Нистатин (500000 ЕД) (Nystatin)
Инструкция
-
русский
-
қазақша
Саудалық атауы
Нистатин
Халықаралық патенттелмеген атауы
Нистатин
Дәрілік түрі
Қабықпен қапталған таблеткалар 500 000 ӘБ
Құрамы
Бір таблетканың құрамында
белсенді зат– нистатин – 111.10 мг (500 000 ӘБ)
қосымша заттар: картоп крахмалы, лактоза моногидраты, стеарин қышқылы, тальк, желатин, опадрай II (құрамында: ішінара гидролизденген поливинил спирті, тальк, макрогол 3350, лецитин (соялық), бояғыш пигмент (құрамында титанның қостотығы Е 171, индигокармин негізінде алюминий лагы Е 132, хинолинді сары Е 104 негізінде алюминий лагы, күнбатар түстес сары Е 110 негізінде алюминий лагы).
Сипаттамасы
Ванилин иісімен, екі беті дөңес, жасылдау реңді ақшыл-сары түсті қабықпен қапталған таблеткалар.
Фармакотерапиялық тобы
Микробқа қарсы және қабынуға қарсы ішек препараттары. Бактерияға қарсы препараттар. Нистатин.
АТХ коды А07АА02.
Фармакологиялық қасиеттері
Фармакокинетикасы
Әлсіз резорбтивті әсер иеленген (іс жүзінде АІЖ сіңбейді). Ішек арқылы шығарылады. Жинақталмайды.
Фармакодинамикасы
Candida тектес ашытқы тәріздес саңырауқұлақтарға қатысты жоғары белсенділікпен, полиенді зеңге қарсы антибиотик.
Антибиотик құрылымында, саңырауқұлақтардың цитоплазмалық жарғақшасының стеролды құрылымына жоғары троптолыққа ие қосарлы байланыстар бар, ол жасуша жарғақшасына препарат молекулаларының түзілуіне және олар арқылы электролиттердің бақыланбайтын тасымалдануы жүретін өзекшелердің көптеген мөлшерінің пайда болуына ықпал етеді, жасуша ішінде осмолярлықтың жоғарылауы оның қырылуына әкеледі. Төзімділік өте баяу дамиды.
Қолданылуы
- асқазан-ішек жолдары кандидозын емдеу және алдын алуда (пенициллинді және тетрациклинді қатардағы дәрілік заттармен, хлорамфеникол және басқаларымен ұзақ уақыт емдеуде);
- асқазан-ішек жолдарына хирургиялық араласымдарда операцияға дейінгі және кейінгі кезеңде зеңдік зақымданулардың алдын алуда
Қолданылу тәсілі және дозалары
Ішке, ас қабылдауға байланыссыз. Таблеткаларды шайнамай жұтады.
Ересектерге 500 000 ӘБ тәулігіне 3 - 4 рет тағайындайды. Тәуліктік доза – 1500000 - 3000000 ӘБ, ауыр жағдайларда - 4000000 - 6000000 ӘБ дейін.
Емдеу ұзақтығы – 10 - 14 күн.
Созылмалы қайталанатын және жайылған кандидоздарда 2 - 3 апталық үзілістермен қайталау курсын жүргізеді.
Жағымсыз әсерлері
- жүрек айнуы, құсу, диарея, іштің ауыруы
- гипертермия
- қалтырау
- аллергиялық реакциялар
Қолдануға болмайтын жағдайлар
- жоғары сезімталдық
- 18 жасқа дейінгі балалар мен жасөспірімдер
- бауыр қызметінің бұзылуы
- панкреатит
- асқазан мен 12-екі елі ішектің ойық жаралары аурулары
- жүктілік
Дәрілермен өзара әрекеттесуі
Нистатинді клотримазолмен бір мезгілде қабылдағанда соңғысының белсенділігі төмендейді.
Айрықша нұсқаулар
Лактация кезеңі
Нистатин аздаған мөлшерде сіңгенімен, оның емшек сүтімен бөлінуі белгісіз, сондықтан лактация кезінде қолдану қажеттігінде емшекпен қоректендіруді тоқтату туралы мәселені шешіп алу керек.
Көлік құралын немесе әлеуетті қауіпті механизмдерді басқару қабілетіне әсер етуі
Нистатин емдік дозаларда қолданғанда көлік құралын немесе әлеуетті қауіпті механизмдерді басқару қабілетіне әсер етпейді.
Артық дозалануы
Дәрілік затты қолдануда артық дозалану құбылыстары осы уақытқа дейін сипатталмаған.
Шығарылу түрі және қаптамасы
10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада.
Пішінді ұяшықты қаптамалар (пәшкеге салынбай) медицинада қолданылуы жөніндегі мемлекеттік және орыс тіліндегі нұсқаулықтармен бірге картоннан жасалған қораптарға салынған.
2 пішінді ұяшықты қаптамадан қолданылуы жөніндегі мемлекеттік және орыс тіліндегі нұсқаулықтармен бірге картоннан жасалған пәшкеге салынған.
Сақтау шарттары
Құрғақ, жарықтан қорғалған жерде, 25 ºС-ден аспайтын температурада.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецепт арқылы
Өндіруші
«Борисов медициналық препараттар зауыты» ашық акционерлік қоғамы, Беларусь Республикасы, Минск обл., Борисов қаласы, Чапаев көшесі, 64/27
тел/факс 8-(10375177)744280.
Тіркеу куәлігінің иесі
«Борисов медициналық препараттар зауыты» ашық акционерлік қоғамы, Беларусь Республикасы.
Қазақстан Республикасының аумағында тұтынушылардан өнімнің (тауардың) сапасы жөнінде шағымдарды қабылдайтын ұйымның мекенжайы
«Борисов медициналық препараттар зауыты» ашық акционерлік
қоғамы, Беларусь Республикасы, Минск обл., Борисов қаласы, Чапаев көшесі, 64/27,
тел/факс 8-(10375177) 744280, электрондық поштасы market@borimed.com