Неладекс-НС

Неладекс-НС

Жоқ

Дәрілік түрі, дозалануы

Мұрынға арналған спрей

Респираторлық жүйесі. Мұрынға арналған препараттар. Жергілікті қолдануға арналған деконгестанттар және мұрынға арналған басқа препараттар. Глюкокортикостероидтар. Басқа препараттармен біріктірілген дексаметазон.

АТХ коды R01AD53

- жергілікті қабынуға қарсы және бактерияға қарсы әсері бар қосымша дәрілік зат ретінде ринит пен синусит кезіндегі жедел іркілісті құбылыстар.

Бактерияға қарсы препараттарды дұрыс қолдануға қатысты ресми жүргізілетін нұсқауларды назарға алу керек.

Қолдануды бастағанға дейін қажетті мәліметтер тізбесі

- парабендерге, аминогликозидтерге немесе кез келген қосымша заттарға жоғары сезімталдық

- жабық бұрышты глаукомаға күдік

- несеп шығарудың іркілу қаупі бар уретропростаталық бұзылулар

- мұрын аймағында теміреткі, желшешек, герпес сияқты инфекциялардың орналасуы

- "пируэт" тахикардиясын тудыратын дәрілік препараттармен бір мезгілде қолдану

- моноаминоксидаза (МАО) тежегіштерімен бір мезгілде қолдану

- жүктілік

- лактация кезеңі

- 2,5 жасқа дейінгі балалар.

Қолдану кезіндегі қажетті сақтық шаралары

Ішке қабылдауға болмайды.

Рикошет феномені мен ятрогенді ринит қаупіне байланысты препаратты ұзақ уақыт бойы қолдануға болмайды.

Бірнеше және/немесе ұзақ инстилляциялар әсер етуші заттардың айтарлықтай жиналуына әкелуі мүмкін.

Қолдану көрсеткіштері ұзақ мерзімді емдеуді білдірмейді.

Кортикостероидтардың болуы жергілікті аллергиялық реакциялардың дамуына жол бермейді, бірақ олардың клиникалық көрінісін өзгерте алады.

Егер қатар жүретін жалпы клиникалық белгілер болса, жүйелі емдеуді қарастырған жөн.

Қаптаманы ашқан кезде және мұрынға арналған спрейді алғаш рет қолданғаннан кейін микробты контаминация болуы мүмкін.

Тамыр тарылтатын дәрілердің альфа-симпатомиметикалық белсенділігіне және оның жүйелік әсеріне байланысты жоғары қан қысымы, жүрек ауруы және гипертиреоз кезінде сақ болу керек.

Спортшылардың назарына

Бұл препарат құрамында допинг-бақылау кезінде оң нәтиже бере алатын әсер етуші зат (дексаметазон) бар.

Басқа дәрілік препараттармен өзара әрекеттесуі

Жергілікті қолдануға қарамастан, бұл препарат жүйелік әсерлерді тудыруы мүмкін, оларды ескеру қажет.

Фенилэфриннің өзара әрекеттесуі:

Ұсынылмайтын біріктірілімдер

Бромокриптин

Тамыр тарылтатын және/немесе гипертониялық криз қаупі.

Гуанетидин және онымен тектес заттар

Фенилэфриннің гипертониялық әсерінің жоғарылауы, аса елеулі және ұзаққа созылатын мидриаз (аса жоғары белсенділік симпатикалық тонустың гуанетидинмен тежелуімен байланысты). Егер біріктірілген ем сөзсіз болса, препараттар мұқият бақыланады.

Селективті емес моноаминоксидаза тежегіштері (MAOТ)

Гипертониялық криз (амин метаболизмінің тежелуі). Моноаминоксидаза тежегіштерінің ұзақ әсер етуіне байланысты MAOТ тоқтатылғаннан кейін 15 күннен кейін дәрілік өзара әрекеттесу әлі де мүмкін.

