Нафтизин® (капли назальные, 0.1%)

• русский
• қазақша

• Скачать инструкцию медикамента

Саудалық атауы

Нафтизин®

Халықаралық патенттелмеген атауы

Нафазолин

Дәрілік түрі

0,05 және 0,1% 10 мл мұрын тамшы дәрісі

Құрамы

1 мл ерітіндінің құрамында

белсенді зат – 0,5 мг (0,05% ерітінді) немесе 1 мг (0,1% ерітінді) нафазолин нитраты

қосымша заттар: бор қышқылы, инъекцияға арналған су.

Сипаттамасы

Мөлдір, түссіз немесе сәл сарғыш сұйықтық.

Фармакотерапиялық тобы

Антиконгестанттар және жергілікті қолдануға арналған басқа да препараттар. Симпатомиметиктер. Нафазолин.

АТХ коды R01А А08.

Фармакологиялық қасиеттері

Фармакокинетикасы

Жергілікті қолданғанда нафазолин толықтай сіңеді.

Емдік әсері 5 минут ішінде басталады және мұрын ішіне қолданған кезде 4-6 сағатқа созылады.

Фармакодинамикасы

Нафтизиннің® альфа-адренорецепторларға әсер етуі арқасында шеткергі тамырларға айқын тамыр тарылтқыш әсер көрсетеді.

Шырышты қабықтарға жаққанда ісінуді, гиперемияны, экссудацияны азайтады, бұл ринит кезінде мұрынмен тыныс алудың жеңілдеуіне ықпал етеді. Нафазолин мұрын қосалқы қойнауларының шығу өзектері мен евстахий түтіктерінің ашылуы мен кеңеюіне ықпал етеді, бұл сөлдің ағып кетуін жақсартады және бактериялардың шөгіп қалуын кедергілейді.

Қолданылуы

- жедел ринит

- мұрын қосалқы қойнауларының қабынуы

- евстахиит

- диагностикалық және емдік шаралар кезінде ісінуді азайту үшін

Қолдану тәсілі және дозалары

Нафтизинді® басты сәл артқа шалқайтып, әр мұрын жолына және оны сол жақ танауға тамызғанда оңға, ал оң жақ танауға тамызғанда солға қисайтып тамызады.

Емдік мақсатта. Ересектерге және 15 жастан бастап балаларға – әр мұрын жолына 0,1% ерітінді 1-3 тамшыдан. 2-ден 6 жасқа дейінгі балаларға әр мұрын жолына 0,05% ерітіндіні 1 тамшыдан, 6-дан 15 жасқа дейінгі балаларға 2 тамшыдан қолданады.

Нафтизинді® күніне 2-3 рет қолданады, бірақ 4-6 сағаттан жиі емес.

Нафтизинді® ересектерге 1 аптадан көп және балаларға 3 күннен артық қолдануға болмайды.

Нафтизинді® 7-14 күн өткен соң ғана қайта қолдануға болады.

Қан кеткен жағдайда препараттың 0,05% ерітіндісіне малынған тампондарды пайдалану керек.

Диагностикалық мақсатта ісінуді азайту үшін – мұрын қуысын тазалағаннан кейін әр мұрын жолына 0,05% ерітіндіні 3-4 тамшыдан тамызады немесе 0,05% ерітіндіге малынған тампонды 1-2 минут салады.

Жағымсыз әсерлері

Препараттың жергілікті әсерлері:

мұрын қуысының ашытуын және құрғауын сезіну, реактивті гиперемия; ұзақ қолданғанда – мұрын шырышты қабығының ісінуі; аллергиялық реакциялар, аса сирек – Квинке ісінуі.

1 аптадан көп қолданғанда препаратқа дағдылануды туындатады.

Ұзақ қолдану атрофиялық ринитті туғызуы мүмкін.

Препараттың жүйелік әсері

жүйке жүйесі тарапынан: әлсіздік, тремор, жүрек айну, бас ауыру, ашушаңдық, қатты тершеңдік;

жүрек-қантамыр жүйесі жағынан: жекелеген жағдайларда бейімділігі бар емделушілерде – артериялық қысымның көтерілуі, тахикардия, аритмия

тері және оның қосалқылары тарапынан: тері жабындарының бозаруы.

Бұл жағымсыз әсерлер көбінесе препараттың артық дозалануынан кейін туындайды.

