Метромикон-Нео

• русский
• қазақша

• Скачать инструкцию медикамента

Саудалық атауы

МЕТРОМИКОН - НЕО

Халықаралық патенттелмеген атауы

Жоқ

Дәрілік түрі

Қынаптық суппозиторийлер

Құрамы

Бір суппозиторийдің құрамында

белсенді заттар: 500 мг метронидазол, 100 мг миконазол нитраты,

қосымша зат - суппозиторийге арналған негіз: суппоцир АМ (қатты май).

Сипаттамасы

Ақ немесе сарғыш реңді ақ цилиндр пішінді суппозиторийлер. Қимасында ауа және кеуекті өзегі мен шұңғыма тәрізді ойығы болуына жол беріледі.

Фармакотерапиялық тобы

Гинекологиялық ауруларды емдеуге арналған антисептиктер және микробтарға қарсы препараттар. Имидазол туындылары. Имидазол туындыларының біріктірілімі.

АТХ коды G01AF20

Фармакологиялық қасиеттері

Фармакокинетикасы

Метронидазол суппозиторийлер түрінде интравагинальді қолдануда шырышты қабық арқылы елеусіз дәрежеде сіңіріледі және жүйелік әсер етпейді. Метронидазол биожетімділігі интравагинальді қолдануда 20% құрайды. Миконазол елеусіз мөлшерде шырышты қабық арқылы сіңеді. Препарат несеппен шығарылатын, белсенді гидроксилді метаболиттерді түзе отырып, бауырда метаболизденеді. Өзгермеген түрде нәжіспен шығарылады.

Фармакодинамикасы

Метромикон-Нео - зеңге қарсы, протозойға қарсы және бактерияға қарсы әсері бар, қынапішілік қолданылатын біріктірілген препарат. Электрондардың акцептрі болып табылатын метронидазолдың нитротобы, қарапайымдылар мен анаэробтардың тыныс алу тізбегіне қатар түзейді (электрон бәсекелес белоктар – флавопротеиндермен және басқалармен бәсекелеседі), сөйтіп тыныс алу үдерістерін бұзады және жасушалардың

қырылуына әкеп соқтырады. Мұнан басқа, кейбір анаэробтар ДНҚ синтезін басу және оны деградацияға ұшырату мүмкіндігіне ие. Миконазолдың фунгицидтік және фунгистаттық әсері зеңдердің плазмалық жарғақшалары мен қабығы эргостеролының биосинтезін тежеуге, сондай-ақ зеңдер жасушалық қабырғаларының липидтік құрамы мен өткізгіштігінің өзгеруіне байланысты. Mетронидазол қарапайымдыларға: Trichomonas vaginalis, Gardnerella vaginalis, Giardia lamblia, Entamoeba hisolytica, сондай-ақ анаэробтық грамтеріс микроорганизмдерге: бактероидтар Bacteriodes fragilis (B. Caccae,B. unifomis, B. distasinis, B. ovatus, B.theraiotaomicron, B. vulgatus), Fusobacterium, Prevotella (P. buccae, P. disiens) топтарын қоса алғанда, анаэробтық грамоң Clostridium, Eubacterium, peptococcus, Peptostreptococcus бактерияларына қатысты белсенді.

Дерматомицеттер мен ашытқылар миконазолға барынша сезімтал. Сондай-ақ, миконазол стафилококк пен стрептококктерді қоса, кейбір грамоң микроорганизмдерге қатысты алғанда тиімді.

Қолданылуы

- трихомонадты вагинит және уретритте

- метронидазолға сезімтал микроорганизмдерден туындаған анаэробты жұқпаларда

- қынаптық және вульвоқынаптық кандидозда

- грамоң микроорганизмдерден туындаған асқын жұқпаларда.

Қолдану тәсілі және дозалары

Қынап ішіне, қатарынан 14 күн бойы, тікелей ұйықтар алдында, 1 суппозиторийден тәулігіне 1 рет немесе таңертең және кешке 1 суппозиторийден 7 күн бойы.

Қайталанатын вагиниттер кезінде таңертең және кешке 1 суппозиторийден 14 күн бойы тағайындайды.

Жағымсыз әсерлері

- қышыну, шымылдату сезімі

- қынаптың шырышты қабығының тітіркенуі, әсіресе емдеуді бастаған кезде

Қолдануға болмайтын жағдайлар

- метронидазолға, миконазолға (оның ішінде басқа нитромидазол туындыларына) аса жоғары сезімталдық

- жүктіліктің І триместрі

- лактация кезеңі

- 18 жасқа дейін (қыздарға)

Дәрілермен өзара әрекеттесуі

Бір мезгілде қолданған кезде метронидазол тікелей емес антикоагулянттардың әсерін күшейтеді.

