МИГ® 400 №20 (№ РК-ЛС-5№010633)

• русский
• қазақша

• Скачать инструкцию медикамента

Саудалық атауы

МИГ® 400

Халықаралық патенттелмеген атауы

Ибупрофен

Дәрілік түрі

Үлбірлі қабықпен қапталған, 400 мг таблеткалар

Құрамы

Бір таблетканың құрамында

белсенді зат - 400 мг ибупрофен бар,

қосымша заттар:

ядроның құрамы: жүгері крахмалы, коллоидты сусыз кремнийдің қостотығы, натрий крахмалы гликоляты (А типі), магний стеараты;

қабықтың құрамы: гипромеллоза (номинальді тұтқырлығы 6мПа · с),

макрогол 4000, повидон К 30, титанның қостотығы (E 171)

Сипаттамасы

Ақтан ақ дерлік түске дейінгі, сопақша пішінді, екі бетінде сызығы мен бір бетінде сызығының екі жағында «Е» мөрі бар үлбірлі қабықпен қапталған таблеткалар.

Фармакотерапиялық тобы

Қабынуға қарсы стероидты емес препараттар. Пропион қышқылының туындылары. Ибупрофен.

АТХ коды: M01AE01

Фармакологиялық қасиеттері Фармакокинетикасы

Ибупрофен ішке қабылдау кезінде - асқазанда ішінара және содан кейін аш ішекте толығымен сіңіріледі. Бауырда метаболикалық өзгерістерден (гидроксилирлену және карбоксилирлену) кейін фармакологиялық белсенді емес метаболиттер ең алдымен несеппен (90%), сондай-ақ өтпен толығымен шығарылады. Сау адамдарда және бүйрек пен бауыр ауыруларынан зардап шегетін науқастарда жартылай шығарылу кезеңі 1,8-3,5 сағатты құрайды, плазма ақуыздарымен байланысуы - 99%-ға жуық. Ибупрофенді 400 мг дозада бір рет қабылдағаннан кейін плазмадағы концентрация шыңы - 20-40 мкг/мл 1-2 сағат ішінде болады, дегенмен енгізгеннен кейін алты сағаттан соң концентрациясы шамамен 5μg/mL құрайды.

Фармакодинамикасы

Ибупрофен – ауыруды басатын, қызу басатын және қабынуға қарсы әсерге ие болатын, қабынуға қарсы стероидті емес препараттар. Препараттың әсері циклооксигеназаның ферментін бөгеу есебінен простагландиндердің синтезін тежеуге негізделген. Бұдан басқа ибупрофен АДФ-мен және коллагенмен туындаған, тромбоциттердің агрегациясын басады.

Қолданылуы

- қарқыны жеңіл және орташа дәрежедегі ауыру синдромында

- «салқын тию» және жұқпалы ауырулар кезінде қызбалық синдромда

Қолдану тәсілі және дозалары

Дозалау төмендегі кестеде көрсетілген бөлшектерге байланысты. Балалар мен жасөспірімдерде МИГ® 400 препаратын дозалау дене салмағы мен жасына байланысты. Балалар мен жасөспірімдерде бір реттік доза 30 мг/кг ең жоғары тәуліктік доза кезінде дене салмағының 7-10 мг/кг құрайды.

Қабылдау арасындағы аралық симптоматикаға және ең жоғары жалпы тәуліктік дозаға байланысты, қабылдауды 6 сағаттан ерте қайталауға болмайды.

Препаратты дәрігердің кеңесінсіз 7 күннен астам немесе жоғары дозаларда қолдануға болмайды.

Шағымдар, мысалы, төрт күннен ұзағырақ созылған ауыру немесе қызба болған кезде дәрігерге қаралу қажет.

Қолдану тәсілі және ұзақтығы

МИГ® 400-ді ас қабылдау уақытында немесе астан кейін шайнамай, сұйықты көп ішіп, қабылдау керек.

Диспепсиялық әсерлердің даму қаупін төмендету үшін МИГ® 400-ді ас қабылдау уақытында қабылдау ұсынылады.

