Но-Х-ша®

• русский
• қазақша

• Скачать инструкцию медикамента

Саудалық атауы

Но-Х-ша®

Халықаралық патенттелмеген атауы

Дротаверин

Дәрілік түрі

Таблеткалар 0,04 г

Құрамы

Бір таблетканың құрамында

белсенді зат - дротаверин гидрохлориді 40 мг,

қосымша заттар: магний стеараты, тальк, жүгері крахмалы, лактоза моногидраты.

Сипаттамасы

Ашық сарыдан сарғыш-жасыл түске дейінгі дөңгелек, жалпақ цилиндр тәрізді, ойығы бар таблеткалар.

Фармакотерапиялық тобы

АІЖ функционалдық бұзылыстарын емдеуге арналған препараттар.

Папаверин және оның туындылары. Дротаверин.

АТХ коды А03АD02

Фармакологиялық қасиеттері

Фармакокинетикасы

Пероральді қабылдаған кезде препарат жылдам сіңеді, жартылай сіңу кезеңі – 12 минут. Биожетімділігі - 100-ға жуық.

Пероральді қабылдағаннан кейінгі қан сарысуындағы ең жоғары концентрациясына 45 пен 60 минут арасында жетеді. Бауырда метаболизденеді. Организмнен 72 сағаттың ішінде, шамамен 50-ы несеппен бірге және 30-ы нәжіспен бірге шығарылады. Плацентарлы бөгет арқылы өтеді.

Қан плазмасы ақуыздарымен байланысуы – 95-98.

Фармакодинамикасы

Миотропты әсер ететін спазмолитик. Ішкі ағзалардың тегіс бұлшықеттерінің тонусын төмендетеді, олардың қимылдау белсенділігін кемітеді, қан тамырларын орташа кеңейтеді. Тегіс бұлшықеттеріне тікелей әсерінің болуы м-холиноблокаторлар тобының препараттарын қолдануға болмайтын (жабық бұрышты глаукома, қуық асты безі гиперплазиясы) жағдайларда спазмолитик ретінде пайдалануға мүмкіндік береді. Вегетативті жүйке жүйесіне ықпалын тигізбейді, орталық жүйке жүйесіне өтпейді.

Қолданылуы

Мыналарда емдеу мақсатында:

- биллиарлық жолдың ауруларына байланысты тегіс бұлшықеттерінің түйілулерінде: холецистолитиазда, холангиолитиазда, холециститте, перихолециститте, холангитте, папиллитте

- несеп жолы ауруларында тегіс бұлшықет түйілулерінде : нефролитиазда, уретролитиазда, пиелитте, циститте, қуық тенезмінде.

Мыналарды қосымша емдеу ретінде:

- асқазан-ішек жолдарының тегіс бұлшық еттерінің түйілулерінде: асқазанның және он екі елі ішектің ойық жара ауруында, гастритте, кардио- және/немесе пилороспазмда, энтеритте, колитте, іш қатуы бар түйілетін колитте және метеоризммен қатар жүретін ішек тітіркенуі синдромында

- бастың ширығып ауыруында

- гинекологиялық ауруларда (дисменорея).

Қолдану тәсілі және дозалары

Ересектер: әдеттегі орташа доза тәулігіне 2-3 қабылдауға 120-240 мг құрайды.

6 жастан 12 жасқа дейінгі балаларға: ең жоғары тәуліктік доза 80 мг құрайды (2 қабылдауға бөлінген, 1 таблеткадан (40 мг) тәулігіне 2 рет).

12 жастан үлкен балаларға: ең жоғары тәуліктік доза 160 мг құрайды (2-4 қабылдауға бөлінген, 1 таблеткадан (40 мг) тәулігіне 2-4 рет).

Емдеу ұзақтығын ауру сипаты және барысына қарай дәрігер анықтайды.

