Метоклопрамид-Дарница

• русский
• қазақша

• Скачать инструкцию медикамента

Саудалық атауы

Метоклопрамид-Дарница

Халықаралық патенттелмеген атауы

Метоклопрамид

Дәрілік түрі

Инъекцияға арналған 0,5% 2 мл ерітінді

Құрамы

1 мл ерітіндінің құрамында

белсенді зат: метоклопрамид гидрохлориді – 5 мг;

қосымша заттар: натрий хлориді, динатрий эдетаты, сусыз натрий сульфиті (Е221), пропиленгликоль, 0,1 М хлорсутек қышқылы, инъекцияға арналған су.

Сипаттамасы

Мөлдір түссіз сұйықтық.

Фармакотерапиялық тобы

АІЖ-нің функциялық бұзылыстарын емдеуге арналған препараттар. АІЖ моторикасының стимуляторлары. Метоклопрамид.

АТХ коды А03F А01.

Фармакологиялық қасиеттері

Фармакокинетикасы

Асқазан-ішек жолына әсерінің басталуы вена ішіне енгізуден кейін 1-3 минуттан соң және бұлшықетішілік енгізуден кейін 10-15 минуттан соң байқалады. Қан плазмасы ақуыздарымен препараттың 13-30%-ы байланысады. Таралу көлемі – 3,5 л/кг. Гематоэнцефалдық және плацентарлық бөгет арқылы өтеді, емшек сүтіне бөлініп шығады. Бауырда метаболизденеді. Жартылай шығарылу кезеңі – 4-6 сағат. Дозаның бір бөлігі (20%-ға жуық) бастапқы күйінде шығарылады, ал қалғаны (80%-ға жуық) бауырмен метаболизмдік айналудан кейін бүйрек арқылы глюкурон немесе күкірт қышқылымен қосылыстар түрінде шығарылады.

Фармакодинамикасы

Метоклопрамид орталық допаминдік антагонист болып табылады, ол да шеткері холинергиялық белсенділік танытады.

Препараттың негізгі екі әсері білінеді: құсуға қарсы және асқазанның босауын және жіңішке ішек арқылы өтуін тездететін әсері.

Құсуға қарсы әсері, допаминергиялық нейрондардың тежелуіне байланысты, мидың дің бөлігіндегі орталық аймағына (хеморецепторлар – құсу орталығын белсендіретін аймақ) әсер етуінен туындауы мүмкін.

Перистальтакалық күшеюі де орталық жүйке жүйесінің жоғарғы бөлімдерімен ішінара бақыланады, бірақ сонымен қатар постганглионарлық холинергиялық рецепторлардың белсенділенуімен бірге шеткері әсер ету механизміне ішінара іске қосылуы мүмкін және, асқазан мен жіңішке ішектің допаминергиялық рецепторларының бәсеңдеуінен де болуы ықтимал. Гипоталамус және парасимпатикалық жүйке жүйесі арқылы асқазан-ішек жолының жоғарғы бөлігінің қозғалу белсенділігін реттейді және үйлестіреді: асқазан мен ішектің тонусын арттырады, асқазанның босауын жылдамдатады, гастростазды азайтады, қақпалық және эзофагеальді рефлюкске кедергі жасайды, ішектің перистальтакасын стимуляциялайды. Өттің бөлініп шығуын қалыпты етеді, Одди сфинктерінің спазмын, оның тонусын өзгертпей, азайтады, өт қалтасының дискинезиясын жояды.

Жағымсыз әсерлері негізінен экстрапирамидалық симптомдарда таралады, оның негізінде орталық жүйке жүйесіне допамин-рецептор-бөгегіш әсер ету механизмі жатыр.

Метоклопрамидпен ұзақ емдеу, пролактин секрециясының допаминергиялық тежелуінің жоқ болуы салдарынан, қан сарысуында пролактин концентрациясын арттыруы мүмкін. Әйелдерде галакторея және етеккір оралымының бұзылу жағдайлары, еркектерде гинекомастия жағдайлары сипатталған. Алайда бұл симптомдар емдеуді тоқтатқаннан кейін жоғалды.

