Нивалин® (10 мг/мл)

• русский
• қазақша

• Скачать инструкцию медикамента

Саудалық атауы

Нивалин

Халықаралық патенттелмеген атауы

Галантамин

Дәрілік түрі

Инъекцияға арналған ерітінді 2,5 мг/мл; 5 мг/мл; 10 мг/мл

Құрамы

1 мл ерітінді құрамында

белсенді зат: 2,5 мг, 5 мг немесе 10 мг галантамин гидробромиді,

қосымша заттар: натрий хлориді, инъекцияға арналған су.

Сипаттамасы

Түссізден бозғыл сары түске дейінгі, іс жүзінде бөлшектерден бос, мөлдір сұйықтық.

Фармакотерапиялық тобы

Психоаналептиктер. Деменцияны емдеуге арналған препараттар. Холинэстераза тежегіштері. Галантамин

ATХ коды N06DА04

Фармакологиялық қасиеттері

Фармакокинетикасы

Галантамин ионизацияланған константалы (pKa 8,2) сілтілік қоспа болып табылады. Октанол мен буферлік ерітінді арасындағы таралу коэфициенті 1,09 тең болатын әлсіз липофильділігі бар. Суда ерігіштігі 31 мг/мл құрайды.

Парентеральді енгізуде галантаминнің биожетімділігі 80-100% құрайды. Ең жоғары плазмалық концентрациялар оны енгізгеннен кейін 1 және 2 сағат аралығында анықталады.

Таралуы

Қан ақуыздарымен 18% дейінгі төменгі дәрежеде байланысады. Гемато-эцнефалды бөгет арқылы жеңіл өтеді және ми тіндерінде плазмадағыдан 2-3 есе жоғары концентрацияда анықталады. Таралу көлемі шамамен 175 л құрайды.

Метаболизмі

Галантаминнің қабылданған дозасының 75% дейіні негізінен цитохром P450 (CYP3A4 және CYP2D6) жүйесімен бауырда метаболизденеді. in vitro зерттеулерде CYP2D6 изоферментінің О-дезметилгалантамин түзуге, ал CYP3A4 N- оксид-галантамин түзуге қатысатыны анықталған. Фермент белсенділігі төмен (“нашар метаболизаторлар”) адамдарда фермент белсенділігі қалыпты (“жақсы метаболизаторлар”) емделушілермен салыстырғанда өзгермеген галантаминнің (50% дейін) жоғарырақ деңгейі анықталады. Негізгі метаболиттері - епигалантамин, галантаминон және норгалантамин плазмада және несепте анықталады, бірақ олардың фармакологиялық белсенділігі туралы деректер жоқ.

Шығарылуы

Галантаминнің жартылай шығарылу уақыты шамамен 5 сағатты құрайды. Орталық компартименттің элиминациялануы шеткергімен салыстырғанда жылдамырақ жүреді. Галантамин негізінен өзгермеген түрде және метаболиттер түрінде (галантаминон, епигалантамин) гломерулярлық сүзілу (72 сағатта 74 ± 23% дейін) көмегімен шығарылады. Галантаминнің бүйректік клиренсі минутына 100 мл-ге жуықты құрайтыны, бұл инулиннің клиренсіне тиісінше креатинин жақын болып табылатыны анықталған.

Бауырда конъюгацияға ұшырамайды және оның 24 сағат бойына өтпен шығарылуы - 0,2 ± 0,1% елеусіз болып табылады.

Галантаминнің фармакокинетикасы емдік дозалау диапазонында дозаға байланысты сипатта болады. Оны көп рет қолданғанда галантаминнің жинақталуы бақыланбайды.

Галантаминнің плазмалық концентрациясы және терапевтік концентрациясы немесе жағымсыз әсерлері арасында кореляция анықталмаған.

Бауыр қызметі бұзылуы бар емделушілер

Бауыр бұзылуының ауырлығы орташа емделушілерде (Child-Pugh бойынша ауырлығы 7-9 дәрежелі) галантамин клиренсі шамамен 25% азаяды. Галантаминнің плазмалық концентрациясы жоғарылауы мүмкін, осыған байланысты бұндай емделушілерде галантаминнің тәуліктік дозасын 15 мг дейін төмендету қажет.

Орташадан ауырға дейінгі бауыр бұзылуы бар емделушілерде AUC бағамы 37-67% жоғарылайды. Бауыр қызметінің ауыр бұзылуы (Child-Plough бойынша дәрежесі >9) бар емделушілерде галантамин қолдануға болмайды.

