Натрия хлорид (Раствор для инъекций изотонический, 9 мг/мл)
Инструкция
-
русский
-
қазақша
Саудалық атауы
Натрий хлориді
Халықаралық патенттелмеген атауы
Жоқ
Дәрілік түрі
Инъекцияға арналған изотониялық 9 мг/ мл ерітінді.
Құрамы
Бір ампуланың (5 мл ерітіндінің) ішінде
белсенді зат – 45 мг натрий хлориді,
қоымша заттар – инъекцияға арналған су.
Сипаттамасы
Мөлдір түссіз сұйықтық.
Фармакотерапиялық тобы
Басқа да емдік емес дәрілер. Еріткіштер.
АТХ коды W07AB
Фармакологиялық қасиеттері
Фармакокинетикасы
Гистогематикалық бөгет арқылы барлық ағзалар мен тіндерге оңай өтеді, жасушадан тыс сұйықтыққа таралады. Болымсыз ғана метаболизденеді. Жартылай шығарылу кезеңі 1 сағатқа жуық. Диурезді күшейте отырып, бүйрек арқылы шығады.
Фармакодинамикасы
Плазма алмастырғыш, уытсыздандырғыш, гидратирлейтін және қышқылдық-сілтілік жай-күйді қалпына келтіретін дәрі.
Қан плазмасы мен жасушадан тыс сұйықтықтың осмостық қысымын демеп тұратын маңызды органикалық емес компонент болып табылады. Қан плазмасындағы натрий хлоридінің концентрациясы (мысалы, диареяның, тоқтаусыз құсудың, экссудациямен ауқымды күюлердің, бүйрек үсті безі қабының гипофункциясы салдарынан) төмендеген кезде су тамыр арнасынан тін аралық сұйықтыққа өтіп, қанды қоюландырып, тіндердің ісінуін туындатады. Натрий хлоридінің елеулі тапшылығында тегіс бұлшық еттердің түйілуі мен қаңқа бұлшық еттерінің жиырылуы пайда болады, жүйке импульстерінің өтуі, жүректің жұмысы бұзылады.
Натрий хлоридінің 0,9% изотониялық ерітіндісі айналымдағы қанның көлемін уақытша ғана көбейтіп қан тамыры арнасынан жылдам шығарылады. Дегидратация кезінде организмде (тоқтаусыз құсу, диарея, қатты күю, қан кету салдарынан болған) сұйықтық тапшылығын толықтырады. Қант диабеті бар науқастардағы гиперосмолярлы және гиперлактацидемиялық кома аясында енгізгенде қан плазмасы мен жасушадан тыс сұйықтықтың осмостық қысымының реттелуін қамтамасыз етеді.
Еріткіш ретінде аз көлемде қолданғанда жоғарыда аталған әсерлері байқалмайды.
Қолданылуы
-
парентеральді енгізуге арналған дәрілік препараттарды еріту үшін;
– таңғыш материалды дымқылдау, жараны, шырышты қабаттарды шаю үшін.
Қолдану тәсілі мен дозалары
Инъекцияға арналған натрий хлоридін қолданумен дәрілік заттардың ерітіндісін дайындау стерильді жағдайда жүреді (ампуланы ашу, еккіш пен сыйымдылықтарды дәрілік заттармен толтыру).
Нақты дәрінің ерітіндісін дайындау мақсатында инъекцияға арналған натрий хлоридінің мөлшері соңғысының қолданылуы жөніндегі нұсқаулығы бойынша немесе жағдайға байланысты дәрігермен анықталады.
Инъекцияға арналған натрий хлоридінің ерітіндісі, егер олардың кейбіреуі үшін басқа еріткіш көрсетілсе, дәрілік заттардың еріткіші ретінде қолданылмайды.
Жағымсыз әсерлері
Еріткіш ретінде төмен дозалар енгізілгенде жағымсыз әсерлері анықталған жоқ.
Аса жоғары сезімталдық байқалуы мүмкін.
Қолдануға болмайтын жағдайлар
Басқа еріткіш міндетті түрде көрсетілімдегі дәрілік заттарды еріту және сұйылту үшін қолданылмайды.
Препаратқа аса жоғары сезімталдық.
Дәрілермен өзара әрекеттесуі
Басқа препаратармен араластырғанда физико-химиялық сыйымсыздық байқалуы мүмкіндіктен, сыйымдылығын қарап тексеру керек.
Айрықша нұсқаулар
Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері
Препарат көлік құралдарын басқару және қауіптілігі зор механизмдермен жұмыс жасау қабілетіне әсер етпейді.
Артық дозалануы
Артық дозалану жағдайлары тіркелмеген.
Шығарылу түрі мен қаптамасы
Шыныдан жасалған ампулаларда 5 мл-ден.
10 ампуладан ампулаларды ашуға арналған пышақпен немесе
скарификатормен бірге заттаңба –бандерольмен айналдыра жапсырылған картон қорапқа салынған.
Қораптар медицинада қолданылуы жөніндегі мемлекеттік және орыс тілдеріндегі нұсқаулықтармен бірге топтық қаптамаға салынған.
Медицинада қолданылуы жөніндегі мемлекеттік және орыс тілдеріндегі нұсқаулықтар саны қаптамалар санына сәйкес келуі керек.
Немесе поливинилхлоридті үлбірден жасалған пішінді ұяшықты қаптамада 5 ампуладан. 2 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықтар және ампулаларды ашуға арналған пышақ немесе скарификатормен бірге картон қорапшаға салынған.
Сындыру сақинасы немесе кертігі және сындыру нүктесі бар ампулаларды қолданған жағдайда, ампулалар ашуға арналған пышақ немесе скарификатор бірге салынбайды.
Сақтау шарттары
25 °С-ден аспайтын температурада.
Балалардың қолы жетпейтін жерде сақтау керек!
Жарамдылық мерзімі
5 жыл
Жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецепт арқылы
Өндіруші/Қаптаушы
«Борисов медициналық препараттар зауыты» ашық акционерлік қоғамы, Беларусь Республикасы.
Минск обл., Борисов қ, Чапаев көшесі, 64, тел/факс +375(177)734043.
Тіркеу куәлігі иесінің атауы мен елі
«Борисов медициналық препараттар зауыты» ашық акционерлік қоғамы, Беларусь Республикасы
Қазақстан Республикасының аумағында тұтынушылардан өнімнің (тауардың) сапасы жөнінде шағымдарды қабылдайтын ұйымның мекенжайы
Қазақстан Республикасы, 050004, Алматы қ-сы, Абылай хан даңғылы, 30, «МедФармИнтерСервис» ЖШС, тел. 87013066011, 87714140258.