Қолданылуы

Ересектер

Метоклопрамидтің инъекцияға арналған 5 мг/мл ерітіндісі еркектерде мыналар үшін қолданылады:

- операциядан кейін жүректің айнуы мен құсуға; радиотерапия әсерінен болған жүректің айнуына және құсуға жол бермеу үшін;

- жедел бас сақинасымен байланыстыны қоса, жүректің айнуы мен құсуды симптоматикалық емдеу үшін

- радиотерапия әсерінен болған жүректің айнуына және құсуға жол бермеу үшін;

Балалар

Метоклопрамидтің инъекцияға арналған 5 мг/мл ерітіндісі балаларда (1-18 жастағы) мыналар үшін қолданылады:

- химиотерапия әсерінен туындаған кейіннен болатын жүректің айнуы мен құсуына жол бермеу үшін екінші желілі препарат ретінде

- операциядан кейін жүректің айнуы мен құсуды емдеу үшін екінші желілі препарат ретінде.

Қолдану тәсілі және дозалары

Ерітіндіні вена ішіне немесе бұлшықетішілік қолдану керек. Вена ішіне енгізу ең кемінде 3 минут бойы баяу болюсті инъекция түрінде қолданылуы тиіс.

Барлық көрсетілімдері (ересектер)

Операциядан кейінгі жүректің айнуы мен құсуға жол бермеу үшін бір реттік 10 мг доза ұсынылады. Жедел бас сақинасымен байланыстыны қоса, жүректің айнуы мен құсуды, сондай-ақ рдиотерапия әсерінен туындаған жүректің айнуы мен құсуды симптоматикалық емдеу үшін ұсынылатын бір реттік доза тәулігіне 3 ретке дейінгі 10 мг құрайды.

Ұсынылатын ең жоғары доза 30 мг немесе дене салмағының әр кг шаққанда 0,5 мг/ құрайды. Инъекциялық түрмен емдеу ұзақтығы емдеудің пероральді немесе ректальді түрлеріне көбірек ауысуымен мүмкіндігінше қысқа болуы тиіс.

Барлық көрсетілімдер (1-18 жастағы балалар)

Вена ішіне ұсынылатын доза тәулігіне 3 ретке дейін дене салмағының әр кг шаққанда 0,1-0,15 мг құрайды. Ең жоғары тәуліктік доза дене салмағының әр кг шаққанда 0,5 мг құрайды.

Дозалау сызбасы

Операциядан кейінгі жүректің айнуы мен құсуды емдеу үшін емдеу ұзақтығы 48 сағатты құрайды. Химиотерапия әсерінен туындаған кейіннен болатын жүректің айнуы мен құсуға жол бермеу үшін емдеудің ең жоғары ұзақтығы 5 күнді құрайды.

Қолдану тәсілі:

Құсу жағдайында екі қабылдау арасындағы кем дегенде 6 сағаттық аралық сақталуы тиіс немесе дозадан бас тарту керек.

Тұрғындардың ерекше топтары

Егде жастағы пациенттер

Егде жастағы пациенттерде бүйрек немесе бауыр функциясына және жалпы хал-жағдайына байланысты дозаны азайту мүмкіндігі ескерілуі тиіс.

Бүйрек функциясы бұзылған пациенттер

Бүйрек функциясының терминальді сатысындағы (креатинин клиренсі 15 мл/мин) пациенттерде тәуліктік доза 75%-ға дейін қысқартылуы тиіс. Бүйрек функциясының орташа және ауыр бұзылулары бар (креатинин клиренсі 15-60 мл/мин) пациенттерде доза 50%-ға қысқартылуы тиіс.

Бауыр функциясы бұзылған пациенттер

Бауыр функциясының ауыр жеткіліксіздігі бар пациенттерде доза 50%-ға қысқартылуы тиіс.

Балалар

Метоклопрамидті 1 жасқа дейінгі балаларға қолдануға болмайды.

Жағымсыз әсерлері

Жағымсыз әсерлеріне баға беру пайда болу жиілігін есепке ала отырып жасалған жіктелімге негізделеді: өте жиі (> 1/10); жиі (> 1/100 - <1/10); кейде (> 1/1000 - <1/100), сирек (> 1/10000 - <1/1000), өте сирек (<1/10000) құбылыстар.

Өте жиі:

- ұйқышылдық

Жиі:

- диарея

- астения

- экстрапирамидалық бұзылыстар (әсіресе балаларда және жас адамдарда және/немесе ұсынылатын доза препараттың бір дозасын енгізуден кейін арттырылған жағдайда), паркинсонизм, акатизия

-депрессия

-гипотензия, әсіресе вена ішіне енгізген кезде

- тері бөртпесі, гиперемия және терінің қышуы, есекжем, Квинке ісінуі.

Натрий сульфиттің дәрілік түрде болуына байланысты, әсіресе бронх демікпесі бар науқастарда жүректің айнуы, құсу, ысқырықты дем алу, демікпенің жедел ұстамасы, сананың бұзылулары немесе шок түрінде жоғары сезімталдық реакцияларының жекелеген жағдайлары байқалуы мүмкін. Бұл реакциялардың барысы әркімде жекелей болуы мүмкін

Кейде:

- анафилаксиялық шок

Сирек:

- брадикардия (әсіресе вена ішіне енгізген кезде)

- аменорея, гиперпролактинемия

- аса жоғары сезімталдық

- дистония, дискинезия, сананың шатасуы

- елестеулер

- галакторея

- диарея (тәуліктіктен жоғары дозаларда қолданған кезде)

- бас айналу, ұйқышылдық, мазасыздық

Өте сирек

- құрысулар, әсіресе эпилепсиясы бар пациенттерде

- егде жастағы кейбір пациенттерде метоклопрамидпен ұзақ емдеуден кейін, сондай-ақ бүйрек функциясының жеткіліксіздігінде паркинсонизм (тремор, бұлшықеттің тартылуы, брадикинезия, бұлшықеттердің сіресуі, маска түріндегі бет)

- кешеуілдеген дискинезия, ол қайтымсыз болуы мүмкін, негізінен егде жастағы пациенттерде (әсіресе әйелдерде), қант диабеті бар пациенттерде метоклопрамидпен ұзақ емдеген кезде пайда болуы мүмкін және әдетте препаратты тоқтатқаннан кейін дамиды. Тілдің, беттің, ауыздың, жақтың еріктен тыс қимылдауымен, кейде тұлабойдың және/немесе аяқ-қолдың еріктен тыс қимылдауымен көрініс береді

- гиперпирексияны, сананың өзгеруін, бұлшықеттің сіресуін, вегетативті жүйке жүйесі функциясының бұзылысын және қан сарысуында креатинфосфокиназаның жоғары деңгейін қамтитын нейролептикалық қатерлі синдром. Бұл синдром өлімге соқтыратын зор қауіп болып табылады, ол пайда болған кезде метоклопрамид қабылдауды дереу тоқтатқан және емдеуді (дантролен, бромокриптин) шұғыл бастаған жөн

- депрессия

- іш қату

- аса жоғары сезімталдық реакциялары.

Белгісіз

- метгемоглобинемия

- инъекциялық қолданудан кейін көп ұзамай жүректің тоқтап қалуы, атриовентрикулярлық блокада, QT аралығының ұзаруы

- гинекомастия

- инъекция жасалған жердің қабынуы және жергілікті флебит

- анафилаксиялық реакциялар (анафилаксиялық шокты қоса) әсіресе вена ішіне енгізген кезде

- кешеуілдеген дискинезия, ол емдеу кезінде немесе ұзақ емдеуден кейін әсіресе егде жастағы пациенттерде тұрақты болуы мүмкін, қатерлі нейролептикалық синдром

- инъекциядан кейін шок, естен тану. Феохромоцитомасы бар науқастарда жедел артериялық гипертензия.

- бөртпе, қышыну, ангионевроздық ісіну және есекжем сияқты тері реакциялары

Осындай құбылыстар дамыған кезде Метоклопрамид қабылдауды тоқтатады.

Бірлі-жарым:

- вена ішіне енгізген кезде артериялық қысымның төмендеуі/жоғарылауы. Метоклопрамидті парентеральді енгізуден кейін суправентрикулярлы экстрасистоланың, қарыншалық экстрасистоланың, тахикардияның және брадикардияның жекелеген жағдайлары орын алды, олар кейде жүректің тоқтап қалуына әкеп соғуы мүмкін

- экстрапирамидалық реакциялар, әдеттегідей, дистониялар (соның ішінде дискинезиялық синдромның өте сирек жағдайлары), әсіресе балаларда және 30 жасқа дейінгі пациенттерде тәуліктік дозаны дене салмағының әр кг шаққанда 0,5 мг-ден асырғанда артатын қауіп: бет бұлшықетінің спазмы, тризм, тілдің ырғақтық протрузиясы, сөйлеудің бульбарлы типі, окулогирлі кризді қоса экстраокулярлық бұлшықеттің спазмы, бас пен иықтың қалыптан тыс күйі, опистотонус, бұлшықеттік гипертонус

- ауыз ішінің құрғауы

Жиілігі белгісіз:

- бас ауыру, шаршау сезімі, қорқу сезімі, абыржушылық, құлақтың шыңылдауы

- жүректің айнуы, диспепсия

- препаратпен өте ұзақ емдегеннен кейін, пролактин секрециясының стимуляциялануына байланысты, гиперпролактинемия, гинекомастия, галакторея немесе етеккір оралымының бұзылуы пайда болуы мүмкін, осы құбылыстар дамыған кезде метоклопрамидті қолдануды тоқтатқан жөн.

Басқалары:

- нәтижесінде метоклопрамидтің шығарылуы баяулайтын бүйрек функциясының ауыр бұзылулары (бүйрек функциясының жеткіліксіздігі) бар жасөспірімдерде және науқастарда әсіресе жағымсыз құбылыстардың дамуын мұқият бақылау керек. Олар пайда болған жағдайда препаратты қолдануды бірден тоқтатады.

Қолдануға болмайтын жағдайлар

- препараттың кез келген компонентіне аса жоғары сезімталдық

- асқазан-ішек жолынан қан кетулер

- асқазан қақпасының стенозы

- асқазан-ішек жолының механикалық обструкциясы

- асқазан мен ішектің тесілуі

- айғақталған феохромоцитома немесе гипертензияның ауыр көріністері қаупіне байланысты оның бар екендігіне күдіктену

- эпилепсия (құрысулардың жоғары жиілігі және қарқындылығы)

- Паркинсон ауруы

- антихолинергиялық препараттарды, леводопаны және дофаминергиялық агонистерді бір мезгілде қолдану

- анамнезде нейролептиктерді немесе метоклопрамидті қолданумен индукцияланған кешеуілдеген дискинезияның болуы

- анамнезде метоклопрамидпен бірге қолданғанда метгемоглобинемияның болуы немесе NADH-цитохром-b5-редуктаза тапшылығы

- пролактинома немесе пролактинге тәуелді ісік

- 1 жасқа дейінгі балаларға экстрапирамидалық реакциялар қаупіне байланысты

- жүктіліктің I-III триместрі және лактация кезеңі

- бронх демікпесі

Дәрілермен өзара әрекеттесуі

Қолдануға болмайтын біріктірілім

Леводопа немесе дафаминергиялық агонистер және Метоклопрамид антагонистері болып табылады.

Біріктіруге жол бермеген жөн

Алкоголь Метоклопрамидтің седативті әсерін күшейтеді

Назарға алынуы тиіс біріктірілім

Метоклопрамид диазепамның, тетрациклиннің, ампициллиннің, парацетамолдың, ацетилсалицил қышқылының, леводопаның, этанолдың сіңуін арттырады; дигоксин мен циметидиннің сіңуін баяулатады.

Антихолинергиялық препараттар және морфиннің туындылары

Антихолинергиялық препараттардың және морфин туындыларының асқазан-ішек жолының моторикасына ықпал етуі бойынша Метоклопрамидпен өзара антагонизмі бар болуы мүмкін.

Орталық жүйке жүйесінің белсенділігін бәсеңдететін депрессанттар (морфин туындылары, транквилизаторлар, Н1 гистаминдік рецепторлардың седативті блокаторлары, седативті антидепрессанттар, барбитураттар, клофелин және сол сияқтылар)

Метоклопрамид орталық жүйке жүйесіне ықпалын тигізетін тыныштандырғыш дәрілердің әсерін күшейтеді.

Нейролептиктер

Меткоклопрамидті нейролептиктермен бір мезгілде қолданғанда экстрапирамидті бұзылыстардың даму қаупі артады.

Серотонинергиялық препараттар

Метоклопрамидті СКҚСТ сияқты серотонинергиялық препаратармен бірге пайдалану серотониндік синдромның даму қаупін арттыруы мүмкін.

Дигоксин

Метоклопрамид дигоксиннің биожетімділігін азайтуы мүмкін. Плазмадағы дигоксин концентрациясына мұқият мониторинг қажет болады.

Циклоспорин

Метоклопрамид циклоспориннің биожетімділігін (Сmax 46%-ға және ықпалын 22%-ға) арттырады. Плазмадағы циклоспориннің концентрациясына мұқият мониторинг қажет болады.

Мивакуриум және суксаметоний

Метоклопрамид инъекциялары жүйке-бұлшықет блокадасының ұзақтығын ұзартуы мүмкін (плазма холинэстеразасын тежеу жолымен).

CYP2D6 күшті тежегіштері

Метоклопрамидтің экспозициясы флуоксетин және пароксетин сияқты CYP2D6 күшті тежегіштерімен бірге тағайындағанда жоғарылайды.

Сілтілік ортасы бар инфузиялық ерітінділер

Метоклопрамид сілтілік ортасы бар инфузиялық ерітінділермен үйлеспейді.

Бромкриптин

Метоклопрамид бромкриптиннің концентрациясын арттырады.

Дәрумендер

Метоклопрамидті тиаминмен (В1 дәрумені) бір мезгілде тағайындағанда соңғысы тез ыдырайды.

Аспирин, парацетамол: метоклопрамидтің асқазанның қимылдау функциясына әсері бір мезгілде қабылданатын басқа пероральді дәрілік заттардың, не асқазаннан сіңірілуін азайтып немесе жіңішке ішектен сіңірілуін арттырып, асқазан-ішек жолынан сіңірілуін өзгертуі мүмкін (мысалы, парацетамол және аспириннің әсері күшейеді).

Атоваквон: метоклопрамид қан плазмасында оның концентрациясын азайтуы мүмкін.

Айрықша нұсқаулар

Метоклопрамидті атопия тарихы (демікпе мен порфирияны қоса) бар пациенттерге пайдаланған кезде сақтық танытқан жөн.

Неврологиялық бұзылулар

Экстрапирамидалық бұзылулар, әсіресе балалар мен жас адамдарда және/немесе жоғары дозаларды қолданған кезде байқалуы мүмкін. Бұл реакциялар әдетте емнің бас кезінде байқалады және бір реттік қолданудан кейін пайда болуы мүмкін. Экстрапирамидалық симптомдар дамыған жағдайда метоклопрамидті дереу тоқтату қажет. Емдеуді тоқтатқаннан кейін әдетте бұл әсерлер толық жоғалады, бірақ симптоматикалық емдеуді қажет етуі мүмкін (балаларда бензодиазепин және/немесе ересектерде паркинсонға қарсы антихолинергиялық дәрілік заттар). Метоклопрамидті әрбір енгізу арасында, тіпті құсқан және доза кері қайтқан жағдайдың өзінде, артық дозалануға жол бермеу үшін ең кемінде 6 сағаттық аралықты сақтау қажет. Метоклопрамидпен ұзақ емдеу әсіресе егде жастағы адамдарда зор қайтымсыз кешеуілдеген дискинезияға әкеп соғуы мүмкін. Емдеуді кешеуілдеген дискинезияның клиникалық белгілері пайда болған кезде тоқтатқан жөн.

