Но-шпа® форте

• русский
• қазақша

• Скачать инструкцию медикамента

Саудалық атауы

Но-шпа форте

Халықаралық патенттелмеген атауы

Дротаверин

Дәрілік түрі

80 мг таблеткалар

Құрамы

Бір таблетканың құрамында

белсенді зат - 80,0 мг дротаверин гидрохлориді

қосымша заттар: лактоза моногидраты, жүгері крахмалы, повидон, магний стеараты, тальк.

Сипаттамасы

Жасылдау немесе қызыл-сары реңді сары түсті, ұзынша пішінді, екі беті дөңес, бір бетінде «NOSPA» өрнегі, екінші жағында – сындыру сызығы бар, диаметрі 13 мм, ені 6 мм, биіктігі 3,8 мм жуық таблеткалар.

Фармакотерапиялық тобы

АІЖ қызметінің бұзылыстарын емдеуге арналған препараттар.

Ішек қызметінің бұзылыстарын емдеуге арналған препараттар.

Папаверин және оның туындылары. Дротаверин.

АТХ коды A03AD02

Фармакологиялық қасиеттері

Фармакокинетикасы

Дротаверин ішу арқылы қабылдаудан кейін де, парентеральді енгізуден кейін де тез және толық сіңеді. Ол қан плазмасының ақуыздарымен (95-98), әсіресе альбуминмен, гамма- және бета-глобулиндермен жоғары дәрежеде байланысады. Қан плазмасында ең жоғары концентрациясына ішке қабылдағаннан кейін 45 және 60 минуттан соң жетеді. Препарат бауырда алғаш метаболизмге ұшырағаннан кейін дозаның 65-ы өзгермеген түрде қан айналымында болады. Дротаверин бауырда метаболизмге ұшырайды, оның биологиялық жартылай шығарылу кезеңі 8 – 10 сағатты құрайды. 72 сағат ішінде дротаверин іс жүзінде организмнен толық шығарылады, оның 50-дан көбі несеппен және 30-ға жуығы нәжіспен шығады. Дротаверин негізінен метаболиттер түрінде шығарылады, бастапқы бірігуі несепте анықталмайды.

Фармакодинамикасы

Но-шпа® форте фосфодиэстераза ІV (ФДЭ ІV) ферментін басу арқылы тегіс бұлшықеттің түйілуіне қарсы әсер ететін изохинолин туындысы болып табылады. Фосфодиэстераза ІV ферментін тежеу өз кезегінде тегіс бұлшықет босаңсуын туғызатын миозин киназасының (MLCK) жеңіл тізбегі белсенділігін жоятын цАМФ-ның (циклді аденозинмонофосфат) жоғары концентрациясына әкеп соғады.

Но-шпа® форте ФДЭ ІІІ және ФДЭ V изоферменттерін тежеусіз фосфодиэстераза (ФДЭ) IV ферменттерін тежейді. Шамасы, ФДЭ IV функционалды тұрғыдан тегіс бұлшықеттердің жиырылғыш қабілетін төмендету үшін маңызды болар, бұл ФДЭ IV селективті тежегіштері гиперкинетикалық аурулар мен асқазан-ішек жолдарының түйілуімен байланысты түрлі ауруларды емдеу кезінде пайдалы болуы мүмкін деген ойға жетелейді.

Миокард және тамырлардың тегіс бұлшықеттері жасушаларында цАМФ-ны гидролиздейтін фермент, негізінен ФДЭ ІІІ изоферменті болып табылады, бұл дротавериннің жүрек-қантамырларына қатысты жағымсыз әсерлері мен жүрек-қантамырларына қатысты күшті емдік белсенділігі жоқ тиімді спазмолитикалық агент болып табылатындығын көрсетеді.

Препарат тегіс бұлшықеттерінің жүйке және бұлшықеттен болған түйілулерінде тиімді. Вегетативтік иннервациялану түріне қарамастан, дротаверин асқазан-ішек жолдары, өт шығару, урогенитальді және қантамыр жүйелері бұлшықеттеріне әсер етеді.

Қантамырларын кеңейтетін әсерінің арқасында Но-шпа® форте тіндердегі қан айналымын күшейтеді.

Но-шпа® фортенің әсері папаверинге қарағанда күштілеу, ал сіңуі анағұрлым жылдам және толық, Но-шпа® форте қан плазмасының ақуыздарымен аз дәрежеде байланысады. Но-шпа® фортенің артықшылығы, оның папаверинді парентеральді енгізгеннен кейін байқалатын тыныс алу жүйесін стимуляциялайтын әсерінің жоқтығында.