Метронидазолды дисульфираммен бір мезгілде қолданған кезде ОЖЖ тарапынан бұзылудың байқалуы мүмкін.

Фенитоинмен метронидазолды бір мезгілде қолданған кезде қандағы фенитоин деңгейі жоғарылайды, ал қандағы метронидазол деңгейі төмендейді.

Метронидазолды литий препараттарымен бір мезгілде қолданған кезде, соңғыларының жоғары уыттылығы байқалады.

Фенобарбиталмен метронидазолды бір мезгілде қолданғанда метронидазолдың қандағы деңгейі төмендейді.

Циметидинмен метронидазолды бір мезгілде қолданғанда қандағы метронидазол деңгейі жоғарылауы мүмкін.

Метронидазолдың алкогольмен өзара әрекеттесуі дисульфирам тәріздес реакциялар туындатады.

Метронидазол және миконазол астемизол мен терфенадиннің метаболизмін тежейді, соның нәтижесінде қан плазмасында астемизол мен терфенадиннің концентрациясы артады.

Метромикон-Неомен бір мезгілде қолданғанда қан плазмасындағы теофиллин мен прокаинамидтің концентрациясы өзгеруі мүмкін.

Айрықша нұсқаулар

Суппозиторийлерді пайдалану механикалық контрацепцияның сенімділігін төмендетеді (құрамында латексі бар заттар: мүшеқаптар, қынаптық диафрагмалар) және жүктіліктің болуы немесе жыныстық жолмен берілетін аурулармен зақымдану мүмкіндігі жоққа шығарылмайды, сондықтан емдеу кезінде жыныстық қатынасты тоқтата тұру ұсынылады. Жыныстық серіктесінің жұқпасы бар болған жағдайда және қайта жұқпалану мүмкіндігін болдырмау үшін екі жұптасты міндетті түрде бір мезетте емдеу қажет.

Жүктілік пен лактация

Препаратты жүктіліктің І триместрінде қолдануға болмайды. Жүктіліктің ІІ және ІІІ триместрінде қолдану, егер ана үшін ықтимал пайдасы балаға төнетін қауіптен асатын болса ғана мүмкін болмақ. Препаратты лактация кезеңінде қолдану қажет болғанда бала емізу тоқтатылуы тиіс. Емдеу аяқталғаннан соң 24-48 сағаттан кейін бала емізуді қайта бастауға болады.

Педиатрияда пайдаланылуы: 18 жасқа дейін қолдануға болмайды (қыздарға).

Дәрілік заттардың көлік құралдарын немесе қауіптілігі зор механизмдерді басқару қабілетіне әсер ету ерекшелігі

Әсер етпейді

Артық дозалануы

Препараттың сіңірілу төмендігіне байланысты ұсынылған дозаларды сақтаған жағдайда препараттың артық дозалануы болмаған.

Болуы мүмкін симптомдар: жүрек айну, құсу, іштің ауыруы, ауыздың темір татуы, атаксия, бас ауыру, бас айналу, парестезиялар, құрысулар, лейкопения, несептің қараға боялуы (метронидазолдың артық дозалануына байланысты); жүрек айну, құсу, анорексия, диарея (миконазол нитратының артық дозалануына байланысты).

Емі: симптоматикалық ем , кездейсоқ ішке қабылдап қойғанда – асқазанды шаю.

Шығарылу түрі мен қаптамасы

Полиэтиленмен ламинацияланған поливинилхлоридті үлбірден жасалған пішінді ұяшықты қаптамада 7 суппозиторийден.

2 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.

Сақтау шарттары

Құрғақ, жарықтан қорғалған жерде, 250С-ден аспайтын температурада сақтау керек.

Мұздатып қатыруға болмайды.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«ФАРМАПРИМ» ЖШҚ, Молдова Республикасы

Кринилор қ., 5, Порумбень а., Криулень ауд.,

Молдова Республикасы, MD-4829

тел.: (+373-22)-28-18-45, тел/факс: (+373-22)-28-18-46,

www.farmaprim.md

Тіркеу куәлігінің иесі

«ФАРМАПРИМ» ЖШҚ, Молдова Республикасы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

Қазақстан Республикасындағы «FARMAPRIM SRL» («ФАРМАПРИМ СРЛ») фирмасының өкілдігі,

Алматы қ., Гоголь к-сі, 86, 528 кеңсе,

Телефон/факс: + 7(727) 279-65-18,

Email: farmaprim.kz@farmaprim.md