Меколь
Инструкция
-
русский
-
қазақша
Саудалық атауы
Меколь
Халықаралық патенттелмеген атауы
Жоқ
Дәрілік түрі
Сыртқа қолдануға арналған 40 г жақпамай
Құрамы
1 сықпаның ішінде
белсенді заттар: хлорамфеникол (левомицетин) – 0,30 г,
метилурацил – 1,60 г
қосымша заттар: макрогол 1500, макрогол 400.
Сипаттамасы
Ақ немесе сарғыш реңді ақ түсті жақпамай.
Фармакотерапиялық тобы
Тері ауруларын емдеуге арналған басқа препараттармен біріктірілімде антибиотиктер.
АТХ коды D06С
Фармакологиялық қасиеттері
Фармакодинамикасы
Микробтарға қарсы, репаративті және қабынуға қарсы әсерімен жергілікті қолдануға арналған біріктірілген препарат. Препарат құрамына кіретін хлорамфеникол (левомицетин) механизмі микроорганизмдер ақуызы синтезінің бұзылуымен байланысты микробтарға қарсы әсер білдіреді.
Бактериостатикалық әсер етеді, грамоң және грамтеріс микроорганизмдерге (стафилококк, стрептококк, көкірің және ішек таяқшаларына қатысты) қатысты белсенді. Метилурацил жасушалық регенерация үдерісін жеделдетеді, жараның тыртықтануына ықпал етеді және қабынуға қарсы әсер білдіреді. Полиэтиленоксидті негізі жара экссудатын сіңіріп, дәрілік заттың белсенділігін күшейтеді. Препарат биологиялық жарғақшаларды зақымдамай тіндерге жеңіл өтеді, алайда препаратты теріге, жараларға және шырышты қабаттарға қолданғаннан кейін жүйелі сіңуінің дәрежесі белгісіз.
Фармакокинетикасы
Хлорамфеникол зақымданбаған тері және шырышты қабаттар арқылы нашар өтеді, зақымданған теріге, қуыстарға және жара өзекшелеріне енгізгенде сіңеді.
Қандағы ең жоғары концентрациясына 2-4 сағаттан кейін жетеді, жаққаннан кейін 4-5 сағат ішінде хлорамфеникол қанда анықталады. Препарат гематоэнцефалдық және плацентарлық бөгет арқылы өтеді, емшек сүтіне түседі. Бауырдың Р-450 цитохромы тежегіші болып табылады. Негізінен белсенсіз метаболиттер түрінде несеппен, ішінара өтпен және нәжіспен шығарылады.
Метилурацил зақымданбаған тіндер арқылы нашар өтеді, жақпамай жағылған терінің және шырышты қабаттардың беткейлік қабаттарында жинақталады. Іс жүзінде резорбтивті әсер білдірмейді.
Қолданылуы
-
іріңді жаралар (оның ішінде аралас микрофлораны жұқтырған) алғашқы (іріңді-некроздық) жарақат үдерісі фазасында;
Қолдану тәсілі және дозалары
Дәрілік зат ересектерге және 3 жастан асқан балаларға сыртқа қолдануға арналған.
Жақпамайды жараға салынатын стерильді дәке сүрткілерге сіңіру керек.
Жақпамайды катетер арқылы (дренажную трубку) еккіштің көмегімен іріңді қуыстарға енгізуге болады. Осындай жағдайларда жақпамайды алдын - ала 35-36 °С дейін жылытады. Таңғышты жарақат іріңді-некроздық массалардан толық тазарғанға дейін және олардың грануляциясына дейін күнделікті салады.
Жарақат беткейінің үлкен көлемінде жақпамайдың тәуліктік дозасы хлорамфениколға (левомицетин) шаққанда 3г аспауы керек.
