Нейроцитин

Нейроцитин

Жоқ

Инфузияға арналған ерітінді

1 мл ерітіндінің құрамында

белсенді заттар - натрий цитиколині (цитиколинге шаққанда) 10.00 мг,

натрий хлориді 6.00 мг,

калий хлориді 0.40 мг,

кальций хлорид дигидраты 0.27 мг,

натрий лактаты 3.20 мг,

азот1 жетк. мөлшері;

қосымша зат: инъекцияға арналған су.

1 - Азот препарат өндірісінде қолданылады

Түссіз мөлдір немесе сәл сарғыш сұйықтық.

Психостимуляторлар және басқа ноотроптар.

АТХ коды N06BX

Фармакокинетикасы

Цитиколин пероральді, бұлшықет ішіне және вена ішіне қолданғанда жақсы сіңеді. Препаратты енгізгеннен кейін қан плазмасында холиндер деңгейінің елеулі жоғарылауы байқалады. Зерттеу енгізудің пероральді және парентеральді жолдары биожетімділігінің бірдей болатындығын көрсеткен.

Препарат холин және цитидин түзе отырып, ішек пен бауырда метаболизденеді. Енгізгеннен кейін цитиколин ми тіндерімен сіңіріледі, бұл ретте холиндер фосфолипидтерге, цитидин - цитидин нуклеоидтары мен нуклеин қышқылдарына әсер етеді. Цитиколин ми тіндеріне жылдам жетеді және жасуша жарғақшаларына, цитоплазма мен митохондрийге, фосфолипид қызметін жеделдете отырып, белсенді кірістіріледі.

Енгізілген дозаның тек аздаған мөлшері ғана несеппен және нәжіспен шығарылады (3 % аз). Енгізген дозаның шамамен 12 % тыныс жолдары арқылы шығарылады. Препараттың несеппен және тыныс жолдары арқылы шығарылуының екі фазасы бар: бірінші фаза – жылдам шығарылуы (несеппен – алғашқы 36 сағат бойы, тыныс жолдары арқылы – 15 сағат бойы), екінші фаза – баяу шығарылуы. Цитиколин дозасының негізгі бөлігі метаболизм үдерісіне тартылады.

Препараттың басқа компоненттері (аниондар, катиондар) несеппен шығарылады.

Фармакодинамикасы

Нейроцитин – электролиттер мен цитиколиннің құрамы теңестірілген тұзды ерітінді.

Цитиколин нейрондар жарғақшасында құрылымдық фосфолипидтер биосинтезін көтермелейді, бұл жарғақшалар қызметінің, оның ішінде ионалмасу сорғылары мен нейрорецепторлары функциясының жақсаруына ықпал етеді. Жарғақшаға көтермелеуші әсер беруінің арқасында цитиколиннің ісінуге қарсы қасиеттері болады, сондықтан ми ісінуін азайтады. Зерттеулер нәтижелері көрсеткендей, цитиколин кейбір фосфолипазалар қызметін бәсеңдетеді, бос радикалдардың қалдық босап шығуына кедергі жасайды, жарғақша жүйелері зақымдануының алдын алып, қорғаныш антиоксиданттық жүйесінің сақталуын қамтамасыз етеді.

Цитиколин жасушалар өлуінің алдын алып, апоптоз механизмдеріне әсер ете отырып, зақымданған тіндер көлемін азайтады, және де холинергиялық берілуін жақсартады. Цитиколин сондай-ақ мидың ошақты инсульті кезінде профилактикалық нейропротекторлық әсер береді.

Цитиколин ми қан айналуының жедел бұзылулары кезінде ми тіндерінің ишемиялық зақымдануын азайта отырып, жылдам функциялық реабилитациясына ықпал етеді, мұны рентгенологиялық зерттеулер нәтижелері растап отыр.

Бассүйек-ми жарақаттарында цитиколин қалпына келу кезеңін қысқартады және жарақаттан кейінгі синдромы қарқындылығын азайтады.

Цитиколин ми қызметі деңгейінің артуына ықпал етеді, амнезия деңгейін азайтады, ми ишемиясы кезінде байқалатын когнитивтік, сенситивтік және моторлық бұзылулар кезінде жағдайды жақсартады.