Бүйрек қызметі бұзылуы бар емделушілер

Галантамин және оның метаболиттері негізінен бүйрекпен шығарылады. Зерттеу деректері креатинин клиренсі төмен емделушілерде галантамин шығарылуының баяулауы мүмкіндігін көрсетеді.

Бүйрек жеткіліксіздігі орташа дәрежедегі емделушілерде галантаминнің тәуліктік дозасы 15 мг жоғары болмауы тиіс.

Бүйрек жеткіліксіздігі ауыр дәрежедегі емделушілерде (креатинин клиренсі 10 мл/мин төмен) галантамин қолдануға болмайды.

Егде жастағы емделушілерде (65 жастан үлкендерде) галантаминнің плазмалық концентрациясы 30-40% жоғары болуы мүмкін.

Ерлер мен әйелдер арасында, сондай-ақ әртүрлі нәсілдер арасында галантаминнің фармакокинетикалық параметрлерінің айырмашылығы бақыланбаған.

Фармакодинамикасы

Галанатамин әсері тікелей емес, парасимпатомиметиктер тобының үшіншілік алкалоидтарына жатады. Ацетилхолинестераза ферментінің іріктелген бәсекелес және қайтымды тежегіші болып табылады. Орталық жүйке жүйесінде ацетилхолин деңгейінің жоғарылауын туындатады. Оның ацетилхолинестераза тежегіштері ретіндегі әсерінен басқа ол орталық жүйке жүйесінде ең кеңінен таралған alpha4/beta2 субтипінің никотинді ацетилхолиндік рецепторларының аллостериялық лиганды болып табылады.

Сондай-ақ ацетилхолинге постсинапстық рецепторлардың сезімталдығын жоғарылатады.

Галантамин гемато-энцефалдық бөгет арқылы жеңіл өтеді, ОЖЖ-не импульстардың өтуін жақсартады және қозу үдерісін жеделдетеді. Холинергиялық жүйе белсенділігін жоғарылатады, соның нәтижесінде когнитивті қызмет жақсарады.

Неостигминмен салыстырғанда, галантамин мускаринді рецепторларға әлсіздеу әсер етеді.

Жүйке-бұлшықет синапстарында қоздыратын өткізгіштікті жақсартады және деполяризацияламайтын нейро-бұлшықеттік бөгегіштермен бөгелген жағдайында нейро-бұлшықеттік өткізгіштікті қалпына келтіреді.

Тегіс бұлшықет тонусын, ас қорыту және тер бездері сөлінісін жоғарылатады, миоз туындатады.

Парасимпатомиметиктерді қолдану (бұл құбылыс галантаминде байқалмаса да) құрысу даму қаупімен байланысты деп саналады. Бұл факті құрысу пайда болу қаупі жоғары болып табылатын Альцгеймер ауруы бар емделушілерде мұқият бақылауды талап етеді.

Қолданылуы

Неврология

• шеткергі жүйке жүйесі ауруларында (полирадикулоневрит, радикулоневрит, неврит, полиневрит, полиневропатия)

• жұлынның алдыңғы мүйізі зақымдануына байланысты жай-күйлерде (полиомиелиттен, миелиттен, жұлын бұлшықет атрофиясынан кейін)

• церебральді салдықта (ми инсультінен, балалық церебральдік салдықтан кейінгі жай-күйлерде)

• жүйке-бұлшықет синапс бұзылуында (гравис миастениясы, бұлшықет дистрофиясы).

Анестезиология және хирургия

- деполяризацияламайтын жүйке-бұлшықет бөгегіштерінің әсерін жою

- аш ішектің және қуықтың операциядан кейінгі парездерін емдеу

Физиотерапия

- шеткергі жүйке жүйесінің және түнгі несеп ұстамаудың неврологиялық бұзылуларында ионофорез көмегімен.

Токсикология

- антихолинергиялық дәрілермен улану.

Қолдану тәсілі және дозалары

Нивалин® инъекцияға арналған ерітінді, тері астына, бұлшықет ішіне және көктамыр ішіне қолданылады.

Неврология

Нивалин® инъекциялық ерітінді түрінде, дәріні ішке қабылдай алмайтын емделушілерді қысқа мерзімді емдеу үшін пайдаланылады. Мүмкіндік туысымен препараттың таблетка түріндегі пероральді еміне көшу керек.

