Наклофен (гель, 11.6 мг/г)
Инструкция
-
русский
-
қазақша
Саудалық атауы
НАКЛОФЕН
Халықаралық патенттелмеген атауы
Диклофенак
Дәрілік түрі
11.6 мг/г гель
Құрамы
1 г гельдің құрамында
белсенді зат – диклофенактың диэтиламмоний тұзы 11,6 мг
қосымша заттар: карбомер, макрогол, диэтаноламин, изопропил спирті, пропиленгликоль, сусыз натрий сульфиті, цетомакрогол, децилолеат, сұйық парафин, тазартылған су.
Сипаттамасы
Ақ түсті гомогенді гель.
Фармакотерапиялық тобы
Жергілікті қолдануға арналған қабынуға қарсы стероидты емес препараттар.
Диклофенак.
АТХ коды М02АА15
Фармакологиялық қасиеттері
Фармакокинетикасы
Сіңуі
Бір реттік дозаның тері арқылы сіңуі метаболиттердің несеппен бірге бөлініп шығу негізінде анықталды. 2.5 г диклофенакті 500 см² теріге жергілікті жаққанда жүйелік айналымнан белсенді заттың 6 -7 %-ы табылады.
Жергілікті қолданғанда синовиальді тіндегі және сұйықтықтағы диклофенактің концентрациясы плазмадағыдан жоғары, бұл диклофенактің қабынған тіндерге тікелей енуімен байланысты. Емдік дозаларды қайталап жергілікті қолданғанда жағдайдың тұрақты жақсаруына екінші күні қол жететіні анықталды.
Метаболизмі және шығарылуы
Несептен табылған метаболиттер пероральді түрде қолданылғаннан кейін анықталғандарына ұқсас болды. Препаратты қолдануды тоқтатқаннан кейін, қан плазмасындағы концентрациялар, оны бір рет қолданғаннан кейін де, қайталап қолданғаннан кейін де төмендейді. Бұл диклофенакті қайталап пайдаланғаннан кейін, оның тері астына жиналып қалмайтындығын көрсетеді.
Фармакодинамикасы
Наклофен жергілікті қолдануға арналған, айқын анальгезиялық және қабынуға қарсы қасиеттері бар, қабынуға қарсы стероидты емес препарат (ҚҚСП) болып табылады.
Наклофен циклооксигеназа ферментін тежейді, ол арахидон қышқылын простагландиндерге, тромбоксанға және простациклинге айналдырады.
Қолданылуы
Наклофен монотерапия түрінде немесе төмендегідей әртүрлі жарақаттарды және ревматизм ауруларының жеңіл түрлерін емдеуге арналған басқа да пероральді препараттармен біріктіріп қолданылады:
- дегенеративтік ревматизм ауруларында (шеткергі буындардың және омыртқаның остеоартрозы, периартропатия)
- буын маңындағы жұмсақ тіндердің ревматизмдік ауруларында (миалгия, фиброзит, бурсит, тендинит, тендовагинит, эпикондилит, люмбаго немесе жүйке компрессиясынсыз иық синдромы)
- басқа да ауыру синдромдарында (жұмсақ тіндердің спорттық және басқа да жарақаттары, мысалы, созылу, шығу, теріні зақымдамайтын соғылулар)
Қолдану тәсілі және дозалары
Ересектерге және 12 жастан асқан балаларға
Ұзындығы 5 см-ден 10 см-ге дейінгі гельдің жолағын зақымданған жерге күніне 3 - 4 рет жағып, теріге жайлап сылау қажет.
Емнің ұзақтығы көрсетілімдеріне және емдеудің тиімділігіне байланысты. Препаратты жұмсақ тін зақымдарында қатарынан 14 күннен артық немесе жұмсақ тіндердің ревматизмдік ауруларында, артриттен болған ауырсыну жағдайында 21 күннен артық қолданбаған жөн (егер дәрігер басқа емдеу сызбасын тағайындамаса).
Препаратты тағайындаусыз қолданған жағдайда, егер 7 күн ішінде емделушінің жай-күйінде өзгеріс болмаса, дәрігерге қаралуы қажет. Наклофен гелін сондай-ақ қабынуға қарсы стероидты емес пероральді препараттарға қосымша ретінде, бірақ сақтықпен қолдануға болады.