Натрий, жасушадан тыс сұйықтықтың негізгі катионы, ең бірінші су таралуын, су теңгерімін, организм сұйықтығының осмостық қысымын бақылауға қатысады. Натрий хлормен және бикарбонатпен бірге организм сұйықтығының қышқыл-сілтілік тепе-теңдігін реттеуге қатысады.

Калий, жасушаішілік сұйықтықтың негізгі катионы, көмірсулар утилизациясына және ақуыздардың синтезіне қатысады, жүйке берілістерін реттеуге және әсіресе жүректің бұлшықетінің жиырылуын реттеуге керек.

Хлор, жасушадан тыс негізгі анион, натрий метаболизмімен тығыз байланысты және организмнің қышқыл-сілтілік теңгерімі өзгерістері хлор концентрациясы өзгерістерімен бейнеленеді. Хлор иондарының мол мөлшерінің инфузиясы бикарбонат иондарының жойылуына әкелуі мүмкін, бұл ацидозға әкеледі. Осы себепті ерітінді лактатпен буферленген.

Кальций, сүйек пен тістердің түзілуін қамтамасыз ететін маңызды катион (кальций фосфаты және кальций карбонаты түрінде). Иондалған түрдегі кальций қан ұюының функциональдік механизмі, жүректің қалыпты функциясы, нейробұлшықет қозғыштығын реттеу үшін керек.

Препарат айналымдағы қан көлемі тапшылығының орнын толтырады. Препарат құрамына кіретін лактат метаболизмдік үдерістер нәтижесінде бикарбонат анионына айналады, бұл қандағы реакцияны сілтілік жағына әлсіз өзгертеді. Ерітіндінің сондай-ақ қандағы уытты өнімдердің концентрациясы азаюы және диурез белсенуі нәтижесінде дезинтоксикациялық әсері бар.

- инсульт, жедел фазасы және оның неврологиялық асқынуларында

- миың жарақаттан зақымдануында және оның неврологиялық асқынуларында

Вена ішіне енгізуге арналған.

Ересектер үшін ұсынылатын дозасы тәулігіне тамшылатып вена ішіне құю түріндегі 50 мл-ден 200 мл-ге дейін (минутына 40-60 тамшы) құрайды.

Емі: алғашқы 2 апта 50–100 мл-ден тәулігіне 2 рет вена ішіне. Ең жоғары тәуліктік дозасы – 200 мл.

Егер препаратты жедел және шұғыл жай-күйлерде алғашқы 24 сағат ішінде қолданса ең жоғары емдік әсеріне жетеді.

Препарат дозасы және емдеу мерзімі мидың зақымының ауырлығына байланысты және оны дәрігер жеке-дара анықтайды.

Егде жастағы пациенттер доза түзетуді талап етпейді.

Балалар. Препарататы балаларда қолдануға қатысты жеткілікті деректер жоқ.

Психикалық бұзылыстар: елестеулер, үрейлі шабуылдар.

Жүйке жүйесі тарапынан: бастың қатты ауыруы, бас айналу.

Жүрек-қан тамыр жүйесі тарапынан: артериялық гипертензия, артериялық гипотензия, тахикардия.

Тыныс алу жүйесі тарапынан: диспноэ.

Ас жолдары тарапынан: жүрек айну, құсу, диарея.

Электролиттік теңгерім бұзылуы: қан сарысуындағы электролиттер деңгейі өзгерістері (калий, кальций, натрий, хлор), метаболизмдік алкалоз, хлоридті ацидоз.

Жалпы бұзылыстар: гиперволемия.

Иммун жүйесі тарапынан: қалтырау, ісіну, аллергиялық реакциялар, оның ішінде: бөртпе, пурпура, қышыну, ангионевроздық ісіну, анафилаксиялық шок; дене температурасының жоғарылауы, қатты тершеңдік, жөтел, түшкіру, тыныс алудың қиындауы, жергілікті немесе жайылған есекжем.

Инфузия орнының өзгерістері: қабыну, ісіну, бөртпе, қышыну, эритема, ауыру, күйдіру, инфузия орнының ұюы.

Жағымсыз реакциялар туындағанда ерітінді енгізуді тоқтату керек, пациент жай-күйін бағалау және тиісінше көмек көрсету керек.

