Нейромидин® (1,5%)

• русский
• қазақша

• Скачать инструкцию медикамента

Саудалық атауы

Нейромидин®

Халықаралық патенттелмеген атауы

Ипидакрин

Дәрілік түрі

Инъекцияға арналған

0,5% (5 мг/мл); 1,5% (15мг/мл) ерітінді

Құрамы

1 мл препараттың құрамында

белсенді зат – 5 мг немесе 15 мг (сусыз затқа шаққанда) ипидакрин гидрохлориді,

қосымша заттар: хлорлы сутек қышқылы (хлорлысутекті), инъекцияға арналған су

Сипаттамасы

Мөлдір, түссіз сұйықтық

Фармакотерапиялық тобы

Жүйке жүйесі ауруларын емдеуге арналған басқа да препараттар. Антихолинэстеразалық препараттар

АТЖ коды N07AA

Фармакологиялық қасиеттері

Фармакокинетикасы

Парентеральді енгізгеннен кейін ипидакрин гидрохлориді жылдам сіңеді. Қан плазмасындағы әсер ететін заттардың ең жоғары концентрациясына 25-30 минуттан кейін жетеді. Ипидакрин қаннан тінге жылдам өтеді, гематоэнцефалдық кедергіден де өтіп шығады. Қан плазмасында тепе-тең таралуға жеткеннен кейін белсенді заттың шамамен 2% қалады. Негізінен гидроксилирлену жолымен бауырда метаболизденеді. Метаболиттер әсер етудің сол бір бейінін сақтайды, бірақ олардың әсерінің айқындығы айтарлықтай төмен. Ренальді және экстраренальді жолмен шығарылады, негізінен өзектік сөлініс жолымен несеп арқылы тек дозаның 1/3 бөлігі шумақты сүзілу жолымен шығарылады. Жартылай шығарылудың аяқталуы 2-3 сағатты құрайды. Парентеральді енгізуден кейін дозаның 20-35% өзгермеген түрде несеппен шығарылады. Жинақталмайды.

Фармакодинамикасы

Нейромидиннің® фармакологиялық белсенділігі негізінде тиімді екі биологиялық әсердің біріктірілімі - жарғақшаның калийді өткізгіштігін бөгеу және холинэстеразаны тежеу арқылы іске асады. Мұндайда жарғақшаның калийді өткізгіштігін бөгеу негізгі рөлді атқарады, ал холинэстеразаны тежеудің – қосымша, екінші дәрежелі орны бар. Нейромидин® ацетилхолиннің, серотониннің, гистаминнің, окситоциннің тегіс бұлшықеттерге деген әсерін күшейтеді.

Нейромидин® жүйке-бұлшықетке импульс берілуін жақсартады және көтермелейді:

- шеткергі жүйке жүйесінде әртүрлі факторлар (жарақаттану, қабыну, жергілікті жансыздандырғыштардың, кейбір антибиотиктердің және т.б.) әсерінің салдарынан бұзылған импульстің жүруін жақсартады;

- калий хлоридін қоспағанда, барлық агонистердің әсерімен тегіс бұлшықет органдарының жиырылғыштығын күшейтеді;

- жекелеген тыныштандырғыш әсердің көрінісімен бірге орталық жүйке жүйесін орташа көтермелейді;

- есте сақтау қабілетін жақсартады.

Қолданылуы

Кешенді ем құрамында

- шеткергі жүйке жүйесінің аурулары: моно- және полинейропатияда, полирадикулопатияда, миастения мен әртүрлі этиологиядағы миастениялық синдромда

- орталық жүйке жүйесінің аурулары: бульбарлық салданулар және парездер

- қимыл-қозғалыстың бұзылуы қатар жүретін орталық жүйке жүйесі органикалық зақымдануларының қалпына келу кезеңінде

Қолдану тәсілі және дозалары

Инъекцияға арналған 0,5 % Нейромидин® және 1,5 % Нейромидин® ерітінділерін бұлшықет ішіне, теріастына енгізеді. Дозасы мен емдеу ұзақтығы аурудың ауырлық дәрежесіне қатысты дербес анықталады.

Шеткергі жүйке жүйесінің аурулары:

- шығу тегі әртүрлі моно- және полинейропатия: инъекцияға арналған

1 мл 0,5 % немесе 1 мл 1,5 % (5 немесе 15 мг) ерітіндіні бұлшықет ішіне немесе теріастына күніне 1-2 рет, емдеу курсы − 10–15 күн (ауыр жағдайларда – 30 күнге дейін). Емдеуді бұдан әрі препараттың таблетка түрімен жалғастырады.

- миастенияда және миастениялық синдромда: инъекцияға арналған

1 мл 0,5 % немесе 1 мл 1,5 % (5 немесе 15 мг) ерітіндіні бұлшықет ішіне немесе теріастына күніне 1-3 рет, әрі қарай препараттың таблетка түріне ауысады. Жалпы емдеу курсы 1-2 айды құрайды. Қажет болған жағдайда курстар аралығына 1-2 ай үзіліс сала отырып, емді бірнеше рет қайталауға болады.

Орталық жүйке жүйесінің аурулары:

• бульбарлық салданулар және парездер: 1 мл 0,5 % немесе 1 мл 1,5 % (5 немесе 15 мг) ерітіндіні бұлшықет ішіне немесе теріастына күніне 1-2 рет, емдеу курсы − 10–15 күнді құрайды. Мұнан әрі қарай мүмкіндігінше препараттың таблетка түріне көшеді.