Пайдалану кезінде сақтық шараларын қажет ететін біріктірілімдер

Моноаминоксидазаның селективті тежегіштері (толоксатон және моклобемид)

Деректердің болмауына байланысты альфа-симпатомиметикалық вазоконстрикторлардың селективті моноаминоксидаза тежегіштерімен өзара әрекеттесуін, олардың селективті емес моноаминоксидаза тежегіштерімен өзара әрекеттесуінен айырмашылығын бағалау мүмкін емес. Алайда, селективті емес MAOТ ұқсас, фенилэфринді тек ұсынылған мөлшерлеу режимін қатаң сақтаған жағдайда ғана мұқият болу және тағайындау маңызды.

Дексаметазонның өзара әрекеттесуі:

Ұсынылмайтын біріктірілімдер

"Пируэт" тахикардиясын тудыратын дәрілік заттар (астемизол, бепридил, эритромицин в/і, галофантрин, пентамидин, спарфлоксацин, сульфоприд, терфенадин, винкамин)

"Пируэт" типті тахикардия (гипокалиемия, сондай-ақ анамнезінде брадикардия және QT аралығының ұзару бейімділік факторы болып табылады). Гипокалиемия жағдайында "пируэт" тахикардиясын тудырмайтын фармацевтикалық заттарды қолданыңыз.

Пайдалану кезінде сақтық шараларын қажет ететін біріктірілімдер

Ацетилсалицил қышқылы (жүйелік қолдану және экстраполяция арқылы), басқа салицилаттар

Кортикостероидтармен емдеу кезінде салицилемияның төмендеуі және кортикостероидтармен салицилаттардың шығарылуын арттыру арқылы препаратты тоқтатқаннан кейін салицилаттардың артық дозалану қаупі болады. Бір мезгілде қолданған жағдайда және кортикостероидтармен емдеуді тоқтатқаннан кейін салицилаттардың дозасын түзетеді.

Аминоглутетимид

Бауыр метаболизмін арттыру арқылы дексаметазонның тиімділігін төмендету. Дексаметазон дозасын түзетіңіз.

"Пируэт" тахикардиясын тудыратын аритмияға қарсы дәрілер (амиодарон, бретилий, дизопирамид, хинидин туындылары, соталол)

"Пируэт" типті тахикардия (гипокалиемия, сондай-ақ анамнезінде брадикардия және QT аралығының ұзару бейімділік факторы болып табылады). Гипокалиемияны жояды, қажет болған жағдайда дозаны түзетеді және QT аралығын бақылайды. "Пируэт" типті тахикардия жағдайында аритмияға қарсы препараттар қабылданбайды (имплантацияланатын кардиостимулятор көмегімен жүректі стимуляциялау).

Пероральді антикоагулянт

Кортикостероидтардың пероральді антикоагулянт метаболизміне және қан ұю факторларына ықтимал әсері. Кортикостероидты еммен байланысты қан кету қаупі (асқазан-ішек жолдарының шырышты қабаты, тамырлардың сынғыштығы) жоғары дозада немесе ұзақтығы 10 күннен асады. Бұл біріктірілімді қолдану орынды болған жағдайда бақылауды күшейту керек: 8-ші күні биосынақтар, содан кейін кортикостероидтармен емдеу кезінде және оны тоқтатқаннан кейін әр 15 күн сайын.

Гипокалиемияны тудыратын басқа дәрілер (диуретиктер жеке немесе біріктірілген, стимуляторлы іш жүргізетін дәрілер, амфотерицин В в/і)

Аддитивті әсер арқылы гипокалиемия қаупінің жоғарылауы. Қандағы калийді бақылау қажет; қажет болған жағдайда дозаны түзету керек, әсіресе оймақгүлмен ем жағдайында.

Оймақгүл туындылары

Оймақгүл туындылары уытты әсеріне ықпал ететін гипокалиемия. Қандағы калийді бақылау қажет; қажет болған жағдайда дозаны түзету керек, әсіресе оймақгүлмен ем жағдайында.