Ересектер:

Әдетте дене салмағының әр кг-на 0,03 – 0,28 мг дозада тағайындалады.

Бастапқы ұсынылатын тәуліктік доза 2,5 мг құрайды.

Тәуліктік доза біртіндеп 2-3 тең қабылдауға бөлінген 3-4 күннен кейін 2,5 мг-ға жоғарылатылады.

Ересектерге арналған бір реттік ең жоғары доза тері астына 10 мг, ал ең жоғары тәуліктік доза – 20 мг құрайды.

Балалар:

Инъекцияға арналған Нивалин® ерітіндісінің балалар үшін дозасын дәрігер дене салмағына, симптомдардың ауырлығына және емді көтере алуына қарай жеке анықтайды.

Тері астына мынадай тәуліктік дозаларда қолданылады:

1 жастан 2 жасқа дейінгі балаларға: 0,25 – 1 мг;

3 жастан үлкен балаларға: Нивалин® инъекцияға арналған ерітінді 0,03 – 0,28 мг/кг дозасында тағайындалады немесе:

3 -тен 5 жасқа дейін: 0,5 – 5 мг;

6 -дан 8 жасқа дейін: 0,75 – 7,5 мг;

9 -дан 11 жасқа дейін: 1 – 10 мг;

12 -ден 15 жасқа дейін: 1,25 – 12,5 мг;

15 жастан үлкен: 1,25 – 15 мг.

Анестезиология, хирургия және токсикология

Шеткергі деполяризацияламайтын нейро-бұлшықет бөгегіштермен артық дозалануында антикурарлық дәрі және у қайтарғы ретінде Нивалин® көтамыр ішіне тәулігіне 10-20 мг дозада енгізіледі.

Асқазан-ішек жолдарының және қуықтың операциядан кейінгі парездерде жасына қарай, тәулігіне 2-3 ретке бөлінген дозада тері астына, бұлшықет ішіне немесе көктамыр ішіне енгізіледі.

Балалар:

Нивалин® инъекцияға арналған ерітіндіні балалар үшін дозалауды дәрігер дене салмағына қарай, аурудың ауырлығына және емді жеке көтере алуына қарай анықтайды. Көктамыр ішіне мынадай дозаларда қолданылады: 1 жастан 2 жасқа дейінгі балаларға: 0,25 – 1 мг;

3 жастан үлкен балаларға: Нивалин® инъекцияға арналған ерітінді 0,03 – 0,28 мг/кг дозада тағайындалады немесе:

3 -тен 5 жасқа дейін: 0,5 – 5 мг;

6 -дан 8 жасқа дейін: 0,75 – 7,5 мг;

9 -дан 11 жасқа дейін: 1 – 10 мг;

12 -ден 15 жасқа дейін: 1,25 – 12,5 мг;

15 жастан үлкен және ересектерге: 1,25 – 15 мг.

Физиотерапия

Ионофорез түрінде – 2,5 -нан 5 мг дейінгі галантаминді (1-ден 2 mA дейінгі электр тогы күшінде) 10 – 15 күн бойына 10 минут ұзақтықта.

Емнің ұзақтығы

Емнің ұзақтығын емдеуші дәрігер анықтайды.

Жағымсыз әсерлері

Галантаминнің жиірек кездесетін жағымсыз әсерлері оның фармакодинамикасына байланысты және негізінен сипаты фармакологиялық класына тән никотинді немесе сиректеу мускаринді әсердегі түрде білінуі мүмкін.

Жиі (>1/100 дейін <1/10)

- бас айналуы, бас ауруы

- тәбет жоғалуы, анорексия

- депрессия, тремор, естен тану, ұйқышылдық, летаргия (мәңгіру),

шаршау, әлсіздік,

- брадикардия, гипертензия

- жүрек айнуы, құсу, гипергидроз (тердің күшті бөлінуі), сілекей ағу

- бұлшықет түйілуі, астения, дене салмағының азаюы, құлау

Жиі емес (>1/1 000 дейін <1/100)

- көру және есту елестері, парестезиялар, гиперсомния,

көрудің бұлыңғырлануы, құлақтағы шуыл

- дегидратация (сусыздану), дисгевзия (дәм сезудің бұрмалануы)

- қарынша үстілік экстрасистолия, атриовентрикулярлық I дәрежелі бөгет ,

синустық брадикардия, жүрек қағуы, гипотензия, құйылулар

- бұлшықет әлсіздігі

- бауыр ферменттері деңгейінің жоғарылауы.