Метоклопрамидті нейролептиктермен біріктіріп қолданғанда, сондай-ақ метоклопрамидпен монотерапияда қатерлі нейролептикалық синдромның дамығаны жөнінде мәлімделді. Қатерлі нейролептикалық синдром дамыған жағдайда метоклопрамидті қолдануды дереу тоқтату және тиісті емді бастау қажет.

Метоклопрамидпен емдеген кезде 30 жасқа дейінгі пациенттердің дистония-дискинезиялық бұзылулардың пайда болуына үлкен бейімділігі бар.

Паркинсонизмнің өте жиі туындатуымен байланысты препаратты егде жастағы пациенттерге сақтықпен тағайындау керек.

Бүйрек функциясы бұзылған пациенттер үшін дозаны бұзылулар дәрежесіне сәйкес түзету қажет.

Гериатрияда қолданылуы

Егде жастағы пациенттерге препаратты жоғары немесе орташа дозаларда ұзақ қолданғанда өте жиі жағымсыз әсері экстрапирамидалық бұзылыстар, әсіресе паркинсонизм және кешеуілдеген дискинезия болып табылатындығын ескеру қажет.

Метоклопрамидті артериялық гипертониясы бар пациенттерге сақтықпен тағайындаған жөн, өйткені қан плазмасында катехоламиндердің концентрациялары жоғарылауы мүмкін.

Метгемоглобинемия:

NADH-цитохром-b5-редуктаза тапшылығымен байланысты болуы мүмкін метгемоглобинемия жағдайлары жөнінде мәлімделді. Мұндай жағдайларда метоклопрамид қабылдауды дереу тоқтатқан және тиісті шараларды қабылдаған жөн (мысалы, метилен көгін қабылдау).

Жүрек-қантамыр жүйесі тарапынан бұзылулар:

Метоклопрамидті инъекциялық түрде қолданғаннан кейін, әсіресе вена ішіне енгізуден кейін байқалған, қантамырлар функциясының жедел жеткіліксіздігін, ауыр брадикардияны, жүректің тоқтап қалуын және QT аралығы ұзақтығының артуын қоса, жүрек-қантамыр жүйесі тарапынан ауыр жағымсыз реакциялар жөнінде мәлімделді.

Егде жастағы адамдарда, жүрек өткізгіштігі бұзылған (QT аралығының ұзаруын қоса) пациенттерде, электролиттік теңгерімі бұзылған, брадикардиясы бар пациенттерде, сондай-ақ QT аралығын потенциалды түрде ұзартатын препараттарды қабылдап жүрген пациенттерде метоклопрамидті қолданған кезде, әсіресе вена ішіне енгізген кезде тиісінше мұқият болған жөн.

Препаратты вена ішіне, жағымсыз реакциялардың (мысалы, артериялық гипертензия, акатизия) даму қаупін төмендету үшін, баяу болюстік инъекция жолымен (ең кемінде 3 мин бойы) енгізген жөн.

Бүйрек және бауыр функцияларының бұзылуы:

Бүйрек функциясы бұзылған немесе бауыр функциясы ауыр бұзылған пациенттерде дозаны төмендету ұсынылады.

Қауіп тобындағы пациенттерде, ал соның ішінде жүрек өткізгіштігі бұзылған, электролиттік теңгерімі бұзылған немесе брадикардиялары бар егде жастағы адамдарда, және QT аралығының ұзаруын арттыратын басқа да прпараттарды қабылдап жүрген адамдарда метоклопрамидті сақтықпен қолданған жөн. Препаратты гастропарез, диспепсия және гастроезофагеальді рефлюкс ауруы сияқты созылмалы ауруларда емдеу үшін немесе хирургиялық немесе радиологиялық емшаралар жүргізген кезде қосымша дәрі ретінде қолданбаған жөн.

Жүктілік, лактация кезеңі

Метоклопрамидті жүкті әйелдерге қолдану жөнінде алынған деректер фетоуыттылығының және шаранада кемістіктің дамуын тудыратын қабілетінің жоқтығын көрсетеді, бірақ эмбриоуыттық деректер препараттың толық қауіпсіздігін көрсетпейді, жаңа туған нәрестелерде экстрапирамидалық әсерлер жоққа шығарылмайды.

