Нафтифин (10 мг/мл)

Нафтифин

Нафтифин

Дәрілік түрі, дозалануы

Сыртқа қолдануға арналған ерітінді 10 мг/мл

Дерматология. Тері ауруларын емдеуге арналған зеңге қарсы препараттар. Жергілікті қолдануға арналған зеңге қарсы препараттар. Жергілікті қолдануға арналған басқа да зеңге қарсы препараттар. Нафтифин.

АТХ коды: D01AE22.

- Tinea corporis, Tinea inguinalis қоздырғыштарымен туындаған тері мен тері қатпарларының зеңдік инфекцияларында;

- Tinea manum, Tinea pedum қоздырғыштарымен туындаған қол саусақтарының және аяқ башпайларының саусақаралық микоздарында;

- аяқ пен қол тырнақтарының зеңдік инфекцияларында (онихомикоздар);

- Candida туындаған тері кандидоздарында;

- Pityriasis versicolor қоздырғышымен туындаған кебек тәріздес теміреткіде.

Қолданудың басталуына дейінгі қажетті мәліметтер тізбесі

- Нафтифинге немесе препараттың қосымша заттарының кез келгеніне аса жоғары сезімталдық

- ашық жарақат беткейі.

Қолдану кезінде қажетті сақтық шаралары

Зеңдік инфекцияларды (микоз) қайтару үшін, келесі сақтық шараларын ұстану керек:

1. Зеңдер зақымданған тері/тырнақ аумағымен жанасатын киімге және/немесе шұлыққа түсуі мүмкін, сондықтан киім және/ немесе шұлықты күнде ауыстыру керек.

2. Тері/тырнақтың зақымданған беткейін құрғақ күйде ұстау зеңдік инфекцияның таралуынан жақсы қорғайды. Зақымданған жерді қалың матамен жабуға немесе желдетуді шектейтін немесе кедергі келтіретін (мысалы, синтетикалық талшықтардан даярланған шұлық, тар аяқ киім) киім киюге болмайды. Тері/тырнақтың зақымданған жерлерін жуғаннан кейін мұқият кептіру керек. Сонымен қатар зақымданған беткеймен жанасатын сүлгі, киім және /немесе шұлықты күнделікті ауыстыру керек.

3. Табанның зеңдік ауруында қайта жұқтыру немесе патогенді қоздырғыштардың таралуының алдын алу үшін үйде немесе қоғамдық орындарда жалаң аяқ жүруге болмайды.

4. Сауна немесе бу моншасына зеңдік инфекциядан толық жазылғаннан кейін баруға болады.

Басқа дәрілік препараттармен өзара әрекеттесуі

Анықталмаған.

Арнайы сақтандырулар

Дәрілік зат тек сыртқа қолдануға арналған. Оны офтальмологиялық тәжірибеде қолдануға, сондай-ақ ашық жараларға жағуға болмайды.

Педиатрияда қолданылуы

Нафтифиннің балалар мен 18 жасқа дейінгі жасөспірімдердегі қауіпсіздігі мен тиімділігі дәлелденбеген (қолдану тәжірибесі жеткіліксіз).

Жүктілік немесе лактация кезінде

Жүктілік

Сақтық шараларын сақтау мақсатында дәрілік затты жүктілік кезінде пайдаланудан аулақ болу керек.

Лактация

Сақтық шарасы ретінде дәрілік затты емшек емізу кезінде пайдаланудан аулақ болу керек.

Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Қазіргі кезеңге дейін көлік құралын немесе қауіптілігі зор механизмдерді басқару қабілетіне әсері туралы хабарламалар түскен жоқ.

Қолдану жөніндегі нұсқаулар

Дозалану режимі

Бір реттік дозасы – 2-3 тамшы ерітінді.

Терінің зеңдік инфекциялары

Ерітіндіні алдын ала тазартылған және мұқият құрғатылған терінің зақымданған жерлеріне күніне 1 рет жағу керек.

Ем ұзақтығы:

- тері мен тері қатпарларының зеңдік инфекцияларында – 4- аптаға дейін;

- қол саусақтарының және аяқ башпайларының саусақаралық микоздарында – 4-тен 8 аптаға дейін;

- тері кандидоздарында – 4 апта;

- кебек тәріздес теміреткіде – 2- аптаға дейін.

Клиникалық әсері байқалғаннан кейін, атап айтсақ қышыну мен ашытып күйдіру қайтқаннан кейін, қайта инфекция жұғуының алдын алу үшін 2 аптадан кем емес уақыт жалғастыру керек.

Аяқ пен қол тырнақтарының зеңдік инфекцияларында (онихомикоздар)

Ерітіндіні алдын ала тазартылған, мұқият құрғатылған және алынған тырнақ пластиналарының зақымданған беткейлеріне күніне 2 рет жағады. Емдеу ұзақтығы тырнақ пластиналарының өсу жылдамдығымен анықталады және жаңа тырнақ өсіп шыққанға дейін 3-тен 6 айға дейінді құрауы мүмкін.

Пациенттердің ерекше топтары

Балалар

Дәрілік затты 18 жасқа дейінгі пациенттерге қолдану ұсынылмайды.

Егде жастағы пациенттер

Дозаны түзетудің қажеті жоқ.

Бүйрек немесе бауыр жеткіліксіздігі бар пациенттер

Дозаны түзетудің қажеті жоқ.

Енгізу әдісі және жолы

2-3 тамшы ерітіндіден құтыдағы қондырғы-тамшылатқыш көмегімен немесе мақта тампон көмегімен жағады. Ерітіндіні тері/тырнақтың зақымданған жерлеріне ғана емес таралуының алдын алу үшін айнала шектелетін жерлерге де жағу керек.

Нафтифинді ауа өткізетін таңғыш астында қолдану ұсынылады (бұласыр, бинт және т.б.), бірақ окклюзиялық таңғыш астында қолдануға болмайды.

Емдеу ұзақтығы

Инфекцияның қайталануының алдын алу үшін емді клиникалық сауығудан кейін кем дегенде екі аптаға жалғастырады.

Егер дәрілік затты қолдану басталғаннан кейін 4 апта ішінде клиникалық жақсару байқалмаса, емдік тәсілді қайта қарау қажет.

Қайта жұқтырудың профилактикасы үшін гигиена шараларын сақтау қажет.

Артық дозалану жағдайында қабылдау қажет болатын шаралар

Симптомдары: нафтифинді сыртқа қолданғанда жедел артық дозалану және жүйелі уыттану болжамды.

Шұғыл емшаралар: кездейсоқ ішке қабылдағанда медициналық көмекке жүгіну ұсынылады, симптоматикалық ем жүргізу қажет болуы мүмкін.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Осы препаратты қолдануға қатысты қандай да бір қосымша сұрақтар туындаған кезде емдеуші дәрігерге қаралу керек.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Белгісіз (қолда бар деректердің негізінде бағалау мүмкін емес)

- терінің құрғақтығы;

- қызаруы және күйдіру;

- эритема;

- қышыну;

- жергілікті тітіркену.

Жағымсыз реакциялары қайтымды сипат иеленген және емді тоқтатуды талап етпейді.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

1 мл ерітіндінің құрамында:

белсенді зат – нафтифин гидрохлориді, 10 мг,

қосымша заттар: этанол (96% этил спирті түрінде), пропиленгликоль, тазартылған су.

Сыртқы түрінің, иісінің, дәмінің сипаттамасы

Мөлдір, түссіз немесе сәл сарғыш этанол иісімен ерітінді.

Шығарылу түрі және қаптамасы

10 мл-ден қорғағыш сақинасы және қондырғы-тамшылатқышы бар бұрандалы қақпақпен жабылған полиэтилен құтыларда немесе дәрілік затқа арналған алғашқы ашылу сақинасымен/тамшылатқышпен жиынтықтағы бұрандалы қақпақпен жабылған, құйылған қоңыр шыныдан жасалған құтыларда. Әрбір құты медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл.

Жарамдылық мерзімі өткеннен кейін қолдануға болмайды!

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

«Фармтехнология» ЖШҚ

Беларусь Республикасы

220024, Минск қ-сы, Корженевский к-сі, 22

Телефон/факс: (017) 309 44 88.

E-mail: ft@ft.by

Тіркеу куәлігінің ұстаушысы

«Фармтехнология» ЖШҚ

Беларусь Республикасы

220024, Минск қ-сы, Корженевский к-сі, 22

Телефон/факс: (017) 309 44 88.

E-mail: ft@ft.by

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Жолдыбалина Д.М. ЖК

050031, Алматы қ.,

«Ақсай-2» ықшам ауданы, 62-үй, 28-пәтер.

Телефон: +77055074498

Электронды пошта: a.m.dinara@mail.ru