НЕЙРОМИДИН® (NEIROMIDIN®) (15 мг/мл)

Нейромидин® (Neiromidin®)

Ипидакрин

Бұлшық ет ішіне және тері астына енгізуге арналған ерітінді

5 мг/мл; 15 мг/мл

1 мл препараттың құрамында

белсенді зат: ипидакрин гидрохлориді (сусыз затқа шаққанда) 5 мг немесе 15 мг,

қосымша заттар: 1 М хлорсутек қышқылы, инъекцияға арналған су.

Түссіз мөлдір сұйықтық.

Деменцияны емдеуге арналған препараттар. Холинэстераза тежегіштері. Ипидакрин.

АТХ коды N06DA05

Фармакокинетикасы

Парентеральді енгізгеннен кейін ипидакрин гидрохлориді жылдам сіңіріледі. Қан плазмасындағы белсенді заттың ең жоғарғы концентрациясына 25-30 минуттан кейін жетеді. Белсенді зат тіндерге жылдам түседі, гематоэнцефалдық бөгет арқылы өтеді. Тепе-тең таралуға жеткеннен кейін қан плазмасында шамамен 2 % белсенді зат қалады. Гидроксилдену арқылы негізінен бауырда метаболизденеді. Метаболиттер әсер етудің сол бейінін сақтайды, алайда әсерлерінің айқындылығы әлсіз. Шығарылуы ренальді және экстраренальді жүреді, негізінен несеппен өзекшелік секреция арқылы шығарылуы басым, және дозаның тек қана 1/3 шумақтық сүзіліс арқылы бөлінеді. Жартылай шығарылуының соңғы кезеңі 2-3 сағат. Парентеральді енгізгеннен кейін дозаның 20-35 % несеппен өзгермеген күйде шығарылады. Жинақталмайды.

Фармакодинамикасы

Нейромидин® - холинэстеразаның қайтымды тежегіші. Препарат жарғақшаның калий өзекшелері бөгетінің салдарынан жүйке-бұлшықет синапсындағы және ОЖЖ импульсының өткізгіштігін тікелей стимуляциялайды. Нейромидин® тегіс бұлшықеттерге тек қана ацетилхолиннің емес, сонымен бірге адреналиннің, серотониннің, гистаминнің және окситоциннің әсерін күшейтеді.

Нейромидин® келесі фармакологиялық әсерге иеленген:

• жүйке-бұлшықеттің өткізгіштігін жақсартады және стимуляциялайды;

• түрлі факторлар әсерінің салдарларынан бұзылған шеткері жүйке жүйесіндегі импульстардың өткізгіштігін қалпына келтіреді (жарақат, қабыну, жергілікті анестетиктердің әсері, кейбір антибиотиктер, калий хлориді және т.б.);

• калий хлоридін қоспағанда барлық агонистердің әсерінен тегіс бұлшықеттік ағзалардың жиырылуын күшейтеді;

• жеке седативті әсердің байқалуымен біріктірілімде ОЖЖ орташа стимуляциялайды;

• жадыны жақсартады.

Кешенді ем құрамында

- шеткері жүйке жүйе аурулары: моно – және полинейропатия, полирадикулопатия, миастения және түрлі этиологиядағы миастениялық синдром

- орталық жүйке жүйе аурулары: бульбарлы салдану және парездер

- қозғалыстың бұзылуымен қатар жүретін орталық жүйке жүйесінің органикалық зақымдануы кезінде қалпына келу кезеңі

Нейромидин® 5 мг/мл және Нейромидин® 15 мг/мл инъекцияға арналған ерітінділерін бұлшық ет ішіне немесе тері астына енгізеді.

Дозасын және емдеу ұзақтығын аурудың ауырлық деңгейіне байланысты жеке анықтайды.

Шеткері жүйке жүйесінің аурулары:

- түрлі генездегі моно- және полиневропатия: күніне 1-2 рет 1 мл 5 мг/мл немесе 1 мл 15 мг/мл инъекцияға арналған ерітіндіні бұлшық ет ішіне немесе тері астына, емдеу курсы – 10-15 күн (ауыр жағдайда – 30 күнге дейін). Одан әрі емдеуді препараттың таблетка түрінде жалғастырады.

- миастения және миастениялық синдром: күніне 1-3 рет 1 мл 5 мг/мл немесе 1 мл 15 мг/мл инъекцияға арналған ерітіндіні бұлшықет ішіне немесе тері астына, әрі қарай препараттың таблетка түріне көшеді. Жалпы емдеу курсы 1-2 айды құрайды. Қажет болған жағдайда емдеуді курстар арасында 1-2 ай үзіліс жасап, бірнеше рет қайталауға болады.

Орталық жүйке жүйесінің аурулары:

- бульбарлы салдану және парездер: күніне 1-2 рет 1 мл 5 мг/мл немесе 1 мл 15 мг/мл инъекцияға арналған ерітіндіні бұлшықет ішіне немесе тері астына, емдеу курсы – 10-15 күнді құрайды. Одан әрі мүмкіндік болса препараттың таблетка түріне көшеді.

- орталық жүйке жүйесінің органикалық зақымдануы кезінде қалпына келу кезеңі: күніне 1-2 рет 1 мл 5 мг/мл немесе 1 мл 15 мг/мл инъекцияға арналған ерітіндіні бұлшықет ішіне 15 күнге дейін. . Одан әрі мүмкіндік болса препараттың таблетка түріне көшеді.

