Нистатин (500000 ЕД, ФАРМАПРИМ)
Инструкция
-
русский
-
қазақша
Саудалық атауы
Нистатин
Халықаралық патенттелмеген атауы
Нистатин
Дәрілік түрі
Қынаптық суппозиторийлер 250.000 ӘБ және 500.000 ӘБ
Құрамы
Бір суппозиторийдің құрамында
белсенді зат –нистатин 250 000 ӘБ немесе 500 000 ӘБ,
қосымша заттар - бутилоксианизол, бутилокситолуол, лимон қышқылы, вазелин майы, суппозиторийлерге арналған негіз: жартылай синтетикалық глицеридтер - 2 г-ге дейін
Сипаттамасы
Цилиндр пішінді, сары түсті суппозиторийлер. Қимасында ауалы және кеуекті өзегі, шұңғыма тәрізді ойығы болуы мүмкін.
Фармакотерапиялық тобы
Гинекологиялық ауруларды емдеуге арналған антисептиктер мен микробқа қарсы препараттар.
АТЖ коды G01AA01
Фармакологиялық қасиеттері
Фармакокинетикасы
Жергілікті қолданылғанда шырышты қабықтар арқылы сіңбейді
Фармакодинамикасы
Полиенді құрылымды антибиотик. Зеңге қарсы белсенділігі бар. Candida тектес ашытқы тәрізді зеңдерге және аспергиллдерге қатысты белсенді. Фунгистатикалық, ал жоғары дозаларында – фунгицидтік әсер береді. Сезімтал саңырауқұлақтардың нистатинге төзімділігі өте баяу дамиды. Бактерияларға қатысты тиімсіз.
Нистатиннің құрылымында заттардың цитоплазматикалық саңырауқұлақ жарғақшаларының стеролды түзілімдеріне жоғары троптылығына негіз болатын қосарлы байланыстар саны көп. Соның салдарынан молекула электролиттердің бақыланбайтын тасымалына ықпал ететін бірнеше өзек түзе отырып, жасуша жарғақшасына түзіледі. Жасуша сыртқы осмотикалық күштерге төзімділігін жоғалтады және ериді.
Қолданылуы
- Candida тектес ашытқы тәрізді зеңдер туғызатын аурулардың, вульво-вагинальді аймақтың шырышты қабықтарының кандидозының алдын алу және емдеуде
- пенициллин препараттарымен және басқа топтың антибиотиктерімен ұзақ емдегенде, әсіресе, тетрациклиндер қатарының антибиотиктерін, левомицетинді, неомицинді және т.б. пероральді қолданғанда, сондай-ақ әлсіреген және қажыған науқастарға кандидомикоз дамуының алдын алу үшін профилактикалық мақсатта қолданады
Қолдану тәсілі мен дозалары
Қынап ішіне, қынапқа гигиеналық емшаралардан кейін, мүмкіндігінше терең енгізеді. Дозалау режимі жекелей. 1-2 суппозиторийден (250000 ӘБ - 500000 ӘБ) күніне 2 рет (таңертең және кешке). Емдеу курсының орташа ұзақтығы 10-14 күн
Жағымсыз әсерлері
- жергілікті аллергиялық реакциялар болуы мүмкін
- күйдіру мен шырышты қабықтардың қышу сезімі
Қолдануға болмайтын жағдайлар
- препарат пен оның құрамдас бөліктеріне асқын сезімталдықта
- 18 жасқа дейінгі балалар мен жасөспірімдерге
- жүктілікте
Дәрілермен өзара әрекеттесуі
Химиялық үйлесімсіздік: калий перманганатымен, сутегінің асқын тотығымен, натрий гидрокарбонатымен, салицил қышқылымен, сүт қышқылымен. Гидрокортизон мен бүйрекүсті безі қыртыстарының басқа гормондары нистатиннің зеңге қарсы әсерін төмендетеді. Нистатинді клотримазолмен бір мезгілде қолданғанда соңғысының белсенділігі төмендейді.
Айрықша нұсқаулар
Етеккір кезінде емдеуді үзбеу керек. Жыныстық жұбын бір мезгілде емдеу ұсынылады. Емдеу кезеңінде жыныстық қатынаста болмаған жөн
Лактация кезеңі
Емдеу кезінде бала емізуді тоқтату керек
Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері
Препарат автокөлік басқару немесе техникамен жұмыс жасау қабілетіне әсер етпейді
Артық дозаланғанда
Интравагинальді қолданғанда препараттың артық дозаланған жағдайлары байқалмаған
Шығарылу түрі мен қаптамасы
Полиэтиленмен ламинацияланған поливинилхлоридті үлбірден жасалған пішінді ұяшықты қаптамада5 суппозиторийден.
2 пішінді ұяшықты қаптамадан мемлекеттік және орыс тілдеріндегі қолдану жөніндегі нұсқаулықпен бірге картон пәшкеге салады
Сақтау шарттары
Құрғақ, жарықтан қорғалған жерде 15 0С-ден 25 0С-ге дейінгі температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін пайдалануға болмайды!
Дәріханалардан босатылу шарттары
Рецептісіз
Өндіруші
ФАРМАПРИМ ЖШҚ
MD-2028, Молдова Республикасы,
Кишинэу қ-сы, Г. Тудор к-сі, 3
Тіркеу куәлігінің иесі
ФАРМАПРИМ ЖШҚ, Молдова Республикасы
Тұтынушылардан өнім сапасына қатысты шағымдарды қабылдайтын ұйымның мекенжайы
Қазақстан Республикасындағы «Фармаприм» ЖШҚ фирмасының өкілдігі, Алматы қ-сы, Гоголь к-сі, 86. 528 кеңсе, тел 8-727-2796518, farmaprim.kz@farmaprim.md