Натрия хлорид (раствор для инъекций, 0.9%, ФГУП

• русский
• қазақша

• Скачать инструкцию медикамента

Саудалық атауы

Натрий хлориді

Халықаралық патенттелмеген атауы

Жоқ

Дәрілік түрі

Инъекцияға арналған 0,9% ерітінді, 5 мл

Құрамы

Бір литр құрамында

белсенді зат - натрий хлориді 9,0 г

қосымша зат - инъекцияға арналған су 1,0 л-ге дейін

Сипаттамасы

Түссіз, мөлдір сұйықтық.

Фармакотерапиялық тобы

Басқа да препараттар. Еріткіштер.

АТХ коды V07AB

Фармакологиялық қасиеттері

Фармакокинетикасы

Натрий мен хлор иондары қан плазмасында және жасуша сыртындағы сұйықтықта қажетті осмостық қысымды демеп тұратын жасуша сыртындағы сұйықтықтың маңызды органикалық емес компоненті болып табылады. Натрий хлориді енгізгеннен кейін бүкіл организмге тез таралады, аздап метаболизденеді. Жартылай шығарылу кезеңі 1сағатқа жуықты құрайды. Бүйректермен өзгермеген күйінде тез шығарылады.

Фармакодинамикасы

Натрий хлоридінің 0,9% ерітіндісі адам плазмасына изотоникалы, сондықтан қантамырлары арнасынан тез шығарылады.

Қолданылуы

- дәрілік препараттарды еріту және сұйылтуда

Қолдану тәсілі және дозалары

Дәрілік заттарды еріту және сұйылтудан кейін тері астына, бұлшықет ішіне, көктамыр ішіне. Инъекция үшін натрий хлоридін қолданумен дәрілік заттардың ерітіндісін дайындау стерильді жағдайда жүреді (ампуланы ашу, еккіш пен ыдысты дәрілік заттармен толтыру). Инъекцияға арналған натрий хлоридінің мөлшері белгілі дәрінің ерітіндісін дайындау мақсатында соңғысының қолдану жөніндегі нұсқаулығы бойынша немесе жағдайға байланысты дәрігермен анықталады.

Жағымсыз әсерлері

Еріткіш ретінде аз дозаны енгізген жағдайда жағымсыз әсерлері анықталмаған. Асқын сезімталдық болуы мүмкін.

Қолдануға болмайтын жағдайлар

Инъекцияға арналған натрий хлоридінің ерітіндісі, егер олардың кейбіреуіне міндетті түрде басқа еріткіш аталса, дәрілік заттардың еріткіші ретінде қолданылмайды.

Дәрілермен өзара әрекеттесуі

Натрий хлориді дәрілік заттардың көбімен сыйымды.

Басқа еріткіштермен бірге қолдануға болмайды.

Айрықша нұсқаулар

Тек зақымданбаған ампулаларды қолдану керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат көлік құралын және қауіптілігі зор механизмдерді басқару қабілетіне әсер етпейді.

Артық дозалануы

Еріткішпен бірге қолданылатын дәрілік заттардың нұсқаулығындағы нұсқаулармен сәйкес.

Шығарылу түрі мен қаптамасы

Шыныдан жасалған ампулаларда 5 мл-ден. 10 ампуладан медицинада қолданылуы жөніндегі мемлекеттік және орыс тілдеріндегі нұсқаулықпен және ампула скарификаторымен бірге картон қорапқа салынған.

Жұқартылған жерімен, ашуға арналған сақинасы немесе нүктесімен ампуланы қаптағанда ампула скарификаторы салынбайды.

Сақтау шарттары

25ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Микроген» ҒӨБ» ФМУК Ресей ДС министрлігі, Ресей Федерациясы.

Ресей, 115088, Мәскеу қ-сы, 1-ші Дубровский к-сі, 15 үй, тел. (495) 710-37-87.

Өндірістің мекенжайы: Ресей, 614089, Пермь өлкесі, Пермь қ-сы, Братская к-сі, 177 үй, тел. (342) 281-94-96.

Тіркеу куәлігінің иесі

«Микроген» ҒӨБ» ФМУК Ресей ДС министрлігі, Ресей Федерациясы

Қазақстан Республикасы аумағында тұтынушылардан препараттың сапасы туралы түскен шағымдарды қабылдайтын ұйымның мекенжайы: «Нестеренко Н.А.» ЖК, Қазақстан Республикасы, 050000, Алматы қ-сы,

Фурманов к-сі, 128 үй, 16 кеңсе, тел./факс (727) 279-66-59,

e-mail:ip_n_nesterenko@list.ru