Жағымсыз әсерлер

Жиі

- гиперсаливация, жүрек айнуы

- жүректің қағуы, брадикардия

- қатты тершеңдік

Сиректеу

- бронх секретінің көп бөлінуі

- үлкен дозаларда қабылдағаннан кейін – бас айналуы, бас ауыруы, әлсіздік, ұйқышылдық, бұлшықет құрысулары, аллергиялық реакциялар (тері қышынуы, бөртпе), құсу

Сирек

- эпигастриядағы ауыруы, іштің өтуі

Белгісіз (қолда бар деректер бойынша анықтау мүмкін емес)

- бронх түйілуі

Сілекейдің ағуы мен брадикардияны м-холиноблокаторларымен төмендетуге болады (атропин және т.б.).

Бұл жағдайда дозаны төмендетеді немесе препаратты қабылдауды қысқа уақытқа тоқтатады (1-2 күнге).

Егер Сізде қолдану жөніндегі нұсқаулықта көрсетілмеген қандай да бір жағымсыз әсерлер пайда болса немесе көрсетілген жағымсыз әсерлердің қандай да бірі аса қатты байқалса, дәрігерге қаралуды сұраймыз.

- ипидакринге немесе препараттың қосымша заттарына жоғары сезімталдық

- эпилепсия

- гиперкинезі бар экстрапирамидтік аурулар

- стенокардия

- айқын брадикардия

- бронх демікпесі

- ішектің немесе несеп шығаратын жолдың бітелуі

- вестибулярлық бұзылыстарға бейімділік

- асқыну сатысындағы асқазан немесе он екі елі ішектің ойық жаралы ауруы

- жүктілік және емшек емізу кезеңі

- 18 жасқа дейінгі балалар мен жасөспірімдер (дәрілік заттың балаларда қауіпсіздігін зерттеу бойынша адекватты зерттеулер жүргізілген жоқ).

Нейромидин® белсенділігінің ауқымында седативті әсерінің бар болуы үлкен дозада ұйықтататын препараттардың (гексенал, хлоралгидрат) әсерін күшейтеді, ал төмен дозаларда Нейромидин® ұйықтататын дәрілерге не әсер етпейді не әсерін төмендетеді. Басқа холинэстераза тежегіштерімен және м-холиномиметикалық дәрілермен бірге қолданған кезде әсері және жағымсыз әсерлері күшейеді.

Myasthenia gravis бар науқастарда басқа холиномиметикалық дәрілерді қолдану аясында холинергиялық криздің даму қаупі артады.

Егер Нейромидинмен® емдеуді бастағанға дейін ß-адреноблокаторлар қолданылса, брадикардияның даму қаупі артады.

Церебролизин препараттың тиімділігін арттырады.

Нейромидин® жергілікті анестетиктердің, антибиотиктердің әсерін төмендетеді.

Алкоголь препараттың жағымсыз әсерлерін күшейтеді.

Егер кезекті доза енгізілмесе, оны мүмкіндігінше жылдам енгізу керек, дегенмен тағайындалған бірреттік дозадан көп емес. Енгізілмеген дозаны алмастыру үшін екі еселік дозаны енгізуге болмайды.

Тиреотоксикозда, жүрек-қантамыр жүйесі ауруларында, сондай-ақ анамнезде тыныс алу жолының аурулары бар пациенттерге немесе тыныс алу жолының жедел ауруларында сақтықпен тағайындау керек.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Нейромидин® седативті әсер етуі мүмкін, сондықтан орталық жүйке жүйесі тарапынан жағымсыз әсерлер, мысалы, ұйқышылдық байқалатын тұлғаларға көлік құралын басқарудан тартыну керек.

Ауыр артық дозалану кезінде мынадай симптомдармен «холинергиялық криздің» дамуы мүмкін: бронх түйілуі, көзден жас ағу, қатты тершеңдік, қарашықтардың тарылуы, нистагм, өздігінен болатын дефекация және несеп шығару, құсу, брадикардия, жүрек блокадасы, аритмия, гипотензия, мазасыздық, үрей, қозу, қорқыныш сезімі, атаксия, конвульсия, кома, түсініксіз сөйлеу, ұйқышылдық және әлсіздік. Симптомдары әлсіз байқалуы мүмкін.

Шығарылу түрі және қаптамасы

1 мл препараттан бейтарап шыны ампулаларға құйылады.

10 ампуладан поливинилхлоридті үлбірден жасалған пішінді ұяшықты қаптамаларға салынады.

1 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Жарықтан қорғалған жерде, 25°C-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Қаптамасында көрсетілген жарамдылық мерзімі өткеннен кейін препаратты қолдануға болмайды.

Рецепт арқылы

Өндіруші

«СОФАРМА» АҚ, София, Болгария

Тіркеу куәлігін ұстаушысы

«ОЛАЙНФАРМ» АҚ

Мекенжайы: Рупницу к-сі 5, Олайне, LV-2114, Латвия

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ОЛАЙНФАРМ» АҚ өкілдігі

050009, Алматы қ-сы, Абай д-лы 151/115, 807-кеңсе

Телефон / Факс 007 727 333 46 52

E-mail olainfarm.instr@mail.ru