Парентеральды енгізуге арналған гепариндер

Кортикостероидты еммен байланысты қан кету қаупі (асқазан-ішек жолдарының шырышты қабаты, тамырлардың сынғыштығы) жоғары дозада немесе ұзақтығы 10 күннен асады. Бұл комбинацияны қолдану орынды болуы керек және күшейтілген бақылаумен жүзеге асырылуы керек.

Фермент индукторлары (карбамазепин, фенобарбитал, фенитоин, примидон, рифабутин, рифампицин)

Бауыр метаболизмінің жоғарылауына байланысты қан плазмасындағы деңгейдің төмендеуі және кортикостероидтардың тиімділігі. Салдары әсіресе аддисонизммен ауыратын науқастарда және трансплантация жағдайында байқалады. Біріктірілген ем кезінде де, фермент индукторларын алып тастағаннан кейін де кортикостероидтардың дозасын клиникалық-биологиялық бақылау және түзету қажет.

Инсулин, метформин, гипогликемиялық сульфамидтер

Қандағы глюкозаның жоғарылауы, кейде кетозбен бірге жүреді (кортикостероидтармен глюкозаға төзімділіктің төмендеуі). Пациентке ескертіп, қан мен несепті өздігінен бақылауды күшейту керек, әсіресе емдеудің басында. Қажет болса, кортикостероидтармен емдеу кезінде де, оны тоқтатқаннан кейін де диабетке қарсы дәрілердің дозасын түзету керек.

Изониазид (преднизолон үшін сипатталған)

Қан плазмасындағы изониазид деңгейінің төмендеуі. Болжамды механизм: изониазидтің бауыр метаболизмінің жоғарылауы және бауырдағы глюкокортикостероидтардың метаболизмінің төмендеуі. Клиникалық-биологиялық мониторинг қажет.

Асқазан-ішек жолдарының функционалдық бұзылыстарын емдеуге арналған препараттар

Магний, алюминий және кальций тұздары, оксидтері және гидроксидтері (преднизолон, дексаметазон үшін сипатталған): глюкокортикостероидтардың асқазан-ішек жолына сіңуінің төмендеуі.

Назарға алу керек біріктірілімдер

Гипертензияға қарсы дәрілер

Гипотензивті әсердің төмендеуі (кортикостероидтармен су мен натрийдің іркілуі).

Тірі аттенуирленген вакциналар

Жүйелік аурудың қаупі өлімге әкелуі мүмкін. Бұл қауіп негізгі ауруға байланысты иммунитеті әлсіреген субъектілерде артады. Егер бар болса, белсенділігі жойылған вакцинаны қолдану керек (мысалы, полиомиелитке қарсы).

Празиквантел

Плазмадағы празиквантел концентрациясының төмендеуі мүмкін.

МНО қалыптан тыс көрсеткішінің ерекше мәселелері

Антибиотик қабылдайтын пациенттерде пероральді коагулянт белсенділігінің жоғарылауының көптеген жағдайлары туралы хабарланды. Қауіп факторлары айқын инфекциялық немесе қабыну процесі, науқастың жасы және жалпы денсаулығы болып табылады. Егер ХҚҚ көрсеткіші қалыптан ауытқып кетсе, мұндай жағдайларда инфекциялық патологияны және оны емдеуді ескеру қиын болып көрінеді. Алайда антибиотиктердің кейбір кластары үлкен әсер етеді: бұл әсіресе фторхинолиндерге, макролидтерге, циклиндерге, котримоксазолға және кейбір цефалоспориндерге қатысты.

Арнайы ескертулер

Жүктілік немесе лактация кезінде

Неладекс-НС жүктілік және лактация кезеңінде қолдануға болмайды. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Деректер жоқ.

Қолдану бойынша ұсынымдар

Дозалау режимі

Ересектерге: әрбір танауға тәулігіне 3-5 рет бір бүрку керек.

2,5 жастан асқан балаларға: әрбір танауға тәулігіне 3 рет бір бүрку керек.