Препаратты жүктіліктің Ι триместрінде қолдануға болмайды. Препарат II және III триместрлерде тек өмірлік көрсетілімдері бар болған жағдайларда ғана қолданылуы мүмкін.

Емдеу кезеңінде препаратты қолдану қажет болған жағдайда емшек емізуді тоқтату қажет.

Автокөлікті және аса қауіпті механизмдерді басқару қабілетіне дәрілік заттардың ықпал ету ерекшеліктері

Препаратты қолданған кезде жоғары зейінділікті қажет ететін қауіптілігі зор қызмет түрлерін (автокөлікті басқаруды, басқа механизмдермен жұмыс жасауды) тоқтата тұрған жөн.

Артық дозалануы

Симптомдары: ұйқышылдық, сананың шатасуы, ашушаңдық, мазасыздық және оның күшеюі, құрысулар, экстрапирамидті-моторлы бұзылыстар, жүрек-қантамыр жүйесі функциясының брадикардиямен және артериялық қысымның жоғарылауымен немесе төмендеуімен бірге бұзылулары. Метгемоглобинемияның бірлі-жарым жағдайлары жөнінде мәлімделді.

Емі: экстрапирамидалық бұзылыстар бипериден антидотын баяу енгізумен жойылады. Метоклопрамидтің үлкен дозаларын қолданған жағдайда оны асқазан-ішек жолынан асқазанды шаю немесе белсендірілген көмір және натрий сульфатын қабылдау жолымен жою қажет. Организмнің өмірлік маңызды функцияларын улану симптомдары жойылғанша бақылайды.

Шығарылу түрі және қаптамасы

Шыны ампулаларда препарат 2 мл-ден.

Ампулаға өздігінен желімденетін жабыны бар заттаңба жапсырылған немесе шыны ыдыстарға арналған терең баспалы бояумен жазылған.

5 ампула оны ашуға арналған пышағымен бірге пішінді ұяшықты қаптамаға (кассетаға) салынған.

Сындыратын түрлі түсті сақинасы немесе сындыратын түрлі түсті нүктесі бар ампулаларды қаптағанда ампулаларды ашуға арналған пышақтар салынбайды.

Пішінді ұяшықты екі қаптама медициналық қолдану жөнінде мемлекеттік және орыс тілдеріндегі нұсқаулықпен бірге қорапшаға салынған.

10 ампула медициналық қолдану жөнінде мемлекеттік және орыс тілдеріндегі нұсқаулықпен және ампулаларды ашуға арналған пышағымен бірге гофрланған қосымша парағы бар қорапқа салынған.

Сындыратын түрлі түсті сақинасы немесе сындыратын түрлі түсті нүктесі бар ампулаларды қаптағанда ампулаларды ашуға арналған пышақтар салынбайды.

Сақтау шарттары

Түпнұсқалық қаптамада, 25°С-ден аспайтын температурада сақтау керек.

Мұздатып қатыруға болмайды.

Балалардың қолы жетпейтін жерде сақтау керек!

Сақтау мерзімі

4 жыл

Жарамдылық мерзімі өткеннен кейін пайдалануға болмайды.

Босатылу шарттары

Рецепт арқылы

Өндіруші

«Фармацевтикалық фирма «Дарница» ЖАҚ, Украина

02093, Киев қ., Борисполь к-сі, 13.

Тіркеу куәлігінің иесі

«Фармацевтикалық фирма «Дарница» ЖАҚ, Украина

Тұтынушылардан өнім сапасы жөніндегі шағымдарды Қазақстан Республикасы аумағында қабылдайтын ұйымның мекенжайы:

050043, Алматы қ., Науаи к-сі 68, пәт.49

телефон: (+ 727) 2424328

е-mail: vigilance@darnitsa.kiev.ua

Тіркеуден кейін дәрілік заттың қауіпсіздігін бақылауға жауапты ұйымның мекенжайы:

050043, Алматы қ., Науаи к-сі 68, пәт.49

телефон: (+ 727) 2424328

е-mail: vigilance@darnitsa.kiev.ua