Микролакс (раствор для ректального применения)

Микролакс

Жоқ

Ректальді қолдануға арналған ерітінді 5 мл

1 мл ерітіндінің құрамында:

белсенді заттар: натрий цитраты – 90.0 мг, 70% натрий лаурилсульфоацетаты – 12,9 мг (9 мг натрий лаурилсульфоацетатына баламалы), сұйық сорбитол (кристалданған) – 893.0 мг (625.0 мг сорбитолға баламалы)

қосымша заттар: сорбин қышқылы, глицерин, тазартылған су.

Құрамында аздаған ауа көпіршіктері бар түссіз, тұтқыр ерітінді.

Іш жүргізетін дәрі. Клизмалардағы іш жүргізетін препараттар. Натрий лаурилсульфатоацетаты, соның ішінде басқа препараттармен біріктірілімде.

ATХ коды А06АG11

Фармакокинетикасы

МИКРОЛАКС – іш жүргізетін әсер көрсететін біріктірілген препарат. Әсері 15 минуттан соң басталады.

Фармакодинамикасы

Препараттың құрамына натрий цитраты (нәжіс массаларындағы байланысқан суды ығыстырып шығаратын пептизатор), натрий лаурилсульфоацетаты (ішектің ішіндегі сұйылтады) және сорбит (судың ішекке түсуін көтермелеу арқылы іш жүргізетін әсерді күшейтеді) кіреді. Пептизация және сұйылту есебінен су мөлшерінің артуы нәжіс массаларының жұмсаруына ықпал етеді және ішектің босатылуын жеңілдетеді.

Іш қатуда, соның ішінде энкопрезбен, асқазан-ішек жолын эндоскопиялық (ректоскопия) және рентгенологиялық зерттеулерге дайындауда.

Ересектер мен 3 жастан асқан балалар: ұштықты ұзына бойы сала отырып, бір микроклизманың ішіндегісін (5 мл) ректальді енгізу керек.

Жаңа туған нәрестелер мен 3 жасқа дейінгі балалар: ұштықты жартылай ұзындықта (ұштықтағы белгіні қараңыз) сала отырып, бір микроклизманың ішіндегісін ректальді енгізу керек.

Егер шағымдар ұзақ уақыт бойы жалғаса, дәрігерге қаралу қажет.

Қолдану бойынша нұсқаулар

Түбектің ұштығындағы пломбаны сындырыңыз.

Препараттың тамшысы клизманың ұшын майлайтындай етіп түбекке сәл басыңыз - бұл енгізу үдерісін жеңілдетеді.

3 жасқа дейінгі балаларға 5 мл-ден микроклизманы қолданған кезде клизманың ұштығын тік ішекке жартылай ұзындықта енгізіңіз, 3 жастан асқан балаларға клизманың ұштығын тік ішекке толық енгізіңіз.

Түбекті қысып тұрып, оның ішіндегісін толық шығарыңыз. Бұрынғыдай түбекке сәл басып тұрып, ұштықты шығарып алыңыз.

Жағымсыз құбылыстар туралы өздігінен түскен хабарлар негізінде

Препаратты қолдану аясында туындаған, тіркеуден кейінгі қолдану кезеңінде анықталған жағымсыз реакциялар төмендегідей жіктелді: өте жиі (≥10%), жиі (≥1%, бірақ <10%), жиі емес (≥0,1%, бірақ <1%), сирек (≥0,01%, бірақ <0,1%), өте сирек (<0,01%) және туындау жиілігі белгісіз жағымсыз реакциялар (туындау жиілігін қолда бар деректер негізінде бағалау мүмкін емес).

Өте сирек: іш тұсының ауыруы (абдоминальді жайсыздықты, іш тұсының, сондай-ақ іштің жоғарғы бөлігінің ауыруын қоса); аноректальді аумақтағы жайсыздық, сұйық нәжіс, аса жоғары сезімталдық реакциялары (мысалы, есекжем).

Белсенді субстанцияларға немесе препараттың құрамындағы кез келген қосымша заттарға жоғары сезімталдық, шығу тегі белгісіз іштің ауыруы, ішек бітелуі.

Натрий полистиролсульфонатын және препараттың құрамына кіретін сорбитолды бір мезгілде пероральді/ректальді қолданғанда жуан ішек некрозының даму қаупі бар.

Симптомдар сақталғанда препаратты ұзақ қолданбау үшін дәрігерге қаралу керек. Микроклизманы ұзақ қолдану анальді өтістің тітіркенуіне әкелуі мүмкін.

Жуан ішектің қабынуы немесе ойық жаралануы бар (геморрой, анальді жарылулар, ойық жаралы колит және басқалар) пациенттерге препаратты қолдану ұсынылмайды.

Пациентте асқазан-ішек ауруларының асқынуы болса, препаратты сақтықпен қолдану керек.

Іштің қатуын дәрі-дәрмекпен емдеу өмір салтына және диетамен емдеуге (ақуыздық диета, суды жеткілікті қолдану, дене белсенділігі) қосымша болып табылады.

Үш жасқа дейінгі балаларға қолданғанда ұштықты жартылай ұзындықта енгізу керек.

Енгізуді жеңілдету үшін ұштықты түбектің ішіндегісімен азғана мөлшерде майлап алу ұсынылады.

Егер дәрілік зат жарамсыз болып қалса немесе жарамдылық мерзімі өтіп кетсе, оны ағынды суларға ағызбаңыз және көшеге лақтырмаңыз! Дәрілік затты пакетке салып, қоқыс салатын контейнерге тастаңыз. Бұл шаралар қоршаған ортаны қорғауы мүмкін!

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

МИКРОЛАКС көлік құралдарын және механизмдерді басқару қабілетіне әсер етпейді.

Жүктілік және лактация

Жүкті әйелдердің қатысуымен адекватты және қатаң бақыланатын зерттеулер жүргізілмеген. Бұл препарат елеусіз дәрежеде жүйелік қан ағымына сіңірілуі мүмкін болғандықтан, жүктілік немесе лактация кезеңінде ұсынымдарға сәйкес оны қолданғанда шарана немесе емшек еметін сәби үшін жағымсыз әсерлердің дамуы күтілмейді.

Сипатталмаған

Шығарылу түрі және қаптамасы

Ұштығы мен сындырып алынатын пломбасы бар тығыздығы төмен полиэтиленнен (LDPE) жасалған түбек болып табылатын, бір рет қолдануға арналған микроклизмаларға 5 мл препараттан салынған.

4 немесе 12 микроклизмадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

250С-ден аспайтын температурада сақтау керек.

Балалардың қолы жетпейтін жерде сақтау керек!

3 жыл

Рецептісіз

Өндіруші

Фамар Орлеан, авеню де Консир, 5, 45071 Орлеан Седекс 2, Франция Тел.:02.38.69.81.94, факс:02.38.63.48.73

«Джонсон  Джонсон» ЖШҚ, Мәскеу қ., Крылатская к-сі, 17 үй, 2 құр., тел.:(495) 726-55-55, Ресей Федерациясы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Джонсон  Джонсон» ЖШҚ Қазақстан Республикасындағы филиалы

050040, Қазақстан Республикасы, Алматы қ., Тимирязев к-сі, 42, 23-А павильон, тел./факс: +7 (727) 356-88 -11; +7 (727) 356-88-19

электронды поштасы: safetyru@its.jnj.com