Натальсид®
Инструкция
-
русский
-
қазақша
Саудалық атауы
Натальсид®
Халықаралық патенттелмеген атауы
Жоқ
Дәрілік түрі
250 мг ректальді суппозиторийлер
Құрамы
1 суппозиторийдің құрамында
белсенді зат - 100 % құрғақ затқа шаққанда 250 мг натрий альгинаты қосымша зат: қатты май (витепсол (маркасы Н 15, W 35), суппосир (маркасы NA 15, NAS 50)).
Сипаттамасы
Пішіні торпеда тәрізді, крем реңдес ашық-сұр түсті суппозиторийлер.
Суппозиторий беткейінде өңез пайда болуына жол беріледі.
Фармакотерапиялық тобы
Жергілікті гемостатиктер
АТХ коды В02ВС
Фармакологиялық қасиеттері
Фармакокинетикасы
Сипатталмаған.
Фармакодинамикасы
Препараттың белсенді заты – натрий альгинаты – табиғи полисахарид, ол теңіздің қоңыр балдырларынан алынады. Айқын гемостатикалық, қабынуға қарсы және репаративті әсер береді.
Альгин қышқылы полисахаридтері компоненттерінің бірі гиалурон қышқылы болып табылады, ол өз кезегінде пролиферативтік белсенділікті қоса жасушалар тіршілік қызметінің көптеген үдерістерін реттейтін гликозаминогликандардың құрамдас бөлігі болып табылады. Натрий альгинатының айқын репаративтік әсері осымен түсіндіріледі.
Альгин қышқылының өзі білеулене ісіну қасиетіне ие бола отырып, асқазан-ішек жолдары қабырғаларына бүркегіш әсер етіп, патологиялық, оның ішінде ауыру рефлекстерінің елеулі түрде әлсіреуіне ықпал етеді. Құрамында натрий сияқты химиялық элементтер бар альгин қышқылының қосылыстары шамадан тыс ішек перистальтикасын азайтып, бұл нәжістің қалыпты жағдайға келуіне алып келеді.
Гемостатикалық әсері полимерлік молекулада карбоксилді топтың альгин қышқылының болуы арқасында фибрин-мономер полимеризациялану (қан ұюдың соңғы сатысы) уақытының қысқаруымен байланысты.
Натрий альгинаты жергілікті спецификалық қорғаныш (А класты иммуноглобулиндер) қарсы денелері синтезін көтермелейді, осының есебінен асқазан-ішек жолының шырышты қабығы микробтардың патогендік әсеріне едәуір төзімді бола түседі.
Қолданылуы
-
созылмалы анальді сызаттардың эпителизациялану сатысында
-
созылмалы қанайтын геморройда
-
проктосигмоидитте
-
операциядан кейінгі кезеңдегі тік ішектегі қабыну құбылыстарында.
Қолдану тәсілі мен дозалары
Ректальді. Суппозиторийді ішектің өздігінен босауынан немесе тазартушы клизмадан кейін, оны алдын ала суға малып барып, тік ішекке енгізеді. Ересектер мен 14 жастан асқан балаларға 1 суппозиторийден тәулігіне 2 рет тағайындайды. Натальсид® препаратымен емдеу курсының ұзақтығы 7-14 күнді құрайды.
Жағымсыз әсерлері
-
аллергиялық реакциялар
Қолдануға болмайтын жағдайлар
-
препарат компоненттеріне жоғары сезімталдық
-
14 жасқа дейінгі балалар.
Дәрілермен өзара әрекеттесуі
Сипатталмаған.
Айрықша нұсқаулар
Жүктілік пен лактация кезеңі
Препаратты жүктілік және лактация кезеңінде қолдануға рұқсат етіледі. Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері
Натальсид® көлік құралдарын немесе қауіптілігі зор механизмдерді басқару қабілетіне әсер етпейді.
Артық дозалануы
Осы уақытқа дейін Натальсид® препаратының артық дозалану жағдайлары туралы хабарланбаған.
Шығарылу түрі мен қаптамасы
5 суппозиторийден полиэтиленмен ламинацияланған поливинилхлоридті үлбірден жасалған пішінді ұяшықты қаптамаға салынған.
2 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынған.
Сақтау шарттары
25 ºС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін препаратты пайдалануға болмайды.
Дәріханалардан босатылу шарттары
Рецептісіз
Өндіруші
«Нижфарм» ААҚ, Ресей Федерациясы
603950, Нижний Новгород қ.,
ҚҚП-459, Салганская к-сі, 7
тел.: (831) 278-80-88
факс: (831) 430-72-28
веб сайт: http://www.nizhpharm.ru
Тіркеу куәлігі иесінің атауы мен елі
«Нижфарм» ААҚ, Ресей Федерациясы
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
«Нижфарм» ААҚ Өкілдігі
050043, Қазақстан Республикасы,
Алматы қ., Хан-Тәңірі ы/а, 55б
тел.: (727) 271-99-68
факс: (727) 255-33-78
e–mail: almaty@stada.kz