Мупобел (крем, 2%)

Мупобел

Мупироцин

Сыртқа қолдануға арналған крем 2%, 15 г

1 г кремнің құрамында

белсенді зат – 23.43 мг мупироцин кальций дигидраты (20.00 мг мупироцинге баламалы)

қосымша заттар: сұйық парафин, полоксиэтиленгликоль 1000 моноцетил эфирі, стеарил спирті, цетил спирті, феноксиэтанол, бензил спирті, ксантан шайыры, тазартылған су.

Жұмсақ консистенциялы ақ немесе ақшыл түсті бөтен қоспалардан бос біртекті крем

Тері ауруларын емдеуге арналған бактерияға қарсы препараттар және микробқа қарсы препараттар. Жергілікті қолдануға арналған бактерияға қарсы препараттар. Жергілікті қолдануға арналған басқа да бактерияға қарсы препараттар. Мупироцин.

АТХ коды D06AХ09

Фармакокинетикасы

Сіңірілуі

Мупироциннің зақымданбаған тері арқылы жүйелік сіңірілуі мардымсыз.

Метаболизмі

Мупироцин тек қана жергілікті қолдануға арналған; ол зақымданған тері арқылы сіңірілген жағдайда мупироцин белсенді емес метаболиті – моний қышқылына дейін жылдам метаболизденеді. Мупироциннің эпидермис пен дерманың терең қабаттарына енуі терінің жарақатты зақымдануы кезінде және окклюзиялық таңғышты ораған кезде артады.

Шығарылуы

Мупироцин организмнен белсенді емес метаболит моний қышқылы түрінде бүйрек механизмі арқылы жылдам шығарылады.

Фармакодинамикасы

Әсер ету механизмі

Мупобел – Pseudomonas fluorescens ферментациясы арқылы алынған жаңа дәуірдің антибиотигі. Мупобел изолейцил-трансфер-РНҚ-синтетазасының тежелуі арқылы ақуыз синтезін және РНҚ бактерияларын бәсеңдетеді.

Препаратты ең төмен тежейтін концентрацияда пайдаланған кезде Мупобел бактериостатикалық; ал концентрациясы жоғарылағанда - бактерицидтік әсер етеді.

Әсер етудің осы механизмінің және химиялық құрылымының арқасында Мупобел препаратының басқа антибиотиктермен айқаспалы резистенттілігі жоқ, сондай-ақ препаратты ұсынымдарға сәйкес қолданған кезде резистенттіліктің елеусіз даму қаупі бар.

Мупобел препаратына келесі микроорганизмдер сезімтал:

In vivo

- Staphylococcus aureus (метициллин-резистентті штаммдарды қоса)

- S. epidermidis

- β-гемолиздік Streptococcus

In vitro

Грамоң аэробтар:

- Staphylococcus aureus (бета-лактамаза өндіретін штаммдарды қоса, метициллинге төзімді штаммдар)

- Staphylococcus epidermidis (бета-лактамаза өндіретін штаммдарды қоса, метициллинге төзімді штаммдар)

• Басқа да коагулаза-теріс стафилококктар (метициллинге төзімді штаммдарды қоса)

• Streptococcus species

Грамтеріс аэробтар:

Мупобел препараты сирек жағдайда тері инфекцияларымен астасқан грамтеріс микроорганизмдерге қатысты белсенді:

Сезімтал микроорганизмдер:

1Клиникалық тиімділігі бекітілген көрсетілімдер шеңберінде қолданған кезде дәлелденген

Сезімтал емес микроорганизмдер

Резистенттіліктің даму механизмі

Препараттың 8-ден 256 мкг/мл-ге дейінгі ең төмен тежейтін концентрацияларында стафилококктар резистенттілігінің төмен даму деңгейі тРНҚ изоцейлил синтетаза табиғатының өзгеруі нәтижесінде анықталған.

Препараттың ≥512 мкг/мл-ге дейінгі ең төмен тежейтін концентрацияларында стафилококктар резистенттілігінің жоғары даму деңгейі тРНҚ изоцейлил синтетазаның ерекше құрылымына байланысты байқалады.

Грамтеріс микроорганизмдердің елеулі резистенттілігі (Enterobacteriaceae) препараттың бактериялық жасуша ішіне енуінің төмен деңгейімен байланысты.

Терінің екінші қайтара жұқпа жұқтырған жарақатты зақымдануын жергілікті емдеу:

- шағын жаралар

- тігілген жаралар

- сыдырулар

Кремнің аздаған мөлшерін терінің зақымданған аумағына жұқа қабаттап таза мақта немесе дәкенің көмегімен жағады. Өңделген аумаққа таңғышты қоюға болады.

Мупобелді мупироцин еруінің және тұрақтылығының төмендеуіне байланысты басқа препараттармен бірге жағуға болмайды, бұл бактерияға қарсы әсердің төмендеуіне әкелуі мүмкін.

Теріні өңдегеннен кейін кремнің қалдығы қалмау үшін қолды жуу керек.

Емдеу аяқталғаннан кейін препараттың кез-келген пайдаланылмаған қалдығы жойылуы тиіс.

