Некстрим® Актив

• русский
• қазақша

• Скачать инструкцию медикамента

Саудалық атауы

Некстрим® Актив

Халықаралық патенттелмеген атауы

Жоқ

Дәрілік түрі

Таблеткалар

Құрамы

белсенді заттар: ацетилсалицил қышқылы – 300 мг

этилсалициламид – 100 мг

кофеин – 50 мг,

қосымша заттар: лактоза моногидраты, картоп крахмалы

Сипаттамасы

Сопақша пішінді екі беті дөңес ақ түсті таблеткалар.

Фармакотерапиялық тобы

Ацетилсалицил қышқылы басқа препараттармен біріктірілген.

Анальгетиктер-антипиретиктер.

АТЖ коды N02BA51

Фармакологиялық қасиеттері

Фармакокинетикасы

Таблетканы судың аздаған мөлшерінде еріткеннен кейін препарат ас қорыту жолдарынан тез сіңеді.

Препарат қабылдағаннан кейін 30 минуттан соң әсер ете бастайды, ал ең жоғары әсері 1 – 3 сағаттан соң байқалады және бір реттік дозаны қолданғаннан кейін 3 – 6 сағат бойы сақталады.

Бүйрек қызметі қалыпты науқастарда бір реттік дозаның 80 – 100%-ы несеппен 24 – 72 сағат бойы шығарылады.

Фармакодинамикасы

Препарат ауыруды басушы, ыстықты түсіруші және психокөтермелегіш әсер етеді.

Ацетилсалицил қышқылының ауыруды басатын, ыстықты түсіретін және қабынуға қарсы әсері бар, тромбоциттердің агрегациясын тежейді.

Кофеин ұйқышылдықты және шаршағандық сезімін азайтады, ақыл-ой және дене жұмысына қабілеттілікті арттырады, жүрек жиырылуының жиілігін арттырады, артериялық гипотонияда артериялық қысымды арттырады.

Ацетилсалицил қышқылының әсер ету механизмі тіндердегі арахидон қышқылынан туындайтын аралық қосылыстардың (эндоперекистер) пайда болуын үдететін циклооксигеназа - энзимінің қайтымсыз ацетилирленуі және белсенділігінің жойылуы нәтижесінде простагландиндер синтезін тежеуге байланысты.

Ацетилсалицил қышқылының ыстықты басатын әсері орталық жүйке жүйесінде простагландиндер синтезінің тежелуіне негізделген. Ацетилсалицил қышқылы тромбоциттер агрегациясын тежейді.

Қолданылуы

- қабыну тегіне тән, орташа қарқынды бас ауыруы және басқа да ауыру синдромдарында

Қолдану тәсілі және дозалары

Ішу арқылы (тамақтанғаннан кейін) 1 таблеткадан күніне 3 рет.

Ең жоғары тәуліктік доза – 6 таблетка.

Қабылдаулардың арасындағы үзіліс 8 сағаттан кем болмауы керек. Препаратты ас ішкеннен кейін сумен, сілтілі минералды сумен немесе сүтпен бірге ішу керек.

Бүйрек немесе бауыр қызметі бұзылғанда қабылдаулардың арасындағы үзіліс 8 сағаттан кем болмауы керек.

Қолдану ұзақтығы 5 күннен артық болмау керек.

Жағымсыз әсерлері

- қозғыштық, үрейлену, діріл, мазасыздық, эпилептикалық ұстамалар

- бастың ауыруы, бас айналуы, құлақтағы шу, ұйқысыздық

- жүрек соғуы, тахикардия, аритмиялар, артериялық қысымның жоғарылауы

- жүрек айнуы, құсу, анорексия, эпигастральді аймақтың ауыруы

- ойық жаралы аурудың өршуі, эрозивті – ойық жаралы зақымданулардың пайда болуы, асқазан-ішек жолдарынан қан кету