• орталық жүйке жүйесінің органикалық зақымдануы кезінде қалпына келу кезеңі: 1 мл 0,5 % немесе 1 мл 1,5 % (5 немесе 15 мг) ерітіндіні бұлшықет ішіне күніне 1-2 рет 15 күнге дейін. Мұнан әрі қарай мүмкіндігінше препараттың таблетка түріне көшеді.

Жағымсыз әсерлері

- гиперсаливация, жүрек айнуы, іш тұсының ауыруы, диарея

- жүректің соғуы, брадикардия

- тердің қатты бөлінуі

- бронхтан сөліністің көп бөлінуі, бронх түйілуі

- бұлшықет құрысулары

Сирек, жоғары дозаларды қолданғаннан кейін

- бас айналуы, бас ауыруы, әлсіздік, ұйқышылдық

- құсу

- аллергиялық реакциялар (тері қышымасы, бөртпе)

Мұндай жағдайларда дозаны азайтады немесе қысқа уақытқа (1-2 күнге) препарат қабылдауды тоқтатады. Көрсетілген жағымсыз әсерлер сирек байқалады және әдетте препаратты тоқтатудың себепшісі болмайды.

Қолдануға болмайтын жағдайлар

- ипидакринге жоғары сезімталдықта

- эпилепсияда

- гиперкинездермен экстрапирамидалы ауруларда

- стенокардияда

- айқын брадикардияда

- бронхтық демікпеде

- ішектің немесе несеп шығаратын жолдардың бітелуінде

- вестибулярлық бұзылуларға бейімділікте

- асқазанның немесе он екі елі ішектің ойық жара ауруының асқыну сатысында

- жүктілікте және лактация кезеңінде

- балаларға және 18 жасқа дейінгі жасөспірімдерге

Дәрілермен өзара әрекеттесуі

Нейромидин® белсенділігі аясында тыныштандырғыш әсерінің болуы үлкен дозаларда ұйықтататын препараттар (гексенал, хлоралгидрат) тиімділігінің кейбір күшеюіне әкеп соқтырады, ал аз дозада Нейромидин® ұйықтататын дәрілердің әсеріне ықпал етпейді немесе әлсіретеді. Холинэстеразаның басқадай тежегіштерімен және м-холиномиметикалық дәрілерімен біріктіріп қолданғанда әсері мен жағымсыз әсерлері күшейеді.

Myasthenia gravisпен науқастарда басқадай холиномиметикалық дәрілерді қолдану аясында холинергиялық криздің даму қаупі артады.

Егер b-адренобөгегіштері Нейромидинмен® емдеуден бұрын қолданылса, брадикардияның даму қаупі артады.

Церебролизин препараттың тиімділігін жоғарылатады.

Нейромидин® жергілікті анестетиктердің, антибиотиктердің әсерін бәсеңдетеді.

Алкоголь препараттың жағымсыз әсерлерін күшейтеді.

Айрықша нұсқаулар

Егер кезекті дозаны енгізудің уақыты өтіп кетсе, оны мүмкіндігінше дереу енгізген жөн, бірақ тағайындалған бір реттік дозадан көп болмауы тиіс. Өткізіп алған дозаның орын толтыру үшін қосарланған доза енгізуге болмайды!

Тиреотоксикозда, жүрек-қан тамыр жүйесінің ауруында, сыртартқысында тыныс алу жолдарының ауруларында және тыныс алу жолдарының жедел ауруында сақтықпен тағайындау керек.

Нейромидинді® қолданған кезде холинбөгегіштермен (атропин және т.б.) азайтуға болатын сілекей бөлінуінің күшеюі және брадикардия пайда болуы мүмкін.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Нейромидин® тыныштандыратын әсер беруі мүмкін, сондықтан орталық жүйке жүйесі тарапынан жағымсыз әсерлер, мысалы, ұйқышылдық байқалатын адамдар, көлік құралдарын жүргізбегені дұрыс.

Артық дозаланғанда

Нейромидин® препаратымен артық дозалану жағдайдары тіркелмеген.

Ауыр артық дозаланған кезде “холинергиялық криз” мынадай симптомдармен дамуы мүмкін: бронх түйілуі, көзден жас парлап ағуы, тердің қатты бөлінуі, қарашықтың кішіреюі, нистагм, кенеттен нәжіс және несеп шығару, құсу, брадикардия, жүректің бөгелуі, аритмиялар, гипотензия, мазасыздық, үрей, қозу, қорқыныш сезімі, атаксия, конвульсиялар, кома, түсініксіз сөйлеу, ұйқышылдық және әлсіздік. Симптомдары болмашы ғана білінуі мүмкін.

Емдеу: препаратты тоқтату, белгілеріне қарай емдеу, м-холинбөгегіштері: артық дозалану белгілерінің айқындылығын азайтатын атропин және циклодолды пайдаланады.

Шығарылу түрі және қаптамасы

Препаратты 1 мл-ден түссіз бейтарап шыныдан жасалған ампулаларға құяды. 10 ампуладан мемлекеттік және орыс тілдеріндегі медицинада қолданылуы жөніндегі нұсқаулықпен бірге картоннан жасалған пәшкеге салады.

Сақтау шарттары

Жарықтан қорғалған жерде 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Препаратты қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«СОФАРМА» АҚ, София, Болгария

Тіркеу куәлігінің иесі

«ОЛАЙНФАРМ» АҚ

Мекенжайы: Рупницу к-сі 5, Олайне, LV-2114, Латвия.

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:

050009 Алматы қ., Абай даңғ.151/115, 807-кеңсе, телефон /факс 007 727 333 46 52, E-mail solnyshko17@mail.ru