Новокаин (0,5%, 5 мл, НИКО ООО)

• русский
• қазақша

• Скачать инструкцию медикамента

Саудалық атауы

Новокаин

Халықаралық патенттелмеген атауы

Прокаин

Дәрілік түрі

Инъекцияға арналған ерітінді

Құрамы

1 мл ерітіндінің құрамында

белсенді зат – 5,0 мг новокаин (прокаин гидрохлориді)

қосымша заттар: сұйылтылған хлорсутек қышқылы, инъекцияға арналған су.

Сипаттамасы

Мөлдір түссіз сұйықтық.

Фармакотерапиялық тобы

Анестетиктер. Жергілікті анестетиктер. Аминбензой қышқылының эфирлері. Прокаин.

АТХ коды N01BA02

Фармакологиялық қасиеттері

Фармакокинетикасы

Парентеральді енгізгенде жақсы сіңеді. Абсорбция деңгейі енгізу орнына және жолына (әсіресе васкуляризацияға және енгізу орнындағы қан ағысының жылдамдығына) және соңғы дозаға (мөлшеріне және концентрациясына) байланысты. Екі негізгі фармакологиялық тұрғыдан белсенді метаболиттер түзе отырып қан плазмасы мен тіндердің эстеразаларымен және холинэстеразаларымен жылдам гидролизделеді: диэтиламиноэтанол (орташа тамыр кеңейткіш әсер) және пара-аминобензой қышқылы (сульфаниламидті химиотерапиялық дәрілік заттардың бәсекелес антагонисі болып табылады және олардың микробқа қарсы әсерін әлсірете алады). Жартылай шығарылу кезеңі 30-50 секунд, неонатальді кезеңде – 54-114 секундты құрайды. Көбінесе метаболиттер түрінде (80 %) бүйрек арқылы шығарылады; өзгермеген күйде 2 %-дан аспай шығарылады.

Шырышты қабықтармен жаман сіңіріледі.

Фармакодинамикасы

Белсенділігі орташа және үлкен кең әсерлі жергілікті жансыздандырғыш зат. Жансыздандыру әсерінің механизмі натрий каналдарының блокадасымен, калий ағымының тежелуімен, кальциймен бәсекелесумен, жарғақшалардың фосфолипидті қабатының беткейлік тартылуының төмендеуімен, тотығу-тотықсыздану үдерісінің бәсеңдеуімен және импульстердің генерациясымен байланысты. Қанға түскен кезде ацетилхолин түзілуін төмендетеді, шеткергі холинореактивті жүйелердің қозғыштығын төмендетеді, вегетативті ганглияға бөгегіш әсер көрсетеді, тегіс бұлшықеттердің түйілуін төмендетеді, жүрек бұлшықетінің және ми қабығының моторлық аймақтарының қозғыштығын төмендетеді.

Қолданылуы

• жергілікті және инфильтрациялық анестезия

• емдік блокада

Қолдану тәсілі мен дозалары

Жергілікті анестезия кезінде препарат дозасы концентрацияға, операциялқ араласу сипатына, енгізу тәсіліне, науқастың ахуалына және жасына байланысты. Паранефральді блокада кезінде ересектердің иық маңы шеліне 50-70 мл 0,5% (5 мг/мл) новокаин ерітіндісін енгізеді. Инфильтрациялық анестезия үшін келесі жоғарғы дозалар белгіленген (ересектер үшін): операцияның басындағы алғашқы бір реттік доза – 0,75 г (150 мл 0,5 % новокаин ерітіндісі). Әрі қарай операцияның әрбір сағатында –2 г-ден артық емес (400 мл 0,5 % новокаин ерітіндісі).

Ампуламен жұмыс істеу тәртібі:

1. Бір ампуланы блоктан бөліп алып, мойнынан ұстап тұрып оны шайқаңыз (1-сурет).

2. Ампуланы қолмен қысыңыз, бұл жерде препарат бөлініп шықпауы тиіс, және айналмалы қимылдармен бастиегін бұраңыз және бөліңіз (2-сурет).

3. Пайда болған саңылау арқылы еккішті ампулаға дереу жалғаңыз (3-сурет).

4. Ампуланы төңкеріп, оның ішіндегісін еккішке баяу тартыңыз (4-сурет).

5. Инені еккішке кигізіңіз.

