Натрия хлорид (Раствор для инфузий 0.9%; 200, 400 мл; Фармацевтическая компания Ромат)
Инструкция
-
русский
-
қазақша
Саудалық атауы
Натрий хлориді
Халықаралық патенттелмеген атауы
Жоқ
Дәрілік түрі
Инфузияға арналған 0.9 % ерітінді
Құрамы
1 л препараттың құрамында
белсенді зат – 9.0 г натрий хлориді,
қосымша заттар: 1М хлорлы сутек қышқылы рН 5,0-7,5 дейін, иъекцияға арналған су 1 л дейін.
Сипаттамасы
Түссіз мөлдір сұйықтық.
Фармакотерапиялық тобы
Плазма алмастырғыш және перфузиялық ерітінділер. Су-электролиттік теңгерімге әсер ететін ерітінділер. Электролиттер.
АТХ коды В05ВВ01
Фармакологиялық қасиеттері
Фармакокинетикасы
Көктамыр ішіне 0,9% натрий хлоридінің ерітіндісін енгізгенде қан тамырлары арнасынан жылдам шығарылады, интерстициальды сектор мен жасушалар ішіне өтеді. Жартылай шығарылу кезеңі – 1 сағат. Бүйрекпен шығарылады.
Фармакодинамикасы
Препарат қан мен жасуша аралық сұйықтықтың осмостық қысымын қалпына келтіруге ықпал етеді, қан арнасындағы төмендеген қан көлемін толықтырады, иондық тепе-теңдікті қалпына келтіреді. Уытсыздандыратын әсер береді. Зат алмасу үдерісін көтермелейді, бауырдың уыттануға қарсы қызметін жақсартып, диурезді арттырады.
Негізінен организмдегі сұйықтық көлемі азайған кезде бұзылған су-тұзды гемостазды қалпына келтіреді. Препарат тамырлы арнадан тез шығып кететіндіктен, оны шок және қан жоғалтқан кезде қолдану жеткілікті түрде тиімді емес.
Қолданылуы
- организмнің сусыздануы - уытты диспепсия - тұрақты диарея - тоқтаусыз құсу - тырысқақ - уланулар мен уытты жұқпада - бауыр аурулары - диабеттік кетоацидоз - жараларды, көзді, мұрынның шырышты қабығын шаю
- дәрілік препараттарды еріту
Қолдану тәсілі және дозалары
Көктамыр ішіне тамшылатып, тері астына, ректальді, жергілікті, сыртқа қолданады.
Инъекциялық және инфузиялық ерітінділер алуға арналған дәрілік препараттардың ерітіндісі ретінде пайдаланады.
Енгізілетін ерітіндінің көлемін науқастың жағдайына, сондай-ақ сұйықтықты, натрий мен хлор иондарын жоғалтуға байланысты анықтайды. Инфузия жылдамдығы жекелей таңдалады. Көктамырға салыстырмалы түрде аздаған мөлшерде 0,9% натрий хлориді ерітіндісін құйған кезде оны сорғалатып енгізуге болады.
Көп сұйықтық жоғалтқан кезде және айқын уытсыздану кезінде тәулігіне 3 л дейін енгізілуі мүмкін.
Енгізу жылдамдығы - 540 мл/сағ; қажет болғанда – енгізу жылдамдығын арттырады.
Балаларға артериялық қысымы анық төмендеген кезде дегидратация аясында (зертханалық параметрлерін анықтағанға дейін) 20-30 мл/кг енгізеді. Мұнан әрі дозалау тәртібі зертханалық көрсеткіштерге байланысты түзетіледі.
Жараны, көзді, мұрынның шырышты қабығын жуып тазарту үшін пайдаланады.
Жағымсыз әсері
Изотониялық ерітіндіні үлкен көлемде пайдаланғанда орын алуы мүмкін:
- бас ауыру, бас айналу, мазасыздық, әлсіздік - көзден жас ағуы, тершеңдік, қызба - тахикардия, артериялық гипертензия - жүрек айнуы, құсу, диарея - тахикардия, артериялық гипертензия - ацидоз - гипергидратация - гипокалиемия
Қазіргі кезге дейін сыртқа және жергілікті қолданған кездегі жағымсыз әсерлері анықталмаған.
Қолдануға болмайтын жағдайлар
- тромбофлебиттер
- қалпына келмейтін жүрек ақаулары - бүйректің ауыр сипатты аурулары - ми мен өкпенің ісіну қаупі бар циркуляторлық бұзылулар - гипернатриемия - кортикостероидтарды үлкен дозада қолдану
Дәрілермен өзара әрекеттесуі
Натрий хлориді басқа препараттармен химиялық тұрғыдан сәйкес келмейтін біріктірілімдер түзбейді.
Ерітіндіге басқа препараттарды қосқан кезде сәйкестілігін көзбен шолып бақылау қажет (дегенмен, көрінбейтін және емдік сәйкессіздік болуы мүмкін).
Айрықша нұсқаулар
Дәрілік затты натрий хлоридінің изотониялық ерітіндісінде ерітер алдында ерітіндімен сәйкессіздігін болдырмас үшін оның медицинада қолданылуы жөніндегі нұсқаулығымен мұқият танысып шығу керек.
Бүйректің сыртқа шығару қызметі бұзылған науқас адамдарға абайлап енгізеді, шок жағдайында және қан жоғалтқанда бір уақытта гемотрансфузияларды жасайды, плазма мен плазма алмастырғыштарды ауыстырып құяды; ұзақ уақыт бойы, әсіресе көп мөлшерде енгізгенде, плазма мен несептегі электролит мөлшерін, диурезді бақылайды.
Жүктілік және лактация кезеңі
Жүктілік және лактация кезінде қолданылады.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді.
Артық дозалануы
Тек инфузия ережелерін бұзғанда байқалады.
Симптомдары: хлорлы ацидозға, гипергидратацияға, организмнен калий шығуының күшеюіне әкелуі мүмкін. Емі: көрсетілген жағдайлардағы симптомдар пайда болған кезде препарат енгізуді тоқтату керек.
Шығарылу түрі және қаптамасы
Резеңке тығынмен тығындалып, алюминий қалпақшамен қаусырылған қанға, трансфузиялық және инфузиялық препараттарға арналған шыны бөтелкелерге 200, 400 мл-ден.
Бөтелкелерді медицинада қолданылуы жөніндегі мемлекеттік және орыс тілдеріндегі тиісті нұсқаулықтар санымен бірге гофрланған картон төсемдері бар гофрланған картон қорапқа қаптайды.
Сақтау шарттары
0 °С-ден 25 °С-ге дейінгі температурада сақтау керек.
Бөтелке бүтіндігі сақталған кезде препаратты мұздатып қатыру оны қолдануға қарсы көрсетілім болып табылмайды.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецепт арқылы
Өндіруші
«Ромат» фармацевтикалық компаниясы ЖШС, медициналық препараттар зауыты, Қазақстан, Семей қ., Краснознаменная к-сі 13, тел (7222) 340867, факс (7222) 347559, e-mail: zmp@romat.kz
Тіркеу куәлігі иесінің атауы мен елі
«Ромат» фармацевтикалық компаниясы ЖШС, медициналық препараттар зауыты, Қазақстан
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:
«Ромат» фармацевтикалық компаниясы ЖШС, медициналық препараттар зауыты, Қазақстан, Семей қ., Краснознаменная к-сі 13, тел (7222) 340867, факс (7222) 347559, e-mail: zmp@romat.kz