипотензиялық әсердің айқындылығын күшейтеді (АҚ деңгейін бақылау және Нолипрел Аргининнің дозасын түзету қажет).

Қабынуға қарсы стероидты емес препараттар (ҚҚСП) (тәулігіне ≥ 3г аспиринді қоса.): АӨФ тежегіштерін қабынуға қарсы стероидты емес препараттармен (мысалы, ацетилсалицил қышқылын сызба бойынша және қабынуға қарсы емдеу үшін қажетті дозаларда қабылдау, ЦОГ-2 тежегіштерін қабылдау және іріктелмеген ҚҚСД қабылдау) бір мезгілде қабылдағанда гипотензиялық әсерінің бәсеңдеуі байқалуы мүмкін. АӨФ тежегіштерін және ҚҚСД бір мезгілде пайдалану, бүйректің жедел жеткіліксіздігінің дамуын қоса, бүйрек функциясының нашарлау қаупін арттырады, сондай-ақ калийдің сарысулық деңгейін, әсіресе бұрыннан бүйрек функциясының бұзылуы бар пациенттерде, арттыруы мүмкін. Аталған препараттарды біріктіру әсіресе егде жастағы пациенттерде сақтықпен пайдаланылуы тиіс. Пациенттер сұйықтықты жеткілікті көлемде алуы тиіс; сондай-ақ біріктірілген ем тағайындаған кезде және оны аяқтағаннан кейін мезгіл-мезгіл бүйрек функциясын бақылап отырғаны жөн.

Сақтықты қажет ететін біріктірілімдер:

Имипрамин тәрізді антидепрессанттар (трициклді), нейролептиктер: гипотензиялық әсері күшейеді және ортостаздық гипотензияның даму қаупі ұлғаяды (аддитивті әсері).

Периндоприлмен байланысты:

Клиникалық зерттеу деректері АӨФ тежегіштерін және ангиотензин II рецепторларының блокаторларын немесе алискиренді біріктіріп пайдалану жолымен ренин-ангиотензин-альдостерон жүйесін (РААЖ) қосарлы блокадалау гипотензия, гиперкалиемия қаупін арттыратынын және бүйрек функциясының төмендеуі сияқты (бүйректің жедел жеткіліксіздігінің дамуын қоса) жағымсыз құбылыстар жиілігінің, РААЖ-ға әсер ететін бір ғана препаратты пайдаланумен салыстырғанда, жоғарылауымен қатар жүретіндігін көрсетті («Қолдануға болмайтын жағдайлар, айрықша нұсқаулар және фармакодинамикалық қасиеттері» бөлімдерін қараңыз).

Гиперкалиемияны туындататын дәрілік препараттар:

Кейбір дәрілік препараттар немесе дәрілік препараттардың емдік топтары: алискирен, калий тұздары, калий жинақтайтын диуретиктер, АӨФ тежегіштері, ангиотензин II рецепторларының блокаторлары, ҚҚСД, гепарин, циклоспорин, такролимус, триметоприм сияқты иммунодепрессанттар гиперкалиемияның дамуы ықтималдылығын арттыруы мүмкін. Осы препараттарды біріктіріп қабылдау гиперкалиемияның даму қаупін арттырады.

Біріктіріп қабылдауға болмайды:

Алискирен: қант диабетінен немесе бүйрек жеткіліксіздігінен зардап шегіп жүрген пациенттерде гиперкалиемияның туындау, бүйрек функциясының нашарлау, жүрек-қантамырлық аурулардың даму және жүрек-қантамырлық аурулардан өлім қаупі ұлғаяды.

Экстракорпоральді емдеу: Қандағы экстракорпоральді айналым әдістерін қолдану диализ немесе гемофильтрация сияқты теріс зарядталған беткеймен, өткізгіштігі жоғары кейбір жарғақшалармен (мысалы, полиакрилонитрильді жарғақшалармен) жанасуына әкеледі және, анафилактоидтық реакциялар қаупі бар болғандықтан, тығыздығы төмен липопротеиндердің аферезімен, декстран сульфатымен бірге қолдануға болмайды. Емдеудің осы түрі қажет болған жағдайда диализдік жарғақшаның басқа типін немесе гипертензияға қарсы дәрілердің басқа класын пайдалануды қарастырған жөн.

Сакубитрил/валсартан: Периндоприлді сакубитрилмен/валсартанмен бір мезгілде қолдануға болмайды, өйткені бір мезгілде неприлизиннің және АӨФ тежелуі ангиоэдеманың пайда болу қаупін жоғарылатуы мүмкін. Сакубитрилді/валсартанды қабылдауды периндоприлмен емделуде соңғы дозасын қабылдағаннан кейін 36 сағатқа дейін бастауға болмайды. Периндоприлмен емдеуді сакубитрилдің/валсартанның соңғы дозасын қабылдағаннан кейін 36 сағатқа дейін бастауға болмайды.

Ұсынылмайтын біріктірілімдер:

Алискирен: қант диабетінен немесе бүйрек жеткіліксіздігінен зардап шегіп жүрген пациенттерден басқасында гиперкалиемияның туындау, бүйрек функциясының нашарлау, жүрек-қантамырлық аурулардың даму және жүрек-қантамырлық аурулардан өлім қаупі ұлғаяды.

АӨФ тежегішімен және ангиотензин рецепторларының блокаторымен біріктіріп емдеу: Әдеби деректерде ауыр атеросклероздық ауруы, жүрек жеткіліксіздігі немесе нысана ағзаны зақымдаған қант диабеті бар пациенттерде АӨФ тежегішімен және ангиотензиндік рецепторлардың блокаторымен біріктіріп емдеу, ренин-ангиотензин-альдостерон жүйесіне әсер ететін бір ғана препаратты қабылдаумен салыстырғанда, гипотензияның, естен танудың, гиперкалиемияның және бүйрек функциясы нашарлауының (бүйректің жедел жеткіліксіздігін қоса) даму жиілігінің өте жоғары болуымен өзара байланысты екені көрсетілген. Қосарлы блокада (мысалы, АӨФ тежегішін ангиотензин II рецепторлары блокаторларымен біріктіру жолымен) жекелеген жағдайлармен шектелуі және бүйрек функциясына, калий деңгейіне және артериялық қысымға мұқият мониторингпен қатар жүргізілуі тиіс.

Эстрамустин: ангионевроздық ісіну (ангиоісіну) сияқты жағымсыз реакциялар қаупі жоғары.

Кo-тримоксазол (триметоприм/сульфаметоксазол)

Ко-тримоксазолмен (триметоприм/сульфаметоксазол) бір мезгілде қабылдап жүрген пациенттер де гиперкалиемияның жоғары қаупіне ұшырауы мүмкін

Калий жинақтайтын диуретиктер (мысалы, триамтерен, амилорид және т.б.), калий (тұздары): Әсіресе бүйрек жеткіліксіздігімен біріккен (аддитивті гиперкалиемиялық әсер) гиперкалиемия (әлеуетті түрде өліммен аяқталатын).

Периндоприлді осы дәрілік препараттармен біріктіріп қабылдау ұсынылмайды. Егер осы препараттарды қатар қолдану бәрібір қолданылатын болса, онда оларды қабылдаған кезде аса сақтық танытқан және қан сарысуындағы калий мөлшеріне жиі мониторинг жүргізген жөн. Жүрек жеткіліксіздігінде спиронолактонды қолдану жөніндегі ақпаратты «Аса сақтықты қажет ететін біріктірілімдер» бөлімінен қараңыз.

Аса сақтықты қажет ететін біріктірілімдер:

Диабетке қарсы дәрілер (инсулин, пероральді гипогликемиялық препараттар): эпидемиологиялық зерттеулер АӨФ тежегіштерін және диабетке қарсы препараттарды (инсулиндер, пероральді гипогликемиялық препараттар) біріктіріп қабылдау қандағы глюкоза деңгейін төмендету әсерін күшейтіп, гипогликемияның басталу қаупіне әкеліп соғуы мүмкін екенін көрсетті. Осындай оқиғалардың басталуы біріктіріп емдеудің алғашқы апталарында және бүйрек функциясы бұзылған пациенттерде көбірек орын алуы ықтимал.

Калий жинақтамайтын диуретиктер: Диуретиктерді қабылдап жүрген пациенттерде, әсіресе АҚК төмендеген және/немесе тұз тапшылығы бар пациенттерде АӨФ тежегішімен емдеудің бас кезінде артериялық қысымның едәуір төмендеуі байқалуы мүмкін. Гипотензиялық әсердің ықтималдығы диуретиктерді қабылдауды тоқтатумен, төмен дозадағы периндоприлмен емдеуді бастар алдында, кейіннен оны біртіндеп арттырғанда АҚК немесе тұзды пайдаланудың көбеюімен төмендетілуі мүмкін.

Артериялық гипертензияда, егер бұның алдында диуретиктермен емдеу тұз тапшылығын/АҚК төмендеуін туындатса, АӨФ тежегішімен емдеуді бастар алдында диуретик қабылдауды, әрі қарай калий жинақтайтын диуретикті енгізе отырып, тоқтату қажет, немесе АӨФ тежегішін қабылдауды төмен дозадан бастап, кейіннен оны арттыру қажет.

Диуретиктерді қабылдауды қажет ететін жүректің іркілген жеткіліксіздігінде АӨФ тежегішін қабылдауды, мүмкіндігінше, қатар қолданылатын калий жинақтайтын диуретиктің дозасын алдын ала төмендеткеннен кейін, өте төмен дозадан бастаған жөн.

Барлық жағдайларда АӨФ тежегішімен емдеуді бастағаннан кейін алғашқы бірнеше апта ішінде бүйрек функциясына (креатинин деңгейіне) мұқият мониторинг жүргізу қажет.

Калий жинақтайтын диуретиктер (эплеренон, спиронолактон): Эплеренонды немесе спиронолактонды тәулігіне 12,5 мг-ден бастап тәулігіне 50 мг-ге дейінгі дозаларда және АӨФ тежегіштерінің төмен дозаларын қабылдағанда:

Лықсу фракциясы <40% болатын жүректің II-IV класқа жататын (NYHA жіктемесі бойынша) жеткіліксіздігін бұның алдында АӨФ тежегіштерімен және ілмектік диуретиктермен емдегенде, әсіресе препараттардың осы біріктірілімін тағайындау жөніндегі нұсқауларды орындамаған жағдайда, әлеуетті өліммен аяқталатын гиперкалиемияның даму қаупі бар.

Препараттардың осы біріктірілімін тағайындамас бұрын пациентте гиперкалиемияның және бүйрек жеткіліксіздігінің жоқтығына көз жеткізген жөн.

Емдеудің алғашқы айы ішінде аптасына бір рет, ал содан кейін айына бір рет калиемияға және креатинемияға мониторинг жүргізу ұсынылады.

Рацекадотрил: АӨФ тежегіштері (мысалы, периндоприл) ангионевроздық ісінудің туындауына себеп болып табылатыны белгілі. Бұл қауіп оларды рацекадотрилмен (жедел диареяда қолданылатын препаратпен) біріктіріп пайдаланғанда ұлғаяды.

mTOR-тежегіштері (мысалы, сиролимус, эверолимус, темсиролимус): mTOR-тежегіштерімен біріктірілген ем қабылдап жүрген пациенттер ангионевроздық ісінудің пайда болуының жоғары қаупіне ұшырауы мүмкін.

Сақтықты қажет ететін біріктірілімдер:

Гипотензиялық және қантамырларды кеңейтетін препараттар: Осы препараттарды біріктіріп қабылдау периндоприлдің гипотензиялық әсерінің күшеюіне әкелуі мүмкін. Нитроглицеринді және басқа да нитраттарды немесе қантамырларды кеңейтетін басқа да дәрілерді қатар қабылдау артериялық қысымның әрі қарай төмендеуіне әкеліп соғуы мүмкін.

Аллопуринол, цитостатикалық немесе иммунодепрессиялық заттар, жүйелі кортикостероидтар немесе прокаинамид: осы препараттарды АӨФ тежегіштерімен біріктіріп қабылдағанда лейкопения қаупі артады. Жансыздандыратын препараттар: АӨФ тежегіштері жансыздандыратын кейбір заттардың гипотензиялық әсерін күшейтуі мүмкін («Айрықша нұсқауларды» қараңыз).

Глиптиндер (линаглиптин, саксаглиптин, ситаглиптин, вилдаглиптин): АӨФ тежегішін қабылдап жүрген пациенттерде, глиптинді қабылдаумен байланысты IV дипептидилпептидаза белсенділігінің төмендеуі салдарынан, ангионевроздық ісінудің даму қаупі ұлғаяды.

Симпатомиметиктер: Симпатомиметиктер АӨФ тежегіштерінің гипотензиялық әсерін төмендетуі мүмкін.

Алтын: сирек жағдайларда алтынның инъекциялық препараттарымен (натрий ауротиомалаты) және, периндоприлді қоса, АӨФ тежегіштерімен бір мезгілде ем қабылдап жүрген пациенттерде вазомоторлы реакциялар (бетке қан тебу, жүректің айнуы, құсу және гипотензия сияқты симптомдар) пайда болды.

