Натрия хлорид 5 мл (0,9%)
Инструкция
-
русский
-
қазақша
Саудалық атауы
Натрий хлориді
Халықаралық патенттелмеген атауы
Жоқ
Дәрілік түрі
Инъекция үшін дәрілік түрлерді дайындауға арналған еріткіш 0,9%
Құрамы
1 мл ерітінді құрамында
белсенді зат натрий хлориді – 9.0 мг,
қосымша зат инъекция арналған су - 1.0 мл-ге дейін
Сипаттамасы
Мөлдір түссіз сұйықтық
Фармакотерапиялық тобы
Басқа да дәрілік емес заттар. Еріткіштер.
ATX коды - V07AB
Фармакологиялық қасиеттері
Натрий хлориді – изотониялық ерітінді сусыздану кезінде организмдегі сұйықтық тапшылығының орнын толтырады, плазма алмастырғыш, дезинтоксикациялық және гидратациялық әсер көрсетеді, қышқыл-сілтілік теңгерімді қалпына келтіреді.
Қолданылуы
Дәрілік препараттарды еріту және сұйылту.
Қолдану тәсілі және дозалары
Қолдану тәсілі ерітілетін немесе сұйылтылатын дәрілік заттың қолдану тәсілімен анықталады.
Инъекцияға арналған натрий хлоридін пайдалана отырып, дәрілік зат ерітінділерін дайындау стерильді жағдайда (ампулаларды ашу, дәрілік заттармен еккішті және ыдыстарды толтыру) жүзеге асырылады. Инъекцияға арналған натрий хлоридінің мөлшері нақты бір дәрінің ерітіндісін дайындау мақсатында соңғысының қолданылуы жөніндегі нұсқаулығымен анықталады немесе жағдайға қарай дәрігер анықтайды.
Жағымсыз әсерлері
Ерітінді ретінде аз дозада енгізген жағдайда жағымсыз әсерлер анықталмады. Аса жоғары сезімталдық болуы мүмкін.
Қолдануға болмайтын жағдайлар
Инъекцияға арналған натрий хлориді, егер олардың кейбіреулері үшін міндетті ретінде басқа еріткіш көрсетілсе дәрілік заттардың еріткіші ретінде қолданылмайды.
Дәрілік заттармен өзара әрекеттесуі
Коллоидты гемодинамикалық қан алмастырғыштармен үйлесімді.
Басқа препараттармен араластырғанда визуалды түрде үйлесімділікті бақылау қажет (дегенмен, көрінбейтін және терапиялық үйлеспеушілік болуы мүмкін). Натрий хлориді көптеген дәрілік заттармен үйлеседі. Басқа еріткіштермен пайдалануға болмайды
Айрықша нұсқаулар
Тек қана зақымданбаған ампулаларды пайдалану керек.
Дәрілік заттың көлік құралдарын немесе қауіпті деп саналатын механизмдерді басқару қабілетіне ықпал ету ерекшеліктері.
Препарат көлік құралын басқару қабілетіне және қауіпті деп саналатын механизмдермен жұмыс істеуге ықпал етпейді.
Артық дозалануы
Еріткіш бірге пайдаланылатын дәрілік заттың нұсқаулықтағы нұсқауларына сәйкес.
Шығарылу түрі және қаптамасы
Бейтарап шыныдан жасалған ампулада 5 мл-ден. Пішінді ұяшықты қаптамаға 5 және 10 ампуладан салынады. 2 пішінді ұяшықты қаптамадан (5 ампуладан) немесе 1 пішінді ұяшықты қаптамадан (10 ампуладан) картоннан жасалған қорапшаға медицинада қолданылуы жөніндегі мемлекеттік және орыс тілдеріндегі нұсқаулық және ампулаларды ашуға арналған пышақ немесе ампулалық скарификатор салады.
Сақтау шарттары
15°С-ден 25°С-ге дейінгі температурада сақтау керек.
Балалардың қолы жетпейтін жерде сақтау керек!
Жарамдылық мерзімі
5 жыл.
Жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецепт арқылы
Өндіруші
«Фермент» Фирмасы ЖШҚ, Ресей Федерациясы
123423, Мәскеу қ-сы, Нижние Мневники к-сі, 37А үй.
Тел. (495) 635-00-28
Тел./факс: (495) 623-94-27
Тіркеу куәлігінің иесі
«Фермент» Фирмасы ЖШҚ, Ресей Федерациясы
Өндіріс мекенжайы
«Фермент» Фирмасы ЖШҚ
143422, Мәскеу обл., Красногор ауданы, Петрово-Дальнее кенті. Тел./факс: (495) 623-94-27, 635-00-28.
Қазақстан Республикасы аумағында тұтынушылардан өнім (тауар) сапасы жөнінде шағымдарды қабылдайтын ұйымның мекенжайы
Алматы қ-сы, Абай д-лы, Радостовец көшесінің қиылысы, 151/115, «Алатау» бизнес-орталығы №702 кеңсе Тел./факс 8727 334-15-50.
3