Енгізу әдісі мен жолы

Неладекс-НС спрейі тек мұрын ішіне қолдануға арналған.

Құтыны жоғарыға бүріккіш қондырмамен тік ұстаңыз және бүрку үшін төмен басыңыз.

Емдеу ұзақтығы

Емдеу ұзақтығы 5-10 күн.

Артық дозалану жағдайында қабылдау қажет болатын шаралар

Жүйелік қан ағысына сіңу дәрежесі төмен болғандықтан, артық дозалану мүмкіндігі аз.

Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар

Препаратты дәрігердің бақылауымен қолдану керек.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Сирек (>1/10 000, <1/1000)

Жергілікті: кейбір науқастарда мұрынның құрғауы болуы мүмкін.

Ерекше жағдайларда-жергілікті терінің аллергиялық көріністері.

Аллергиялық реакцияны тудыруы мүмкін (мүмкін, кешіктірілген).

Жүйелік: ұзақ уақыт қолданғанда немесе жоғары дозада қолданғанда бас ауруы, ұйқысыздық, қан қысымының жоғарылауы, жүрек соғу жиілігінің жоғарылауы, қалтырау, бозару пайда болуы мүмкін.

Мүмкін болатын жергілікті немесе жүйелік жоғары сезімталдық пен сенсибилизация, әсіресе антибиотиктерге, осы антибиотиктердің кез келген кейінгі жүйелі қолданылуына қауіп төндіруі мүмкін.

Ерекше реакциялар пайда болған жағдайда, препаратты одан әрі қолданудың орындылығы туралы дәрігермен кеңесу керек.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

1 мл препараттың құрамында

Белсенді заттар: дексаметазон натрий метасульфобензоаты 0.250 мг, фенилэфрин гидрохлориді 2.500 мг, неомицин сульфаты 8.387 мг (6500 ХБ), полимиксин В сульфаты 1.256 мг (10000 ХБ).

Қосымша заттар: метилпарагидроксибензоат (Е218), натрий хлориді, лимон қышқылы моногидраты, макрогол 400, полисорбат 80, натрий гидроксиді, хлорсутек қышқылы, тазартылған су.

Сыртқы түрінің, иісінің, дәмінің сипаттамасы

Мөлдір сарғыш түсті ерітінді.

Шығарылу түрі және қаптамасы

15 мл препараттан кездейсоқ басудан қорғау үшін қорғаныш қалпақшасы бар және қорғаныш жарты сақинасы бар дозаланған құрылғысы бар күңгірт шыны құтыларға құйылады.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды.

25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

«Уорлд Медицин Илач Сан. ве Тидж. А.Ш.», Түркия

15 Теммуз Мах., Джами Йолу Джад. №50, Гюнешли, Багджылар, Стамбул

Тел.: +90 (212) 474 70 50

Факс: +90 (212) 474 09 01

е-mail: info@worldmedicine.com.tr

Тіркеу куәлігінің ұстаушысы

«УОРЛД МЕДИЦИН ЛТД», Грузия

Бербути к-сі, 10 / Алмасиани к-сі, 19-21, 26 кеңсе (корп. II), Тбилиси қ.

Тел.: + 995 32 2 21 28 12, факс + 995 32 2 21 28 13

е-mail: worldmedicine.llc.geo@gmail.com

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның атауы, мекенжайы және байланыс деректері (телефон, факс, электронды поштасы)

«WM Pharma Alliance» ЖШС, ҚР, Алматы, Түрксіб ауданы, Сүйінбай даңғылы, 222 б

Тел/факс: 8 (7272) 529090

е-mail: wm_pharma@mail.ru

Қазақстан Республикасы аумағында дәрілік заттың қауіпсіздігіне тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электронды поштасы)

«РИН Фарм» (RIN Pharm) ЖШС, Алматы, Сүйінбай даңғылы 222 б

Сотовый тел +7 701 786 33 98.

е-mail: pvpharma@worldmedicine.kz