Невролек

Невролек

Инъекцияға арналған ерітінді.

Бір ампула (2 мл) ішінде:

белсенді заттар: тиамин гидрохлориді (100 % затқа шаққанда) 100 мг, пиридоксин гидрохлориді (100 % затқа шаққанда) 100 мг, В12 дәрумені кристалды Н (цианокобаламин) (100 % затқа шаққанда) 1 мг;

қосымша заттар: лидокаин гидрохлориді – 20 мг, бензил спирті– 40 мг, калий феррицианиді – 0,2 мг, натрий гидроксиді – 12 мг, натрий полифосфаты -20 мг, инъекцияға арналған су – 2 мл-ге дейін.

Қызыл түсті мөлдір ерітінді.

Дәрумендер. В1 дәрумені және оның В6 және В12 дәрумендерімен біріктірілімі. B1 дәруменінің B6 және B12 дәрумендерімен біріктірілімі.

АТХ  коды А11D В

Фармакокинетикасы.

Тиамин гидрохлориді

Бұлшық ет ішіне енгізгеннен кейін тиамин гидрохлориді инъекция орнынан тез сіңіріледі және қанға түседі (15 минут өткенде 484 нг/мл). Организмде дәрумендердің елеулі қоры болмауына байланысты, ол организмге күн сайын ауыз арқылы қабылдау тәсілімен түсіп тұруы тиіс. Организмде күніне шамамен 1 мг тиамин ыдырайды. Дәруменнің кез келген артық мөлшері несеппен шығарылады.

Пиридоксин гидрохлориді

Пиридоксин гидрохлориді бұлшық ет ішіне инъекцияланғаннан кейін қан арнасына тез сіңіріледі және 5-ші орындағы СН2ОН тобын фосфорилдегеннен кейін коэнзим рөлін атқара отырып организмге таралады. Дәруменнің 80% жуығы қан плазмасында ақуыздармен байланысады. Пиридоксин бүкіл организмге таралады, плацента арқылы өтіп, ана сүтінен анықталады, бауырда жинақталады және 4-пиридоксин қышқылына дейін тотығады да, сіңірілгеннен кейін ең әрісі 2-5 сағат өткен соң тәулігіне дене салмағына 0,05-0,1 мкмоль/кг мөлшерінде несеппен шығарылады. Адам организмінде 40-150 мг В6 дәрумені болады және оның орны толу жылдамдығы 2,2-2,4% болғандағы күнделікті бүйрекпен экскрециялану жылдамдығы шамамен 1,7-2,6 мг құрайды.

Цианокобаламин

Цианокобаламин, негізінен, тәулігіне 0,5-5 мкг мөлшерінде өтпен шығарылады, бұл кезде 70% жуығы реабсорбцияға ұшырайды да, энтерогепатиттік айналымға түседі. Жоғары дозаларды тағайындағанда (0,1-1 мг шамасында) цианокобаламиннің елеулі мөлшері бүйрекпен шығарылады (дені сау субъектілерде 48 сағат ішінде шамамен 50-90%). Цианокобаламиннің жартылай шығарылу кезеңі (Т1/2) салыстырмалы түрде ұзақ, 123 сағатты құрайды.

Фармакодинамикасы.

В тобындағы нейротроптық дәрумендер жүйкелердің және тірек-қимыл аппаратының қабынбалы және дегенерациялық ауруларына жағымды әсер етеді. Қанайналымның күшеюіне жағдай жасайды және жүйке жүйесінің жұмысын жақсартады.

В1 дәрумені (тиамин) көмірсулардың метаболизмінде, сондай-ақ Кребс циклінде шешуші рөл атқарып, одан әрі ТПФ (тиамин пирофосфат) және АТФ түзілуіне қатысады.

В6 дәрумені (пиридоксин) ақуыздардың, майлардың және көмірсулардың метаболизмін реттейді.

