Нифуроксазид (суспензия оральная, 200 мг/5 мл)

• русский
• қазақша

• Скачать инструкцию медикамента

Саудалық атауы

Нифуроксазид

Халықаралық патенттелмеген атауы

Нифуроксазид

Дәрілік түрі

Ішуге арналған суспензия 200 мг/5 мл

Құрамы

5 мл суспензия құрамында

белсенді зат – 0,2 г нифуроксазид (100 % затқа шаққанда),

қосымша заттар: сахароза, карбомер, лимон қышқылы моногидраты, натрий гидроксиді, метилпарагидроксибензоат, «Банан» хош иістендіргіші, этанол 96%, тазартылған су.

этанол 1 мл суспензия құрамында 2 % құрайды.

Сипаттамасы

Банан иісі бар сары түсті сұйықтық.

Фармакотерапиялық тобы

Микробқа қарсы және қабынуға қарсы ішек препараттары. Микробқа қарсы басқа да ішек препараттары. Нифуроксазид.

АТХ коды А07А Х03

Фармакологиялық қасиеттері

Фармакокинетикасы

Ішу арқылы қабылдағаннан кейін іс жүзінде ішекте әсер етуші заттардың жоғары концентрациясын туындата отырып, АІЖ арқылы сіңбейді. Осындай фармакокинетикалық ерекшеліктеріне байланысты препарат тек қана энтеральді антисептикалық әсер етеді, жүйелі антибактериялық белсенділігі жоқ, жалпы уытты әсер туындатпайды; организмнен нәжіс арқылы шығарылады. Препарат қан талдауының клиникалық және биохимиялық көрсеткіштеріне әсер етпейді.

Фармакодинамикасы

Нифуроксазид — ішек антисептигі, 5-нитрофуран туындысы; ішек жұқпасы қоздырғыштарының көпшілігіне (оның ішінде басқа микробқа қарсы дәрілерге тұрақты штамм-мутанттарға): грамоң (Staphylococcus тұқымдас) және грамтеріс (Enterobacterіаceae: Escherichia, Citrobacter, Enterobacter, Klebsiella, Salmonella, Shigella, Proteus, Yersinia тұқымдас), сондай-ақ Vibrio cholerae қатысты белсенді. Бактериялардың Pseudomonas түрі және Proteus түріне (Proteus inconstans түрі), сондай-ақ Providentia alcalifaciens түрінің А қосалқы тобы штаммдарына қатысты белсенді емес.

Препараттың дегидрогеназалар белсенділігін бәсеңдетуіне жол беріледі және патогенді бактерияларда ақуыз синтезін бұзады. Орташа емдік дозаларында бактериостатикалық белсенділікке ие, жоғарырақ дозаларында —бактерицидті әсер етеді. Әсері қабылдаудың бірінші сағаттарынан бастап білінеді. Емдік дозаларында іс жүзінде ішек микрофлорасының тепе теңдігін бұзбайды; патогенді микроорганизмдердің резистентті штаммдары және бактериялардың микробқа қарсы басқа дәрілерге айқаспалы төзімділігі дамуын туындатпайды, бұл жайылған жұқпада, қажет болған жағдайда, оны жүйелік препараттармен кешенді емде тағайындауға мүмкіндік береді. Генезі вирусты ішек жұқпаларында бактериялық асқын жұқпа дамуын болдырмайды.

Қолданылуы

- балалар және ересектердегі генезі жұқпалы жедел диарея

- тегі жұқпалы созылмалы колит, энтероколит

Қолдану тәсілі және дозалары

Нифуроксазидті тамақ ішуге байланыссыз, уақыттың тең аралығын сақтай отырып, ішке қолданады. Суспензияны қолданар алдында шайқау керек. Дозалау үшін картон пәшкеге салынған 2,5 мл-ден градуирленген өлшегіш қасық (сыйымдылығы 5 мл ыдыс) немесе өлшегіш стақан пайдаланылады.

2 айлықтан 6 айлыққа дейінгі жас шамасындағы балалар: 2,5 мл суспензиядан тәулігіне 2 рет.

7 айлықтан 2 жасқа дейінгі балалар: 2,5 мл суспензиядан тәулігіне 3 рет.

3 жастан 14 жасқа дейінгі балалар: 5 мл суспензиядан тәулігіне 3 рет.

14 жастан үлкен балалар және ересектер: 5 мл суспензиядан тәулігіне 4 рет.