- тері бөртпесі, бронх түйілуі, Квинке ісінуі

- мұрынның бітелуі

- тромбоцитопения, анемия

- геморрагиялық синдром, қан кету уақытының ұзаруы

- бүйрек қызметінің бұзылуы

- Рейе синдромы

Қолдануға болмайтын жағдайлар

- ацетилсалицил қышқылына немесе препараттың басқа компоненттеріне жоғары сезімталдықта

- асқазан-ішек жолдарының эрозивті – ойық жаралы зақымдануларында (өршу фазасында), ойық жаралы аурудың созылмалы немесе қайталанатын

ағымында

- гемофилия, гипопротромбинемияда

- артериялық гипертензияда

- геморрагиялық диатездерде

- К авитаминозында

- бауыр және/немесе бүйрек қызметінің ауыр бұзылуларында

- метотрексатты аптасына 15 мг дозада және одан да көп біріктіре қолданғанда

- жүктілік және лактация кезеңінде

- глюкозо-6-фосфатдегидрогеназа тапшылығында

- Рейе синдромы даму қаупіне байланысты 16 жасқа дейінгі балаларға

Сақтықпен – антикоагулянттармен қатарластыра емдегенде, подаграда, бауыр және/немесе бүйрек жеткіліксіздігінде.

Дәрілермен өзара әрекеттесуі

Ацетилсалицил қышқылы метотрексаттың уыттылығын, есірткілік анальгетиктердің, басқадай қабынуға қарсы стероидті емес препараттардың (ҚҚСП), пероральді гипогликемиялық препараттардың, гепариннің, тікелей емес антикоагулянттардың, тромбоциттер агрегациясының тежегіштері және тромболитиктердің, сулфаниламидтердің әсерін күшейтеді; урикозуриялық препараттардың, гипотензивті дәрілердің және диуретиктердің (спиронолактонның, фуросемидтің) әсерін төмендетеді.

Глюкокортикостероидтер, құрамында алкоголь және спирт бар препараттар асқазан-ішек жолдарының шырышты қабығына зақымдаушы әсерді жоғарылатады, асқазан-ішектен қан кетулердің даму қаупін арттырады.

Ацетилсалицил қышқылы дигоксин, барбитураттар және литий препараттарының қан плазмасындағы қанығу деңгейін арттырады.

Құрамында магний және/немесе алюминий гидроксиді бар антацидтер, ацетилсалицил қышқылының сіңуін баяулатады және нашарлатады.

Кофеин эрготаминнің сіңуін жеделдетеді. Кофеинді және барбитураттарды, құрысуға қарсы дәрілік заттарды (гидантоин, әсіресе фенитоин туындылары) бірге қолданғанда метаболизм күшеюі және кофеин клиренсі артуы мүмкін. Циметидинді, пероральді контрацептивті препараттарды, дисульфирамды, ципрофлоксацинді, норфлоксацинді қолданғанда - бауырда кофеин метаболизмі төмендейді (оның шығарылуының баяулауы және қан плазмасындағы қанығу деңгейінің артуы). Некстрим® Активтің құрамында кофеині бар сусындармен немесе орталық жүйке жүйесін ынталандыратын басқа препараттармен бірге қолданғанда орталық жүйке жүйесінің шамадан тыс қозуы мүмкін.

Мексилетин – кофеиннің шығарылуын 50%-ға дейін төмендетеді; никотин – кофеиннің шығарылу жылдамдығын арттырады. Кофеин кальций препараттарының асқазан-ішек жолдарына сіңуін төмендетеді; есірткілік және дәрілік заттардың әсерлерін төмендетеді.

Кофеинді бета-адренбөгегіштермен бірге қолдану емдік әсерлердің өзара бәсеңдеуіне; адренергиялық бронхты кеңейтуші препараттармен бірге – ОЖЖ қосымша ынталандыруға және басқадай аддитивті уытты әсерлерге әкеп соқтыруы мүмкін. Кофеин литий препараттарының несеппен шығарылуын арттырады; сіңуді жылдамдатады және жүрек гликозидтерінің әсерін күшейтеді, олардың уыттылығын арттырады.