Индапамидпен байланысты:

Аса сақтықты қажет ететін біріктірілімдер:

«Пируэт» типті пароксизмальді қарыншалық тахикардияны туындатуға қабілетті препараттар: гипокалиемияның басталу қаупіне байланысты, индапамидті «пируэт» типті пароксизмальді қарыншалық тахикардияны туындатуға қабілетті, мысалы, аритмияға қарсы IA класының препараттары (хинидин, гидрохинидин, дизопирамид), аритмияға қарсы IІІ класының препараттары (амиодарон, дофетилид, ибутилид, бретилий, соталол), кейбір нейролептиктер (хлорпромазин, циамемазин, левомепромазин, тиоридазин, трифлуоперазин), бензамидтер (амисульприд, сульпирид, сультоприд, тиаприд), бутирофенон туындылары (дроперидол, галоперидол), басқа да нейролептиктер (пимозид) сияқты препараттармен; бепридил, сизаприд, дифеманил, эритромицин в/і, галофантрин, мизоластин, моксифлоксацин, пентамидин, спарфлоксацин, винкамин в/і, метадон, астемизол, терфенадин сияқты басқа да препараттармен біріктіріп қабылдағанда сақтық танытқан жөн. Калий деңгейі төмендеуінің алдын алу және, қажет болған жағдайда, түзету: QT аралығына мониторинг жүргізу керек.

Калий жинақтайтын препараттар: амфотерицин В (вена ішіне), глюкокортикоидтар және минералокортикоидтар (жүйелі енгізу), тетракозактид, стимуляциялайтын іш жүргізгіш дәрілер: калий деңгейінің төмендеу қаупінің күшеюі (аддитивті әсер). Калий мөлшеріне мониторинг және, қажет болса, дозаны түзету; қастауышпен емдеу аса көңіл бөлуді қажет етеді. Стимуляцияламайтын іш жүргізгіш дәрілерді қолданған жөн.

Оймақгүл препараттары: калийдің төмен деңгейі оймақгүлдің уытты әсерін күшейтуі мүмкін. ЭКГ және калий деңгейіне мониторинг жүргізу керек, және қажет боса, емдеуді қайта қарастыру керек.

mTOR-тежегіштері (мысалы, сиролимус, эверолимус, темсиролимус): mTOR-тежегіштерімен біріктіріп ем қабылдап жүрген пациенттер ангионевроздық ісінудің пайда болуының жоғары қаупіне ұшырауы мүмкін.

Аллопуринол: индапамидпен бір мезгілде қабылдау аллопуринолға аса жоғары сезімталдық реакцияларының жиілігін арттыруы мүмкін.

Сақтықты қажет ететін біріктірілімдер:

Калий жинақтайтын диуретиктер (амилорид, спиронолактон, триамтерен): Рациональді біріктірілімдер кейбір пациенттер үшін пайдалы екеніне қарамастан, гипокалиемия немесе гиперкалиемия (әсіресе бүйрек жеткіліксіздігі немесе қант диабеті бар пациенттерде) әлі де көрініс беруі мүмкін. Қан плазмасы және ЭКГ деңгейіне мониторинг жүргізу қажет, және қажет болса, емдеуді қайта қарастыру керек.

Метформин: сүт қышқылды ацидоз метформинді қабылдау аясында, сірә, бүйректің функциональді жеткіліксіздігімен байланысты туындайды, ол әсіресе ілмектік диуретиктердің әсер етуінен болады. Егер плазмадағы креатинин мөлшері еркектерде 15 мг/л-ден (135 мкмоль/л) және әйелдерде 12 мг/л-ден (110 мкмоль/л) асып кетсе, метформинді қолдануға болмайды.

Құрамында йоды бар контрастылы орта: организмнің диурездік препараттарды қабылдаудан туындаған елеулі дегидратациясында, әсіресе құрамында йод бар контрастылы заттарды жоғары дозаларда қолданғанда, бүйректің жедел жеткіліксіздігінің даму қаупі ұлғаяды. Құрамында йоды бар препараттарды қолданар алдында регидратация жүргізген жөн.

Кальций (тұздар): несеппен бірге экскрециялануының төмендеуі нәтижесінде кальций мөлшері артуы мүмкін.

Циклоспорин, такролимус: плазмадағы креатинин деңгейі, тіпті су мен электролиттер мөлшері қалыпты болса да, айналымдағы циклоспорин деңгейінің өзгеруінсіз-ақ жоғарылайды.

Кортикостероидтар, тетракозактид (енгізудің жүйелі жолы): гипотензиялық әсерін азайтады (кортикостероидтардың әсерінен тұздың және судың іркілуі).

Периндоприлмен және индапамидпен байланысты жалпы нұсқаулар:

Литий препараттары: периндоприл мен индапамид біріктірілімін литий препараттарымен бір мезгілде қолдану ұсынылмайды («Басқа дәрілік препараттармен өзара әрекеттесуі» бөлімін қараңыз).

Периндоприлмен байланысты:

Ренин-ангиотензин-альдостерон жүйесінің (РААЖ) қосарлы блокадасы:

АӨФ тежегіштерін және ангиотензин II рецепторларының блокаторларын немесе алискиренді бір мезгілде қолданудың гипотензия, гиперкалиемия қаупін арттыратыны және бүйрек функциясын төмендететіні (бүйректің жедел жеткіліксіздігін қоса) айғақталды. Сондықтан АӨФ тежегіштерін және ангиотензин II рецепторларының блокаторларын немесе алискиренді біріктіріп қолдану жолымен РААЖ қосарлы блокадалау ұсынылмайды. Егер қосарлы блокада абсолютті түрде қажет болса, оны тек маманның қадағалауымен ғана және бүйрек функциясына, электролиттер деңгейіне және артериялық қысымға жиі мұқият мониторинг жағдайында ғана жүргізген жөн. Диабеттік нефропатиясы бар пациенттерге АӨФ тежегіштерін және ангиотензин II рецепторларының блокаторларын бір мезгілде тағайындауға болмайды.

Калий жинақтайтын диуретиктер, калий тұздары:

Периндоприлді калий жинақтайтын диуретиктермен немесе калий тұздарымен біріктіріп қабылдау ұсынылмайды.

Нейтропения/агранулоцитоз /тромбоцитопения/анемия:

АӨФ тежегіштерін қабылдап жүрген пациенттерде нейтропения/агранулоцитоздың, тромбоцитопенияның және анемияның дамығаны жөнінде мәлімделді. Бүйрек функциясы қалыпты және басқа да қатар жүретін жағдайлары жоқ пациенттерде нейтропения сирек байқалады. Периндоприл қантамырлардың коллагендік аурулары бар пациенттерде, әсіресе бүйрек функцияларының бұзылулары аясында, иммунодепрессанттармен, аллопуринолмен немесе прокаинамидпен емдеген кезде немесе қатар жүретін аталған факторлар біріккенде, аса сақтықпен қолданылуы тиіс. Кейбір пациенттерде күрделі инфекциялар дамыды, олар кейбір жағдайларда антибиотиктермен қарқынды емдеуге әсер бермеді. Периндоприлді мұндай пациенттерге қолданған жағдайда лейкоциттер деңгейін мезгіл-мезгіл бақылау ұсынылады, ал пациенттер инфекцияның дамуының кез келген белгілерін (мысалы, тамақтың ауыруы, қызба) дәрігерге мәлімдеп отыруы керек екенінен хабардар болуы тиіс.