Емделушілердің ерекше топтары

Егде жастағы емделушілер:

Дозаны арнайы түзету талап етілмейді. Егде емделушілердің әсіресе мүмкін болатын жағымсыз әсерлерден жағдайын мұқият бақылау қажет.

Бауыр мен бүйректің қатар жүретін ауырулары кезінде сақтықпен қолдану керек. Дозаны арнайы түзету талап етілмейді. Емдеу кезінде бауыр мен бүйректің қызметін жүйелі түрде бақылау қажет.

Жағымсыз әсерлері

- асқазан-ішек жолы тарапынан шағымдар, мысалы, қыжыл, іштің ауыруы, жүрек айну, құсу, метеоризм, диарея, іш қату, сондай-ақ болмашы асқазан-ішектен қан кету

Кейде ( 1/1000-нан  1/100-ге дейін)

- орталық жүйке жүйесі тарапынан бұзылыстар, мысалы, бас айналу, бас ауыруы, ұйқысыздық, қозу, ашушаңдық немесе шаршағыштық

- көрудің нашарлауы

- гастрит, қан кету мен тесілудің даму ықтималдығымен асқазанның/он екі елі ішектің ойық жарасы, ойық жаралы стоматит, спецификалық емес ойық жаралы колиттің немесе Крон ауруының асқынуы

- тері бөртпесімен және қышынумен қатар жүретін асқын сезімталдық реакциялары, сондай-ақ демікпе ұстамалары (кейбір жағдайларда артериялық қысымның төмендеуімен). Емделушілерге ұқсас жағдайларда МИГ® 400 препаратын қабылдауды дереу тоқтатып, дәрігерге қаралу қажет. Сирек ( 1/10000-нан  1/1000-ға дейін)

- құлақ шуылы

Өте сирек: < 1/10.000

- жиілеген жүрек соғуы, жүрек жеткіліксіздігі, миокард инфаркты

- қан түзілуінің бұзылыстары (анемия, лейкопения, тромбоцитопения, панцитопения, агранулоцитоз). Препаратпен емдеу кезінде қанды жалпы талдау жүйелі жүргізілуі керек.

- эзофагит, панкреатит, ішектің диафрагма тәрізді тарылуының түзілуі

- әсіресе артериялық гипертониямен немесе бүйрек жеткіліксіздігімен емделушілерде ісінулердің пайда болуы; нефротикалық синдром; жедел бүйрек жеткіліксіздігімен бірге жүруі мүмкін тінаралық нефрит. Сирек жағдайларда қанда несеп қышқылы концентрациясының жоғарылауымен бүйрек тінінің зақымдануы (бүйрек бүртігінің некрозы) байқалуы мүмкін, сондықтан бүйректің қызметін жүйелі бақылау қажет.

- Стивенс-Джонсон синдромын қоса, мультиформалы экссудативті эритема және уытты эпидермальді некролиз

- жел шешек кезінде кейбір жағдайларда ауыр тері жұқпаларының және жұмсақ тіндер тарапынан асқынулардың дамуы мүмкін

- қабынуға қарсы стероидті емес препараттарды қолдануға байланысты жұқпалық шығу тегіндегі қабыну үдерістерінің асқынуы (мысалы, некроздалған фасцииттің дамуы)

- асептикалық менингиттің симптомдары, мысалы, желке бұлшықеттерінің сіреспелігі, бас ауыруы, жүрек айну, құсу, температураның жоғарылауы немесе сананың шатасуы. Мұндай күйлердің туындауына аутоиммунды аурулармен (жүйелі қызыл жегімен, араласқан коллагенозбен) емделушілер бейім келеді.

