Мукалтин®

Мукалтин®

Жоқ

Дәрілік түрі, дозасы

Таблеткалар 50 мг

Респираторлық жүйе. Жөтел және суық тию аурулары кезінде қолданылатын препараттар. Экспекторанттар, жөтелді бәсеңдететін біріктірілімді қоспағанда. Қақырық түсіретін препараттар.

АТХ коды R05CA

Тыныс жолдарының бөлінуі қиын, тұтқырлығы жоғары қақырық түзілуімен қатар жүретін жедел және созылмалы ауруларында:

- обструкциялық бронхитте

- трахеобронхитте

- пневмокониозда

- бронхоэктаздық ауруда

- пневмонияда

- өкпе эмфиземасында

Қолданудың басталуына дейінгі қажетті мәліметтер тізбесі

• әсер етуші затына немесе қосымша заттарының кез келгеніне аса жоғары сезімталдық

• асқазанның және он екі елі ішектің ойық жара ауруы

• 6 жасқа дейінгі балаларға

Қолдану кезіндегі қажетті сақтандыру шаралары

Балаларда қолданылуы

6 жасқа дейінгі балаларға Мукалтин® препаратын қолдануға болмайды.

Егде жастағы пациенттер

Мукалтин® препаратының егде жастағы пациенттерге әсері зерттелмеген.

Басқа жағдайлар

Асқазан мен он екі елі ішектің ойық жарасымен ауыратын пациенттерге Мукалтин® препаратын қолдануға болмайды.

Басқа дәрілік препараттармен өзара әрекеттесуі

Мукалтин® препаратын бронх-өкпе ауруларын емдеуде қолданылатын басқа препараттармен бір мезгілде тағайындауға болады.

Мукалтин® препаратын құрамында кодеин және жөтелге қарсы басқа дәрілік заттар бар препараттармен бір мезгілде қолдануға болмайды, өйткені бұл сұйылған қақырықтың жөтелгенде шығуын қиындатады.

Арнайы сақтандырулар

Жүктілік немесе лактация кезінде

Жүктілік және лактация кезінде ана үшін болжамды пайдасы шаранаға немесе сәбиге төнетін потенциалды қауіптен астам болатын жағдайларда ғана қолданылуы мүмкін.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Қолдану жөніндегі нұсқаулар

Дозалану режимі

Ересектерге және балаларға 6 жастан бастап тамақтанар алдында 1-2 таблеткадан тәулігіне 3-4 рет қабылдау керек.

Емдеу курсы әдетте 7-14 күнді құрайды.

Балаларға препараттың таблеткасын 1/3 стақан жылы суда ерітіп беруге болады.

Енгізу әдісі және жолы

Пероральді.

Артық дозалану жағдайында қабылдау қажет болатын шаралар

Симптомдары: жүрек айнуы, құсу.

Емі: препаратты тоқтату, симптоматикалық ем.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі ұсыныстар

Дәрілік препаратты қолданар алдында кеңес алу үшін дәрігерге жүгініңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Белгісіз (қолда бар деректер негізінде бағалау мүмкін емес)

- тері бөртпесі, қышыну түріндегі аллергиялық реакция

- диспепсия, жүрек айну

Жағымсыз дәрілік реакциялар туындағанда медицина қызметкеріне, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат – 50.00 мг мукалтин құрғақ экстрактісі (дәрілік жалбызтікен шөбінің экстрактісі),

қосымша заттар: шарап қышқылы, Effer-Soda® 12, микрокристалды целлюлоза, кальций стеараты.

Сыртқы түрінің, иісінің, дәмінің сипаттамасы

Күңгірт және ақшыл теңбілдерімен, крем түстес түстен қоңыр түске дейінгі, жалпақ цилиндр пішінді, ойығы бар таблеткалар.

Шығарылу түрі және қаптамасы

10 таблеткадан біріктірілген қағаздан жасалған пішінді ұяшықсыз қаптамаға немесе 10 таблеткадан поливинилхлоридті /поливинилденхлоридті (ПВХ/ПВДХ) үлбірден және алюминий фольгадан жасалған пішінді ұяшықты қаптамаға.

3 пішінді ұяшықсыз қаптамадан медициналық қолдану жөніндегі қазақ және орыс тілдеріндегі бекітілген нұсқаулықпен бірге картон қорапшаға салынады. Дәрілік препараты бар қорапшалар картон қораптарға салынады.

Қорапшаға салмай қаптауға рұқсат етіледі: пішінді ұяшықсыз қаптамалар медициналық қолдану жөніндегі қазақ және орыс тілдеріндегі бекітілген нұсқаулықтармен бірге картон қораптарға салынады, медициналық қолдану жөніндегі нұсқаулықтар саны қаптамалардың санына қарай қоса салынады.

3 пішінді ұяшықты қаптамадан медициналық қолдану жөніндегі қазақ және орыс тілдерінде бекітілген нұсқаулықпен бірге картон қорапшаға салынады. Қаптамасы бар қорапшалар картон қорапқа салынады.

Қорапшаға салмай қаптауға рұқсат етіледі: пішінді ұяшықты қаптамалар медициналық қолдану жөніндегі қазақ және орыс тілдеріндегі бекітілген нұсқаулықтармен бірге картон қораптарға салынады, медициналық қолдану жөніндегі нұсқаулықтар саны қаптамалардың санына қарай қоса салынады.

2 жыл

Жарамдылық мерзімі өткеннен кейін қолдануға болмайды!

Түпнұсқалық қаптамасында, құрғақ жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

«Химфарм» АҚ, Қазақстан Республикасы, Шымкент қ., Рашидов көш., 81

Телефон нөмірі +7 7252 (610151)

Автожауапбергіш нөмірі +7 7252 (561342)

Электронды пошта complaints@santo.kz

Тіркеу куәлігінің ұстаушысы

«Химфарм» АҚ, Қазақстан Республикасы, Шымкент қ., Рашидов көш., 81

Телефон нөмірі +7 7252 (610151)

Автожауапбергіш нөмірі +7 7252 (561342)

Электронды пошта complaints@santo.kz

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, электронды пошта)

«Химфарм» АҚ, Қазақстан Республикасы, Шымкент қ., Рашидов көш., 81

Телефон нөмірі +7 7252 (610150)

Электронды пошта phv@santo.kz