Натрия хлорид 400мл (0.9%) (Биосинтез ОАО)
Инструкция
-
русский
-
қазақша
Саудалық атауы
Натрий хлориді
Халықаралық патенттелмеген атауы
Жоқ
Дәрілік түрі
Инфузияға арналған 0.9 % 200 мл және 400 мл ерітінді
Құрамы
1 мл ерітіндінің құрамында
белсенді зат – натрий хлориді - 9 мг
қосымша зат – инъекцияға арналған су.
Теориялық осмолярлығы – 308,0 мосмоль/л
Сипаттамасы
Түссіз мөлдір сұйықтық
Фармакотерапиялық тобы
Плазманың орнын басатын және перфузиялық ерітінділер. Ирригациялық ерітінділер. Тұзды ерітінділер. Натрий хлориді
АТХ коды В05СВ01
Фармакологиялық қасиеттері
Фармакокинетикасы
Бүйректер арқылы өзгермеген күйінде тез шығарылады.
Фармакокинетикасы
Уытсыздандырғыш және регидратациялағыш әсер береді. Организмнің әртүрлі патологиялық жағдайларында натрий және хлор тапшылығының орнын толықтырады және қантамырларда айналымдағы сұйықтық көлемін уақытша арттырады.
Қолданылуы
- жасушадан тыс сұйықтықты көп жоғалтқанда немесе оның келіп түсуі жеткіліксіз болғанда (уытты диспепсия, тырысқақ, диарея, "тоқтаусыз" құсу, күшті экссудациямен ауқымды күйік және басқалар)
- сусызданумен бірге гипохлоремияда және гипонатриемияда
- ішек бітелісінде, уыттанғанда
Қолдану тәсілі және дозалары
Көктамыр ішіне (тамшылатып).
Енгізер алдында ерітіндіні 36-38 С-ге дейін жылытады.
Доза организмнің сұйықтықты, натрий мен хлор иондарын жоғалтуына қарай белгіленеді және орта есеппен тәулігіне 1 л құрайды. Сұйықтықты көп жоғалтқанда және айқын уытсыздануда тәулігіне 3 л-ге дейін енгізілуі мүмкін. Енгізу жылдамдығы – сағатына 540 мл (минутына 180 тамшы); қажет болғанда – енгізу жылдамдығын арттырады.
Шоктық дегидратацияда балаларда (зертханалық параметрлерді анықтағанға дейін) 20-30 мл/кг енгізеді. Бұдан әрі дозалау режимін зертханалық көрсеткіштеріне қарай түзетеді. Жалпы тәуліктік дозасы – дене салмағының 6 %-на дейін.
0,9 % натрий хлориді ерітіндісінің үлкен дозаларын ұзақ енгізгенде плазмадағы және несептегі электролиттерге бақылау жүргізу қажет.
Жағымсыз әсерлері
Препаратты дұрыс қолданған жағдайда жағымсыз құбылыстар әдетте байқалмайды, 0,9% натрий хлориді ерітіндісінің үлкен дозаларын (емдік диапазонның жоғарғы шегіне сәйкес келетін дозалар) енгізгенде мыналар білінеді:
- хлоридті ацидоз
- гипергидратация
- гипокалиемия
- гипернатриемия
- шөлдеу, көзден жас ағу, тершеңдік, қызба
- жүректің айнуы, құсу, асқазан тұсының түйілуі, диарея
- тахикардия, артериялық гипертензия
- бүйрек қызметінің бұзылуы, ісінулер
- мазасыздық, әлсіздік
- бұлшықеттердің тартылуы және гипертонусы
- енгізген жердің ауыруы және тітіркенуі, тромбофлебит
Қолдануға болмайтын жағдайлар
- гипернатриемия
- ацидоз
- гиперхлоремия
- гипокалиемия
- жасушадан тыс гипергидратация, жасушадан тыс дегидратация
- мидың және өкпелердің ісінуімен қауіп төндіретін айналымдық бұзылулар
- мидың ісінуі, өкпелердің ісінуі
- глюкокортикостероидтарды үлкен мөлшерлерде қатарластыра қолдану
- сол жақ қарынша қызметінің жеткіліксіздігі.
Сақтықпен
- жүрек қызметінің декомпенсацияланған созылмалы жеткіліксіздігі
- бүйрек қызметінің созылмалы жеткіліксіздігі (олиго-, анурия)
- бүйректің бөліп шығару қызметінің бұзылуы (изотониялық ерітіндінің үлкен көлемі үшін)
- жүрек қызметінің жеткіліксіздігі
- артериялық гипертензия
- шеткергі ісінулер.
Дәрілермен өзара әрекеттесуі
Коллоидты гемодинамикалық қан алмастырғыштармен үйлеседі (әсерлері өзара күшейеді).
Басқа дәрілік заттармен араластырғанда үйлесімділігін көзбен бақылап көру қажет (дегенмен көзге көрінбейтін және емдік үйлесімсіздік болуы мүмкін).
Айрықша нұсқаулар
Сусыздану едәуір болған жағдайда оны көктамыр ішіне енгізу мүмкін болмағанда тері астына немесе тік ішекке енгізеді.
0,9% натрий хлоридінің үлкен дозаларын ұзақ уақыт енгізгенде қышқыл-негіз жағдайына және қан плазмасындағы электролиттер концентрациясына және тәуліктік диурезге бақылау жасау қажет.
Жүктілік және лактация
Жүктілік токсикоздарында және гестоздарда препаратты дәрігердің бақылауымен, «пайда/қауіп» арақатынасына мұқият баға бере отырып, қолданады.
Емшек емізген кезде 0,9% натрий хлориді ерітіндісін қолдану жөнінде деректер жоқ.
Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері
Деректер жоқ.
Артық дозалануы
Симптомдары: гипернатриемия, гиперхлоремия және гипергидратация, кейіннен өкпенің және мидың ісінуіне ұласады. Сулы уыттану синдромымен (бас ауыру, жүректің айнуы, құсу, диарея, асқазанның түйілуі, әлсіздік, мелшию, конвульсиялар, кома) сипатталады.
Емдеу: препаратты тоқтатқан және симптоматикалық ем жүргізген жөн, натрий хлоридінің гипертониялық ерітіндісі, күшті диуретиктер қолданылады (жүрек қызметінің жедел жеткіліксіздігінде және өкпенің ісінуінде), электролиттер теңгерімін түзетеді.
Шығарылу түрі және қаптамасы
Резеңке тығынмен тығындалған және алюминий қалпақшамен қаусырылған, қанға, трансфузиялық және инфузиялық препараттарға арналған шыны бөтелкелерде 200 мл және 400 мл-ден.
200 мл-лік 24, 28 бөтелке немесе 400 мл-лік 12, 15 бөтелке медицинада қолданылуы жөнінде мемлекеттік және орыс тілдеріндегі саны тең мөлшердегі нұсқаулықпен бірге топтама қаптамаға – төсеніштері және торлары бар гофрланған картон жәшіктерге салынған.
Сақтау шарттары
Құрғақ жерде, 25°С-ден аспайтын температурада сақтау керек.
Ерітінді бұлыңғырланғанда пайдалануға болмайды!
Бөтелкені тұмшалап сақтау кезінде препаратты мұздатып қатыру оны қолдануға қарсы көрсетілім емес.
Бөтелкенің ішкі бетінің дымқылданбауы препаратты қолдануға қарсы көрсетілім емес.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Дәріханадан босатылу шарттары
Рецепт арқылы
Өндіруші
«Биосинтез» ААҚ, Ресей Федерациясы
440033, Пенза қ-сы, Дружба к-сі, 4, тел/факс (8412) 57-72-49
e-mail: certificate@biosintez.com
Тіркеу куәлігінің иесі
«Биосинтез» ААҚ, Ресей Федерациясы
Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы
«Биосинтез» ААҚ, Ресей Федерациясы
440033, Пенза қ-сы, Дружба к-сі, 4, тел/факс (8412) 57-72-49
e-mail: certificate@biosintez.com