Жағымсыз әсерлері

• бас айналуы, бас ауыруы, ұйқысыздық

• жүрек қағу, тахикардия, артериялық қысымның төмендеуі

• ысыну сезімі, қатты терлеу

• жүрек айнуы, іш қатуы

• аллергиялық реакциялар (ангионевротикалық ісіну, есекжем, бөртпе, қышыну)

Қолдануға болмайтын жағдайлар

- дротаверинге немесе препараттың басқа компоненттеріне жоғары сезімталдық

- бауыр, бүйрек қызметтерінің ауыр бұзылулары

- жүрек қызметінің айқын жеткіліксіздігі

- тұқым қуалайтын фруктоза көтере алмаушылық, Lapp-лактаза ферментінің тапшылығы, глюкоза-галактоза мальабсорбциясы

- 12 жасқа дейінгі балаларға

- лактация кезеңі

Дәрілермен өзара әрекеттесуі

Холинолитиктермен үйлестіріп, сондай-ақ гипертониялық кризді басу үшін біріктірілген ем құрамында қолдануға болады. Леводопа препараттарымен бір мезгілде қолданған кезде соңғысының паркинсонға қарсы әсері төмендеуі мүмкін. Антиаритмиялық дәрілер, антидепрессанттар аясында гипотензивті әсер күшейеді. Барбитураттармен қолдануда (фенобарбитал) спазмолитикалық әсері күшейеді.

Айрықша нұсқаулар

Коронарлы артериялардың айқын атеросклерозы, қуық асты безінің аденомасы, глаукомасы бар емделушілерге сақтықпен тағайындаған жөн. Препарат лактоза жақпайтын науқастарда, таблетка құрамында лактозаның болуына байланысты, диспепсиялық құбылыстарды тудыруы мүмкін.

Педиатрияда қолданылуы

Препараттың берілген дәрілік түрін 12 жасқа дейінгі балаларға тағайындамайды.

Жүктілік және лактация кезеңі

Жүктілік кезеңінде препаратты қолданудың қауіпсіздігі жеткіліксіз, осыған байланысты жүкті әйелдерге шұғыл жағдайларда және ықтимал қаупі мен пайдасын салыстырғаннан кейін ғана қолдану керек.

Препаратты лактация кезеңінде тағайындау ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне ықпал ету ерекшеліктері

Препараттың жағымсыз әсерлерін ескере отырып, автокөлік басқарған кезде және жоғары зейін шоғырландыруды талап ететін жұмыстарды орындағанда сақ болған жөн.

Артық дозалануы

Симптомдары: препараттың жағымсыз әсерлерінің күшеюі, атрио-вентрикулярлы блокада (АV- блокада), жүректің тоқтап қалуы, тыныс алу орталығының салдануы дамуы мүмкін.

Емі: АV- блокаданы жеңілдету мақсатында атропинді немесе изопреналинді көктамыр ішіне, жүректің соғу ырғағын қалпына келтіру үшін атропинді немесе адреналинді көктамыр ішіне қолданады, тыныс алу орталығы салданғанда өкпелерді жасанды жолмен желдету жүргізіледі.

Сақтау шарттары

Жарықтан қорғалған жерде, 250С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Шығарылу түрі және қаптамасы

Поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада 10 таблеткадан.

3 пішінді ұяшықты қаптамадан қолданылуы жөнінде мемлекеттік және орыс тілдеріндегі нұсқаулықпен бірге тұтыну ыдысына арналған қораптық картоннан жасалған пәшкеге салынған.

Дәріханалардан босатылу шарттары

Рецептісіз

Өндіруші

«Лекхим - Харьков» АҚ. Украина, 61115. Харьков, 17-ші Партсъезд к., 36.

Тіркеу куәлігінің иесі

«Лекхим-Харьков» АҚ, Украина

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

«Medicus Centre» ЖШС

050000, Алматы қ-сы, Мусоргск к-сі, 2А

тел: +007 (7272) 71-48-12, 71 48 13

e-mail: postavki@medicus.kz