- артериялық гипертензия

- асқын сезімталдықтың ауыр жалпы реакциялары. Аталған реакциялар беттің, тілдің және тыныс алу жолдарының тарылуымен көмекейдің ісінуі, респираторлық дистресс-синдромы, жиілеген жүрек соғуы, өмірі үшін қауіп төндіретін шокқа дейін болатын артериялық қысымның төмендеуі түрінде білінуі мүмкін. Бұл симптомдардың кез келгені тіпті препаратты бірінші қолдану кезінде туындауы мүмкін, сондықтан жедел дәрігерлік көмек қажет.

- әсіресе ұзақ емдеу кезінде бауыр қызметінің бұзылысы, бауырдың зақымдануы, бүйрек жеткіліксіздігі, жедел гепатит

- психоздық реакциялар, депрессия

Қолдануға болмайтын жағдайлар

- ибупрофеннің әсер ететін затына немесе қосымша заттардың біріне асқын сезімталдық кезінде;

- сыртартқысында ацетилсалицил қышқылын немесе басқа қабынуға қарсы стероидті емес дәрілерді қабылдағаннан кейін бронхтың түйілу реакциялары, демікпе, ринит немесе есекжем кезінде;

- шығу тегі анықталмаған қан түзілісінің бұзылуы кезінде;

- қазіргі кезде немесе бұрын қайталанатын пептикалық ойық жарасы/геморрагиялар болған кезде (расталған ойық жара ауруының немесе қан кетудің екі немесе одан көп жекелеген эпизоды);

- сыртартқысында бұрын тағайындалған қабынуға қарсы стероидті емес препараттармен емдеуге байланысты асқазан-ішектен қан кету немесе ойық жараның тесілуі болған кезде;

- қазіргі кезде болып жатқан цереброваскулярлық қан кету немесе басқа қан кету кезінде;

- бүйрек немесе бауыр қызметінің ауыр бұзылыстары кезінде;

- ауыр жүрек жеткіліксіздігі кезінде;

- жүктіліктің үшінші триместрі

- лактация кезеңі

- 12 жасқа дейінгі балалар

- естудің нашарлауы, вестибулярлық аппараттың патологиясы

Дәрілермен өзара әрекеттесуі

Ибупрофен (басқа ҚҚСП секілді) келесі дәрілік заттармен қабылдау кезінде ерекше сақтықты талап етеді:

Салицилаттарды қоса, басқа ҚҚСП-тар:

Бірнеше әртүрлі ҚҚСП-тарды бір мезгілде қабылдау синергизм әсерінің салдарынан асқазан-ішектік ойық жаралардың және қан кетудің қаупін жоғарылатуы мүмкін. Осыған байланысты ибупрофенді және басқа ҚҚСП-тарды бір мезгілде қолдануға болмайды.

Дигоксин, фенитоин, литий:

МИГ® 400 препаратын дигоксинмен, фенитоинмен немесе литиймен бір мезгілде қолдану плазмадағы аталған дәрілік заттардың концентрациясын жоғарылатуы мүмкін. Дұрыс қолдану кезінде плазмадағы литийдің, дигоксиннің және фенитоиннің концентрациясын бақылау талап етілмейді (ең жоғары 4 күн ішінде).

Диуретиктер, АӨФ тежегіштері, бета-блокаторлар мен ангиотензин II антагонистері:

ҚҚСП-тар диуретиктердің және басқа гипотензиялық препараттардың тиімділігін төмендете алады. Бүйрек қызметі бұзылысымен кейбір емделушілерде (мысалы, сусызданудан зардап шегетін емделушілерде немесе шектелген бүйрек қызметімен егде жастағы емделушілерде) АӨФ тежегіштерін, бета-блокаторларды немесе ангиотензин II-нің антагонистерін, сондай-ақ циклооксигеназаның жүйесін басатын заттарды бірлесе тағайындау қайтымды сипатқа ие болатын бүйрек қызметінің бұдан әрі нашарлауын туғызуы мүмкін (жедел бүйрек жеткіліксіздігіне дейін). Сондықтан бұл препараттарды бірлесе қабылдауды, әсіресе егде емделушілерге сақтықпен тағайындау керек. Емделушілер сұйықтықты жеткілікті мөлшерде қабылдауы керек. Бірлескен ем басталғаннан кейін және одан соң бүйрек қызметін мұқият бақылауды кезең-кезең жүргізу керек.

МИГ® 400 препаратын және калийсақтағыш диуретиктерді бір мезгілде қабылдау кезінде гиперкалиемия дамуы мүмкін.

Кортикостероидтар:

асқазан-ішек жолы ойық жарасы және қан кету дамуының жоғары қаупі.

Тромбоциттер агрегациясының тежегіштері және серотонинді кері қармаудың селективті тежегіштері (СКҚСТ):

асқазан-ішектік қан кетудің дамуының жоғары қаупі.

Метотрексат:

Метотрексатты қабылдағанға дейін немесе одан кейін 24 сағат ішінде МИГ® 400 препаратын қабылдау метотрексат концентрациясының ұлғаюына және оның уытты әсерінің жоғарылауына әкелуі мүмкін.

Циклоспорин:

Кейбір қабынуға қарсы стероидті емес препараттарды бірмезгілде қабылдау циклоспорин әсерінің салдарынан бүйрек қызметінің бұзылу қаупін жоғарылатады. Циклоспориннің ибупрофенмен біріктірімі кезінде аталған әсердің пайда болуы мүмкін.

Антикоагулянттар:

ҚҚСП антикоагулянттардың, мысалы, варфариннің әсерін күшейте алады.

Сульфонилмочевина препараттары:

Диабеттік препараттармен (сульфонилмочевина препараттарымен) қабынуға қарсы стероидті емес дәрілерді бір мезгілде қабылдау кезінде ішке қабылданатын диабетке қарсы дәрілердің гипогликемиялық әсері жоғарылайды. Сондықтан алдын алу мақсатында бұл дәрілік заттарды бірмезгілде қабылдау кезінде қандағы қанттың деңгейін бақылау ұсынылады.

Такролимус:

Бірмезгілде қабылдауда бүйрекке уытты әсерінің қаупі жоғарылайды.

Зидовудин:

Гемофилиядан зардап шегетін АИВ-жұқтырған емделушілерге зидовудинді және ибупрофенді бірмезгілде қабылдау кезінде гемартроздардың және гематомалардың даму қаупі жоғарылайтыны жөніндегі дәлелдемелер бар.

Пробенецид және сульфинпиразон:

Құрамында пробенецид және сульфинпиразон бар дәрілік препараттар организмнен ибупрофеннің шығарылуын кідіртуге қабілетті.

Айрықша нұсқаулар

Асқазан-ішек жолына қатысты сақтық шаралары

МИГ® 400 препаратын циклооксигеназа-2-нің селективті тежегіштерін қоса, қабынуға қарсы стероидті емес препараттарды (ҚҚСП) бірлесе қолданудан тартыну керек.

Жағымсыз әсерлердің білінуін жағдайды жақсарту үшін қажетті, қолданудың ең төмен ұзақтығы кезінде ең төмен тиімді дозаны пайдаланып, жоққа шығаруға болады.

Егде жастағы емделушілер:

Егде жастағы емделушілерде қабынуға қарсы стероидті емес препараттарға жағымсыз реакциялардың, әсіресе мысалы, өмірі үшін қатер төндіруі мүмкін асқазан-ішектен қан кетудің және ойық жараның тесілуінің пайда болу жиілігі жоғарылаған.

Асқазан-ішектен қан кету, ойық жаралы ауру және ойық жараның тесілуі:

ҚҚСП-н қабылдауға байланысты бүкіл емдеу кезеңі бойы – алдын алу симптомдарының пайда болуымен және оларсыз, сондай-ақ сыртартқысында асқазан-ішек жолы тарапынан ауыр патологияның болуына қарамастан, емделушінің өміріне қатер төндіруге қабілетті асқазан-ішектен қан кету, ойық жара және ойық жараның тесілуі туралы хабарланған.