1-сурет 2-сурет 3-сурет 4-сурет

Жағымсыз әсерлері

Новокаин әдетте жақсы көтерімді, алайда кейде мынадай жағымсыз реакциялар болуы ықтимал:

• бас ауыруы, бас айналуы, ұйқышылдық, әлсіздік, қозғалыс мазасыздығы, естен тану, құрысулар, тризм, тремор, көру және есту бұзылыстары, нистагм, ат құйрығы синдромы (аяқ салдануы, парестезия), тыныс алу бұлшықеттерінің салдануы, моторлық және сезімтал бөгеліс, ауырудың қайтуы, тұрақты анестезия

• артериялық қысымның жоғарылауы немесе төмендеуі, шеткергі вазодилатация, коллапс, брадикардия, аритмия, кеуде қуысының ауыруы

• еріктен тыс несеп жіберу

• жүрек айнуы, құсу, еріктен тыс дефекация

• метгемоглобинемия

• аллергиялық реакциялар, оның ішінде тері тарапынан – қышыну, бөртпе, дерматит, терінің қабыршықтануы, гиперемия, басқа да анафилактикалық реакциялар (оның ішінде ангионевроздық ісіну, анафилактикалық шок), есекжем (теріде және шырышты қабықтарда)

• гипотермия

Қолдануға болмайтын жағдайлар

• препаратқа жоғары жекелей сезімталдық

• миастения

• артериялық гипотензия

• енгізу орнындағы іріңді үдеріс

• жедел қан жоғалтумен қатар жүретін шұғыл хирургиялық араласымдар

• тіндердегі айқын фиброздық өзгерістер (жылжымалы инфильтрат тәсілімен анестезиялау үшін)

• балалар мен 18 жасқа дейінгі жасөспірімдер

Дәрілермен өзара әрекеттесуі

Сульфаниламидтермен емдегенде қолдануға болмайды.

Препарат антихолинэстеразалық дәрілердің жүйке-бұлшықеттік беріліске ықпалын төмендетеді.

Новокаинды көктамыр ішіне енгізу наркоз үшін қолданылатын дәрілердің әсерін көтермелейді. Жергілікті жансыздандыру кезінде новокаин әсерінің сіңірілуін және ұзартылуын төмендету үшін новокаин енгізуді 2-5-10 мл новокаинге 1 тамшы есебінен 0,1 % адреналин гидрохлориді ерітіндісімен біріктіреді. Новокаин сульфаниламидтік препараттардың әсерін төмендетеді. МАО тежегіштерімен бір уақытта қолдану артериялық гипотензияның даму қаупін арттырады. Прокаинның уыттылығын антихолинэстеразалық препараттар жоғарылатады (оның гидролизін бәсеңдетеді). Айқаспалы сенсибилизация болуы мүмкін. Новокаинмен инъекциялау орнын құрамында ауыр металдар бар дезинфекциялайтын ерітінділермен өңдегенде ауыру және ісіну түріндегі жергілікті реакцияның даму қаупі артады. Тікелей антикоагулянттардың әсерін көтермелейді.

Айрықша нұсқаулар

Жүрек блокадалары, жүрек ырғағының бұзылыстары (әсіресе брадикардиясы) бар науқастарға, аллергологиялық сыртартқысы ауыр науқастарға, сонымен қатар бала емізу кезеңінде сақтықпен енгізу керек. Жағымсыз реакцияларды анықтау үшін алғашқыда новокаинды аз дозаларда тағайындау немесе сезімталдыққа тест жүргізу керек. Жағымсыз реакцияларды төмендету және жою үшін антигистаминдік дәрілерді және кортикостероидтарды қолданыңыз. Беткейлік анестезия үшін зақымданбаған шырышты қабықтар арқылы өту қабілетінің әлсіздігіне байланысты жарамдылығы төмен. Жергілікті анестезияда жүйелі әсерді, уыттылықты төмендету және әсерді азайту үшін прокаинды вазоконстрикторлармен (2-5 мл ерітіндіге 1 тамшы есебінен 0,1 % эпинефрин гидрохлориді ерітіндісімен) біріктірілімде қолданыңыз.

Аймақтық және жергілікті анестезияны тиісінше жабдықталған, жүрек қызметіне мониторинг және реанимациялық шаралар жүргізу үшін қажетті шұғыл пайдалануға дайын жабдықтар мен препараттар қолжетімді бөлмеде тәжірибелі мамандар жүргізуі тиіс. Анестезия жасайтын қызметкер білікті және анестезияны орындау техникасын оқып-үйренген болуы тиіс, жүйелі уытты реакциялардың, жағымсыз құбылыстар мен реакциялар және басқа да асқынулардың диагностикасымен және емдеумен таныс болуы тиіс.