Реноваскулярлы гипертензия

Бүйрек артериясының екі жақты стенозы немесе функциясын атқарып тұрған жалғыз бүйректің бүйрек артериясының стенозы бар пациенттерде АӨФ тежегіштерін қолданған кезде гипотония мен бүйрек жеткіліксіздігі қаупі артады.  Бүйрек функциясының бұзылуы сарысу креатининінің аздаған өзгерістері бар, бүйрек артерияларының бір жақты стенозы бар пациенттерде туындауы мүмкін.

Жоғары сезімталдық/ангионевроздық ісіну (Квинке ісінуі)

АӨФ тежегіштерін, соның ішінде периндоприлді қабылдаған кезде, сирек жағдайларда беттің, аяқ-қолдың, еріннің, тілдің, дауыс саңылауының және/немесе көмейдің ангионевроздық ісінуінің дамуы байқалуы мүмкін. Симптомдар пайда болған кезде Нолипрел® Аргинин препаратын қабылдау дереу тоқтатылуы тиіс, ал пациент ісіну белгілері толық жоғалғанға дейін бақылауда болуы тиіс. Егер ісіну тек бет пен ерінде ғана болса, онда оның симптомдарын емдеу үшін антигистаминдік дәрілер қолданылуы мүмкін болса да, оның көріністері әдетте өздігінен қайтады. Көмейдің ісінуімен қатар жүретін ангионевроздық ісіну өліммен аяқталуға әкеліп соғуы мүмкін. Тілдің, дауыс саңылауының немесе көмейдің ісінуі тыныс алу жолдарының обструкциясына әкелуі мүмкін. Мұндай симптомдар пайда болған жағдайда тері астына 1:1000 (0,3 немесе 0,5 мл) сұйылтылған эпинефрин (адреналин) енгізуді бастау керек және/немесе тыныс алу жолдарының өткізгіштігін қамтамасыз ету қажет.

Анамнезі ауырлау қара нәсілді пациенттерде, басқа нәсілділермен салыстырғанда, ангионевроздық ісіну қаупі жоғары болады.

Анамнезінде АӨФ тежегіштерін қабылдаумен байланысты емес Квинке ісінуі байқалған пациенттерде осы топтың препараттарын қабылдаған кезде оның даму қаупі жоғарылауы мүмкін.

Сирек жағдайларда АӨФ тежегіштерімен емдеу аясында ішектің ангионевроздық ісінуі дамиды. Мұндайда пациенттерде бөлек симптом ретінде немесе жүректің айнуымен және құсумен біріккен, кейбір жағдайларда бұның алдында беттің ангионевроздық ісінуінсіз және С-1 эстераза ферментінің белсенділігі қалыпты болғанда іштің ауыруы білінеді. Диагноз құрсақ қуысына компьютерлік томография жүргізу, ультрадыбыстық зерттеулер немесе хирургиялық араласым жәрдемімен анықталады. Симптомдар АӨФ тежегіштерін қабылдауды тоқтатқаннан кейін жоғалады. АӨФ тежегіштерін қабылдап жүрген, іш тұсы ауырып жүрген пациенттерде дифференциальді диагноз жүргізген кезде ішектің ангионевроздық ісінуінің дамуы мүмкін екендігін ескеру қажет.

mTOR-тежегіштерін (мысалы, сиролимус, эверолимус, темсиролимус) біріктіріп қолдану:

Сүтқоректілердің рапамицин нысанасының тежегіштерімен – mTOR-тежегіштерімен (мысалы, сиролимус, эверолимус, темсиролимус) бір мезгілде қабылдау ангионевроздық ісінудің (мысалы, тыныс алу функциясы бұзылатын немесе онсыз тыныс алу жолдарының немесе тілдің ісінуі) қаупін жоғарылатады.

Ангиоэдеманың пайда болу қаупі жоғары болуын ескере отырып, периндоприлді сакубитрилмен/валсартанмен біріктіруге болмайды. Периндоприлмен емдеудің соңғы дозасын қабылдағаннан кейін 36 сағат өтпей сакубитрилді/валсартанді қабылдауды бастауға болмайды. Егер сакубитрилмен/валсартанмен емдеу тоқтатылған болса, онда сакубитрилдің/валсартанның соңғы дозасын қабылдағаннан кейін 36 сағат өтпей периндоприлмен емдеуді бастауға болмайды. Басқа БЭП тежегіштерін (бейтарап эндопептидаз) (мысалы, рацекадотрил) және АКП тежегіштерін бір мезгілде қолдану, сондай-ақ ангиоэдеманың пайда болу қаупін жоғарылатуы мүмкін. Тиісінше, периндоприл қабылдап жүрген пациенттерде (мысалы, рацекадотрил) БЭП тежегіштерімен емдеуді бастамас бұрын пайда және қауіп арақатынасын мұқият анықтап алу керек.

Десенсибилизация жүргізген кездегі анафилактоидтық реакциялар

Жарғақ қанатты жәндіктердің (ара, сона) уымен десенсибилизациялаушы ем жүргізу кезінде АӨФ тежегіштерін қабылдаған науқастарда ұзаққа созылатын, өмірге қауіп төндіретін анафилактоидтық реакциялардың дамығаны жөнінде жекелеген мәлімдемелер бар. АӨФ тежегіштерін ауырлық түсіретін аллергологиялық анамнезі бар немесе аллергиялық реакцияларға бейімділігі бар, десенсибилизация емшарасынан өтіп жүрген науқастарға сақтықпен қолдану қажет. Жарғақ қанатты жәндіктердің уымен иммунотерапия қабылдап жүрген пациенттерге АӨФ тежегішін қолдануға жол бермеген жөн. Дегенмен, анафилактоидтық реакцияларға десенсибилизация емшарасынан кем дегенде 24 сағат бұрын АӨФ тежегішін қабылдауды уақытша тоқтату арқылы жол бермеуге болады.

ТТЛП аферез жүргізген кездегі анафилактоидтық реакциялар

Сирек жағдайларда, АӨФ тежегіштерін қабылдап жүрген пациенттерде, декстран сульфатын пайдалана отырып, ТТЛП аферезін жүргізген кезде өмірге қауіп төндіретін анафилактоидтық реакциялар дамуы мүмкін. Анафилактоидтық реакцияларға жол бермеу үшін аферездің әрбір емшарасы алдында АӨФ тежегішімен емдеуді уақытша тоқтатқан жөн.