Кофеин аддитивті фармакодинамикалық және уытты әсерлердің мүмкіндігін арттыра отырып, теофиллин және басқа ксантиндердің клиренсін төмендете алады.

Айрықша нұсқаулар

Некстрим® Активтің құрамына кіретін ацетилсалицил қышқылы қанағыштыққа бейімділікті арттыруы мүмкін, бұл олардың тромбоциттер агрегациясына тежеуші әсерімен байланысты. Мұны тісті жұлу секілді аздаған араласуларды қоса хирургиялық араласулар қажет болғанда ескеру керек. Хирургиялық араласулар алдында, операция барысында және операциядан кейінгі кезеңде қан ағуды азайту үшін препарат қабылдауды 5-7 күн бұрын тоқтату керек.

Ацетилсалицил қышқылы организмнен несеп қышқылының шығарылуын азайтады, ол подаграға бейім емделушілердің жедел ұстамасының себебіне айналуы мүмкін.

Емдеу кезінде алкогольді қолданудан бас тарту керек (асқазан-ішектен қан кету қаупінің артуы).

Бронх демікпесі, мұрын полиптері, қызба, созылмалы бронх-өкпе ауруларында, сыртартқыда аллергияның болуы қауіп факторлары болып табылады.

Сезімталдығы жоғары немесе салицилаттарға немесе олардың туындылары ацетилсалицил қышқылына астмоидты реакциялары бар емделушілерге арнайы сақтық шараларының қадағалануымен тағайындауға болады (жедел көмек көрсету қызметі жағдайларында).

Препараттың көлік құралдарын басқаруға немесе қауіптілігі зор, механизмдерді басқару қабілетіне әсер ету ерекшеліктері

Дәрілік препараттың жағымсыз әсерлерін ескере отырып, автокөлікті басқарғанда және зейін қоюды талап ететін жылжымалы механизмдерге қызмет көрсеткенде сақ болған жөн.

Артық дозалануы

Белгілері – жүрек айнуы, құсу, гастралгия, бастың айналуы, құлақтағы шуыл. Жоғары уыттануларда – тежелу, ұйқышылдық, комаға дейін болатын сананың бәсеңдеуі, тыныс алудың жеткіліксіздгі, су-электролитті алмасудың бұзылуы, анурия, қан кетулер.

Емдеу - улану белгілерінде құстыру керек немесе асқазанды шаю керек, белсенділендірілген көмір, іш жүргізетін дәрілерді тағайындау. Емдеуді мамандандырылған бөлімшелерде жүргізу керек.

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамаға 6 немесе 10 таблеткадан салынған. 1 пішінді қаптамадан мемлекеттік және орыс тілдеріндегі медицинада қолданылуы жөніндегі нұсқаулықпен бірге картоннан жасалған пәшкеге салынған.

Тығыздығы төмен полиэтиленнен жасалған банкіге 50 таблеткадан салынған.

Бір банкіден мемлекеттік және орыс тілдеріндегі медицинада қолданылуы жөніндегі нұсқаулықпен бірге картоннан жасалған пәшкеге салынған.

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек.

Препаратты балалардың қолы жетпейтін жерде сақтау керек!

Сақтау мерзімі

2 жыл

Препаратты жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«ПОЛЬФАРМА» АҚ фармацевтикалық зауыты

Пельплиньск көшесі, 19, 83-200 Старогард Гданьски, Польша

Тіркеу куәлігінің иесі

«Химфарм» АҚ, Қазақстан

Тұтынушылардан өнім (тауар) сапасы туралы түскен шағымдарды Қазақстан Республикасы аумағында қабылдайтын ұйымның мекенжайы:

«Химфарм» АҚ, Шымкент қаласы, ҚАЗАҚСТАН РЕСПУБЛИКАСЫ,

Рашидов көшесі, н/ж, т/ф: 560882

Телефон: 7252 (561342)

Факс: 7252 (561342)

Электронды поштасы: standart@santo.kz