- ішек және бүйрек шаншуы

- аккомодация түйілуі

Сирек (>1/10 000 дейін < 1/1 000)

- гепатиттер

Жиілігі белгісіз

- ішек перистальтикасының күшеюі.

Қолдануға болмайтын жағдайлар

• галантамин гидробромидінің белсенді заттарына немесе препараттың кез келген қосымша заттарына өте жоғары сезімталдық

• ауыр бүйрек жеткіліксіздігі (креатинин клиренсі 10 мл/мин төмен)

• ауыр бауыр жеткіліксіздігі (Child-Plough>9)

• бронх демікпесі

• брадикардия, стенокардия, АҚ жоғарылауы

• АВ-бөгеті

• жүректің ишемиялық ауруы

• ауыр жүрек жеткіліксіздігі (NYHA бойынша ІІІ-ІVтобы)

• ішектің механикалық бітелуі

• несеп жолы өткізгіштігінің бұзылуы

• эпилепсия

• гиперкинезия

• жүктілік және лактация кезеңі

• 1 жасқа дейінгі балалық жас

Дәрілермен өзара әрекеттесуі

Фармакодинамикалық өзара әрекеттесуі

Галанатаминді басқа парасимпатомиметиктермен (амбеноний, донепрезил, неостигмин, пиридостигмин немесе жүйелі қолданылатын пилокарпин сияқтылармен) бір уақытта қолданғанда олардың холиномиметикалық әсерінің күшеюі байқалуы мүмкін, осыған байланысты олар бірге қолданылмауы тиіс.

Галанатамин антихолинергиялық дәрілердің (атропин және осыған ұқсас субстанциялардың), гексаметоний және басқа ганглиобөгегіштердің, деполяризацияламайтын миорелаксанттардың (тубокурарин) әсерін антагониздейді.

Дигоксин, бета-бөгегіштер, кальций өзекшелері бөгегіштері және амиодарон сияқты жүрек ырғағының баяулауын туындататын дәрілермен бір уақытта қолданғанда галантаминмен өзара әрекеттесуі мүмкін.

Емдік әсері ішінара антихолинергиялық белсенділігіне байланысты болып келетін прокаинамидті галантаминмен бір уақытта қолдануға болмайды, өйткені соңғысы оның емдік әсерін антагониздеуі мүмкін.

Аминогликозидтер (гентамицин, амикацин) myasthenia gravis ауруында галантаминнің емдік әсерін азайтуы мүмкін.

Нейро-бұлшықет бөгегіштерінің (суксаметоний) деполяризациялайтын әсері галантаминмен бір уақытта қолдануда күшеюі мүмкін, әсіресе псевдохолинестераза тапшылығы жағдайында.

Фармакокинетикалық өзара әрекеттесуі.

Галанатамин бауырлық CYP3A4 және CYP2D6 изоферменттерімен метаболизденеді.

Осы изоферменттермен метаболизмге ұшырайтын дәрілер галантаминмен фармакокинетикалық деңгейде өзара әрекеттесуі мүмкін.

CYP2D6 (хинидин, пароксетин, флуоксетин) немесе CYP3A4 (кетоконазол, зидовудин, ритонавир, эритромицин) тежегіштері галантамин метаболизміне әсер етуі мүмкін және оның плазмалық концентрациясы жоғарылауын және тиісінше оның биожетімділігін туындатуы мүмкін.

Бұл жағдайларда жағымсыз әсерлер пайда болуының қаупі жоғары, сондықтан галантаминнің демеуші дозасын төмендету ұсынылады.

Циметидин галантаминнің биожетімділігін жоғарылатуы мүмкін.

Галантамин варфариннің фармакокинетикасына әсер етпейді.

Айрықша нұсқаулар

Парасимпатомиметиктер брадикардиямен және АV-бөгетімен айқындалатын жүрек ырғағына ваготониялық әсер етуі мүмкін, бұл олардың спецификалық фармакологиялық әсеріне байланысты. Осы себепті Нивалинді®синустық түйін әлсіздігі синдромы немесе жүрек өткізгіштігінің басқа қарынша астылық бұзылулары бар емделушілерге, сондай-ақ дигоксин немесе бета-бөгегіштері немесе электролиттер теңгерімі түзетілмеген емделушілер (гипер- немесе гипокалиемиялы) сияқты жүрек ырғағын елеулі баяулататын дәрілермен емделетін емделушілерге мұқият тағайындау керек.