Алғашқы гиперальдостеронизм

Алғашқы гиперальдостеронизмі бар пациенттерде әдетте ренин-ангиотензин-альдостерон жүйесі арқылы гипертензияға қарсы емге клиникалық жауабының жоқтығы байқалады. Осыған байланысты осы пациенттерде осы препараттарды қолдану ұсынылмайды.  

Гемодиализ

АӨФ тежегіштерін қабылдап жүрген пациенттерде өткізгіштігі жоғары жарғақшаларды (мысалы, AN69®) пайдаланып, гемодиализ жүргізгенде анафилактоидтық реакциялар білінді. Сондықтан басқа типті жарғақшаны пайдаланған немесе басқа фармакотерапиялық топтың гипотензиялық дәрісін қолданған дұрыс.

Алғашқы гиперальдостеронизм:

Әдетте алғашқы гиперальдостеронизмі бар пациенттердің ренин-ангиотензин- жүйесінің тежелуі арқылы гипертензияға қарсы препараттарға реакциялары болмайды. Осыған байланысты бұл препараттарды қолдану ұсынылмайды.  

Жүктілік:

Жүктілік кезінде АӨФ тежегіштерін қабылдауды бастауға болмайды. Егер АӨФ тежегіштерімен үздіксіз емдеу қажет болып табылса, жүкті болғысы келіп жүрген пациенттер жүктілік кезінде қолдану қауіпсіздігі айғақталған гипертензияға қарсы басқа препараттарға ауыстырылуы тиіс. Жүкті екендігі анықталған жағдайда АӨФ тежегіштерімен емдеуді дереу тоқтату және, қажет болса, балама ем жүргізуді бастау керек.

Индапамидпен байланысты:

Бауыр функциясының бұзылулары бар болған жағдайда тиазидтік және тиазид тәрізді диуретиктерді қабылдау бауырлық энцефалопатияның дамуына әкеліп соғуы мүмкін. Мұндай жағдайда Нолипрел® Аргинин препаратын қабылдауды дереу тоқтатқан жөн.

Фотосезімталдық

Тиазидтік және тиазид тәрізді диуретиктерді қабылдау аясында фотосезімталдық реакциясының даму жағдайлары жөнінде мәлімделді. Препаратты қабылдау аясында фотосезімталдық реакциялары дамыған жағдайда емдеуді тоқтатқан жөн. Диуретиктермен емдеуді жалғастыру қажет болғанда тері жабындарын күн сәулесінің немесе жасанды ультракүлгін сәулелердің әсерінен қорғау ұсынылады.

Қабылдаған кездегі сақтандырулар

Периндоприлмен және индапамидпен байланысты жалпы нұсқаулар:

Бүйрек жеткіліксіздігі:

Бүйректің ауыр жеткіліксіздігі бар (креатинин клиренсі < 30 мл/мин) пациенттерді емдеуге қолдануға болмайды. Егер гипертензиядан зардап шегіп жүрген және бүйректің көзге көрінердей зақымданулары жоқ болса, бірақ қанды талдау барысында (бүйректік кешен) бүйрек жеткіліксіздігі анықталған пациентте емдеуді тоқтатқан жөн. Емдеу не төменірек дозаларда, не компоненттердің біреуімен ғана қайта жаңғыртылуы мүмкін. Осы пациенттерді әдеттегідей бақылауға калий және креатинин деңгейіне жиі мониторинг жүргізу қамтылады, алғашқы ретте – емдеудің екі аптасынан кейін, содан соң – емдік тұрақтылық кезеңінде екі айда бір рет. Бүйрек жеткіліксіздігі, негізінен, жүректің жедел жеткіліксіздігі немесе, бүйрек артерияларының стенозын қоса, бүйректің негізгі жеткіліксіздігі бар пациенттерде білінді. Осы препаратты қабылдау әдетте бүйрек артерияларының екі жақты стенозы бар пациенттерге немесе жалғыз бүйрегі бар пациенттерге ұсынылмайды.

Артериялық гипотензия және су-электролиттік теңгерімнің бұзылуы:

Натрий мөлшері төмендегенде, әсіресе бүйрек артерияларының стенозы бар пациенттерде артериялық қысымның кенеттен түсіп кету қаупі бар. Сондықтан іш өту ұстамалары немесе құсу аясында туындауы мүмкін су мен электролиттердің организмде тапшы болуының клиникалық белгілерін анықтау тұрғысында сынамаларды жүйелі түрде жүргізген жөн. Осы пациенттерде плазмадағы электролиттер мөлшеріне ұдайы бақылау жүргізу керек.

Айқын гипотензия жағдайында вена ішіне изотониялық ерітіндіні құю қолданылуы мүмкін.

Өткінші гипотензия емдеуді жалғастыру үшін қарсы көрсетілім болып табылмайды. Қанның қанағаттанарлық көлемі және артериялық қысым қалпына келгеннен кейін емдеу не препараттың төменірек дозасымен, не оның компонентінің біреуімен ғана қайта жаңғыртылуы мүмкін.

Калий мөлшері:

Периндоприлді және индапамидті біріктіру, әсіресе диабеттен зардап шегіп жүрген пациенттерде, немесе бүйрек жеткіліксіздігі бар пациенттерде гипокалиемияның басталуының алдын ала алмайды. Құрамында диуретик бар кез келген гипотензиялық препаратты қабылдаған кезде плазмадағы калий мөлшеріне ұдайы мониторинг жүргізу керек.

Қосымша заттар

Препараттың қосымша заттарының құрамына лактоза моногидраты кіретіндігін ескеру керек. Тұқым қуалайтын галактоза жақпаушылығы, Лапп лактаза жеткіліксіздігі және глюкозо-галактоза малабсорбциясы бар пациенттерге препаратты тағайындамаған жөн.

Периндоприлмен байланысты:

Жөтел: АӨФ тежегішімен емдеу аясында құрғақ жөтел пайда болуы мүмкін. Жөтел осы топтың препараттарын қабылдау аясында ұзақ сақталады және оларды тоқтатқаннан кейін жойылады. Пациентте құрғақ жөтел пайда болған кезде осы симптомның АӨФ тежегішін қабылдаумен ықтимал байланысы бар екенін ұмытпаған жөн. Егер дәрігер АӨФ тежегішімен емдеу пациентке қажет деп санаса, препаратты қабылдау жалғастырылуы мүмкін.

Балалар және жасөспірімдер:

Балалар мен жасөспірімдерде периндоприлдің монотерапиядағы тиімділігі және жағымдылығы әзірше анықтала қойған жоқ.