- препарат компоненттеріне жоғары сезімталдық.

- парасимпатикалық жүйке жүйесі тонусының жоғарылауы.

• гиперволемия, гипернатриемия, гиперкалиемия, гиперхлоремия, алкалоз, лактоацидоз

• ауыр артериялық гипертензия, декомпенсацияланған жүрек жеткіліксіздігі

• олигурия, анурия

• бауыр жеткіліксіздігі (лактаттан гидрокарбонат түзілуінің азаюынан)

• жедел бүйрек жеткіліксіздігі

• гиперкальциемия

• жасушадан тыс гипергидратация

• өкпе ісінуі, мидың ісінуі

Цитиколин леводопаның әсерін күшейтеді.

Препаратты құрамында меклофеноксат бар дәрілік заттармен бір мезгілде тағайындамаған жөн.

Цитиколин венаішілік изотониялық ерітінділердің және декстроза ерітінділерінің барлық түрлерімен үйлесімді.

Калий жинақтаушы диуретиктер, ангиотензин өзгертуші фермент (АӨФ) тежегіштерін және калий препараттарын қолданғанда гиперкалиемия даму қаупі күшейеді. Препаратты жүрек гликозидтерімен бір мезгілде қолданған жағдайда Са++ иондары ерітіндісінің қатысуы есебінен соңғысының уытты әсері күшейеді.

Препарат цефамандолмен, амфотерицинмен, этил спиртімен, тиопенталмен, аминокапрон қышқылымен, метараминолмен, ампицилинмен, вибрамицинмен және моноциклинмен үйлесімсіз. Келесі дәрілік заттарды: қабынуға қарсы

стероидты препараттарды, андрогендерді, анаболиялық гормондарды, эстрогендерді, кортикотропинді, минералкортикоидтарды, вазодилататорды немесе ганглиоблокаторларды бір мезгілде қолданғанда организмде натрий іркілісі ұлғаюы мүмкін.

Сілтілендіретін әсері бар лактат болуына байланысты Нейроцитин® препаратын бүйрек элиминациясы рН тәуелді препараттармен сақтықпен қолдану керек. Салицилаттар, барбитураттар, литийдің бүйрек клиренсі төмендеуі мүмкін, ал симпатомиметиктер және стимуляторлар (дексамфетамин сульфаты, фенфлурамин гидрохлориді сияқты) – артуы мүмкін.

Тұрақты бассүйек ішілік қан құйылу жағдайында тәулігіне 100 мл дозадан және вена ішіне құю жылдамдығын минутына 30 тамшыдан асырмаған жөн.

Электролиттер, рН және рСО2, лактат мөлшеріне қанға мониторинг жүргізу керек.

Вена ішіне арналған ерітіндіні қолдану сұйықтықтың және-немесе ерітіндінің артық жүктемесін, гипергидратацияны, өкпенің іркілісті құбылыстарын немесе ісінулерін туындатуы мүмкін. Дилюция даму қаупі электролиттер концентрациясына кері пропорционалды. Шеткері ісінулері және өкпенің ісінулері бар іркілісті құбылыстарды туындататын ерітіндінің артық жүктемесінің даму қаупі электролиттер концентрациясына тіке пропорционалды.

Қандай да бір аса жоғары сезімталдықтың реакциялары білінуі туындаған жағдайларда ерітінді енгізуді дереу тоқтату және тиісінше ем жүргізу керек.

Препарат құрамында натрий лактаты болғандықтан гипернатриемияға бейімі бар (мысалы, адренокортикальді жеткіліксіздігі, қантсыз диабет немесе тіндердің көп мөлшерде зақымдануы) пациенттерге және жүрек ауруы бар пациенттерге оны аса сақтықпен қолдану керек. Құрамында натрий иондары болуына байланысты ерітіндіні егде жастағы пациенттерге, артериялық гипертензиясы, бүйрек және жүрек–қан тамырлары жеткіліксіздігі, іркілісті жүрек жеткіліксіздігі бар пациенттерге, әсіресе операциядан кейінгі кезеңде, гипоксиясы және бауыр жеткіліксіздігі бар пациенттерге, сондай-ақ натрий іркілісімен қатарлас жүретін клиникалық жай-күйі бар пациенттерге және кортикостероидтарды немесе кортикотропинді қабылдайтын ісінулері бар пациенттерге сақтықпен қолдану керек.