Жағымсыз реакциялардың алдын алу үшін алғашында көтерімділікке сынақ жүргізеді. Жақпаушылығы туралы ісіну және инъекция орнының қызаруы куәландырады. Оң реакция жағдайында прокаин қолданбаңыз. Препаратты қолдану кезінде жүрек-қантамыр, тыныс алу және орталық жүйке жүйелерінің функциясына бақылау талап етіледі. Күрделі жүрек, бауыр және бүйрек ауруларында сақтықпен тағайындайды. Бір ғана жалпы дозаны қолдану арқылы жергілікті анестезия жүргізгенде прокаинның уыттылығы қолданып отырған ерітінді қаншалықты концентрацияланған болып табылатын болса соғұрлым жоғары. Осыған байланысты ерітінді концентрациясының ұлғаюымен жалпы дозаны төмендету немесе препарат ерітіндісін (натрий хлоридінің стерильді изотониялық ерітіндісі) кіші концентрацияға дейін сұйылту ұсынылады. Препаратты бауырлық қан ағысының төмендеуімен, жүрек-қантамыр жеткіліксіздігінің (әдетте жүрек блокадасының және шоктың даму салдарынан) өршуімен қатар жүретін жағдайларда, қабыну ауруларында, жалған холинестераза тапшылығында, бүйрек жеткіліксіздігінде, еге жастағы пациенттерде (65 жастан асқан), ауыр науқастарда, әлсіреген науқастарда, жүктілік және бала емізу, босану кезеңінде сақтықпен қолданылады.

Жүктілік және лактация кезеңінде қолдану

Жүктілік кезеңінде қолдану жақсы көтерімділік жағдайында болады.

Бала емізу кезеңінде препаратты емнің ана үшін күтілетін пайдасы мен нәресте үшін потенциалды қаупін алдын ала мұқият бағалаудан кейін қолдануға болады.

Босану уақытында қолданғанда брадикардия, апноэ, нәрестеде құрысулар дамуы мүмкін.

Дәрілік заттың көлік құралын немесе қауіптілігі зор механизмдерді басқару қабілетіне ықпал ету ерекшеліктері.

Емдеу кезінде көлік құралдарын басқару және жоғары зейін шоғырлануын және психомоторлық реакциялардың жылдамдығын талап ететін қызметтің басқа да потенциалды қауіпті түрлерімен айналысу кезінде сақ болу қажет.

Артық дозалануы

Артық дозалану жағдайында препарат енгізуді дереу тоқтату керек. Жергілікті анестезия жүргізгенде енгізу орнын адреналинмен егуге болады. Көктамыр ішіне енгізгенде қарқынды диурез жүргізілуін жолға қою шараларын жасау керек. Симптоматикалық ем.

Симптомдары: тері жабындары мен шырышты қабықтардың бозаруы, бас айналуы, жүрек айнуы, құсу, жоғары жүйке қозғыштығы, «суық» тер, тахикардия, артериялық қысымның коллапсқа дейін төмендеуі, тремор, құрысулар, апноэ, метгемоглобинемия, тыныс алудың бәсеңдеуі, кенеттен жүрек-қантамыр коллапсы. Орталық жүйке жүйесіне әсері қорқыныштан, елестеулерден, құрысулардан, қимыл қозғыштығынан байқалады.

Емі: оттегі ингаляциясын қоса жалпы реанимациялық шаралар, қажет болса – өкпеге жасанды желдету жүргізу. Егер құрысу 15-20 секундтан астам жалғасса оларды тиопенталды (100-150 мг) немесе диазепамды (5-20 мг) көктамыр ішіне енгізу арқылы басу керек. Артериялық гипотензия және/немесе миокард депрессиясы кезінде көктамыр ішіне эфедрин (15-30 мг) енгізу, ауыр жағдайларда – дезинтоксикациялық және симптоматикалық ем жүргізу керек.

Новокаинды аяқ немесе қол бұлшықеттеріне инъекциялаудан кейінгі уыттану дамыған жағдайда препараттың жалпы қан айналымына әрі қарай түсуін төмендету үшін шұғыл бұрау салу ұсынылады.

Шығарылу түрі және қаптамасы

5 мл препараттан полиэтилен ампулаларда.

10 ампуладан медициналық қолдану жөніндегі мемлекеттік және орыс тілдерінде бекітілген нұсқаулықпен бірге тұтынушы ыдысына арналған картон қорапшаға салады.

Сақтау шарттары

Түпнұсқалық қаптамасында 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«НИКО» ЖШҚ, Украина, 86123, Донецк обл., Макеевка қ-сы, Таёжная к-сі, 1-1.

Тіркеу куәлігінің иесі

«НИКО» ЖШҚ, Украина

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

ЖК «Утегенова Б.А.», 010000, Астана қ-сы, Рамазан к-сі, 33/9,

тел: + 7 701 707 61 81; электронды поштасы: b.utegenova_ip@mail.ru