Ересектер/балалар/егде жастағы пациенттер

Препаратты күніне 3 рет жағады. Жүргізіліп жатқан емнің клиникалық жауабына байланысты емдеу ұзақтығы– 10 күнге дейін.

Бүйрек функциясы бұзылған пациенттер

Дозаны түзетудің қажеті жоқ.

Бауыр функциясы бұзылған пациенттер

Дозаны түзетудің қажеті жоқ.

Төменде көрсетілген жағымсыз әсерлер анатомиялық-физиологиялық жіктеуге және кездесу жиілігіне байланысты келтірілген. Кездесу жиілігі келесідей анықталады: өте жиі (≥1/10), жиі (≥1/100 және <1/10), жиі емес (≥1/1000 және <1/100), сирек (≥1/10 000 және <1/1 000), өте сирек (<1/10 000, жекелеген жағдайларды қоса), белгісіз (қолда бар деректердің негізінде жиілігін анықтау мүмкін емес). Жиілік санаттары препараттың клиникалық зерттеулерінің негізінде қалыптастырылды.

Жиі

- терінің аса жоғары сезімталдық реакциялары

Өте сирек

- жүйелік аллергиялық реакциялар (жайылған бөртпе, есекжем, тамырдың ісінуі)

- мупироцинге немесе препараттың басқа компоненттеріне белгілі аса жоғары сезімталдық

- интраназальді және интраокулярлық пайдалану

Басқа препараттармен бір уақытта жағуға болмайды.

Сирек жағдайларда аса жоғары сезімталдық реакциялары дамыған немесе ауыр жергілікті тітіркену бар болса, жүргізіліп жатқан емді дереу тоқтатып және кремді жуып-шаю керек, әрі қарай инфекцияны емдеу үшін басқа препаратпен емдеуге ауысады.

Басқа да антибиотиктер сияқты, препаратты ұзақ қолдану сезімтал емес флораның өсуіне әкелуі мүмкін.

Бактерияға қарсы препаратты пайдаланған кезде ауырлық деңгейі әр түрлі (жеңілден өмірге қауіп төндіретін) жалған жарғақшалы колиттің даму жағдайлары анықталған. Осылайша, антибиотиктерді қолдану кезінде немесе одан кейін пациентте диарея дамыған жағдайда осы диагноздың ықтималдығын қарастыру қажет. Мупироцинді сыртқа пайдаланған кезде колиттің пайда болу ықтималдығы тіптен мардымсыз болса да, ұзақ немесе ұзаққа созылған диарея және іштің аумағында түйілу пайда болған жағдайда Мупобелмен емдеу дереу тоқтатылуы және пациент әрі қарай тексерілуге жіберілуі тиіс.

Көзге түсуіне жол бермеген жөн. Крем көзге түскен жағдайда, оны крем толығымен кеткенге дейін сумен жуып тастау керек.

Интраназальді қолдану қажет болған жағдайда Мупобелді мұрынға арналған жақпамай түрінде пайдаланыңыз.

Жүктілік және лактация кезеңі

Фертильділік

Адамның фертильділігіне әсер етуі туралы деректер жоқ.

Жүктілік

Мупобел препаратын жүкті әйелдерде қолдану бойынша деректер жоқ, сондықтан препараттың зор пайдасы мүмкін болатын қауіптен жоғары болғанда ғана қолданады.

Лактация

Препараттың емшек сүтіне енуі бойынша деректер жоқ. Егер Мупобелді емшек ұшының жарылуын емдеу үшін қолданса, емшек емізер алдында емшекті кремнің қалдығын қалдырмау үшін жуу керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлік құралдарын басқару және қозғалыстағы механикалық жабдықтарға қызмет көрсету қабілетіне ықпал ететін жағымсыз әсерлер байқалмаған.

Мупобел препаратының уыттылығы өте төмен. Препаратты кездейсоқ ішке қабылдаған жағдайда симптоматикалық ем қолданылады.

15 г препаратты пластик қақпақпен тығындалған алюминий сықпаларға салады.

1 сықпадан медициналық қолдану жөніндегі мемлекеттік және орыс тілдеріндегі нұсқаулықпен бірге өндіруші фирманың голограммасы бар картон қорапшаға салынады

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін пайдалануға болмайды.

Рецептісіз

Өндіруші

«Нобел Алматы Фармацевтикалық Фабрикасы» АҚ

Қазақстан Республикасы,

Алматы қ-сы, Шевченко к-сі 162 Е.

«Нобел Алматы Фармацевтикалық Фабрикасы» АҚ

Қазақстан Республикасы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ-сы, Шевченко к-сі 162 Е.

Телефон нөмірі: (+7 727) 399-50-50

Факс нөмірі: (+7 727) 399-60-60

Электрондық пошта мекенжайы nobel@nobel.kz

Дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ-сы, Шевченко к-сі 162 Е.

Телефон нөмірі: (+7 727) 399-50-50

Факс нөмірі: (+7 727) 399-60-60

Электрондық пошта мекенжайы nobel@nobel.kz

7