Құрамында калий болуынан ерітіндіні жүрек ауруы және организмде калий іркілісімен қатарлас жүретін клиникалық жағдайы бар пациенттерге қолданғанда сақ болу керек. Кальций тағайындағанда, әсіресе дигиталис қабылдайтын пациенттерде ЭКГ көмегімен жүрек жұмысын бақылау керек. Сарысудағы кальций деңгейі барлық уақытта тіндердегі кальций деңгейін көрсетпейді.

Бүйректің бөлу функциясы төмендеген пациенттерге ерітінді тағайындау натрий немесе калий іркілісіне әкелуі мүмкін

Препарат құрамында кальций иондары болуына байланысты коагуляция дамуының ықтималдығынан қан препараттарымен бір мезгілде тағайындаған жағдайда сақ болу керек.

Жүрек гликозидтерін қабылдайтын пациенттерге парентеральді кальцийді ерекше сақтықпен тағайындау керек.

Лактат глюконеогенез үшін субстрат болып табылады, сондықтан II типті қант диабеті бар науқастарда қандағы глюкоза деңгейін мұқият бақылау керек.

Педиатрияда қолданылуы

Балаларға қолдану тәжірибесі шектеулі: сондықтан препаратты емнен күтілетін пайда кез келген ықтимал қауіптен асып түсетін жағдайда ғана қолданылуы мүмкін.

Жүктілік және лактация кезеңі

Нейроцитинді жүкті әйелдердің қолдануына қатысты деректер жоқ.

Препараттың емшек сүтіне бөлінуі мен оның шаранаға әсер етуі туралы деректер белгісіз. Сондықтан жүктілік немесе бала емізу кезеңінде препаратты ана үшін күтілетін пайдасы шаранаға төнетін ықтимал қауіптен асып түсетін болғанда ғана тағайындайды.

Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері

Жекелеген жағдайларда орталық жүйке жүйесі тарапынан кейбір жағымсыз реакциялар автокөлікті басқару қабілетіне және күрделі механизмдермен жұмыс істеуге әсер етуі мүмкін.

Артық дозалануы немесе ерітіндіні аса жылдам енгізу су-электролиттік теңгерім бұзылуына, алкалоз құбылысына, жүрек-өкпе декомпенсациясына әкелуі мүмкін. Бұндай жағдайда препарат енгізуді дереу тоқтату керек. Симптоматикалық ем жүргізу керек. Лактаттың шамадан тыс мөлшерін енгізу өз кезегінде гипокалиемиямен қатар жүруі ықтимал метаболизмдік алкалоз дамуына әкелуі мүмкін.

Симптомдары: көңіл-күй өзгерістері, шаршау, ентігу, бұлшықет әлсіздігі, полидипсия, полиурия, ойлаудың бұзылуы, аритмия. бұлшықет гипертонусы, тарту және тетаниялық құрысулар гипокальциемиясы бар пациенттерде дамуы мүмкін.

Шығарылу түрі және қаптамасы

50 мл, 100 мл немесе 200 мл препараттан алюминий-пластик қалпақшалармен қаусырылған, резеңке тығынмен тығындалған шыны бөтелкелерге құйылады.

1 бөтелкеден медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

30 °С-ден аспайтын температурада, түпнұсқалық қаптамасында сақтау керек.

Балалардың қолы жетпейтін жерде сақтау керек.

2 жыл.

Жарамдылық мерзімі өткеннен кейін пайдалануға болмайды.

Рецепт арқылы

Өндіруші

«Юрия-Фарм» ЖШҚ, Украина

18030, Черкассы қ., Вербовецкий к-сі, 108.

«Юрия-Фарм» ЖШҚ, Украина

03680, Киев қ., Н. Амосов к-сі, 10.

Қазақстан Республикасы аумағында тұтынушылардан дәрілік заттың сапасына қатысты шағымдар (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:

«Юрия-Фарм» ЖШҚ

Қазақстан Республикасы, Алматы қ., Ақсай-2 ы/а, 38 үй, 24 п.

Тел.: +7 727 238 27 76

Тел. 24/7: +7 701 761 59 93

Эл. поштасы: zanina@uf.ua