Жақпамайды зақымданудың алғашқы тәулігінен бастап 4 күн ішінде қолдану керек. Мекольді ұзақ уақыт қолдану ұсынылмайды, өйткені зақымданбаған жасушаларда осмостық шок болуы мүмкін. Емнің 5-7 тәулігінде жақпамайды зақымданған тіннің бүтіндігін қалпына келтіретін препараттарға алмастыру керек.
Жағымсыз әсерлері
Жергілікті реакциялар: тітіркендіретін әсерлер, жанаспалы дерматит
Қан түзу жүйесі тарапынан: тромбоцитопения, лейкопения, агранулоцитоз, ретикулоцитопения, апластикалық анемия.
Ас қорыту жүйесі тарапынан: жүрек айнуы, құсу, диарея, метеоризм.
ОЖЖ және шеткергі жүйке жүйесі тарапынан: шеткергі неврит, бас ауыруы.
Аллергиялық реакциялар: тері бөртпесі, есекжем, қышыну, күйдіріп-ашыту, ангионевроздық ісіну.
Қолдануға болмайтын жағдайлар
-
жақпамай компоненттеріне жоғары сезімталдық
-
псориаз, экзема, тері микозы
-
терінің қатерлі жаңа түзілімдері және терінің метастаздық трофикалық зақымдануы
-
3 жасқа дейінгі балаларда
Дәрілермен өзара әрекеттесуі
Қан түзілуін бәсеңдететін препараттармен (сульфаниламидами, цитостатиками, производными пиразолина) бір мезгілде қолданбаған жөн.
Препарат барбитураттармен, алкогольмен сыйымсыз.
Айрықша нұсқаулар
Сыртқа қолдануға арналған бактерияға қарсы дәрілерді қолдану осы препаратты ары қарай сыртқа немесе жүйелі әсер ететін дәрілік түрі түрінде қолданғанда жоғары сезімталдық реакциясының дамуымен қатар жүретін тері сенсибилизациясына әкелуі мүмкін.
Ірің немесе некроздық масса болғанда, препараттың бактерияға қарсы әсері сақталады.
Жақпамайды көздің шырышты қабатына тигізбеу керек.
Препаратты ұзақ уақыт қолданғанда (1 айдан аса) қанның шеткергі көрінісі жағдайын бақылау керек.
Жүктілік және емшекпен қоректендіру кезеңінде қолданылуы
Жүктілік және емшекпен қоректендіру кезеңінде қолдануға болмайды.
Көлік құралдарын және механизмдерді басқару қабілетіне әсер етуі
Әсер етпейді.
Артық дозалануы
Ұзақ уақыт (5-7 тәуліктен ұзақ) сыртқа қолдану осы препаратты ары қарай сыртқа немесе жүйелі әсер ететін дәрілік түрі түрінде қолданғанда жоғары сезімталдық реакциясының дамуымен қатар жүретін терінің жанаспалы сенсибилизациясына әкелуі мүмкін.
Симптоматикалық ем.
Шығарылу түрі және қаптамасы
Алюминий сықпада 40 г-ден. Әр сықпа қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.
Сақтау шарттары
20°С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл 6 ай
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
“Борисов медициналық препараттар зауыты” ашық акционерлік қоғамы, Беларусь Республикасы, Минск облысы, Борисов қ., Чапаев к-сі, 64, тел/факс 734043.
Тұтынушылардан өнімнің (тауардың) сапасы жөнінде шағымды Қазақстан Республикасы аумағында қабылдайтын ұйымның мекенжайы
“Борисов медициналық препараттар зауыты” ашық акционерлік қоғамы
Беларусь Республикасы, Минск облысы, Борисов қаласы, Чапаев к-сі, 64,
тел/факс 8-(10375177)734043,
электрондық поштасы market@borimed.com
Қазақстан Республикасы аумағындағы дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және хабарласу деректері (телефон, факс, электрондық поштасы)
Қазақстан Республикасы, 050004, Алматы қ-сы, Абылай хан даңғылы, 30, «МедФармИнтерСервис» ЖШС, тел. 87013066011, 87714140258.