Метостил

• русский
• қазақша

• Скачать инструкцию медикамента

Саудалық атауы

Метостил

Халықаралық патенттелмеген атауы

Жоқ

Дәрілік түрі

Қынаптық суппозиторийлер

Құрамы

1 суппозиторий құрамында

белсенді заттар: метронидазол – 200мг; клотримазол – 160мг; хлоргексидин ацетаты – 8мг;

қосымша заттар: жартылай синтетикалы майлы глицерин ( 38 типті), парафин, ланолин

Сипаттамасы

Крем түсті (сүт сияқты сары), цилиндр пішінді суппозиторийлер

Фармакотерапиялық тобы

Гинекологиялық ауруларды емдеуге арналған антисептиктер және микробқа қарсы препараттар. Имидазол туындылары

АТЖ коды G01AF

Фармакологиялық қасиеттері

Фармакокинетикасы

Метронидазолды қынап ішіне қолданғанда жүйелі қан ағынына сіңеді. Қандағы Cmax 6–12 сағаттан кейін анықталады және (1–3 сағаттан кейін) метронидазолды бір рет ішке қабылдағанға баламалы дозаны қабылдағаннан кейінгі Cmax шамамен 50%-на жетеді. Метронидазол мен оның метаболиттерінің 60–80% бүйрекпен шығарылады, енгізілген дозаның

6-15% ішек арқылы шығарылады.

Клотримазол елеусіз дәрежеде шырышты қабықтардан сіңеді (3%). Сіңген препарат бауырда метаболизденеді және бүйрекпен шығарылады; жартылай ыдырау кезеңі 3-5сағатты құрайды.

Хлоргексидин іс жүзінде шырышты қабықтар арқылы сіңбейді.

Фармакодинамикасы

Метостил суппозиторийі –кең ауқымдағы антибактериялық және зеңге қарсы әсері бар біріктірілген препарат.

Метронидазол микроорганизмге пассивті диффузия жолымен енеді. Ол бактериялық жасуша ішінде қалпына келеді және биологиялық белсенді цитоуытты метаболит ДНҚ зақымдайды. Метронидазол нитротоптарын, нитро-редуктазаларды қалпына келтіретін фермент оттегі қатысуында тиімсіз, бұл арқылы метронидазолдың тек анаэробты жағдайларда әсер ететіні түсіндіріледі.

Метронидазол қарапайымдарға (трихомонадалар, лямблиялар) облигатты анаэробты бактерияларға (клостридиялар) қатысты кең ауқымдағы әсері бар.

Метронидазол кейбір қарапайымдармен (Trichomonas vaginalis, Entamoeba hystolitica және Giardia lamblia) және облигатты анаэробты микроорганизмдермен жұқпаланғанда тиімді.

Клотримазолдың антимикотикалық тиімділігі зеңдердің жасушалық жарғақшалары құрамына кіретін эргостерин синтезі бұзылуына байланысты, ол жарғақша өткізгіштігінің өзгерісіне алып келеді және соңынан жасушалардың лизисін туындатады.

Клотримазол төмен концентрацияларында фунгистатикалық әсер етеді, ал үлкен концентрацияларында – фунгицидті, оның үстіне тек пролиферациялайтын жасушаларға ғана емес.

Фунгицидті концентрацияларында митохондрийлық және пероксидазалық ферменттермен өзара әрекеттеседі, нәтижесінде сутегі асқын тотығының концентрациясының уыттылық деңгейге дейін ұлғаюы жүреді, бұл да зеңдік жасушалардың бұзылысына ықпал етеді.

Клотримазолдың кең ауқымдағы зеңге қарсы белсенділігі бар.

Хлоргексидин бактериялардың жасушалық жарғақшалары фосфолипидтерімен спецификалық емес жолмен байланысу жолымен антибактериялық әсер етеді, бұл арада хлоргексидин дегидрогеназалар мен АТФ–аза белсенділігін тежейді және жарғақшалардың калий, нуклеотидтар және аминоқышқылдар үшін өткізгіштігін бұзады.

Хлоргексидин жергілікті антисептикалық дәрілердің белсендіректерінің бірі болып табылады.

Қолданылуы

- бактериялық вагинитте

- зеңдік кольпитте

- қынаптық трихомониазда

- аралас жұқпалы сипаттағы кольпитте

Қолдану тәсілі және дозалары

Қынаптық. Дәл ұйықтар алдында, қолды жуып, жатқан күйде, суппозиторийді саусақ басына кигізіп және оны қынап ішіне (артқы күмбез) терең енгізу . Бір қолданғанда бір суппозиторийден қолданады. Емдеу курсы 7 күнді құрайды. Қайталап емдеу курсын бірінші mensis (етеккірлік қан кету) кейін, препаратты қолдануды тоқтатқан сәттен бастап жүргізу керек.

Жағымсыз әсерлері

Сирек жағдайларда аллергиялық реакциялар бақылануы мүмкін, қынапта күйдіру сезімі болуы мүмкін.

Қолдануға болмайтын жағдайлар

- препаратқа жоғары сезімталдық

-18 жасқа дейінгі балалық жас

Дәрілермен өзара әрекеттесуі

Қынаптық қолдануға арналған басқа дәрілік препараттарды бір мезгілде қолдану ұсынылмайды.

Нистатин және натамицин клотримазолдың тиімділігін төмендетеді.

Айрықша нұсқаулар

Жүктілік және лактация кезеңі

Препаратты жүкті әйелдерге жүктіліктің бірінші триместрінде қолдану ұсынылмайды.

Препаратты қабығының тұтастығы бұзылуында немесе суппозиторийдің сыртқы түрі өзгеруінде қолдану ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Анықталмаған

Артық дозалануы

Анықталмаған

Шығарылу түрі және қаптамасы

Поливинилхлоридті-полиэтилен (ПВХ-ПЭ) үлбірден жасалған пішінді ұяшықты қаптамада 7 суппозиторийден. 1 пішінді қаптамадан бір рет қолдануға арналған медициналық полиэтиленді қолға киілетін саусаққаппен қолданылуы жөнінде мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

Құрғақ, жарықтан қорғалған жерде, 250С-ден аспайтын температурада сақтау керек. Мұздатып қатыруға болмайды.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін қолдануға болмайды.

Босатылу шарттары

Рецептісіз

Өндіруші

«Чэнь-Тянь» фармацевтикалық компаниясы, Қытай, Хубэй провинциясы, Тяньмен қ-сы, Тиан бин к-сі, 1

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

«Му Линь Сэнь» ЖШҚ, Қырғыз Республикасы, Бішкек қ-сы, Малдыбаев к-сі 1 / 2, телефон/факс: + 996 (312) 56 50 52, е-mail: mulinsen_kg@mail.ru