Артериялық гипотензиялар және/немесе бүйрек жеткіліксіздігіндегі қауіп (жүректің созылмалы жеткіліксіздігі, су-электролиттік теңгерімнің бұзылулары бар пациенттерде)

Кейбір патологиялық жағдайларда, әсіресе айқын гиповолемияда және қан плазмасындағы электролиттер мөлшері төмендегенде (тұзсыз диета немесе диуретиктерді ұзақ қабылдау аясында), АҚ бастапқыда төмен болған, бүйрек артерияларының стенозы (соның ішінде екі жақты), жүректің созылмалы жеткіліксіздігі немесе ісінулер және асцит орын алатын бауыр циррозы бар пациенттерде РААЖ-нің едәуір белсенділенуі байқалуы мүмкін.

АӨФ тежегіштерін қолдану РААЖ-нің блокадасын туындатады, сондықтан АҚ күрт төмендеуімен және/немесе бүйректің функциональді жеткіліксіздігінің дамығанын айғақтайтын, қан плазмасындағы креатинин концентрациясының жоғарылауымен қатар жүруі мүмкін. Бұл құбылыстар препараттың алғашқы дозасын қабылдаған кезде немесе емдеудің алғашқы екі аптасы ішінде жиі байқалады. Кейде бұл жағдайлар жедел дамиды. Мұндай жағдайларда емдеуді қайта жаңғыртқан кезде периндоприл мен индапамид біріктірілімін көбірек төмен дозада пайдалану және содан кейін дозаны біртіндеп арттыру ұсынылады.

Егде жас

Емдеуді бастар алдында бүйрек функциясына және калий деңгейіне бақылау жүргізген жөн. Кенеттен болатын гипотензияға жол бермеу үшін препараттың бастапқы дозасы, әсіресе сусыздану және электролиттерді жоғалту жағдайында артериялық қысымның төмендеу дәрежесне байланысты түзетіледі.

Атеросклероз

Барлық науқастарда да артериялық гипотензия қаупі бар, алайда жүректің ишемиялық ауруы және ми қан айналымының жеткіліксіздігі бар пациенттерде препаратты қолдана отырып, аса сақтық танытқан жөн. Мұндай пациенттерде емдеуді периндоприл аргинині және индапамид біріктірілімінің төмен дозаларынан бастау керек.

Реноваскулярлық гипертензиясы бар пациенттер

Реноваскулярлық гипертензияны емдеу әдісі реваскуляризация болып табылады. Дегенмен, АӨФ тежегіштерін пайдалану хирургиялық араласымды күтіп жүрген пациенттерде де, сонымен қатар хирургиялық араласымды жүргізу мүмкін емес болған жағдайда да жағымды әсерін тигізеді. Бүйрек артерияларының стенозы диагностикаланған немесе болжанған пациенттерде емдеуді периндоприл және индапамид біріктірілімінің өте төмен дозаларынан бастаған жөн. Кейбір науқастарда бүйректің функциональді жеткіліксіздігі дамуы мүмкін, ол препарат қабылдауды тоқтатқан кезде жойылады.

Жүрек жеткіліксіздігі/жүректің жедел жеткіліксіздігі:

Жүректің айқын жедел жеткіліксіздігі (IV дәрежедегі) бар пациенттерде препаратпен емдеуді төмен дозалардан бастаған және дәрігердің үнемі бақылауымен жүргізген жөн. Артериялық гипертензиясы және коронарлық жеткіліксіздігі бар науқастар бета-блокаторларды қабылдауды тоқтатпауы тиіс: АӨФ тежегіштерін бета-блокатормен бірге қолданған жөн.

Қант диабеті

Инсулинге тәуелді қант диабеті бар пациенттерде емдеуді дәрігердің бақылауымен бастаған жөн (гиперкалиемияға кездейсоқ бейімділік).

Ішке қабылдауға арналған гипогликемиялық дәрілерді немесе инсулин қабылдап жүрген пациенттерге Нолипрел® Аргинин препаратын тағайындағанда емдеудің алғашқы айы ішінде қан плазмасындағы глюкоза концентрациясын ұдайы бақылау қажет.

Этникалық айырмашылықтар

Периндоприл, басқа да АӨФ тежегіштері сияқты, сірә, қара нәсілді пациенттерде, басқа нәсіл өкілдерімен салыстырғанда, азырақ айқын гипотензиялық әсер береді. Бұл айырмашылық артериялық гипертензиясы бар қара нәсілді науқастарда ренин белсенділігінің төмендігі себебінен болуы мүмкін.

Хирургиялық араласым/Жалпы анестезия

Жалпы анестезияны қолданып, хирургиялық араласым жасалған науқастарда АӨФ тежегіштерін қолдану, әсіресе гипертензияға қарсы әсері бар, жалпы анестезияға арналған дәрілерді пайдаланғанда, АҚ айқын төмендеуіне әкелуі мүмкін. Ұзақ әсерлі АӨФ тежегіштерін, соның ішінде периндоприлді, қабылдауды хирургиялық операциядан 12 сағат бұрын тоқтату ұсынылады.

Аортальді стеноз / Митральді стеноз/ Гипертрофиялық кардиомиопатия

АӨФ тежегіштері сол жақ қарыншаның шығатын саңылауының обструкциясы бар науқастарға және митральді стенозда сақтықпен тағайындалуы тиіс.

Бауыр жеткіліксіздігі

Сирек жағдайларда АӨФ тежегіштерін қабылдау аясында холестаздық сарғаю туындайды. Осы синдром үдеген кезде кейде өліммен аяқталатын бауырдың фульминантты некрозы дамиды. Осы синдромның даму механизмі айқын емес. АӨФ тежегіштерін қабылдау аясында сарғаю пайда болған кезде дәрігерге қаралған жөн. АӨФ тежегіштерін қабылдау аясында бауыр ферменттері белсенділігі едәуір жоғарылағанда препарат қабылдауды тоқтатқан жөн.