Екі дәруменнің де физиологиялық функциясы бір-бірінің әсерін көтермелеу болып табылады, ол жүйке, нейробұлшықеттік және жүрек-тамырлық жүйелерге оң ықпал етуінен көрінеді.

В12 дәрумені (цианокобаламин) жасушалық метаболизм, қалыпты қан өндіру және жүйке жүйесінің қызмет атқаруы үшін қажет. Ол нуклеин қышқылының биологиялық синтезін және сәйкесінше жаңа жасушалардың ядроларының құрылымын катализдейді. Цианокобаламин миелин қабығының түзілуіне қатысады, гемопоэзді ынталандырады, шеткері жүйке жүйесінің зақымдануына байланысты ауырсыну сезімдерін азайтады.

Шығу тегі әртүрлі неврологиялық ауруларда кешенді емнің құрамында:

- неврит

- невралгия

- полинейропатиялар (диабеттік, алкогольдік және т.б.)

- миалгиялар

- түбіршектік синдромдар

- плексопатия

- ретробульбарлық неврит

- белдемелі теміреткі

- бет жүйкесінің парезі.

Инъекцияны бұлшық ет ішіне тереңдетіп орындайды.

Айқын ауырсыну синдромы болған жағдайларда препараттың қандағы концентрациясының жоғары деңгейіне тез жету үшін емдеуді 5-10 күн бойы күн сайын 2,0 мл-ден бастаған дұрыс. Ауырсыну синдромы басылғаннан кейін және аурудың жеңіл түрлерінде одан әрі ішке қабылдайтын дәрілік түрмен емге, не болмаса неғұрлым сиректеу инъекцияға (2-3 апта бойы аптасына 2-3 реттен) көшеді, ішке қабылдайтын дәрілік түрмен ем жалғастырылуы мүмкін.

Апта сайын дәрігердің тексеруі ұсынылады.

Ішке қабылдайтын дәрілік түрмен емге көшуді барынша мүмкін болатын қысқа мерзім ішінде жүзеге асыру ұсынылады.

Ең жоғары бір реттік доза: 2,0 мл.

Ең жоғары тәуліктік доза: 2,0 мл.

Енгізу дүркінділігі: тәулігіне бір рет.

Жағымсыз әсерлердің пайда болу жиілігі ДДҰ жіктемесіне сәйкес келтірілген:

- препараттың компоненттеріне, оның ішінде бензилді компоненттеріне аса жоғары сезімталдық реакциялары

Сирек

- аллергиялық реакциялар (терінің қызаруы, экзантема, бөртпе, қышыну, тыныстың тарылуы, анафилаксиялық шок, ангионевроздық ісіну)

Өте сирек

- тахикардия

- брадикардия

- аритмия

- құсу

- қатты терлеу, безеулі бөртпе, қышыну және есекжем түріндегі тері реакциясы

- шаншулар

Жекелеген жағдайларда

- бас айналуы, сананың шатасуы

- құрысулар

- препаратты енгізу орнының тітіркенуі; жүйелі реакциялар жылдам енгізгенде немесе артық дозаланғанда болуы мүмкін.

- препараттың компоненттеріне жеке сезімталдық

- декомпенсацияланған жүрек жеткіліксіздігі, жүрек өткізгіштігінің бұзылулары

- жүктілік және лактация кезеңі

- 18-ге дейінгі балалар жасы

В1дәрумені. Тиамин құрамында сульфиттері бар ерітінділерде толығымен ыдырайды. Басқа дәрумендер В1 дәруменінің ыдырау өнімдерінің қатысуында белсенділігін жояды (темір иондарының төмен концентрациясы бұл белсенділікті жоюдың алдын алуы мүмкін).

В6 дәруменінің емдік дозалары левоподаның тиімділігін нашарлатуы мүмкін. Одан кейін изониазидпен, D-пеницилламинмен және циклосеринмен өзара әрекеттесу байқалады.