Жағымсыз әсерлері
Жиі (≥1/100, бірақ <1/10)
- жанаспалы дерматит (бөртпе, эритема, экзема, қышыну)
Сирек (≥1/10000, бірақ <1/1000)
- буллезді дерматит
Өте сирек (<1/10000)
- пустулезді бөртпелер
- асқын сезімталдық реакциялары (есекжем, Квинке ісінуі, бронх демікпесі)
- фотосенсибилизация реакциялары
Жағымсыз реакциялар пайда болған кезде емделуші препарат қабылдауды тоқтатуы және мұны дәрігерге дереу хабарлауы тиіс.
Қолдануға болмайтын жағдайлар
- диклофенакқа немесе препараттың басқа да компоненттеріне жоғары сезімталдық
- қабынуға қарсы стероидты емес басқа препараттарға жоғары сезімталдық, әсіресе оларды пайдалану демікпені, ринитті, есекжемді туындатса
- тері жабындары бүтіндігінің бұзылуы
- жүктілік және латация кезеңі
- 12 жасқа дейінгі балалар
Дәрілермен өзара әрекеттесуі
Қабынуға қарсы стероидты емес препараттардың пероральді түрлерімен бір мезгілде қолданғанда сақ болған жөн.
Айрықша нұсқаулар
Сыртқа қолдануға арналған наклофен гелін тек зақымданбаған сау теріге ғана жағуға болады.
Гельді жарасы бар немесе кез келген ашық жарақаты бар жерге жағуға болмайды. Наклофен гелін ауа өткізбейтін (окклюзиялық) таңғыштар астына пайдаланбаған жөн. Гельді шырышты қабықтарға және көзге тигізіп алмау қажет.
Ұзақ уақыттық кезең ішінде сезімтал терінің ауқымды бетіне көп мөлшердегі гельді жаққанда сақ болған жөн. Наклофен гелін қолдану кезеңінде күн көзінде ұзақ уақыт болмау керек. Гельді жаққаннан кейін қолды мұқият жуу қажет.
Сыртқа қолдануға арналған наклофен гелін пероральді түрде қабылдауға болмайды.
Наклофеннің кейбір компоненттері жөнінде арнайы ақпарат
Пропиленгликоль теріні тітіркендіруі мүмкін.
Дәрілік заттың көлік құралын немесе қауіптілігі зор механизмдерді басқару қабілетіне ықпал ету ерекшеліктері
Наклофен көлікті жүргізу және басқа да қауіпті механизмдерді басқару қабілетіне әсерін тигізбейді.
Артық дозалануы
Препараттың артық дозалану жағдайлары жөнінде мәлімделген жоқ.
Симптомдары: гельді байқамай жұтып қою жүректі айнытуы, құстыруы мүмкін және гипотония, бүйрек қызметінің жеткіліксіздігі, құрысулар, асқазан-ішек жолының тітіркенуі және тыныстың тарылуы сияқты асқынулар байқалуы мүмкін.
Емі: асқазанды шаю, белсенділендірілген көмір қабылдау, симптоматикалық ем.
Шығарылу түрі және қаптамасы
Резеңкемен нығыздалған пластик қақпағы бар және ішкі және сыртқы беті лакталған цилиндр пішінді алюминий сықпаға 60 г немесе 120 г гельден салынған.
1 сықпа медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.
Сақтау шарттары
30°С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
4 жыл
Жарамдылық мерзімі өткеннен кейін қолдануға болмайды.
Дәріханадан босатылу шарттары
Рецептісіз
Өндіруші-ұйымның атауы және елі
КРКА, д.д. Ново место, Словения
Шмарьешка 6, 8501 Ново место, Словения
Қаптаушы ұйымның атауы және елі
КРКА, д.д., Ново место, Словения
Тіркеу куәлігі иесінің атауы және елі
КРКА, д.д., Ново место, Словения
Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы
«КРКА Қазақстан» ЖШС, ҚР, 050059, Алматы қ-сы, Әл-Фараби д-лы 19, корпус 1б, 2-ші қабат, 207 кеңсе
тел.: +7 (727) 311 08 09
факс: +7 (727) 311 08 12
info.kz@krka.biz