Гиперкалиемия

АӨФ тежегіштерімен, соның ішінде периндоприлмен ем қабылдап жүрген кейбір пациенттерде қан сарысуында калий мөлшерінің жоғарылау жағдайлары білінді. Гиперкалиемияның даму қаупінің факторларына бүйрек жеткіліксіздігі, бүйрек функциясының нашарлауы, жас (> 70 жас), қант диабеті, организмнің сусыздануы сияқты кездейсоқ құбылыстар, жүректің жедел декомпенсациясы, метаболизмдік ацидоз, калий жинақтайтын диуретиктерді (спиронолактон, эплеренон, триамтерен, амилорид және т.б.), калий препараттарын немесе құрамында калий бар тұз алмастырғыштарды бір мезгілде қабылдау, сондай-ақ сарысуда калий деңгейінің жоғарылауын туындататын басқа да дәрілік препараттарды (мысалы, гепариндер, триметоприм/сульфаметоксазол ретінде де белгілі ко-тримоксазол, АӨФ басқа да тежегіштері, ангиотензин-II рецепторларының антагонистері, ацетилсалицил қышқылы  3 г/тәул., ЦОГ-2 тежегіштері және іріктелмеген ҚҚСД, циклоспорин немесе такролимус, триметоприм сияқты иммунодепрессиялық заттар) қабылдау қамтылады. Калий қоспаларын, калий жинақтайтын диуретиктерді және құрамында калий бар тұз алмастырғыштарды әсіресе бауыр функциясы бұзылған пациенттердің қабылдауы сарысудағы калий деңгейінің маңызды түрде артуына әкелуі мүмкін. Гиперкалиемия күрделі, кейде фатальді аритмияны туындатуы мүмкін. Егер жоғарыда көрсетілген препараттарды бір мезгілде тағайындау қажет деп саналса, оларды сақтықпен және қан сарысуындағы калий мөлшеріне жиі мониторинг жасай отырып қолданған жөн («Басқа дәрілік препараттармен өзара әрекеттесуі» бөлімін қараңыз).

Индапамидпен байланысты:

Су-электролиттік теңгерім/Қан плазмасындағы натрий иондарының мөлшері

Емдеуді бастағанға дейін натрий мөлшеріне баға беруді жүргізу қажет, әрі қарай мұндай зерттеулер ұдайы жүргізілуі тиіс. Натрий деңгейінің бастапқыда төмендеуі симптомсыз өтуі мүмкін, сондықтан ұдайы бақылау жүргізу қажет. Егде жастағы пациенттерде және бауыр циррозы бар пациенттерде бақылау одан да жиірек жүргізілуі тиіс. Барлық диуретиктер кейде өте күрделі зардаптары бар гипонатриемияға әкеліп соғуы мүмкін. Гиповолемиясы бар гипонатриемия дегидратацияға және ортостаздық гипотензияның дамуына әкелуі мүмкін. Хлор иондарын қатар жоғалту салдарлық компенсаторлы метаболизмдік алкалоздан туындауы мүмкін: осы әсердің туындау жиілігі және дәрежесі мардымсыз.

Қан плазмасындағы калий иондарының мөлшері

Тиазидтік және тиазид тәрізді диуретиктермен емдеу гипокалиемияның даму қаупімен байланысты. Жоғары қауіп тобына жататын пациенттердің келесі санатында: егде жастағы пациенттерде, жүдеген пациенттерде біріктірілген дәрі-дәрмектік ем қабылдап жүрген, бауыр циррозы бар, шеткері ісінулер немесе асциті бар пациенттерде, жүректің ишемиялық ауруы, жүрек жеткіліксіздігі бар пациенттерде гипокалиемияға (3,4 ммоль/л-ден аз) жол бермеу қажет. Осы пациенттердегі гипокалиемия жүрек гликозидтерінің уытты әсерін күшейтеді және аритмиялардың даму қаупін арттырады.

Жоғары қауіп тобына сондай-ақ QT аралығы ұзарған пациенттер жатады, мұндайда бұл ұзару туа біткен себептерден немесе дәрілік заттардың әсерінен туындағаны маңызды емес. Гипокалиемия, брадикардия сияқты, жүрек ырғағының ауыр бұзылуларының, әсіресе фатальді болуы мүмкін «пируэт» типті аритмияның дамуына мүмкіндік береді. Жоғарыда сипатталған барлық жағдайларда қан плазмасындағы калий иондарының мөлшеріне ұдайы бақылау қажет. Калий иондарының мөлшерін алғаш өлшеуді емдеуді бастағаннан бастап алғашқы апта ішінде жүргізу қажет.

Гипокалиемия байқалған кезде тиісті ем тағайындалуы тиіс.

Қан плазмасындағы кальций иондарының мөлшері

Тиазидтік және тиазид тәрізді диуретиктер кальций иондарының бүйрек арқылы шығарылуын азайтып, қан плазмасындағы кальций мөлшерінің аздап және уақытша жоғарылауына әкелуі мүмкін. Айқын гиперкальциемия бұрын диагностикаланбаған гиперпаратиреоздың салдары болуы мүмкін. Қалқанша без функциясын зерттеу алдында диурездік дәрілерді қабылдауды тоқтата тұрған жөн.

Қан плазмасындағы глюкоза концентрациясы

Қант диабеті, әсіресе гипокалиемиясы бар пациенттерде қандағы глюкоза концентрациясын бақылау қажет.

Несеп қышқылы

Емдеу аясында қан плазмасындағы несеп қышқылының концентрациясы жоғары пациенттерде подагра ұстамаларының жиілігі артуы мүмкін.

Бүйрек функциясы және диуретиктер:

Тиазидтік және тиазид тәрізді диуретиктер бүйрек функциясы қалыпты немесе аздап бұзылған пациенттерде ғана толық шамада тиімді (ересек пациенттерде қан плазмасындағы креатинин концентрациясы 2,5 мг/дл-ден немесе 220 мкмоль/л-ден төмен). КК-ні егде жастағы пациенттерде жасын, дене салмағын және жынысын ескере отырып, Кокрофт формуласы бойынша есептейді:

(140 - жасы) х дене салмағы

Clcr = ----------------------------------------------------------

0,814 х қан плазмасындағы креатинин деңгейі

мұнда: жасы жылмен берілген,

дене салмағы - килограммен,

плазмадағы креатинин деңгейі – мкмоль/л.

Формула егде жастағы пациентке есептелген, әйелге бейімдеу үшін нәтижені 0,85-ке көбейткен жөн.

Диуретиктермен емдеудің басында науқастарда гиповолемия және гипонатриемияға байланысты, шумақтық сүзілу жылдамдығының уақытша төмендегені және қан плазмасында мочевина мен креатинин концентрацияларының жоғарылағаны байқалуы мүмкін. Бұл бүйректің транзиторлық функциональді жеткіліксіздігі бүйрек функциясы өзгермеген пациенттер үшін қауіпті емес, алайда бүйрек жеткіліксіздігі бар пациенттерде оның айқындылығы күшеюі мүмкін.

Спортшылар:

Индапамид допинг-бақылау жүргізгенде оң реакция беруі мүмкін.

Жедел миопия және салдарлық жабықбұрышты глаукома:

Сульфаниламидтер немесе сульфонамид туындылары идиосинкразияны туындатуы мүмкін, бұл транзиторлық миопияға және жедел жабық бұрышты глаукомаға әкеледі. Емделмеген жедел жабықбұрышты глаукома көрудің перманентті жоғалуына әкеп соғуы мүмкін. Алғашқы емделу препаратты мүмкін болғанынша препаратты қолдануды тезірек тоқтатудан тұрады. Егер көзішілік қысым бақыланбайтын болса, шұғыл түрде дәрі-дәрмектік немесе хирургиялық ем жүргізуді қарастыру қажет етілуі мүмкін. Жедел жабықбұрышты глаукоманың даму қаупінің факторларына сульфонамидтерге немесе пенициллинге аллергия тарихы қамтылуы мүмкін.