Емдеу курсы - 5–7 күн. Емдеу ұзақтығы 7 күннен аспауы тиіс. 2 күн емдеу бойына препарат әсері болмаған жағдайда, емдеуге түзету енгізу үшін дәрігер кеңесі керек.

Жағымсыз әсерлері

Жиі

- іш ауыруы, жүрек айнуы, диарея

Сирек

- гранулоцитопения

- тері бөртпесі, аллергиялық реакциялар, есекжем, Квинке ісінуі

Нифуроксазидке өте жоғары сезімталдықтың жеке жағдайларында іш ауыруы, жүрек айнуы және диарея өршуі пайда болады. Қарқындылығы төмен мұндай симптомдар пайда болған жағдайда арнайы ем қолдану қажеттігі немесе нифуроксазид қолдануды тоқтату қажеттігі жоқ. Егер симптомдары айқын болса, дәрі қабылдауды тоқтату керек. Бұндай жағдайда емделушіге нитрофуран туындыларын тағайындаудан аулақ болу керек.

Қолдануға болмайтын жағдайлар

• препараттың кез келген компонентіне, оның ішінде 5-нитрофуранның басқа туындыларына жоғары сезімталдық

- қант диабеті

− 2 айлыққа дейінгі балалар, шала туған балалар

−тұқым қуалайтын фруктоза жақпаушылығы, глюкоза-галактоза мальабсорбциясы, сукраза-изомальтоза ферменті тапшылығы

Дәрілермен өзара әрекеттесуі

Нифуроксазидті сорбенттермен, сондай-ақ құрамында этанол бар препараттармен бір мезгілде қолдану ұсынылмайды.

Айрықша нұсқаулар

Жедел диареяны емдегенде регидратациялық терапия жүргізу керек (науқастың жай-күйіне қарай пероральді немесе парентеральді). Ауыр инвазиялық диарея жағдайында, Нифуроксазид препараты асқазан-ішек жолдарынан сіңбейтіндіктен, антибиотик енгізу керек.

Нифуроксазидпен ем уақытында алкоголь пайдалануға болмайды (дисульфирам тәрізді реакциялар (тері гиперемиясы, ысынуды сезіну, құлақтағы шуыл, тыныс алу қиналысы, тахикардия, қорқу сезімі) дамуы мүмкін). Емшек еметін балаларға сахароза ыдырататын ферменттер тапшылығының бар-жоғын суспензия тағайындағанға дейін анықтау керек. Препарат тағайындар алдында фруктоза жақпаушылығын анықтау керек.

5 мл препарат құрамында 1,250 г сахароза бар, қант диабеті бар науқастарға сақтықпен тағайындайды.

Жүктілік және лактация кезеңі

Нифуроксазидті жүктілік уақытында қабылдағандағы ұрыққа жағымсыз әсеріне қатысты деректер жоқ, бірақ мүмкіндігінше оны қолданудан аулақ болу керек. Препаратты қажет болғанда бала емізетін әйелдерге дәрігер бақылауымен тағайындауға болады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Артық дозалану жағдайлары сипатталмаған. Артық дозалану жағдайында асқазанды шаю және симптоматикалық ем ұсынылады.

Шығарылу түрі және қаптамасы

Бірінші ашылуына бақылауы бар қақпақпен тығындалған полимер құтыларға 90 мл препараттан құйылады.

Әрбір құты медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған. Пәшкеге қосымша өлшегіш қасық немесе өлшегіш стақан салынады.

Сақтау шарттары

Жарықтан қорғалған жерде, 250С-ден аспайтын температурада сақтау керек.

Мұздатып қатыруға болмайды.

Балалардың қолы жетпейтін жерде сақтау керек!

Сақтау мерзімі

2 жыл

Құтыны ашқаннан кейінгі қолдану кезеңі - 80С-ден 150С-ге дейінгі температурада 28 күннен аспайды.

Қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Тернофарм» ЖШҚ

Украина, 46010, Тернополь қ., Фабричная к-сі, 4;

тел./факс (0352) 521-444, http://www.ternopharm.com.ua

Тіркеу куәлігінің иесі

«Тернофарм» ЖШҚ

Украина, 46010, Тернополь қ., Фабричная к-сі, 4;

тел./факс (0352) 521-444, http://www.ternopharm.com.ua

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

Мекенжайы: «Тернофарм» ЖШҚ.

46010, Украина, Тернополь қ., Фабричная к-сі, 4

Телефон: +38 (0352) 52 14 44

Факс: +38 (0352) 52 14 44

Электронды поштасы: ternopharm@ternopharm.com.ua