Натрия хлорид pharmadel

МНН: Натрия хлорид
Производитель: АНХУЙ ДОУБЛ-КРАН ФАРМАСЬЮТИКАЛ Ко., Лтд
Анатомо-терапевтическо-химическая классификация: Электролиты
Номер регистрации в РК: № РК-ЛС-5№021295
Информация о регистрации в РК: 28.09.2020 - 28.09.2030

Инструкция

Саудалық атауы

Натрий хлориді рһаrmadel

Халықаралық патенттелмеген атауы

Жоқ

Дәрілік түрі

Инфузияға арналған ерітінді 0,9%

Құрамы

1 л ерітіндінің кұрамында

белсенді зат – 0,9 г натрий хлориді,

қосымша зат - инъекцияға арналған су 1,0 л-ге дейін

Сипаттамасы

Түссіз мөлдір сұйықтық

Фармакотерапиялық тобы

Плазма алмастырғыш және перфузиялық ерітінділер. Көктамыр ішіне енгізуге арналған ерітінді. Су- электролитті теңгерімге әсер ететін ерітінділер. Электролиттер.

АТХ коды В05ВВ01

Фармакологиялық қасиеттері

Фармакокинетикасы

Натрийдің концентраңиясы (Na+ ) - 142 ммоль/л (плазма) және 145 ммоль/л (интерстициальді сүйықтық): хлоридтің концентрациясы (СІ-) - 101 ммоль/л (интерстициальді сұйықтық).

Бүйрекпен өзгермеген күйде шығарылады.

Фармакодинамикасы

Плазма алмастырғыш дәрі. Уытсыздандыратын және регидратациялық әсері бар. Организмнің әр түрлі патологиялық жағдайларында натрий тапшылығын толықтырады. Натрий хлоридінің 0.9% ерітіндісі адам қанының плазмасында изотониялы, сондықтан қан тамырлар арнасынан жылдам шығарылады, қан айналымындағы сұйықтықтың көлемін тек уақытша арттырады (қан жоғалту және шок кезінде тиімділігі жеткіліксіз).

Қолданылуы:

  • организмнің сусыздануында

  • гипохлоремиялық алкалозда

  • гипонатриемияда

  • уыттануда

  • дәрілік препараттарды ерітуде және сұйылтуда

  • жараларды, көзді, мұрын қуысының шырышты қабығын шаюға

  • таңғыш материалды сулауға

Қолдану тәсілі және дозалары

Натрий хлоридінің изотониялық ерітіндісін көктамыр ішіне (әдетте тамшылатып), тері астына, ректальді енгізеді немесе жергілікті (жараларды, көзді, мұрын қуысының шырышты қабығын шаю үшін), таңғыш материалды сулауға қолданады.

0,9 % натрий хлориді ерітіндісі: енгізер алдында ерітіндіні 36-38 0С дейін жылытады. Дозасы организмнің сұйықтықты, натрий және хлорды жоғалтуына қарай анықталады және орташа алғанда тәулігіне 1 л (литр тәулігіне) құрайды. Көп мөлшерде сұйықтық жоғалтқанда және айқын уыттану кезінде тәулігіне 3 л дейін енгізілуі мүмкін. Енгізу жылдамдығы – 540 мл/сағ; қажет болғанда енгізу жылдамдығын арттырады.

Жедел дегидратация кезінде (зертханалық параметрлері анықталғанға дейін) балаларға 20-30 мл/кг енгізеді. Әрі қарай дозалау тәртібі зертханалық көрсеткіштерге байланысты түзетіледі. 0,9 % натрий хлориді ерітіндісінің үлкен дозаларын ұзақ енгізген кезде плазмада және несепте электролиттерді бақылап отыру қажет.