Қолдануға болмайтын жағдайлар

- препарат компоненттеріне жоғары сезімталдық

- мұрын шырышты қабығының құрғақ қабынуы

- 0,05% ерітіндіні 2 жасқа дейінгі балаларға

- 0,1% ерітіндіні 15 жасқа дейінгі балаларға

- гипертиреоз

- созылмалы ринит

- қант диабеті

- артериялық гипертензия

- ишемиялық жүрек ауруы

- феохромоцитома

- тахикардия

- айқын атеросклероз

- жабық бұрышты глаукома

- МАО тежегіштерін бір мезгілде қолдану және оларды қолданып біткеннен кейін 14 күнге дейінгі кезең

Дәрілермен өзара әрекеттесуі

Нафтизин® ішу арқылы қабылдауға тағайындалатын гипотензиялық дәрілердің емдік белсенділігін төмендетеді, анестетиктердің сіңуін баяулатады.

МАО тежегіштерімен (ниаламид, бефол) және үш циклды антидепрессанттармен біріктіріп қолданғанда немесе оларды тоқтатқаннан кейін бірнеше күн бойы артериялық қысымның күрт көтерілу қаупі үйіріледі.

Моноаминдердің кері қармаушы селективті емес тежегіштері Нафтизин® препаратының тамыр тарылтқыш әсерін күшейтеді.

Айрықша нұсқаулар

• Препаратты ұзақ қолдану мұрынның созылмалы бітелуі мен шырышты қабық атрофиясына алып келеді.

• Препаратты жүрек-қантамыр жүйесінің ауыр сипатты аурулары бар адамдарға, бронх демікпесінде өте сақтанып қолданған жөн. Миокардтың симпатомиметиктерге сезімталдығын арттыратын анестетиктерді (мысалы, галотан) бір мезгілде қолданғанда сақ болу қажет.

• Педиатрияда қолданылуы

• 0,05% Нафтизинді® 2 жасқа дейінгі балаларға қолдануға болмайды.

• 2-ден 15 жасқа дейінгі балаларға 0,05% Нафтизинді® қолдануға болады.

• Жүктілік немесе лактация кезеңінде қолдану

• Жүктілік және емшек емізу кезінде, егер күтілетін пайдасы ана мен сәбиге төнетін әлеуетті қатерден артық болатын жағдайда ғана, препаратты қолдануға болады.

  Препараттың көлікті және қауіптілігі зор механизмдерді басқару қабілетіне әсер ету ерекшеліктері

• Емдік дозаларда қолданғанда көлік құралдарын басқару және басқа механизмдермен жұмыс істеу қабілетіне әсер етпейді.

Артық дозалануы

Препаратты артық дозалау немесе кездейсоқ жұту препараттың жүйелік әсер ету симптомдарымен көрініс береді: артериялық қысымның көтерілуі, тахикардия, бас ауыру, тремор, ашушаңдық, қатты тершеңдік, жүрек қағуын сезіну, сананың бұзылуы. Пайда болуы мүмкін - цианоз, жүрек айну, жүректің тоқтап қалуы, өкпе ісінуі, психикалық бұзылулар, дене температурасының көтерілуі. Орталық жүйке жүйесіне бәсеңдетуші әсері мынадай симптомдармен білінеді: ұйқышылдық, брадикардия, дене температурасының төмендеуі, шок жағдайы, апноэ, кома.

Кездейсоқ артық дозалану кезінде препарат қолдануды тоқтатып, дереу дәрігерге қаралу керек.

Емі: белгісіне қарай.

Шығарылу түрі және қаптамасы

Қалпақшалармен тығындалған полиэтилен құтыларда 10 мл-ден.

Құтыларға өздігінен желімденетін заттаңбалар жапсырылады.

1 құтыдан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.

Сақтау шарттары

Жарықтан қорғалған жерде, 150С-ден 250С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Препарат құты ашылғаннан кейін 28 тәулік ішінде пайдалануға жарамды.

Қаптамасында көрсетілген жарамдылық мерзімі өткеннен кейін препаратты қолдануға болмайды.

Дәріханалардан босатылу шарттары

Рецептісіз

Өндіруші

«Фармак» ЖАҚ, Украина, 04080, Киев қ., Фрунзе к-сі, 63.

Тіркеу куәлігінің иесі

«Фармак» ЖАҚ, Украина

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы

Қазақстан Республикасы, 050009 Алматы қ., Абай к-сі 157, 5 кеңсе

Тел./факс: +7 (727) 250 66 23, электронды пошта: Djatlova88@mail.ru