Асқазан-ішектен қан кетудің, ойық жараның түзілуінің және оның тесілуінің даму қаупі сыртартқысында ойық жаралы аурумен науқастарда, әсіресе асқынған қан кетумен немесе тесілумен, сондай-ақ егде емделушілерде ҚҚСП дозасын ұлғайтумен жоғарылайды. Бұл емделушілерді емдеуді ең төмен мүмкін болатын дозадан бастау керек. Бұл емделушілер, сондай-ақ аспириннің немесе асқазан-ішек жолы тарапынан бұзылыстың туындау қаупін ұлғайтатын басқа препараттардың төмен дозаларымен қосымша емдеу қажет емделушілер үшін қорғанысты әсерге ие болатын дәрілерді (мысалы, мисопростолды немесе ингибиторов протонды сорғылардың тежегіштерін) қолданумен біріктірілген емді қолдану мүмкіндігін қарастыру керек.

Сыртарқысында АІЖ тарапынан уытты құбылыстарымен емделушілер, көбінесе егде жастағы емделушілер ас қорыту жүйесіне байланысты барлық ерекше симптомдар туралы (көбінесе асқазан-ішектен қан кету туралы), әсіресе емдеудің бастапқы сатыларында хабарлау керек.

Ойық жараның немесе қан кетудің даму қаупін жоғарылатуға қабілетті препараттармен бір мезгілде қабылдау кезінде ерекше сақ болу керек. Мұндай препараттарға ішке қабылданатын кортикостероидтар, антикоагулянттар, мысалы варфарин, серотонинді кері қармайтын селективті тежегіштер немесе антиагреганттар, мысалы аспирин жатады.

МИГ® 400 препаратын қолданған кезде асқазан-ішектен қан кету немесе ойық жара пайда болған жағдайда препаратпен емдеуді тоқтату қажет.

Жүрек-қантамыры жүйесінің және ми қанайналымының тарапынан әсерлер

МИГ® 400 сыртартқысында артериялық гипертониямен және/немесе жүрек жеткіліксіздігімен емделушілерге сақтықпен тағайындау керек (дәрігердің кеңесі міндетті), себебі ҚҚСП-пен емдеу кезінде тіндерде сұйықтықтың іркілу, артериялық гипертония және ісінудің даму айғағы орын алған.

Эпидемиологиялық деректерге сәйкес ибупрофенді, әсіресе жоғары дозаларда (тәулігіне 2400 мг) қолдану, сондай-ақ ұзақ емдеу кезінде артериялардың тромбозымен туындаған жағдайлардың (мысалы, миокард инфаркты немесе инсульт) даму қаупінің болмашы ұлғаюына байланысты болуы мүмкін. Жалпы алғанда, эпидемиологиялық зерттеулердің нәтижесінде алынған деректер ибупрофеннің азғантай дозалары (мысалы, тәулігіне  1200 мг) миокард инфарктының даму қаупінің ұлғаюына байланысты еместігі жөнінде куәландырады.

Тері реакциялары

Өте сирек жағдайларда кейде өлімге әкелетін, мысалы эксфолиативті дерматитті, Стивенс-Джонсон синдромын және уытты эпидермальді некролизді қоса, ауыр тері реакцияларының дамуы ҚҚСП-ты қолдануға байланысты болғаны жөнінде хабарлама бар. Науқастар емдеу басында ең үлкен қауіпке душар болады, себебі емделушілердің көпшілігінде көрсетілген реакциялар емнің бірінші айында дамыған. Тері бөртпесі, шырышты қабаттардың зақымдануы немесе асқын сезімталдықтың кез келген басқа белгілері бірінші пайда болған кезде МИГ® 400 препаратын қолдануды тоқтату керек.

Басқа нұсқаулар

МИГ® 400 препаратын келесі жағдайларда пайда/қауіп арақатынасын мұқият бағалағаннан кейін ғана қолдануға болады:

- жүйелі қызыл жегі (ЖҚЖ) және аралас коллагеноздар кезінде - асептикалық менингиттің қаупі жоғарылайды.

Ерекше мұқият дәрігерлік бақылау төмендегі жағдайларда талап етіледі:

- асқазан-ішек жолы тарапынан бұзылыстар кезінде немесе сыртартқысында ішектің созылмалы қабыну аурулары болған кезде (спецификалық емес ойық жаралы колит, Крон ауруы);

- жоғары артериялық қысым немесе жүрек жеткіліксіздігі кезінде;

- бүйрек қызметінің бұзылыстары кезінде;

- бауыр қызметінің бұзылыстары кезінде;

- тікелей ауқымды хирургиялық араласулардан кейін;

- тозаңға аллергия, мұрын полипі және тыныс алу жолдарының созылмалы обструктивті ауырулары кезінде, себебі мұндай емделушілерде аллергиялық реакциялардың туындау қаупі жоғары. Бұл реакциялар демікпе ұстамалары (анальгетиктік демікпе деп аталатын), Квинке ісінуі немесе уртикарлық бөртпе түрінде білінуі мүмкін.

- басқа дәрілік препараттарға аллергия кезінде, соның ішінде МИГ® 400 препаратымен емдеу кезінде, себебі мұндай емделушілерде асқын сезімталдық реакцияларының туындау қаупі жоғары.

Асқын сезімталдықтың ауыр жедел реакциялары (мысалы, анафилактикалық шок) өте сирек байқалады. МИГ® 400 препаратын қабылдағаннан кейін асқын сезімталдық реакцияларының бірінші белгілері білінген кезде емдеуді дереу тоқтату керек. Симптоматикаға сәйкес қажетті медициналық шаралар білікті мамандармен қабылдануы керек.

Ибупрофен, МИГ® 400 препаратының белсенді заты тромбоциттер қызметін (тромбоциттердің агрегациясын) уақытша басуы мүмкін. Осыған байланысты қан ұйығыштығының бұзылуымен емделушілерді мұқият дәрігерлік бақылауға алу қажет.

МИГ® 400 препаратын ұзақ қабылдау кезінде бауыр қызметінің, бүйрек қызметінің көрсеткіштерін жүйелі бақылау, сондай-ақ жалпы қан талдауы қажет.

Ауырғанды басатын дәрі-дәрмектерді ұзақ қолдану кезінде бас ауыруы туындауы мүмкін, оны аталған препараттардың дозасын ұлғайтумен емдеуге болмайды.

Ауырғанды басатын дәрі-дәрмектерді жиі, «әдеттегідей» қабылдау, әсіресе бірнеше ауырғанды басатын дәрілік заттардың біріктірімін қолдану бүйрек жеткіліксіздігінің даму қаупімен бірге жүретін бүйректің қайтымсыз зақымдануының дамуына («анальгетиктік» нефропатияға) әкелуі мүмкін.

Ерекше жағдайларда жел шешек аясында тері және жұмсақ тіндер тарапынан ауыр жұқпалық асқынулар дамуы мүмкін. Бүгінгі күні осындай жұқпалық асқынулардың дамуымен ҚҚСП-ң өзарабайланысының ықтималдығын толығымен жоққа шығару мүмкін емес. Сондықтан жел шешек кезінде МИГ® 400 препаратын қабылдаудан тартыну ұсынылады.

ҚҚСП-мен емдеу кезеңінде алкогольді қолдану кезінде көбінесе асқазан-ішек жолы немесе орталық жүйке жүйесі тарапынан жағымсыз әсерлердің біліну қаупі ұлғаюы мүмкін.

Жүктілік және лактация кезеңі

Жүктілік:

Простагландиннің синтезін басу жүктілік ағымына және/немесе ұрық/эмбрионның дамуына қолайсыз әсер етуі мүмкін. Эпидемиологиялық зерттеулердің нәтижелеріне сәйкес жүктіліктің ерте сатыларында қолданылатын простагландиннің синтезін басатын препараттар өздігінен болатын түсік, сондай-ақ ұрықта жүрек ақауы мен гастрошизистің пайда болуы қаупінің жоғарылауына қабілетті. Қауіп дозаны ұлғайтумен және емдеу ұзақтығымен жоғарылайтыны жөнінде болжанады.

Жүктіліктің бірінші және екінші триместрінде егер анасы үшін болжамды пайда ұрық үшін әлеуетті қауіптен жоғары болған жағдайда ғана препаратты қолдануға болады. Жүктілікті жоспарлаған немесе жүктіліктің бірінші және екінші триместрінде әйелдерге ибупрофенді тағайындаған жағдайда ең төмен мүмкін дозаны және ең төмен мүмкін емдеу ұзақтығын таңдау керек.

Жүктіліктің үшінші триместрінде ибупрофенді қолдануға болмайды.

Лактация кезеңі:

Ибупрофеннің әсер ететін заты және оның ыдыраған өнімдері азғантай мөлшерлерде емшек сүтіне өтеді. Жаңа туғандар үшін қолайсыз салдарлары туралы мәліметтер қазіргі кезге дейін келіп түспегендіктен, қысқа мерзімді емдеу кезінде емшек емізуді тоқтатпау керек.

Фертильділік:

Циклооксигеназа/простагландиндердің синтезін тежейтін дәрілік заттар овуляция үдерісіне әсер ету арқылы әйелдердің репродуктивті қабілетіне теріс әсер етуге қабілетті екендігі жөнінде мәліметтер бар. Қабылдауды тоқтатқаннан кейін бұл әсердің қайтымды сипаты болады.

Көлік құралын немесе әлеуетті қауіпті механизмдерді басқару қабілетіне әсері

МИГ 400 препараты жоғары дозаларда орталық жүйке жүйесі тарапынан жағымсыз әсерлер, мысалы, шаршау және бас айналу туғызуға қабілетті болғандықтан, жоғары назар салуды, психомоторлық реакциялардың тездігін талап ететін қызметтердің барлық түрлерінен тартыну қажет.

Көрсетілген құбылыстар препаратты алкоголь қабылдаумен біріктіру кезінде күшейеді.

Артық дозалануы

Симптомдары: бас ауыруы, бас айналу, естен тану алдындағы күй және естен тану (балаларда бұлшықеттің құрысуымен), сондай-ақ іштің ауыруы, жүрек айну және құсу. Бұдан басқа асқазан-ішектен қан кетуі, сондай-ақ бауыр мен бүйрек тарапынан функциональдік бұзылыстар дамуы мүмкін. Сондай-ақ артериялық қысымның төмендеуі, тыныс алу мен цианоз болуы мүмкін.

Емі: арнайы у қайтарғысы жоқ. Асқазанды шаю (қабылдағаннан кейін 1 сағат ішінде ғана), белсенділендірілген көмірді қабылдау, сілтілі сусындар ішу, қарқынды диурез. Симптоматикалық ем.

Шығарылу түрі және қаптамасы

Мөлдір емес, ақ, қатты ПВХ-үлбірден және пергаминмен қапталған алюминий фольгадан тұратын пішінді ұяшықты қаптамаға 10 таблеткадан салынған. 1 немесе 2 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картоннан жасалған пәшкеге салынған.

 

Сақтау шарттары

25° С-ден аспайтын температурада сақтау керек. Балалардың қолы жетпейтін жерде сақтау керек!

Сақтау мерзімі

3 жыл.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Берлин-Хеми АГ (Менарини Груп)

Глиникер Вег 125

D-12489 Берлин, Германия

Қаптаушы ұйым

Берлин-Хеми АГ (Менарини Груп), Германия

Қазақстан Республикасы аумағында тұтынушылардан өнімнің (тауар) сапасына қатысты шағымдарды қабылдайтын ұйымның мекенжайы:

ҚР-дағы «Берлин-Хеми АГ» АҚ өкілдігі

Тел.: +7 727 2446183, 2446184, 2446185

Факс:+7 727 2446180

Электрондық поштасы: Kazakhstan@berlin-chemie.com