Тиамин тотықтырушы заттармен, сынап хлоридімен, йодидпен, карбонатпен, ацетатпен, темір сульфатымен, танин қышқылымен, темір аммоний-цитратымен, сондай-ақ натрий фенобарбиталымен, рибофлавинмен, бензилпенициллинмен, глюкозамен және метабисульфитпен үйлеспейді. Мыс тиаминнің ыдырауын жеделдетеді: бұдан бөлек, тиамин рН мәнін ұлғайтқан кезде (3-тен артық) өз әсерін жоғалтады.

В6 дәрумені. Левопода В6 дәруменінің емдік дозаларының әсерін төмендетеді. В6 дәруменінің циклосеринмен, D -пеницилламинмен, адреналинмен, норадреналинмен, сульфонамидпен өзара әрекеттесуі мүмкін, бұл пиридоксиннің әсерін төмендетеді.

В12 дәрумені. Цианокобаламин тотықтырушы заттармен және ауыр металдардың тұздарымен үйлеспейді, тиаминнен туындайтын аллергиялық реакцияларды күшейтуі мүмкін. Рибофлавин, әсіресе жарықтың әсері кезінде құрылымды бұзатын әсер етуі мүмкін. Антиоксиданттар бұл үдерісті тежеген кезде никотинамид фотолизисті күшейтеді.

Лидокаинді парентералдық енгізген жағдайда адреналинмен, норадреналинмен, сульфонамидтермен бір мезгілде қолданғанда жүрекке жағымсыз әсерлері күшеюі мүмкін.

Невролек тек қана бұлшық ет ішіне енгізіледі және ешқашанда вена ішіне қан ағымына енгізілмейді. Венаға кездейсоқ еніп кеткен жағдайда науқас дәрігердің қарауында болуы немесе симптомдардың ауырлығына байланысты ауруханаға жатқызылуы тиіс.

Препаратты алты айдан астам уақыт пайдалану нейропатия тудыруы мүмкін.

Невролектің бір дозасының (2 мл) құрамында 1 ммольден (23 мг) кем натрий бар.

Жүктілік және лактация кезеңі

Жүктілік және/немесе емшек емізу кезінде В6 дәруменіне тәуліктік қажеттілік 25 мг құрайды.

Препарат ампуласында 100 мг В6 дәрумені бар, сондықтан оны жүктілік және/немесе емшек емізу кезеңінде оны қолдануға болмайды.

Балалар

Препаратты балаларға қолдануға болмайды.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Көлік құралдарының жүргізушілеріне және қауіптілігі зор механизмдермен жұмыс істейтін тұлғаларға препаратты қолдануға қатысты алдын ала сақтандыру жөнінде ақпарат жоқ.

Симптомдары: бас айналу, аритмия, құрысулар.

Емі: препаратты тоқтату, симптоматикалық ем.

Шығарылу түрі және қаптамасы

Түпнұсқалық қаптамада 2 °С-ден 8 °С-ге дейінгі температурада сақтау керек.

Балалардың қолы жетпейтін жерде сақтау керек!

2 жыл.

Жарамдылық мерзімі өткеннен кейін пайдалануға болмайды.

Дәріханалдардан босатылу шарттары

Дәрігердің рецептісі арқылы

Өндіруші

«Лекхим-Харьков» АҚ.

Украина, 61115, Харьков қ-сы, семнадцатый Партсъезд к-сі, 36.

тел. +38 (057) 7 147 790, факс +38 (057) 7 147 791

«Лекхим-Харьков» АҚ.

Украина, 61115, Харьков қ-сы, семнадцатый Партсъезд к-сі, 36.

тел. +38 (057) 7 147 790, факс +38 (057) 7 147 791

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

«L-Фарма» ЖШС

050061, Қазақстан Республикасы

Алматы қ-сы, Тастақ-1 ы/а, 3-үй

тел./факс: (727) 374-88-75, факс: 374-88-72

elfarma@rambler.ru

6