Жүктілікке және лактацияға осы біріктірілген препараттың жекелеген компоненттерінің ықпалын ескере отырып, жүктіліктің алғашқы триместрінде Нолипрел Аргининді қабылдау ұсынылмайды. Емшек емізу кезеңінде Нолипрел Аргининді қабылдауға болмайды. Сондықтан ана үшін осы емді қолданудың маңыздылығына байланысты не емшек емізуді тоқтату, не Нолипрел Аргининді қабылдауды тоқтату жөнінде шешім қабылдаған жөн.

Жүктілік:

Периндоприлмен байланысты:

Жүктіліктің алғашқы триместрінде АӨФ тежегіштерін қабылдамау ұсынылады. Жүктіліктің екінші және үшінші триместрінде АӨФ тежегіштерін қабылдауға болмайды. Жүктіліктің алғашқы триместрінде АӨФ тежегіштерін қабылдағаннан кейін тератогендік кемістіктердің даму қаупіне қатысты эпидемиологиялық деректер дәлелсіз; ал сол кездегі қауіп дәрежесінің біршама ұлғаюын жоққа шығару мүмкін емес. Егер АӨФ тежегіштерімен үздіксіз емдеу қажет деп саналса, жүктілікті жоспарлап жүрген пациенттер жүктілік кезінде қолдану қауіпсіздігі дәлелденген антигипертензиялық басқа препараттарға ауыстырылуы тиіс. Жүктілік анықталған кезде АӨФ тежегіштерімен емдеуді дереу тоқтату және, қажет болса, баламалы ем жүргізу керек.

Адамда екінші және үшінші триместрлерде АӨФ тежегіштерімен емдеудің фетоуытты (бүйрек функциясының нашарлауы, олигогидрамнион, бассүйек оссификациясының кідіруі) болып табылатыны және жаңа туған нәрестеге уытты әсерін тигізуі мүмкін (бүйрек жеткіліксіздігі, гипотензия, гиперкалиемия) екені айғақталды.

Жүктіліктің екінші триместрінен бастап АӨФ тежегіштерін қабылдаған жағдайда бүйрек функциясына және бассүйектің қалыптасуына ультрадыбыстық бақылауды жүзеге асыру ұсынылады. Аналары АӨФ тежегіштерін қабылдаған балалар гипотензияға қатысты мұқият бақылануы тиіс.

Индапамидпен байланысты:

Жүкті әйелдерде индапамидті қолдану жөнінде деректер жоқ немесе шектеулі (жүктілік нәтижелері 300-ден аз). Жүктіліктің үшінші триместрінде тиазидтерді ұзақ қабылдау анада плазма көлемінің азаюына, сондай-ақ жатырлық-плаценталық қан ағынының төмендеуіне әкелуі мүмкін, бұл өз кезегінде фето-плацентарлық ишемияны және өсудің кідіруін ушықтыруы мүмкін.

Сақтық шарасы ретінде жүктілік кезеңінде индапамидті пайдалануға жол бермеген жөн.

Лактация кезеңі

Емшек емізу кезеңінде Нолипрел Аргининді қолдануға болмайды.

Периндоприлмен байланысты:

Емшек емізу кезеңінде периндоприлді қолдану жөнінде деректер жоқ болғандықтан, осы кезеңде периндоприлді қолдану ұсынылмайды және емшек емізу кезінде, әсіресе жаңа туған нәрестелерді немесе шала туған нәрестелерді қоректендірген кезде қолдану қауіпсіздігі дәлелденген басқа препараттарды қолданған дұрыс.

Индапамидпен байланысты:

Ана сүтіне индапамидтің және оның метаболиттерінің енуі жөнінде ақпарат жеткіліксіз. Сульфонамид туындыларына жоғары сезімталдық және гипокалиемия туындауы мүмкін. Жаңа туған нәрестерлер/сәбилер үшін қауіпті жоққа шығару мүмкін емес. Индапамид тиазидтік диуретиктермен тығыз өзара байланысты, ол емшек емізу кезінде лактацияның төмендеуіне немесе басылуына әкеледі.

Емшек емізген кезде индапамидті қолдануға болмайды.

Фертильділік

Периндоприл және индапамид үшін ортақ

Адамда фертильділікке ешқандай да ықпалы күтілмейді.

Дәрілік заттың автокөлікті және қауіптілігі зор механизмдерді басқару қабілетіне ықпал ету ерекшеліктері

Нолипрел® Аргинин препаратының құрамына кіретін заттардың әсері психомоторлы реакциялардың бұзылуына әкелмейді. Алайда, әсіресе емнің бас кезінде немесе жүргізіліп жатқан емге басқа гипотензиялық препараттарды қосқан кезде кейбір адамдарда АҚ төмендеуіне жауап ретінде алуан түрлі жекелеген реакциялар дамуы мүмкін. Мұндай жағдайда автомобильді немесе басқа да механизмдерді басқару қабілеті төмендеуі мүмкін.

Симптомдары: жүректің айнуымен, құсумен, құрысулармен, бас айналумен, ұйқышылдықпен, сананың шатасуымен, олигуриямен, ануриямен және су-электролиттік теңгерімнің бұзылуымен қатар жүретін айқын гипотензия.

Емі: симптоматикалық, науқасты жатқызу, асқазанды адсорбенттермен және натрий сульфатымен шаю, сұйықтық тапшылығының орнын толтыру үшін вена ішіне ерітінділер құю, электролиттік теңгерімді түзету. Қажет болған жағдайда пациентті қарқынды емдеу палатасына жатқызады. Гемодиализ (полиакрилонитрилді өткізгіштігі жоғары жарғақшаларды пайдалануға жол бермеген жөн).

Полипропиленді контейнерге 30 таблеткадан салынған. 1 контейнер қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынған.

Тығыздап жабылған контейнерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

3 жыл

Жарамдылық мерзімі өткеннен кейін қолдануға болмайды.

Рецепт арқылы

Өндіруші

«СЕРВЬЕ РУС» ЖШҚ, Ресей Федерациясы

Тіркеу куәлігінің ұстаушысы

Лаборатории Сервье, Франция

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«Сервье Қазақстан» ЖШС

050020, Алматы қ., Достық д-лы 310 г, Бизнес орталық, 3-қабат

Тел.: (727) 386 76 62/63/64/70/71 , Факс: (727) 386 76 67

Электронная почта: kazadinfo@servier.com