Жағымсыз әсері

- хлоридті ацидоз

- гипергидратация

- гипокалиемия, гипернатриемия

- бас ауыруы, бас айналуы

- жүрек айну, құсу, диарея, асқазанның түйілуі

- тахикардия, артериалық гипертензия

- бүйрек функциясының бұзылуы, ісінулер

- мазасыздық, әлсіздік

- бұлшықеттердің тартуы және гипертонусы

- енгізген орынның ауыруы және тітіркенуі, тромбофлебит

Қолдануға болмайтын жағдайлар

- ацидоз

- гипернатриемия

- гиперхлоремия

- гипокалиемия

- жасушадан тыс гипергидратация

- ми мен өкпе ісінуінің даму қаупімен қан айналудың бұзылуы

- мидың ісінуі

- өкпенің ісінуі

- жедел сол жақ карыншалық жеткіліксіздік

- үлкен дозадағы кортикостероидтармен қатap журетін ем

Бүйрек функциясы бұзылған науқастарда ерітіндінің көп мөлшерін сақтықпен қолданған жөн.

Сақтықпен

  • декомпенсацияланған созылмалы жүрек жеткіліксіздігі

  • созылмалы бүйрек жеткіліксіздігі (олигоурия, анурия).

Дәрілермен өзара әрекеттесуі

Коллоидты гемодинамикалық қаналмастырғыштармен үйлесімді (әсерінің өзара күшеюі).

Басқа дәрілік заттармен аралыстырған кезде үйлесімділігін көзбен шолып қарау қажет (әйтседе, көрінбейтін және емдік үйлесімсіздік болуы мумкін).

Айрықша нұсқаулар

Контейнердің герметикалық сақталуы жағдайында препаратты мұздатуға болады. Қышқылдық – негізгі жағдайды және электролиттерді бақылау. Кортикостероидтармен және кортикотропинмен бір мезгілде тағайындау қан электролиттерінің деңгейін тұрақты бақылауды қажет етеді. Едәуір сусыздануда көктамыр ішіне енгізу мүмкін болмаған кезде тері астына немесе ректальді енгізеді.

Жүктілік және лактация

0,9 % натрий хлориді ерітіндісін қатаң көрсетілімдер бойынша жүктілік және емшекпен коректендіру кезеңінде пайдалануға болады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Автокөлікті және кауіптілігі зор қызмет түрлерін басқаруға әсер етпейді.

Артық дозалануы

Симптомдары: 0.9 % натрий хлориді ерітіндісін көп көлемде еңгізу хлоридті ацидоз және гипергидратацияға әкелуі мүмкін.

Емі: артық дозаланған кезде препаратты тоқтатып, симптоматикалық ем жүргізген жөн. Гипергидратация кезінде осмостық диуретиктермен ем жүргізу керек. Ауыр журек жеткіліксіздігі кезінде ісінулерді диализдің көмегімен қайтаруға болады.

Шығарылу түрі және қаптамасы

200, 250, 400 және 500 мл препараттан полипропиленнен жасалған резеңке төсемесі бар қақпақпен қапсырылған және құтыға дәнекерленген ашуға арналған жұлып алынатын ілмегі бар калпакшамен жабдықталған полипропилен кұтыға құйылады.

40 құтыдан медициңада қолданылуы жөніндегі мемлекеттік және орыс тіліндегі нұсқаулықтың сәйкес санымен бірге қораптық картоннан жасалған қорапшаға (200 мл, 250 мл) салынады.

30 кұтыдан медицинада қолданылуы жөніндегі мемлекеттік және орыс тіліндегі нұсқаулықтың сәйкес санымен бірге қораптық картоннан жасалған қорапшаға (400 мл, 500 мл) салынады.

Сақтау шарттары

Жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін препаратты колдануға болмайды.

Дәріханалардан босатылу шарттары

Рецепт арқылы

Өндіруші

Anhui Double-Crane Pharmaceutical Co., Ltd,, Қытай

Тіркеу куәлігінің иесі

Anhui Double-Crane Pharmaceutical Co., Ltd., Қытай

Қазақстан Pеспубликасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы

«Фирма Аделина» ЖШС

Шымкент қ., Солтүстік ы/а, 2 үй, 11 пәтер

тел/ факс: +7(725) 2373656, +7(725)2373623

e.mail: adelina@adelina.kz

Прикрепленные файлы

297201721477976497_ru.doc 18.65 кб
544776161477977665_kz.doc 23.23 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники