Нафазолин-ШФ (0.1%)
Инструкция
-
русский
-
қазақша
Саудалық атауы
Нафазолин-ШФ
Халықаралық патенттелмеген атауы
Нафазолин
Дәрілік түрі
Мұрынға арналған тамшылар 0.05 % және 0.1 % 10 мл
Құрамы
10 мл препараттың құрамында
белсенді зат – 5.0 мг және 10.0 мг нафазолин нитраты.
қосымша заттар: бор қышқылы, тазартылған су.
Сипаттамасы
Мөлдір, түссіз немесе сәл сарғыш сұйықтық
Фармакотерапиялық тобы
Антиконгестанттар және жергілікті қолдануға арналған басқа да мұрын препараттары. Симпатомиметиктер. Нафазолин.
ATХ коды R01АА08
Фармакологиялық қасиеттері
Фармакокинетикасы
Препаратты тамызғаннан кейін нафазолиннің емдік әсері 5 минуттан соң дамиды және 8 сағатқа дейін созылады, препаратты жиі қолданған кезде әсер ету ұзақтығы 6 сағатқа дейін қысқаруы мүмкін. Нафазолинді жергілікті қолданғанда жүйелі қан ағысына сіңуі және жүйелі әсер етуі мүмкін.
Фармакодинамикасы
Альфа-адреномиметик. Нафазолиннің тамыртарылтқыш әсері бар. Нафазолин альфа2-адренорецепторларды көтермелейді, ол шеткергі қантамырларын тарылтуға, артериялық қысымды жоғарылатуға, қарашықтарды кеңейтуге әкелуі мүмкін. Нафазолинді интраназальді қолданған кезде тамырларды тарылтады, экссудацияны азайтады, осылай мұрынмен тыныс алуды жеңілдетеді және жоғарғы тыныс алу жолдары қабынуында шырышты қабатының ісінуін төмендетеді.
Қолданылуы
– жедел ринитте
– аллергиялық ринитте
– синуситтерде
– риноскопия жүргізуді жеңілдету үшін.
Қолдану тәсілі және дозалары
Ринит кезінде ересектерге әрбір мұрын қуысына күніне 2-3 рет 0,1 % ерітіндісінің 2-3 тамшысын тамызу ұсынылады. 2 жастан асқан балаларға – 0.05 % ерітіндісінің 1-2 тамшысы. Беткейлік жансыздандыру үшін қосымша дәрілік зат түрінде – препараттың 0.1% ерітіндісін 1 мл жергілікті анестетик ерітіндісіне 2-4 тамшы мөлшерінде қосады. Емдеу курсы 5-7 күннен аспайды.
Жағымсыз әсерлері
-
жүрек айнуы, бас ауыруы
-
тахикардия, артериялық қысымның жоғарылауы
-
реактивті гиперемия, күйдіру және құрғау сезімі
-
мұрын қуысы шырышты қабығының ісінуі (1 аптадан көп қолданғанда)
-
мұрынның шырышты қабығының ісінуі (1 аптадан астам қолданған кезде)
-
атрофиялық ринит
Қолдануға болмайтын жағдайлар
– препаратқа жеке сезімталдық
– артериялық гипертензия
– тахикардия
– айқын атеросклероз
– созылмалы ринит
-
2 жасқа дейінгі балаларға (0.05 % ерітінді), 12 жасқа дейін (0.1 % ерітінді)
-
қант диабеті
-
жабық бұрышты глаукома
-
гипертиреоидизм
– көздің ауыр сипатты аурулары
-
моноаминоксидаза (МАО) тежегіштерімен немесе үшциклді антидепресанттармен бір мезгілде қабылдау және оларды қолдану аяқталғаннан кейінгі 14 күнге дейінгі кезең
Дәрілермен өзара әрекеттесуі
Нафазолин ішу арқылы тағайындалған гипотензивті дәрілердің емдік белсенділігін төмендетеді. Орталық жүйке жүйесінің стимуляторларының әсерін күшейтеді. Ниаламидпен, бефолмен біріктіруге болмайды – Нафазолинді оларды қолданғаннан кейін кем дегенде 10 күн өткен coң қолдану керек.
Айрықша нұсқаулар
Препаратты жүрек-қантамырлар жүйесінің ауыр сипатты ауруларында (гипертония, жүректің ишемиялық ауруы), метаболизмнің бұзылуында (қант диабеті, гипертиреоз), феохромацитомда аса сақтықпен тағайындау керек.
Ұзақ уақыт қолданғанда төзімділік дамуы ықтимал. Препаратты ұзақ уақыт дәрігердің кеңесінсіз қабылдауға болмайды.
Жүктілік және лактация кезеңі
Жүктілік және бала емізу кезінде препаратты, егер күтілген пайда ана мен балаға төнетін қауіпті ақтайтын жағдайда ғана, қолдануға болады.
Көлік құралын және қауіптілігі зор механизмдерді басқару қабілетіне әсер етуі
Әсер етпейді
Артық дозалануы
Анықталмаған
Шығарылу түрі және қаптамасы
10 мл-ден полипропилен тамшылатқыш-құтыларда. Құтыларды картоннан жасалған қорапқа немесе орау қағазына қапталған бумаға медицинада қолданылуы жөніндегі мемлекеттік және орыс тіліндегі қолдану жөніндегі нұсқаулықпен бірге қаптайды.
Сақтау шарттары
Жарықтан қорғалған жерде, 15 0С до 25 оС-ге дейінгі температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды
Босатылу шарттары
Рецептісіз
Өндіруші
«Шаншаров – Фарм» ЖШС,
Қазақстан
Алматы қ.
Б. Бұлқышев к-сi, 4е
Тіркеу куәлігінің иесі
«Шаншаров – Фарм» ЖШС, Қазақстан
ҚР аумағында өнім сапасына қатысты шағымдарды қабылдайтын ұйымның мекенжайы
«Шаншаров – Фарм» ЖШС, Қазақстан Республикасы, Алматы қ.
Б. Бұлқышев к-сi, 4е
Тел./факс +7 727 233-27-58
Электронды поштасы: farm-4@mail.ru