Холиномиметикалық әсеріне байланысты Нивалин® асқазан сөлінісін күшейтуі мүмкін және асқазан-ішек жолдары тарапынан жағымсыз әсерлер туындатуы мүмкін. Сыртартқысында ойық жара ауруы бар емделушілерде асқазанға операция жасалғаннан кейінгі қалпына келу кезеңінде және қабынуға қарсы стероидты емес препараттармен бір уақытта емделетін емделушілерде қауіп жоғары. Бұндай емделушілерде Нивалинмен®емдеуде белсенді немесе жедел асқазан-ішек қан кетулерінің симптомдарын қадағалау керек.

Нивалинді® өкпенің созылмалы обструктивті ауруы бар емделушілерге абайлап тағайындау керек.

Нивалинді® жуырдағы қуық асты безі немесе қуық резекциясынан кейінгі несеп шығару қиналысы бар емделушілерге тағайындау ұсынылмайды.

Холиномиметиктер анестезия уақытында сукцинилхолин типті нейро-бұлшықет бөгегіштерінің әсерін күшейтуі мүмкін.

Холинестеразды тежегіштермен, оның ішінде Нивалинмен®емдеуде жекелеген жағдайларда дене салмағының төмендеуі - жүдеу байқалуы мүмкін. Бұл жағдайда емделушінің дене салмағын бақылау керек.

Парасимпотомиметиктерде құрысулар тудырудың белгілі потенциалы бар.

Құрысудың жоғары белсенділігі Альцгеймер ауруы бар емделушілерде бақыланады. Парасимпатомиметиктер сирек жағдайларда холинергиялық тонус көтеруі мүмкін және паркинсонизм симптомдарының төмендеуін туындатуы мүмкін. Нивалинді® креатинин клиренсіне қарай жеңіл дәрежелі бүйрек жеткіліксіздігі бар емделушілерде сақтықпен және төмендеу дозаларда қолдану қажет.

Дәрілік препараттың құрамында бір дозада натрий (23 мг) 1 ммольден аз болады, яғни іс жүзінде „құрамында натрий болмайды“.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Нивалин® көлік құралдарын басқару және машиналармен жұмыс істеу қабілетіне әсер етуі мүмкін көрудің бұзылуларын, бас айналуын және ұйқышылдық туындатуы мүмкін.

Артық дозалануы

Симптомдары: бұлшықет әлсіздігі және фасцикуляция, айқын жүрек айнуы, құсу, іштің спастикалық ауыруы, диарея, сілекей бөлінуі, көздің жасы ағуы, күшті тершеңдік, брадикардия, гипотония, коллапс және құрысулар. Трахея шырышты қабығы гиперсекрециясымен және бронхтүйілуімен үйлесімде айқын бұлшықет әлсіздігі жедел респираторлық дистресс-синдромға алып келуі мүмкін.

Емдеу: Респираторлық және жүрек-қан тамырлық қызметін бақылау керек. Емі симптоматикалық.

Шығарылу түрі және қаптамасы

I Типті, түссіз шыныдан жасалған, ампуланы ашуға арналған түрлі-түсті нүктесі бар ампулаларда 1 мл препараттан. Әрбір ампулаға өздігінен желімденетін заттаңба желімденеді.

ПВХ үлбірден жасалған пішінді ұяшықты қаптамаға 10 ампуладан салынған.

1 пішінді қаптамадан медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Түпнұсқалық қаптамасында, жарықтан қорғалған жерде, 250С-ден аспайтын температурада сақтау керек.

Мұздатып қатыруға болмайды!

Балалардың қолы жетпейтін жерде сақтау керек.

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

СОФАРМА АҚ

Илиенский тас жолы к-сі 16

1220 София, Болгария

Тіркеу куәлігі иесінің атауы мен елі

СОФАРМА АҚ

Илиенский тас жолы к-сі 16

1220 София, Болгария

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

«Софарма» АҚ СӨ

Заңды мекенжайы: ҚР, Алматы қ-сы, «Мамыр 4» ы/а, үй №190

Поштасы: ҚР, Алматы қ-сы, 05 00 36, Әуезов ауданы,

«Мамыр 4» ы/а, үй №190

тел: +7 727 380 01 03

факс: +7 727 381 63 86

e.mail: info@sopharma.kz