Назаксил® (0,1%) (Медоптик ТОО)
Инструкция
-
русский
-
қазақша
Саудалық атауы
Назаксил®
Халықаралық патенттелмеген атауы
Ксилометазолин
Дәрілік түрі
Мұрынға арналған спрей 0,05% және 0,1% 15 мл
Құрамы
Препараттың 1 мл құрамында
белсенді зат - 0,5 мг және 0,1 мг ксилометазолин гидрохлориді,
қосымша заттар: натрий дигидрофосфат дигидраты, динатрий фосфат додекагидраты, натрий хлориді, бензалконий хлориді (10% ерітінді түрінде), динатрий эдетаты, инъекцияға арналған су бар
Сипаттамасы
Мөлдір, түссіз немесе аздаған сарғыш түсті сұйықтық
Фармакотерапиялық тобы
Антиконгестанттар және жергілікті қолдану үшін мұрынға арналған басқа да препараттар. Симпатомиметиктер. Ксилометазолин.
АТХ коды R01АА07
Фармакологиялық қасиеттері
Фармакокинетикасы
Ұсынылған дозада мұрын ішіне қолданғанда препарат іс жүзінде сіңбейді және жүйелі түрде әсер етпейді.
Фармакодинамикасы
Альфа-адреномиметик, жергілікті тамыр тарылтқыш дәрілерге жатады. Төменгі концентрациясында альфа2-адреномиметикалық әсері бар, жоғарғы концентрациясында альфа1-адренорецепторларға әсер етеді.
Тамыр тарылтқыш әсері бар, мұрын және мұрын-жұтқыншақ шырышының ісінуі мен қызаруын жоя отырып, мұрын шырышының қан тамырларын жергілікті тарылтады. Жергілікті мұрын ішіне қолданған кезде емдік дозада шырышты қабатты тітіркендірмейді және қызаруын туғызбайды.
Препараттың әсер етуі 5-10 минуттан кейін пайда болады және 10-12 сағат бойы жалғасады.
Қолданылуы
- ринит белгілері бар жедел респираторлық ауруларда
- жедел аллергиялық ринитте
- вазомоторлы ринитте
- синуситте
- ортаңғы отитте (мұрын-жұтқыншақтың шырышты қабатындағы ісінуді азайту үшін)
- науқасты мұрын жолдарының диагностикалық манипуляцияларына дайындауда
Қолдану тәсілі және дозалары
2-ден 6 жасқа дейінгі балаларға
Назаксил® 0,05% спрейін әрбір мұрын жолына 1 бүркуден тәулігіне 1-2 рет.
6 жастан асқан балалар мен ересектерге
Назаксил® 0,1% спрейін әрбір мұрын жолына 1 бүркуден тәулігіне 1-2 рет.
Емдеу курсы 3-5 күнді құрайды.
Ең жоғарғы қабылдау ұзақтығы – 7 күн.
Жағымсыз әсерлері
- мұрын шырышты жолдарының шымылдап ашуы және құрғауы, ауыздың
және тамақтың құрғауы, түшкіру, гиперсекреция
- мұрынның «бітелу» сезімі
- тәуелділік (ұзақ қолданғанда)
- мұрын шырышының реактивті гиперемиясы
- алаңдаушылық, ұйқының бұзылуы, ұйқысыздық, шаршағыштық, бас ауырулары
- жүрек айнуы, құсу
- жүрек қағуы, аритмия, артериялық қысымның көтерілуі
- аллергиялық реакциялар
- көрудің бұзылуы
Қолдануға болмайтын жағдайлар
- препарат компоненттеріне жоғары сезімталдық
- атрофиялық ринит
- жабық бұрышты глаукома
- көз ішілік қысымның жоғарылауы
- айқындалған атеросклероз
- артериялық гипертензия
- тахикардия
- қант диабеті
- тиреотоксикоз, гипертиреоз
- қуық асты безі гиперплазиясы
- ми қабығына жасалған хирургиялық араласу (сыртартқысында)
- феохромоцитома
- 2 жасқа дейінгі балалар (0,05% үшін)
- 6 жасқа дейінгі балалар (0,1% үшін)
- жүктілік
Дәрілермен өзара әрекеттесуі
Моноаминооксидаза тежегіштерімен (оларды тоқтатқаннан кейінгі 14 күндік кезеңді қоса есептегенде) және үшциклді антидепрессантармен үйлеспейді.
Айрықша нұсқаулар
Дәрігердің кеңесінсіз препаратты 7 күннен асырмай қолдану керек.
Препаратты ұзақ немесе ұсынылғаннан жоғары дозада қолданғанда, оның орталық жүйке жүйесі тарапынан немесе жүрек-қан тамырлық әсерлерімен жүйелі әсер етуін жоққа шығаруға болмайды.
Жүктілік және лактация
Ұсынылған дозадан арттыруға болмайды, нәрестеге төнетін қауіп пен анасы үшін болатын пайданың қатынасын мұқият бағалағаннан кейін ғана, препарат қолданылуы мүмкін.
Дәрілік заттың көлік құралдарын және қауіптілігі зор механизмдерді басқару қабілетіне ықпал ету ерекшеліктері
Назаксил®, ұсынылған дозада көлік құралын басқару қабілетіне әсер етпейді.
Артық дозалануы
Симптомдары: тахикардия, артериялық гипертензия, ОЖЖ-ін бәсеңдеуі, ауыру және шымылдап ашуы, түшкіру және мұрын бөліндісінің көбеюі.
Емі: симптоматикалық емдеу.
Шығарылу түрі және қаптамасы
Препарат 15 мл-ден қақпақпен тығыз тығындалған, полиэтиленнен жасалған спрей-құтыларға (аэрозольдер) құйылған.
1 құтыдан медицинада қолданылуы жөніндегі мемлекеттік және орыс тілдеріндегі нұсқаулықпен бірге қораптық картон пәшкеге салынған.
Картон қорапқа 10, 20 немесе 100 пәшкеден салынған. Немесе 20 құтыны (пәшкеге салмай) медицинада қолданылуы жөніндегі мемлекеттік және орыс тілдеріндегі нұсқаулықтардың тиісті санымен қораптық картоннан жасалған қорапқа бірге салады.
Сақтау шарттары
Жарықтан қорғалған жерде, 25 ºС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Құты ашылғаннан кейін - 4 аптадан асырмай.
Жарамдылық мерзімі өткеннен кейін пайдалануға болмайды.
Дәріханадан босату шарттары
Рецептісіз
Өндіруші
«Медоптик» ЖШС, Қазақстан Республикасы
Алматы қ-сы, Огарев к-сі 2 «б»
тел: 8 (727) 2320822, 2320823, 2320824
факс: 8 (727) 3832202
Е-mail: medoptic1@rambler.ru
Тіркеу куәлігінің иесі
«Медоптик» ЖШС, Қазақстан Республикасы
Қазақстан Республикасы аумағында тұтынушылардан өнім (тауар)
сапасы туралы түскен шағымдарды қабылдайтын ұйымның мекенжайы
«Медоптик» ЖШС, Қазақстан Республикасы
Алматы қ-сы, Огарев к-сі 2 «б»
тел: 8 (727) 2320822, 2320823, 2320824
факс: 8 (727) 3832202
Е-mail: medoptic1@rambler.ru