Қолданылуы

• билиарлы жолдың ауруларымен байланысты тегіс бұлшықеттердің түйілулерінде: холецистолитиаз, холангиолитиаз, холецистит, перихолецистит, холангит, папиллит

• несеп шығару жолдарының тегіс бұлшықеттерінің түйілулерінде: нефролитиаз, уретролитиаз, пиелит, цистит, қуық тенезмдері

Қосымша ем ретінде:

• асқазан-ішек жолдары тегіс бұлшықеттерінің түйілуінде: асқазан және он екі елі ішектің ойық жаралы ауруы, гастрит, кардия мен асқазан қақпасының түйілуі, энтерит, колит, спастикалық іш қатулар немесе метеоризммен жүретін тітіркенген ішек синдромы

• ширығудан болған бас ауыруында

• гинекологиялық ауруларда: дисменорея.

Қолдану тәсілі мен дозалары

Ересектер: әдеттегі орташа доза күн сайын 120-240 мг (2-3 қабылдауға) құрайды. Ең жоғары бір реттік доза 80 мг, ең жоғары тәуліктік доза 240 мг құрайды.

Но-шпа® фортені балаларда қолдану клиникалық зерттеулерде бағаланбаған, қажет болғанда 12 жастан асқан балаларда ең жоғары тәуліктік доза: 160 мг (2-4 қабылдау) құрайды.

Ересектер мен 12 жастан асқан балаларды емдеудің ұзақтығы қолданылатын көрсетілімдерге байланысты. Түйілетін сипаттағы ауыруларда жоғарыда көрсетілген көрсетілімдерге сәйкес препаратты 1-2 күн қолданған жөн, қалған жағдайларда емдеудің ұзақтығын дәрігер анықтайды.

Жағымсыз әсерлері

Сирек

• жүрек айнуы, іш қатуы

• бас ауыруы, бас айналуы, ұйқысыздық

• жүректің жиі соғуы, гипотензия

- аллергиялық реакциялар (ангионевротикалық ісіну, есекжем, бөртпе, қышыну)

Қолдануға болмайтын жағдайлар

• препараттың әсер етуші затына немесе қосымша заттарының кез-келгеніне жоғары сезімталдық

• бауырдың немесе бүйректің ауыр жеткіліксіздігі

• жүректің ауыр жеткіліксіздігі (жүректің төмен лықсыту синдромында)

• 12 жасқа дейінгі балаларға

Дәрілермен өзара әрекеттесуі

Фосфодиэстераза тежегіштері папаверин сияқты леводопаның паркинсонизмге қарсы әсерін азайтады.

Но-шпа® фортені леводопамен біріктіре жергілікті қолданғанда сақ болған жөн, өйткені cоңғысының паркинсонизмге қарсы әсері төмендейді де, тремор және сіреспеліктің күшеюі байқалады.

Айрықша нұсқаулар

Препаратты гипотензия кезінде қолдану аса сақтықты талап етеді. Но-шпа форте таблеткасының құрамында 104 мг лактоза бар, сондықтан препаратты сирек тұқым қуалайтын лактозаны көтере алмаушылық ауруларына, Лапп лактаза тапшылығы немесе глюкоза\галактоза сіңуінің бұзылуы синдромына шалдыққан науқастарға қолданбаған жөн.

Жүктілік және лактация кезеңіЖүргізілген клиникаға дейінгі зерттеулерде препараттың жүктілікке, ұрық дамуына, босануға немесе постнатальді дамуына тікелей немесе жанама зиянды әсер етуі анықталмаған.

Препаратты жүкті әйелдерге ықтимал қаупі мен пайдасы таразылап алған соң ғана тағайындауға болады.

Лактация

Қажетті клиникалық деректер жоқ болғандықтан, оны тағайындау ұсынылмайды.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Науқастарға бас айналуы туындаған жағдайда автокөлік және механизмдерді басқару сияқты қауіптілігі зор қызметтерден бас тарту керектігі жөнінде нұсқау беру керек.

Артық дозалануы

Симптомдары: жағымсыз әсерлері күшеюі мүмкін

Емі: науқас бақылауда болып, симптоматикалық және демеуші ем қабылдау қажет, оның ішінде құсуды индукциялау және/немесе асқазанды шаю керек.

Шығарылу түрі және қаптамасы

Алюминий фольгадан немесе ПВХ және алюминий фольгадан жасалған пішінді ұяшықты қаптамада 10 немесе 24 таблеткадан.

1 немесе 2 пішінді ұяшықты қаптама медицинада қолданылуы жөніндегі мемлекеттік және орыс тілдеріндегі нұсқаулықпен бірге картоннан жасалған пәшкеге салынады.

Сақтау шарттары

25С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші/ Қаптаушы

ХИНОИН Фармацевтикалық және Химиялық өнімдер зауыты ЖАҚ,

Венгрия

Орналасқан мекенжайы: Levai u. 5, 2112 Veresegyhaz, Hungary

Тіркеу куәлігінің иесі

санофи-авентис ЖАҚ, Венгрия

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

«Санофи-авентис Қазақстан» ЖШС

050016 Алматы қ., Қонаев к-сі 21Б

телефон: 8-727-244-50-96

факс: 8-727-258-25-96

e-mail: quality.info@sanofi.com